الى مدير المرور:الشاحنات تضرب بعرض الحائط قوانين المرور

[al_maystro]

اليوم اكثر من 7 شاحنات شفتهم بالطريق الساعه 7 صباحا
يتحركون مع باصات المدرسه والموظفين مع العلم ان تحركهم يبدا من بعد الساعه الثامنه
هل تم الغاء القرار ام هو التسيب والاهمال كالعاده في تطبيق قرارات المرور
واتمنى يفيدنا مدير المرور الموقر

[بـارود]

بيقولون لك كل شاحنات الدوحة عندهم تصاريح :omg: !

[الزعفراني]

اكيد عندهم تصاريح .. لان اللي عندهم تصاريح مستثنين

لأن حد علمي السايق ما يقدر يغامر ويتخالف لان الكفيل بيطلع المخالفه من ظهره وبيعرف انها بتنخصم من راتبه

[اوف ليميت]

اعتقد شاحنات وقود مصرح لها التنقل في أي وقت

ولكن كلامك صحيح
انا كل اسبوع اروح الشمال وارجع مالايقل عن 4 مرات

على طول الطريق..ان كان صباحا او مساءا..اشوف مخالفات كثيره على سيارات النقل الثقيل والشاحنات والباصات
منها عدم النظافه..تلويث البيئه..اطارات السيارات في نصف الشارع او على جانبي الطريق..وانتو عارفين هالاطارات الثقيله ملمسها مثل الإبره او الشوك..يوم انزل اسحبهم لبعيد لازم تنجرح يدي
وايضا تسريب ماء او رمل وحصى من التريلات
وألواح خشب ومرات اكياس مطاط او جاكيت او هيلميت مكسوره وقفازات

وصورت فيديو اكثر من مره وكلمت المرور...والله العظيم ولا استجابه

والأكبر من ذلك..تشوف شاحنه واقفه على جانب الطريق يصلح البنشر..وقبله بمسافه مالاتزيد عن 50 متر فقط بداية العطل وتشوف بقايا التاير مقطع فالشارع..
الهندي واللي معاه مايروحون يطلعونه من الشارع ويبعدونه عن طريق الناس
والدوريات تمر عالخط تشوفه وتشوف الشاحنه عقب وان هالتاير تقطع من عندهم ولايكلمون حد..ويكملون طريقهم
ياخي حتى لو مستعجل..خذ رقم السياره وعقب ماتخلص شغلك وعلى رجعتك شوف المكان .. حد شال التاير..ف خلاص..اذا لا..ف روح شوف منو راعي الباص او التريلا وكلم المالك ان هالشي صار..وخالفوهم

اتمنى ان يكون في مكتب خاص لهالحالات مع (الداخليه نفسها) والداخليه هي تأمر اي قسم شرطه قريب من المكان بالتوجه..يكون افضل

لو صج بيتابعون هالامور صدقني مايحتاج يخالفون الشباب على المواقف وجذي..بيدخلون ذهب من هالشركات بسبب مخالفاتها

وصارلي حادث من فتره..باص نقل جماعي ممنوع يتعدى الخط..حاب يتجاوز باص ثاني قدامه (وهالشي غلط يسويه) ودعمني .. لكن كنت اتمنى لو يشددون على هالحالات ويكون في غرامه ماليه كبيره على صاحب الشركه او تسفير السائق..عشان يبدأ يهتم المالك بأرواح الناس وبالنقل عنده اكثر من وصول العمال او شحنات المواد بأسرع وقت ممكن او المحدد لها على حساب الناس

:]

[دااانة قطر]

بصرااحه صااروا مايحسبون لاي سيااره جنبهم
والله اني ماطلع معااهم في الدواار
ولا عااد قريب الدواار الماايل احس الشاارع غلط ووجودهم فيه غلط

[al_maystro]

اكيد عندهم تصاريح .. لان اللي عندهم تصاريح مستثنين

لأن حد علمي السايق ما يقدر يغامر ويتخالف لان الكفيل بيطلع المخالفه من ظهره وبيعرف انها بتنخصم من راتبه

الامر كله ساعتين الصبح وما يحتاج تصاريح واستثناء وعلى اداره المرور ان تطبق
القانون على الجميع

[al_maystro]

اعتقد شاحنات وقود مصرح لها التنقل في أي وقت

ولكن كلامك صحيح
انا كل اسبوع اروح الشمال وارجع مالايقل عن 4 مرات

على طول الطريق..ان كان صباحا او مساءا..اشوف مخالفات كثيره على سيارات النقل الثقيل والشاحنات والباصات
منها عدم النظافه..تلويث البيئه..اطارات السيارات في نصف الشارع او على جانبي الطريق..وانتو عارفين هالاطارات الثقيله ملمسها مثل الإبره او الشوك..يوم انزل اسحبهم لبعيد لازم تنجرح يدي
وايضا تسريب ماء او رمل وحصى من التريلات
وألواح خشب ومرات اكياس مطاط او جاكيت او هيلميت مكسوره وقفازات

وصورت فيديو اكثر من مره وكلمت المرور...والله العظيم ولا استجابه

والأكبر من ذلك..تشوف شاحنه واقفه على جانب الطريق يصلح البنشر..وقبله بمسافه مالاتزيد عن 50 متر فقط بداية العطل وتشوف بقايا التاير مقطع فالشارع..
الهندي واللي معاه مايروحون يطلعونه من الشارع ويبعدونه عن طريق الناس
والدوريات تمر عالخط تشوفه وتشوف الشاحنه عقب وان هالتاير تقطع من عندهم ولايكلمون حد..ويكملون طريقهم
ياخي حتى لو مستعجل..خذ رقم السياره وعقب ماتخلص شغلك وعلى رجعتك شوف المكان .. حد شال التاير..ف خلاص..اذا لا..ف روح شوف منو راعي الباص او التريلا وكلم المالك ان هالشي صار..وخالفوهم

اتمنى ان يكون في مكتب خاص لهالحالات مع (الداخليه نفسها) والداخليه هي تأمر اي قسم شرطه قريب من المكان بالتوجه..يكون افضل

لو صج بيتابعون هالامور صدقني مايحتاج يخالفون الشباب على المواقف وجذي..بيدخلون ذهب من هالشركات بسبب مخالفاتها

وصارلي حادث من فتره..باص نقل جماعي ممنوع يتعدى الخط..حاب يتجاوز باص ثاني قدامه (وهالشي غلط يسويه) ودعمني .. لكن كنت اتمنى لو يشددون على هالحالات ويكون في غرامه ماليه كبيره على صاحب الشركه او تسفير السائق..عشان يبدأ يهتم المالك بأرواح الناس وبالنقل عنده اكثر من وصول العمال او شحنات المواد بأسرع وقت ممكن او المحدد لها على حساب الناس

:]

ما قصدت شاحنات وقود قصدت شاحنات التنكر والنشالات ولو تلاحظ بعد زياده الشاحنات
المتوسطه اللي تنقل طابوق وبضائع وغيرة التفاف على قرار المرور

[سارونه]

وجود الشاحنات في شوارع قطر اكثر من السيارات العادية

الحين اشوف الشاحنة تسرع اكثر من 100 وتتحدى السيارات كانها ( طيارة ) من كثر سرعتها

وخصوصاً في طريق الوكره (اعوذ بالله) كنت ابغي الف يمين وعطيت اشاره ومش راضي كان مسرع جدا :(

محد يسمعنى لين تصير الحوادث ويموت احد بعدين يحطون العين عليهم (لا حياة لمن تنادي) :(

[كازانوفا]

على حسب ما سمعت تن اغلبية اصحاب الشاحنات شغاليين في المرور هذا والعلم عند الله

[ام محمد2012]

صج والله خاصة في الخريطيات وازغوى شي يخرع الله يحفطنا يارب

[فارس قطر]

تجاوزات باص كروة المشي في الاتجاة المعاكس

http://raya.com/mritems/images/2008/12/3/2_399954_1_228.jpg

بدون تعليق شوفو الزحمة

http://www.raya.com/mritems/images/2006/7/1/2_159001_1_209.jpg


http://www.raya.com/mritems/images/2006/7/1/2_159002_1_209.jpg

[DR.Hamad]

محد يسمعنى لين تصير الحوادث ويموت احد بعدين يحطون العين عليهم (لا حياة لمن تنادي) :(


مو اي واحد يموت عشان يحطون العين عليهم



وفي حالات كثيره ناس تموت ولا سعو في الموضوع بس اذا الي مات شخص اسمه كبير ثاني يوم يعدلون الشارع ويحطون رادارات ومطبات واناره .... الله يعين بس على المرور واشغال

[رجل الجزيرة]

صباح اليوم في شارع الوعب من إشارة إلى إشارة الثانية فعلا فعلا زحمة.

[sahrleel]

يا اخي انا اشوف الشاحنات تسير في الشارع اي وقت

ما في وقت معين لهم وماخذين راحتهم ولا احد يكلمهم!!

[مونتانا]

اعتقد ان احد اسباب المشكلة هو الاستثناء الذي يعطى لبعض الشركات .
السبب الثاني اعتقد ان المرور في الصباح يكون مشغول بدرجة كبيرة يصعب عليهم متابعة المخالفيين.

[die 4 qtr]

ممكن لان اصحاب الشاحنات من الهوامير😉

[alsoq]

المشكله بعد الحين السواقين السورين متهورين واذا تبي تفاهم معاه ينزل لك بيهاوش ومشاكلهم مشاكل الصراحة

[كاتم الاسرار]

على حسب ما سمعت تن اغلبية اصحاب الشاحنات شغاليين في المرور هذا والعلم عند الله

صج الكلام في محله والمشكله المرور اقسم بالله مش فاضي حق الشاحنات لانها حق مسؤولين إكبار المرور بس والله حق الشباب والمخالفات الوقوف وحق المساكين خلهم يرروووحون جسر الصناعيه وانت جاي من ابو سمره في لافته ممنوع دخول الشاحنات ولا يفتكررروووووون انا يوميا على الشارع والجسر اقسم بالله مافي فايده واتصلت لهم كم مره مشغولين حق الشباب والمجمعات غيره وحتى في كل مكان ويعرفوون أوقات المرور اذكياء

[خالد32]

العتب على المرور و عدم مخالفتهم للشاحنات
انا اتصلت فيهم اكثر من مره و كان ردهم روح المركز و بلغ في كل مره لين رحت و عطيتهم ١٧ رقم لشاحنات مع التاريخ. شافوني بنظرة اسغراب و وبعد ما كلموا الضابط فتحوا محضر و لا ردوا على من يومها. السالفه صار لها اكثر من ٧ شهور.
الله المستعان

[العلم]

أنا اليوم الصباح امشي على خط ابوسمرة والضباب مايخليك تشوف 5 متر قدام والشارع معروف بكثرة الشاحنات ويمشون ولا يقفون ...


وحرقتهم بالهرنات ... لين يوقفون .....


واتصلت في 999 وبلغتهم ..... مع انهم حاطين يمكن دوريتين على شارع دولي وش كبره ...



ابي اعرف دوريتين فزعة شنو بتسوي على شارع طوله 90 كيلو متر *

[ابداع قلم]

أنا اليوم الصباح امشي على خط ابوسمرة والضباب مايخليك تشوف 5 متر قدام والشارع معروف بكثرة الشاحنات ويمشون ولا يقفون ...


وحرقتهم بالهرنات ... لين يوقفون .....


واتصلت في 999 وبلغتهم ..... مع انهم حاطين يمكن دوريتين على شارع دولي وش كبره ...



ابي اعرف دوريتين فزعة شنو بتسوي على شارع طوله 90 كيلو متر *

في دوريتين مرور شغالين على الشاحنات المخالفة لقانون دخول الشاحنات للمدينة
على خط ابو سمرة بين جسر الصناعية وجسر السيلية
عساهم عالقوة

[العلم]

أنا أدري ...



بس أقصد الشارع العام ماعليه دوريات كثيرة لأن سائقي الشاحنات يخالفون الأنظمة ويمشون في الضباب

[BIG-VEGA]

يارجال خذ وخل

المرور عندنا يستهدف الفئه الي بيخالفها

تعال شوف شوف سيارات وباصات كروه من بعد اشارات التضامن وانت رايح سيده صوب الصناعيه صوب المقبوه
تحديدت حول الساعه 11 ف الليل
كل يوم سباق عندهم
اقسم بالله مره انا ماشي 140 ومش صايده

[شراع]

حتى باصات العمال الكبيرة مغامرين بشكل كبير سرعة واستهتار بارواح العمال وارواح الناس على الطريق دائما اراهم مستعجلين والعجيب في الموضوع انه مثل هذه السيارات الكبيرة شاحانات او باصات نسبه كبيرة منهم لا يخفضون السرعه عند اقتراب الدوار ويقتحم الدوار اجباري يقيناً منه انه لا بد ان يقف له الجميع حتى لا يتضرر
اكثر من مره اشاهد باصات وشاحنات تسير على يسار الطريق وعندما ترى زحام عند الدوار تنتقل لاقصى اليمين وبعد دخوله الدوار ياخذ لفه كامله ويقفل على كل السيارات لان طريقه المقصود هو يسار الدوار

[قطــ86ــر]

مع احترامي

عندنا عقليات المفروض تنحط على "الرف"
في المرور و جميع وزارات الدولة بدون استثناء...


مع مسؤولين قطر مش حتقدر تغمض عينيك ... و الوعد سنة 2022 :secret:

[سعود العمادي]

الصراحة باصات كروة الصبح
لاتعليق عليهم محد يتصرف معاهم
عيالنا معاهم وارواح والسايق مب مفتكر في احد يله اسرع ماعنده مشكله
لازم يشوفون حل لباصات كروة
والشاحنات بعد الحين صاروا يتسابقون مع بعض
لازم ادارة المرور تشوف حل

[توشيبا]

عند اشارات المناصير المرور صكوني مخالفه عدم زبط الحزام

واحذاي تريله وقت دخولها غير مسموح فيه وثاني شي محمله حصى وينكب في الشارع

من غير صوت سفايفها وشكمانها وسواقها احسه مب طبيعي

ولا احد قرب صوبه او كلموه

واكثر رجال المرور غير مواهل الصراحه تحس يقول ماعرف الا اخالف اللي يتكلمون بالتلفون و اللي مب رابط الحزام وغيره مايعرف شي

[جوال 11]

الشاحنات تصول وتجول في الشوارع ولا عقاب ولا حساب وتخالف لوحات المرور التي أنفقت المبالغ من ميزانية الدولة لتركيبها، في شارع الدوحة السريع لوحات بعدم دخول الشاحنات لكن لا أحد يلتزم داخل نفق لاند مارك ممنوع دخول الشاحنات وهنالك لوحات بعدم دخول الشاحنات والشاحنات تستخدم النفق في كل الأوقات .
في الصباح والمساء يغلق جسر الشمال من كثرة الشاحنات وأصبحت الشاحنات تستخدم الشوارع الداخلية للمرور .
لكن الناس تنفخ في جربة مقطوعة .