المساعد الشخصي الرقمي

مشاهدة النسخة كاملة : متى بيركبون أبواب الكترونية في العيادات الخارجية !!!


الوان
20-09-2012, 01:05 PM
بسم الله الرحمن الرحيم

*

العيادات الخارجية في مستشفى حمد

مليئة بالمرضى

داخلين طالعين

اللي يمشي و اللي بعكازات و اللي على كرسي

و بعض الحريم تدخل شاله ياهل و ماسكه ياهل

و لا تدز لها ياهل في عربانه

فيصير الدخوا و الخروج موضوع صعب

إلا اذا تبرع أحدهم و فتح الباب لمن يحتاج

السؤال

متى بيركبون أبواب الكترونية في العيادات الخارجية !!!
العلم
20-09-2012, 03:54 PM
الله يعين .... مأساة





لا بعد حاطينهم ثنين ورا بعض ... والله اشوفهم يتبهدلون الي معاهم ناس على كرسي
مشاكل
20-09-2012, 04:04 PM
مقترح ممتاز

بالاضافه الى الملاحظات اللي ذكرتيها
ايضاً مقابض البوابات تعتبر وسيلة لأنتقال الأمراض المعدية وخصوصاً ان هناك من المراجعين يعاني من بعض الامراض المعدية،،،
غرِيبهـ
20-09-2012, 04:52 PM
معاج حق هالمشكلة موجوده

اعاني لما اكون مع الوالده بكرسي متحرك

وللاسف وايد مايساعدون في فتح الباب
بس هم حاليا يجددون في العياده الخارجية
واشوف غيرو كم باب الى ابواب متحركة
مثل المدخل القديم للعيادة الخارجية

واكيد مب غافلين ان يغيرون ابواب العيادة الخارجية الجهة الجديده
Lili2005
20-09-2012, 10:12 PM
حتى الابواب الداخليه في الاقسام فووق ،، ياخي واايد ثقييله،، وانا اتمنى انهم يغيرونها
باسرع وقت ممكن
وما ادري ايش الهدف مت وجود بابين الكترونيات ورى بعض،، يعني غيرو الباب اللي تحت وخلو الكتروني،، بس حطو اثنين ،، انزين لييش؟؟
Cooki
21-09-2012, 01:29 PM
لين نزل عليهم سهم الله ..

السالفه مايبيلها شي .. بس الاهمال ومايسوي .. والا والتعديلات .. حاطين لوحاااات قمااشحجم كبيييير فالممرات ..

طيب واذا مر واحد من ربعنا اللي خبركم وشخطها لكم بمفتاااح ولا قلم والا نص ريال ..

احلى ياديكووووور ..

يعني الوحد يعدل بشي عملي ويعمر ويحتفظ بشكله الحلو والنظيف اطول فتره ممكنه ..

والا هي خساير على الفاضي..

اتمنى هالتجديدات تشمل ستاير غرف الاقامه والطوارئ اللي منتفه ومبقعه ومشخطه بالقلاااامه ..

تقول مستشفى بجنوب بنجلادش مب في قطر دار العز والخير ..

اللهم لك الف حمد وشكر

نفس المأساه في رميله عياده الاسنان .. بابين ورا بعض اول واحد تدخله يسار والباب الثاني يمين ..

اموووت واعرف شنو الحكمه ..

مايرفع ضغطي الا العقلياااات المصديه ...
توشيبا
21-09-2012, 03:21 PM
عندي سوال

وزير الصحه زار مستشفى حمد وشاف الوضع فيه ؟
كاتم الاسرار
21-09-2012, 10:36 PM
[b]الدوله ما. تقصر والله بس المشكله في المسؤولين ما يفتكررروووووون واقتراح جيد الله كريم خاطري اعرف ليش ما يرتبون عدل مافي شي عدل يعطيك العافيه راعي الموضوع