أسعار المطاعم في ازدياد

[cavok]

أتكلم اليوم عن مطعم TAKE AWAY
سترتفع أسعار المطعم بنسبة 30% من تاريخ
24 سبتمبر والله بالفعل ارتفاع قوي
:telephone: اين انتم يا حماية المستهلك

[شبل الجزيره]

امس كنت عندهم ويعطيني منيو جديد..

ولما جيت ادفع عاطاني سعر اغلى شوي معا اني اعرف سعر الي طلبته..

قلتله ليش؟؟؟ قالي المنيو الجديد فيه الاسعار الجديده!

قلت اي اسعار بعد؟؟

قالي رفعنا اسعارنا... وفعلا اخوي كلامك صحيح الارتفاع بين 25 الي 30 بلميه!

وين حماية المستهلك؟

[nono80]

حسبي الله ونعم الوكيل الكل يرفع في اسعارة واحنا الضحيه ولاحياة لمن تنادي الشكوي لله

[ولد الانصاري]

المفروض يوم تشوف السعر تغير

تقول له خل الطلب عندك وسلم على المدير

وبرودكاست سريع .. للمقاطعة

عشان يكون عبره لغيره

[كازانوفا]

امس كنت عندهم ويعطيني منيو جديد..

ولما جيت ادفع عاطاني سعر اغلى شوي معا اني اعرف سعر الي طلبته..

قلتله ليش؟؟؟ قالي المنيو الجديد فيه الاسعار الجديده!

قلت اي اسعار بعد؟؟

قالي رفعنا اسعارنا... وفعلا اخوي كلامك صحيح الارتفاع بين 25 الي 30 بلميه!

وين حماية المستهلك؟



وليش اصلن اخدت طلبك خليه لهم

استغرب من ردة فعلكم اللى تقوي عينهم وموقفهم
حسبي الله عليهم

[almaf1a]

حماية المستهلك ما يأتي دورهم منا والطريق
يجب عليك ابلاغهم بالاول ومن ثم طالبهم بالتحرك

[الوليد]

صراحة لازم تعلنو مقاطعة جماعية الى ان ترجع اسعاره ارخص من اول و انا ببدأ بنفسي ان شالله

[بوخالد911]

يا جماعة

لازم تتصلون بحماية المستهلك

مب بس تكتبوون اهنيه

صاحب الموضوع ولا عليك امر
اتصل فيهم وبلللللللللللللللغ

ولا تتكيسل

[البيت القديم]

من كم يوم تعشيت في مطعم سارة الطلب كان دجاج خصوصي ولحم خصوصي وثلاث اصياخ كفته وثنين بيبسي

ويوم ييت بحاسبه الا يقولي ستين ريال الصراحه استغربت ماخبر اسعاره غالية .. مادري اذا رفع اسعاره عن قبل..

بس هالسعار بتكون مقبوله اذا في مطعم كرفان ولا نجمة الهند مب مطعم سارة

[FCB 123]

عيل رافعين سعر صندوق الفطاير من 37 إلى 49 ريال


حسبي الله على من كان السبب

[.. الكاش ..]

الله المستعان

[دااانة قطر]

صندوق السنويشات اللي كاان ٢٩ بعدها ٣٧ واخر شي من يومين قاال لي شي وستين
شدعوه


Paul في لاند مارك طلبت سلطة سيزر بالروبيان حسبها شي وسبعين قلت له ليش قال السلطه ب٤٤ مع الروبيان شي وسبعين
الله المستعان

[طبيب قطري]

لا عاد إلا صندوق الفطاير كان سعره معقول وعملي

[La Bella]

جميع فئات الشعب القطري مشتركين في ارتفاع الأسعار
من طفل و بنت ورجل
كل البيوت صارت تعتمد اعتماد كلي على اكل المطاعم
مع ان كل بيت أقل عدد خدم فئة 3 خدامات واكثر
وكل يوم من تجئ الساعة 7 فليل تشوف حوار المنازل ها وش نطلب اليوم
من اي مطعم

لو نعمل مقاطعة بس شهر والأكل يكون من اعداد المنزل
صدقوني في مطاعم راح تسكر أبوابها

[khaldoon]

زين انكم خبرتوني علشان ما اروح عليه

[كبير المتداولين]

مايقدرون يسوون لهم شي حمايه المستهلك

لانهم مغيرين اسماء المنتج

وهذا كان في احد مواضيعي من طرق التحايل على حمايه المستهلك

[ضوى]

عيل رافعين سعر صندوق الفطاير من 37 إلى 49 ريال


حسبي الله على من كان السبب

:(:(:(

[بوخالد911]

ليش ما بلغتوا عليهم؟؟

[وحيد-الشوق]

لازم نقاطع :(

قطر صارت نفس اوروبا بس الفرق بترولنا رخيص وماعندنا ضرايب :)

[صوت الضمير]

أنا لأضفت شئ غالي اخليه واروح عشان يعرفون حنا موب مقصه

[معماري قطري]

مطعم الكورنيش .. ما ادري شسمه اللي حاطين له ليتات وزينه مريت بس صوبه الا يمسكني السكيورتي يقول باباه باب فيه ورا .. يعني مسوين تغيير ! قلت أجلس برا اشوف القائمة للأكل وتفاجأت بأسعار مضروبة في 3 وأكيد بتكون كمية الأكل قليلة والشراب اللي بريالين بعشره وبعدين بيطلعون لي فاتوره بقيمة الله يعلمها، ولا الموجودين يخدمون لبنانيين ومصريين وسوريين وهالجنسيات أحبهم بس ما احب تعاملهم فعطيتهم المنيو وقلت مع السلامة

[cavok]

تم الاتصال بحماية المستهلك
مشكور أخوي 911

[بوخالد911]

تم الاتصال بحماية المستهلك
مشكور أخوي 911

الله يحييكم:victory:

ونبي همة وشغل وتبليغ عليهم

ولا للتكاسل

[دايموند]

تم الاتصال بحماية المستهلك
مشكور أخوي 911
وشنو قالوا لك ؟!!

[عيد823]

امس طلبنا من عنده ، صحن ساندويتشات كان ب٣٤ ريال ، صار ب٦٨ ريال ،يعني الضعف ، و٦ ساندويتشات ( ميني ) زيادة .

[بن كهلان]

السلام عليكم ورحمة الله وبركاته

يا اخوان ما فيه شك ان التاجرفي الاول والاخيريهمه الربح لذلك لو وجدالتاجر الجدية في المقاطعة لمنتجاته من قبل الزباين اجزم لكم انه بيحسب الف حساب وفي الاخير يرضخ لمطالب الناس 00واكبر مثال مايحدث في السعودية عند رفع اسعار المنتجات الكل يقاطع لييييين تخيس منتجاته وفي الاخير يرضخ التاجر

على سبيل المثال مطعم تيك اوي بعض منتجاته رفعها ما يقارب 90% اذا لم يكن اكثر 000صحن ورق العنب (10حبات)كان ب8ريال اذا ماخاب ظني الحين اصبح 15ريال تسالهم ليش يقولون زادو حبتين يعني بدل ال 10 صارو 12 هذا كلام هل يعقل وللعلم كلمت حماية المستهلك وكلمني شخص من حماية المستهلك انه بيروح او كان رايح لهم قلت خلا ص بيقفل المحل لكن للاسف للحين مفتوح ويبيع بالاسعار اللي هو يبيها 000احنا احنا اللي مفروض نخليه يرجع لسعره القديم بالمقااااااااااااااااااااااطعة.

تحياتي للجميع

[OM_OMAR_QATAR]

الاسعار ، الصندوق من 35 الى 68 ! تقريبا ضعف السعر !
مو 30%

[الخليل للاعمار]

اذا نزلت الايجارات راح تفتح مطاعم جديدة و تشتد المنافسة في الجودة و السعر لو كلمت اي تاجر اليوم اول كلمة له ارتفاع الايجار هو السبب و بكل صراحة كان سعر ايجار المحل يشارع النصر الفان ريال الان ليس اقل من 20 الف عشر اضعاف و سكن العمال والموظفين الخ .... الله يعينهم

[cavok]

من يومين اتصلو فيني حماية المستهلك ليبلغوني بان تم معاينة مطعم (take away) وتم تنزيل السعر ففرحت بصراحة وقتلهم مشكورين وما قصرتو
وفي اليوم التالي ذهبت لنفس المطعم وطلبت العشاء وعند لحساب ذهلت بصراحة يا للمفاجاءه أتصدق يا اخوان نفس الأسعار
لم يتم تنزيلها ولا هم يحزنون كما اخبرني موظف حماية المستهلك .
لقد اخبرني المدير المناوب للمطعم بانه موظف حماية المستهلك قد عاين المطعم وتم
التحقق من الموضوع .
اسمحولي اقولكم بان اللي صاير مهزلة والله وما ادري شنو وظيفتهم والقهر يقولك بان راحو للمطعم لمدة أربعة أيام الظاهر عجبهم الأكل بالمطعم
( اللة المستعان )

[برشلوني قطر]

الظاهر بيصير نفس امريكا...السندويش بعشرين

[برشلوني قطر]

من يومين اتصلو فيني حماية المستهلك ليبلغوني بان تم معاينة مطعم (take away) وتم تنزيل السعر ففرحت بصراحة وقتلهم مشكورين وما قصرتو
وفي اليوم التالي ذهبت لنفس المطعم وطلبت العشاء وعند لحساب ذهلت بصراحة يا للمفاجاءه أتصدق يا اخوان نفس الأسعار
لم يتم تنزيلها ولا هم يحزنون كما اخبرني موظف حماية المستهلك .
لقد اخبرني المدير المناوب للمطعم بانه موظف حماية المستهلك قد عاين المطعم وتم
التحقق من الموضوع .
اسمحولي اقولكم بان اللي صاير مهزلة والله وما ادري شنو وظيفتهم والقهر يقولك بان راحو للمطعم لمدة أربعة أيام الظاهر عجبهم الأكل بالمطعم
( اللة المستعان )



هذي سااااالفه عااااد:anger1:

كان اتصلت مره ثانيه عليهم...<< ماعندنا شغل الا هم

[بنت الواصل]

الكل يستغلنا للأسف
لأن إدارة حماية المستهلك نايمة في العسل
لنا الله