فيلاجيو يفتح أبوابه للجمهور اليوم

[NeverLand]

ماصدق اخيييييييييراً :cry2:

الخبر من جريدة الراية .. عدد اليوم الخميس!

----------------

فيلاجيو يفتح أبوابه للجمهور اليوم

http://www.raya.com/File/GetImageCustom/15363f1d-e3d4-4b90-aee1-af0aa2dcb813/316/235

الدوحة -الراية : علمت الراية أن الدفاع المدني وافق على افتتاح مركز فيلاجيو التجاري اليوم أمام الجمهور بعد حوالي 4 أشهر من إغلاقه إثر حادث الحريق. وأكدت مصادر لـ الراية استكمال كافة إجراءات الأمن والسلامة، وتحديث أجهزة الإنذار ضدّ الحرائق وتوافر اشتراطات التعامل مع حالات الطوارئ.

ويعد افتتاح مركز فيلاجيو خبرا ينتظره الكثيرون الذين يعتبرون المركز التجاري الشهير وجهتهم الرئيسية لقضاء عطلة نهاية الأسبوع، نظرا لما يتميز به من ملاهٍ ومطاعم ومحلات عديدة للتسوق، كما أنه وجهة سياحية لزائري البلاد.

وكان المجمع تعرض لحريق كبير قام الدفاع المدني على أثره بإغلاق المجمع لحين اكتمال شروط الأمن والسلامة.

http://www.raya.com/news/pages/7f1fe32b-5801-4025-a7b0-f55b352904bf

----------------

مبروووك علينا :victory:

والله يحفظ الكل ان شاء الله وماينعاد اللي صار :(

[بوغانم995]

الحمدلله .......الحمدلله ....كذب المنجمون ولو صدفوا .......والله انه متنفس للكبار والصغر .....وسيخفف الضغط على الاند مارك ......وبسسسس ..تسلم على هذا الخبر .....والصباحك عسل .

[احبك يابلد]

مرحبا فيلاجو بعد طول انتظار

[بوحمد111]

اتمنى ان يتم افتتاحه في اسرع وقت ممكن والله يحفظ قطر واهلها من شر الحوادث والكوارث

[العلم]

ياليت مثل مايوفرون طرق الأمن والسلامة الجسدية ،،،،، يوفرون طرق الأمن والسلامة الروحية والدينية .



ياليت نشوف هيئة رقابية تمنع المعاكسات والأشياء القبيحة .


صارت فكرة المجمعات إنها للأمور الضايعة !!!!!!!


أنا اروح للمجمعات وخاصة فيلاجيو لأنه أقرب لي بعدين ألاقي واحد أعرفه والا اكثر من واحد لما يشوفوني تظهر عليهم مليون علامة تعجب ويبدون يقولون ( اووو فلان شجايبك هني ومادري شنو ) .

انا احس في شيء غلط ، المفروض انا اقولهم شنو الي جابكم انتو ا ،،،، حاطين المجمع مارثون من البداية للنهاية .




والله مشكلة @

[خوي الدرب]

اللهم تمم على خير وأحفظ البلد ومن فيها

[NeverLand]

الحمدلله .......الحمدلله ....كذب المنجمون ولو صدفوا .......والله انه متنفس للكبار والصغر .....وسيخفف الضغط على الاند مارك ......وبسسسس ..تسلم على هذا الخبر .....والصباحك عسل .

صباحك ورد يالغالي http://www.qatarfootball.com/images/smilies/qfsmilies/51.gif

والله انا حدي مستانــس على الخبر

لاني مدمن شي اسمه سينما .. وفيلاجيو عندهم افخم شاشة عرض بالدوحه وهي الايماكس

اخيراً راح نشوف الافلام عليها

ونفتك من زحمة الستي اهم شي :victory:

[halcrow]

ممتاز ..... اعتقد ان اليوم مايكون جاهزيه كامله .... لان اذا اشعار الدفاع المدني بالموافقه كان امس .... من الصعب ان يمدي اصحاب المحلات والمطاعم بالتموين والتجهيز ..... *

[بونووف]

الله يعينه على الزحمه :(

[تركي الشهراني]

يامرحبا والله يافيلاجيو

[الامبراطوره]

ان شالله يكون الخبر صحيح من اخبر وحنا نسمع كله بيفتحونه ولانشوف شي

[Dana’1]

الحمدالله...اانتظر لي وقت نبغى محل فية

جزاك الله خير عالخبر...وبشرك الله بالجنه

[عزووز قطر]

وين الاعضاء اللي قالوا بيهدمون المجمع :omen2:

[MoHaMmEd114]

خبر غير مفرح اذا ماكان معاه وضع ضوابط شرعية في المجمعات لحماية الأسر من المعاكسات

مبروك عليكم يامغازلجية

طبعا ردي على الي يروحون فقط للمعاكسة والجز

[المسك1969]

من صجكم هاي كله فرح حق المجمع؟؟؟:omg:

ليش أنا مب هامني لاهو ولا غيره؟ فتح تسكر جنه العيد:rolleyes2:

[راشد محمد]

جزاك الله خير عالخبر...

[بـارود]

البعض فرحان وكأن المسجد الأقصى بينفتح :secret:

[الأصيلة]

خبر غير مفرح اذا ماكان معاه وضع ضوابط شرعية في المجمعات لحماية الأسر من المعاكسات

مبروك عليكم يامغازلجية
طبعا ردي على الي يروحون فقط للمعاكسة والجز

هذا في كل مكان مب بس في فيلاجيو
لكن الله يجزيهم خير صراحة تعطلت مشتريات عيد رمضان ..
فيلاجيو كان يحل مشكلة كبيرة لـ تعدد البضائع النسائية بالذات...

[الأصيلة]

البعض فرحان وكأن المسجد الأقصى بينفتح :secret:
إن شاء الله بتكون الفرحة أكبر وأكبر للبيت المقدس..!!!
ليش يا إخوان مستخسرين شوية فرحة على الناس..

[الجوكر90]

اوف يلا خل الهيلق الي كنا نشوفهم فسينما الستي الي يدخلون ويصارخون يروحون فيلاجيو
حشى اول مره يدخلون سينما اذبحونا

[NeverLand]

شدخل الاقصى الحين؟!

لازم يعني كل شي مايعنيلكم ولايهمكم تسخفون منه وتحقرونه؟؟!

الحمدلله والشكر .. خلوا الناس تعبر عن فرحتها ..

صج عالم غريبه :no2:

مايرتاحون الا اذا قطو كم كلمه ونكدو على غيرهم

[حسن]

انا الصراحه تخيلت برنامج الاطفال افتح ياسمسم ومقدمته وهم يغنون قلت يمكن الناس اليوم بتسوي مثلهم
وبعدين راجاء مانبي اصابات وتدافع وبكره نقراء في الجرايد عشر حالات وفاه وخمسن مصاب بسبب تدافع افتتاح فيلاجوا

لاتقولون ماقلت لكم

[qatari911]

انا وصلني مسج امس يقول
Dear valued customer weare pleased to inform that our medical spa bransh at villagio mall will reopening effective tomorrow 20 september2012 in that regard we are inviting u and ur friends to come andvisit our site and be the first one to enjoy our servicas at ur convenient time
طبعا انا قلت حق رفيجي بيفتحون الفيلاجو قال لا يمكن محل في جنب الفيلاجو
بس طلع كلامي صح
واليوم نزلو اعلان في الجريده ان فيلاجو بيفتح اليوم

يعطيك العافيه اخوي

[حميداني]

اخيراً بنفتك من يلقط مكان القلاصات اول وفكه من تعافر الكتوف على التكايه ، يا زينها بلكونة سينما فيلاجيو والله

[مشتاقة لقطر]

ولكم فيلاجيووووووو

[نوار قطر]

يامرحبا والله يافيلاجيو
اخيرااا بنفتك من الملافح من مكان لي مكان

[حسن]

اللي عنده بلاك بيري وغيره دزوبرودكاست للدول المجاوره والصديقه بمناسبه عوده فيلاجو مع العام الدراس الجديد

[بـارود]

يا جماعة أنا قلت البعض
لا تاكلوني بقشوري :rolleyes2:
أحسنوا الظن بأخوكم

[qatari911]

انا الصراحه تخيلت برنامج الاطفال افتح ياسمسم ومقدمته وهم يغنون قلت يمكن الناس اليوم بتسوي مثلهم
وبعدين راجاء مانبي اصابات وتدافع وبكره نقراء في الجرايد عشر حالات وفاه وخمسن مصاب بسبب تدافع افتتاح فيلاجوا

لاتقولون ماقلت لكم

هههههههه

:victory:

http://www.you tube.com/watch?v=8sksqKLA2EI

[بوعلي2]

اخيرااااا

مبرووووك علينا جميعا


وان شاء الله مانشوف منه الا كل الزين وربي يبعد عنا الحرايق والمصايب والكوارث وموت الفجأه

امين

وشوي شوي داخل المجمع لحد يركض ويزلق ههههه --> ؟؟

[غايه الطواش]

الحين يوم قفظت اغراضي ...
بس خبر سار وسعيد كان مغنينا عن المشاوير وفيه كل شي .

[الأصيلة]

اللي عنده بلاك بيري وغيره دزوا برودكاست للدول المجاوره والصديقه بمناسبه عوده فيلاجو مع العام الدراس الجديد

تراهم اعرفوا قبلنا...
الله يديم الأمن والأمان على قطر ..

[الأصيلة]

اخيرااااا

مبرووووك علينا جميعا


وان شاء الله مانشوف منه الا كل الزين وربي يبعد عنا الحرايق والمصايب والكوارث وموت الفجأه

امين

وشوي شوي داخل المجمع لحد يركض ويزلق ههههه --> ؟؟

يبغي الحين على الصبح مدخن وفيه شبه وسويدا ولبان
ويدور فيه على كبر السوق من شرقه لغربه..
ليطرد الحسد منه...

[وسمي2016]

مبروكين,,,,وافتتاحه ان شاء الله خير

والله يديم الأمن والأمان على قطر وشعبها

وكل من يقيم عليها,,,,,,,,,,,

[توشيبا]

ممتاز

[توشيبا]

يبغي الحين على الصبح مدخن وفيه شبه وسويدا ولبان
ويدور فيه على كبر السوق من شرقه لغربه..
ليطرد الحسد منه...


:eek5:

[ريتويت]

الله يرحمهم الي استشهدو فالحريق

[توشيبا]

الله يرحمهم الي استشهدو فالحريق

والله يرحم كرشه اللي يشوف الصوره في التوقيع :rolleyes2:

[زمن الغربة]

إن شاء الله بتكون الفرحة أكبر وأكبر للبيت المقدس..!!!
ليش يا إخوان مستخسرين شوية فرحة على الناس..


سبحان الله!!

هل بعض المسلمين قرأ احاديث ذم الأسواق!!نعم أنا مع من استنكر!!ونفرح ونبارك عشان بس افتحوا سوق ولا مجمع!!

فعن أبي هريرة – رضي الله عنه – قال : قال رسول الله صلى الله عليه وسلم : "أحبُّ البلاد إلى الله مساجدها، وأبغضُ البلاد إلى الله أسواقُها" [صحيح مسلم (1/388 رقم : 671)].

زين اللي بيقولي ليش تكدرون على الناس فرحتهم اقوله اقرا الحديث التالي:

فعن أم سلمة – رضي الله عنها – أن النبي صلى الله عليه وسلم قال : "لا تكوننَّ إن استطعت أوَّل من يدخل السُّوق، ولا آخر من يخرج منها، فإنَّها معركة الشيطان، وبها نَصَبَ رايته" ["صحيح مسلم" (4/1515 رقم : 2451)] .

كل هاذي الاحاديث المشهورة في ذم الاسواق وتستنكرون على البعض انه استنكر فرحتكم!!

لاوالبعض قام يباركون على بعض!!:omg:

(((تفرح بمكان انفتح وتبارك به والله يبغضه)))

[زمن الغربة]

اي تذكرت بعد....

تبون تجارة رابحة في أبغض البقاع إلى الله..عشان تحصل على مليون حسنة + إلغاء مليون سيئة، فقل كما كان رسول الله صلى الله عليه وسلم يقول: ((من دخل سوقا من الأسواق فقال: لا إله إلا الله وحده لا شريك له له الملك وله الحمد وهو على كل شيء قدير كتب الله له ألف ألف حسنة ومحا عنه ألف ألف سيئة)) :nice:

[الزعفراني]

خبر ممتاز على الاقل تخف زحمة السير في الشوارع القريبة من اللاندمارك

[وطن]

On time

احتاج هدية وكنت متوهقه ما اعرف وين اروح

[غايه الطواش]

On time

احتاج هدية وكنت متوهقه ما اعرف وين اروح

بسرعه اخذيها اليوم لاني قريب مسافره :shy:

[وطن]

بسرعه اخذيها اليوم لاني قريب مسافره :shy:

مالج أمل اليوم
الجدول مضغوط لين الليل

:secret:

[qatarman8008]

اهم كلهم اربع مولات في قطر .. سكروا واحد بقى ثلاثة ..!!
والحين يبرجعون يفتحونه .. يعني .. بيصير ... عندنا .. اربع ... مولات ..!!

[بوعلي2]

يبغي الحين على الصبح مدخن وفيه شبه وسويدا ولبان
ويدور فيه على كبر السوق من شرقه لغربه..
ليطرد الحسد منه...

اي والله صدقتي ههههههه

ان شاء الله يوم السبت باروح له مع اهلي والله يجعلها فاتحة خير :shy:

[ريتويت]

اخييييييييييييييييه ردينا على الزحمة وقلة الأدب .. ترى والله مو مشي هالمول الا السينما وكارفور ..

[die 4 qtr]

اخيرررررررا بيفتحونه ((عرفنا قيمتك يافلاجيو))

أنا صار لي مدة أتسوق من النت لأني مااحب اروح لاندمارك

[Alshoog84]

الحمد الله فتح واخيرا

مبروك علينا

[قطري مفلس]

واخييييييييييييييييييييييييييييييييييييييييييييييي يييييييييييييييييييييييراا

شكرا جزيلا يا ((لاندمارك + ستي سنتر)) استحملت الزحمة اللي كرهتنا فيك وكرهتنا في الطلعة كل يوم

وفيلاجيو بعد الحريق عررررفتنا على ( لاغوووونا)

المهم ان تكون جميع المجمعات جاهزة لعيد الاضحى (( اجازة السعودية 16 يوم )) واهلا وسهلا بأخوانا من جميع دول الخليج والعرب

^_^

[روح الاطلس]

الساعه كم عاد؟

[حميداني]

الحين مفتوح

[Abdulraman]

:nice:السنة الجاية
في مثل هذا اليوم تم اعادة افتتاح فلاجيو بعد 4 شهور من اغلاقة

[NeverLand]

الحين مفتوح

خلاص يعني افتحوه صج؟؟؟

ممكن احد يقول لنا الاماكن المفتوحه من المجمع والاماكن اللي للحين مسكره للصيانه!!

[NeverLand]

:nice:السنة الجاية
في مثل هذا اليوم تم اعادة افتتاح فلاجيو بعد 4 شهور من اغلاقة

فالك ماقبلناه :court:

[نغم 90]

خبر حلو في يوم حلو


:) :)

[توشيبا]

فالك ماقبلناه :court:



تخيل السينماء مسكره :secret: :nice:

[الـمـحـنـك]

نصيحه لاحد يروح كل شي مسكر عطوه اسبوع وعقب روحو

[بعيد النظر]

احلى خبر والله ..
عشان تفضى سينمة المول والرويال بلازا :nice:

[ام محمد2012]

على ما سمعت ان كارفور فاتح والسينما وباقي المحلات والمطاعم تستعد ترتب اغراضها وبعضها مافيها شي والقهاوي مسكرة ترتب طاولاتها بس هالكلام الصبح مادري اذا في شي فتح الحين

[MAZEN37]

الساعه كم عاد؟
اليوم الساعه 3العصر وبعد اسبوع بيفتح كامل

[الحاقول]

كنت في فيلاجيو الساعه 11 وكان مفتوح

وبالصراحه في فيلاجيو تشم رائحة الموت فيه وتشاهد ارواح الاطفال تحوم من حولك

[حمود قطر]

توني من شوي جاي من فيلاجيو ...

الوضع طبيعي .. طبعاً بعض المطاعم كانت شبه مفتوحه وبعضها تستعد للإفتتاح العصر أو المساء

بعض المحلات ينقلون الأغراض والبضايع .. القسم اللي صاده الحريق مسكرينه ..

السينما راح يفتحونه العصر الساعه 3

ومبرووووووووووكين يا أهل قطر الافتتاح

[عزووز قطر]

كنت في فيلاجيو الساعه 11 وكان مفتوح

وبالصراحه في فيلاجيو تشم رائحة الموت فيه وتشاهد ارواح الاطفال تحوم من حولك

الله يرحمهم وهذا يومهم
وخط الشمال كل يوم نمر عليه وهو حصد الكثير من اخواننا ،،،

مالنا الا ندعي لهم بالرحمة والمغفرة ،،،

[Locale]

:anger1:

ألحيين افتحوه

[شميرام]

في محلات لين الحين معفوسه وفيها رماد

[NeverLand]

كنت في فيلاجيو الساعه 11 وكان مفتوح

وبالصراحه في فيلاجيو تشم رائحة الموت فيه وتشاهد ارواح الاطفال تحوم من حولك

بسم الله كلامك يخرع :(

تنفع تكتب افلام رعب :nice:

والله انا وايد احترم ارواح الاطفال اللي ماتوا ومتأثر عشانهم :(

بس لو كل واحد مات بمكان معين وصرنا نخاف من هالمكان ونشم ريحة الموت فيه فلازم نروح نسكن بالفضاء

ياما ناس عشنا معاهم بنفس البيت وماتوا ..

كل لحظه بالكره الارضيه يموت فيها احد

الحياه تستمر وماتتوقف

[dream~qa]

اتمنى منع تشيغل الموسيقى الصاخبة في المحلات واستبدالها بالقرآن الكريم .

وياليت هالشي يكون في جميع المولات على الأقل وقف الموسيقى في المحلات .

[chillis]

ماعاد لي نفس له من الاساس ماروح له الا مناسبات يعني للضروره القصوى ماحس بالامان فيه للحين

[شبل الجزيره]

زيييين مابغو يبطلونه

[حسن]

ماعاد لي نفس له من الاساس ماروح له الا مناسبات يعني للضروره القصوى ماحس بالامان فيه للحين

زين تسوين حاسبي على عمرك

[بوعلي2]

الله يرحمهم وهذا يومهم
وخط الشمال كل يوم نمر عليه وهو حصد الكثير من اخواننا ،،،

مالنا الا ندعي لهم بالرحمة والمغفرة ،،،

صح لسانك عجبني ردك

[بو سلطان]

اوف يلا خل الهيلق الي كنا نشوفهم فسينما الستي الي يدخلون ويصارخون يروحون فيلاجيو
حشى اول مره يدخلون سينما اذبحونا



ممكن توضح ايش قصدك بالهيلق ؟؟؟

[دااانة قطر]

بزوره الخميس بإذن الله

[qatari911]

بزوره الخميس بإذن الله

الله يعينج
لان الخميس والجمعه كان زحمه مع ان مافيه محلات افتحت كثيره
انا مادخلتها بس من كلام هالشباب الي راحو
ولما جيت من صوب اشارات الفيلاجو كانت المواقف زحمه زحمه
بس من صوب الحريق والبوابه الي هناك كان فاضي ومظلام

[دااانة قطر]

الله يعينج
لان الخميس والجمعه كان زحمه مع ان مافيه محلات افتحت كثيره
انا مادخلتها بس من كلام هالشباب الي راحو
ولما جيت من صوب اشارات الفيلاجو كانت المواقف زحمه زحمه
بس من صوب الحريق والبوابه الي هناك كان فاضي ومظلام



بروح أتغدا بعد الدوام وبطلع
ما عندي شئ ثاني ولاني من النوع اللي يحب التمشي وتضيع الوقت في المجمعات

أن شااء الله يكون مثل قبل هالحزه

[king fish]

رحته ماشاء الله كله كبيان كبياننننننننننننن

[بوخالد911]

نعم تم الافتتاح

ولكن ليش معظم المطاعم صاكة؟!؟!؟

[غموضي محيرهم]

اشتقت له : (

[الجسراوي]

في خمس مولات كبيره في الطريق وقريبا بيفتحون 2 منهم

وتستاهلون اهل قطر التقدم والرقي

[قطري !]

في خمس مولات كبيره في الطريق وقريبا بيفتحون 2 منهم

وتستاهلون اهل قطر التقدم والرقي




التقدم والرقي ليس بكثر المولات

[دااانة قطر]

رحت فيلااجيو يو الجمعه
وماشفت في شي تغير
لكن نفسيا ماكنت مرتااحه
والزحمه طبيعيه

[بصمة قطرية]

رحت فيلاجيو يوم الخميس
زحمة غير طبيعية
طول ما أنا هناك قلبي مقبوض
كلش ما كنت مرتاحة
المطاعم اللي فاتحة يادوب 4 مب أكثر
ماكدونالدز و كنتاكي وبيتزا و باول ..
و المكان اللي صار فيه الحريق
مسكر كامل
يعني اللي يبي يروح صوب المطاعم
لازم يروح من ورا صوب الماركات
محلات كثيرة للحين ما فتحت ..

[اوف ليميت]

متى افتحوه
عيل اذا افتحوه ليش الزحمه صايره من جسر الشمال لدوار الجوازات..لا وبعد للسفاره الامريكيه

يعني العيب فالتصميم مش فالناس

:]