أبي حضانة زينه فالدفنه

[المحاميه]

السلام عليكم

ادور حق عيالي (بنت + ولد) حضانة زينه من ناحية المكان (شكل المكان يهمني) النظافة طبعا، مستوى التعليم، الاهتمام بالطفل .. ابي شخصية بنتي تتغير مادري شفيها الله يهديها بس

محتاجه حضانة ضروري ..
ياريت ترشحونلي كذا اسم فالدفنه .. ابي اشوف في تسجيل ولا وقفوا ..

[المحاميه]

انا قبل سنه مريت على اكثر من حضانه ماعجبني شكل المكان .. الحضانه الوحيده اللي اعجبتني بيتي با .. بس للاسف قالتلي فل لين السنه الجايه :(

[ريتويت]

حضانه كوالا الي امام قطر انتيروناشونال سكوول

[رذاذ]

شوفي المجابل حديقة دحل الحمام وانتي رايحه صوب المرخية
ناسي اسمها

[المحاميه]

حضانة كوالا اول مره اسمع فيها وين مكانها بالضبط ماعرف مدرسة قطر انترناشونال وين ..وضحي اكثر لو سمحتي ..

رذاذ اذا قصدك حضانة بيتي با فهذي مافيها مكان للاسف ..

[العملة النادرة]

هلا اختي الكريمه
بما ان مدخله ولدي حضانه في الدفنه اقدر افيدج
1- اول شي وايد يمدحون اللايف تايم الي يم مدرسه شويفات بس انا عن نفسي ماحصلت فيها مكان وما كنت اقدر اتنظر على الويتنغ لست يعني لو حصلتي مكان لبنتج اهيه من افضل الموجود
2- ثانيا عندج الفن فيرست بعد نفس المنطقه يم مدرسه نيوتن بالتحديد بعد ماكان في مكان
3- عن نفسي حصلت حق ولدي مكان في حضانه اسمها حكايات الخيال يم محطه بترول الخليج الغربي وايد زينه نظيفه وبصراحه ما اشتكي منها وتخلين ولدج من 6.45 لي 3 ونص وبصراحه فيها تطور من اول ما دخلته لين اليوم واي استفسار ممكن افيدج لان ولدي فيها
4- كوالا انا ما سمعت عنها بس كل يوم الصبح اشوفها في طريجي اهيه في نفس المنطقه تكون قريبه من مدرسه قطر العالميه والمدرسه اللبنانيه
5- في العبقري الصغير مجابل كلية الشمال الاطلنطي ناس وايد يمدحونها ولج الاختيار عزيزتي

[المحاميه]

مشكوره وايد اختي العمله بس حيرتيني والله انا كلمت فن فيرست ولقيت فيها مكان وقالتلي حق تيرم (3 شهور) بـ 7500 اظن طبعا غير رسوم التسجيل بس نسيت اسالها اذا يقدمون وجبات ولا لا ..

والحين قاعده افكر في حضانة كوالا كلمتهم وقالتلي في تسجيل بس مارضت تقول كم سعر التيرم عندهم تقول ممنوع تعالي الحضانه وبنقولج مادري ليش وقالتلي انهم يوفرون اكل حق الياهل .. والمشكله مب عارفه وين مكانها بالضبط ياريت تشرحيلي مكانها .. قاعده افكر فيها لانها فرنسيه والفرنسيين يعلمون الاتكيت فيمكن بنتي تصير اتكيتيه شوي وتبطل تفشلني ..

العبقري الصغير درب علي ولا جان اخترتها ..
حكايا الخيال كانت فبالي وقريبه بس كأنهم يقولون مب شي .. بس مشكلتها انها عند محطة بترول يعني المكان وايد خطر اسمله على ولدج ..

ياريت تفيديني بمكان حضانة كوالا بالضبط ..

[المحاميه]

بليز اللي مجرب حضانة كوالا يقولي ..

[رذاذ]

حضانة الابرار خلف سوق العلي مقابل متحف السلاح ..
جربي رقمهم 66959334

[العملة النادرة]

اختي حضانه كوالا جديده ما ضنتي راح تلقين عنها شي في النت فاحسن حل تزورينهم بنفسج اهيه نفس منطقه حكايات الخيال لازم تخلين المحطه على يسارج وتروحين سيده وبتشوفينها

[المــزن*]

عندج حضانة ستار فيش لها فروع
في الوعب
وقدام شمال الاطلنطي
والدحيل

وحضانة ليتل شيربس في الدفنة فيها كاميرات تشوفيهم من خلال الموقع
والعبقري الصغير قدام شمال الأطلنطي / عندهم فرنسي وعربي وانجليزي

[المحاميه]

اخوي رذاذ مشكور بس انا ابي حضانة فالدفنه سوق العلي بعيد ..

يعني اكمل سيده اطوف حكايا الخيال ولا ادخل فريجهم ولا وين ؟
اذا قريبه من المحطه فالمكان وايد زين وقريب
انا حصلت موقعهم ودخلته وقعدت اقرا عنهم .. ان شاء الله تطلع زينه بس للحين مب عارفه موقعم بالضبط وين اخاف اضيع وانا ادور لول

[المحاميه]

ليتل شيربس وين مكانها بالضبط ؟
شكلي كلمتهم وقالتلي مافي مكان

تخربطت من كثر مادور

[المحاميه]

كوالا

فن فيرست

ياهذي ياهذي

شقلتوا؟؟

[qatar-2022]

كم اعمار عيالج الله يخليهم لج.. وبصراحة ماييد وضعهم في الحضانة اذا صغار ووايد البيت ارحم وانظف

[المحاميه]

انا ماخذه قراري وخالصه يعني مقتنعه فالحضانه 100%

[المحاميه]

امس مريت على 3 حضانات ..

حضانة كوالا مأساه .. اول شي المكان صغير ثاني شي المكان حار كان اظاهر مصكرين المكيفات وثالث شي مخلين اليهال يلعبون فالحوش في هالحر :omg: رابع شي طريقة استقبالهم وتعريفي بالحضانه كان مش ولابد .. احسهم مخيسين النفس + يشتغلون من ورا خشوهم .. عالطول سويتلهم دليت ..

عقب رحت حكايا الخيال .. الصراحه ارتحتلها اكثر من حضانة كوالا .. يعني المكان مكيف والمسؤوله متواجده ومتوالفه مع اليهال وطريقة استقبالها لي وتعريفي بالحضانه ولا اروع .. المسؤوله بريطانيه مره كبيره .. كل شي كان تمام .. بس حسيت المكان صغير يعني بس هم يستخدمون الطابق اللي تحت مافي دور ثاني ..

اخر شي رحت حضانة فن فيرست .. الصراحه كانت الانسب والاحلى .. اول شي الحضانه كبيره وشرحه .. ثاني شي مكيفه وفيها العاب متنوعه .. ثالث شي الستاف يشتغل برحابة صدر ومهتمين .. رابع شي طريقة استقبالهم وتعريفهم بالحضانه ممتازه يعني ماقصروا .. روتني كل مكان .. مكان التبديل .. مكان اللي ياكلون فيه اليهال .. مكان اللعب .. كل شي .. والحلو بعد انها قالتلي الجو للحين حار فما نخليهم يلعبون برا :victory: وشفت الالعاب برا كانت حلوه :victory:

يعني انا بعد مامريت وشفت ارتحت حق فن فيرست .. لكن بصراحه قلبي ماطاوعني اسجل عيالي :shy: خصوصا اني شفت يهال يصيحون وفي واحد فديته شافني بالعبايه تذكر امه وصاح ...
الصراحه ماقدر اخلي عيالي يروحون ولا ادري عنهم ويقعدون يصيحون ولا يبوني ولا يبون اي شي ومب محصلين وانا قاعده فالبيت ولا فالدوام .. صعبه ..

خلاص بنطر يكبرون شوي عقب بدخلهم روضه وخلاص عالاقل يكونون اكبرو وافهمو واذا اي حد ضربهم او لعوزهم ممكن يتشكونلي .. :shy:

وسلامتكم

[قطريه أصيله]

اختي روحي حضانة ماري بوبينز .. وبتدعين لي إن شاء الله

[المحاميه]

^

لا رحتها من قبل ولا حبيتها .. قديمه وشكل المبنى من داخل مش ولابد

[قطريه أصيله]

^

لا رحتها من قبل ولا حبيتها .. قديمه وشكل المبنى من داخل مش ولابد

فعلاً مبناها قديم شوي لكن مستواهم التعليمي جداً ممتاز خاصه اذا حابه انه عيالج يتعلمون الانجليزيه .. بنت اختي عمرها 3 سنين وتعلمت انجليزي ماشاء الله وتقدرين تتكلمين معاها انجليزي وترد عليج بعد بالانجليزي ..



موفقه فديتج وان شاء الله تحصلين الحضانه المناسبه لج

[ريتويت]

اختي عندج حضانه كوالا الي امام مدرسه قطر العالميه الي بالدفنه

[دانة الطواش]

قطرية أصيلة اذا عيالج في هالروضة الي ذكرتيها أنصحج نصيحة أخوية انج تشيلينهم منها بأسرع وقت والله العظيم ان قصدي خير وخايفة على عيالج وعيال غيرج واذا تعرفين حد حاط عياله انصحيهم يشيلون عيالهم منها .

[قطريه أصيله]

قطرية أصيلة اذا عيالج في هالروضة الي ذكرتيها أنصحج نصيحة أخوية انج تشيلينهم منها بأسرع وقت والله العظيم ان قصدي خير وخايفة على عيالج وعيال غيرج واذا تعرفين حد حاط عياله انصحيهم يشيلون عيالهم منها .


لا مب عيالي .. عيال بنت اختي ؟؟؟ :omg: :omg: :omg: :omg:


دانه الطواش خير شفيها الروووضه ؟؟؟

[المحاميه]

ليش شفيها الروضه
انا ماحبيتها اصلا بس شفيها؟