اخواني وخواتي .. عندي مشكلة اتمنى اتفيدوني

[الملا]

اخواني وخواتي عندي موضوع اتمنى استفيد من ارائكم

بنتي عمرها سنة وثمان شهور ولحين ماتتكلم عدل .. كنت اخاف في البداية عندها مشكلة في السمع ، لكنها عادي تسمع بس المشكلة في الكلام ..

هل الموضوع عادي ؟

اذا في مشاكل هل في ناس مختصين اراجعهم ؟

[مشاكل]

لاتخاف الشيخ ولاتحاتي
هالمشكله منتشره عند بعض الاطفال واللي يحتاجونه شوية تعب منك واجتهاد وتعرضه على اخصائيين نطق يحتاج فيها جلسات متكرره

عموما انا بسألك ان شالله وبحاول اعطيك التفاصيل

[روح الاطلس]

هي الطفله الوحيده عندك؟

[ريتويت]

مافيها الا العافيه، ولد اخوي تم سنتين مايتكلم عادي وعقبها تكلم شوي شوي

[وطن]

عادي اخوي

بنت "بنت خالي" ما تكلمت الا بعد ما كملت 3 سنين
و عقب تعال سكتها

توها صغيره بنوتك
الله يخليها لك و تستانس على سوالفها

انت تقول ما تتكلم عدل
يعني هي تتكلم بس النطق مب عدل؟؟

اخوي توها صغيره لا تحاتي

[الملا]

هي الطفله الوحيده عندك؟

هي الثانية .. الاولى كانت طبيعية في كلامها

[الملا]

بشركم الله بالجنة .. مثل ما ريحتو قلبي

انا سألت الاهل قالو لي يمكن طالعة على خالها العود ماتكلم الا عقب سنتين

[technical]

هل فحصت البنت الله يشفيها في كذا مركز عند متخصصين وعلى اجهزه مختلفه , أو سمعت من دكتور واحد ؟ التشخيص الصحيح من اهم مراحل العلاج . أذا شفت حيره في عين الدكتور أعرف انه مش عارف وأبحث عن غيره .

أذا ما لقيت جواب في قطر شوف البحرين أو السعوديه وأعمل مواعيد معاهم .

بس ضروري يكون معاك تقارير من المراكز المختلفه او الدكاتره قبل ما تروح .

[وطن]

هي الثانية .. الاولى كانت طبيعية في كلامها

اللي لاحظته من الأطفال عندنا
ان الطفل الأول ينطق بسرعه ويسولف

بحكم انه اول طفل والاهتمام كله عليه في البداية

لا تستعجل عليها اخوي

[خليفـة]

اخواني وخواتي عندي موضوع اتمنى استفيد من ارائكم

بنتي عمرها سنة وثمان شهور ولحين ماتتكلم عدل .. كنت اخاف في البداية عندها مشكلة في السمع ، لكنها عادي تسمع بس المشكلة في الكلام ..

هل الموضوع عادي ؟

اذا في مشاكل هل في ناس مختصين اراجعهم ؟


الله يخليها لك ان شاء الله يا الملا .. وتتربى في عزكم ان شاء الله

اسمعني يالغالي .. ومن واقع تجربه شخصيه
:)

انا على كلام الوالد الله يطول عمره .. يقول ان وصل عمري 4 سنوات ونص وما كنت
اتكلم ولا كلمة .. أبداً أبداً
لا ماما .. لا بابا .. ولا شي باستثناء كلمة : حليييييييب
وقام ابوي وداني لعيادة خاصة فيها طبيب معروف ذيك الأيام .. والطبيب فحص علي
وفي النهاية سأل الوالد سؤال واحد :
هل ولدك ينطق بابا .. أو ماما .. أو أي كلمة اخرى ؟ ام انه ما يتكلم أبداً ؟؟
وقال له الوالد : الكلمة الوحيدة الي تطلع من ولدي هي : حلييييييب

الدكتور على كلام الوالد ابتعد من سرير الفحص الي كنت منسدح عليه
وقال لأبوي : خذ ولدك .. وتوكل على الله .. ولدك بخير وما فيه شي
والمسألة فقط مسألة وقت وبيتكلم بشكل طبيعي .

وبالفعل .. على كلام الوالد اني مع مرور الوقت تكلمت بشكل طبيعي
والحين أبشرك ان محد يقدر لي في الكلام هههههههههههههه

تطمن يالغالي .. وطالما انك سويت لها فحوصات السمع والفحوصات الأخرى الهامه
وكلها نتايج طيبه .. ما فيها الا العافية ان شاء الله

اخوك خليفـــة
:)

[al wafi]

الله يخليها لك ويبارك فيها ان شاء الله

مافيها الا العافيه

هذا شي عادي بعظهم يتأخرون في النطق

بس الا ابغيه منك تفحصها انت او تعرضها لدكتور انف واذن وحنجره

يفحص الوتر الي تحت اللسان
لان بعض الاطفال يجي الوتر طويل ويأخر النطق عند الاطفال
وهذا ماياخذ خمس دقايق عند الدكتور لو موجود


وماتشوفون شر ان شاء الله

[فريسيا]

الاكثار من شرب الماي ينفع الاطفال وممكن تعرضها على طبيب اطفال واخصائي اذن وحنجرة لتاكد من سلامتها با الاضافه اخلط الطفل با اطفال اكبر سنن الطفل مستحيل يتعلم من نفسه لازم يسمع كلمات كثيرة ليكون عنده مخزون من المفردات لتكوين الكلمات او الحقه بروضه اطفال اذا امكن في المستقبل ومن واقع تجربه ابني تم 3 سنوات لين تكلم لاتخاف الله يوفقك وتشبع من سوالف بنتك ويخليها لك

[حميداني]

الله يخليها لك ان شاء الله يا الملا .. وتتربى في عزكم ان شاء الله

اسمعني يالغالي .. ومن واقع تجربه شخصيه
:)

انا على كلام الوالد الله يطول عمره .. يقول ان وصل عمري 4 سنوات ونص وما كنت
اتكلم ولا كلمة .. أبداً أبداً
لا ماما .. لا بابا .. ولا شي باستثناء كلمة : حليييييييب
وقام ابوي وداني لعيادة خاصة فيها طبيب معروف ذيك الأيام .. والطبيب فحص علي
وفي النهاية سأل الوالد سؤال واحد :
هل ولدك ينطق بابا .. أو ماما .. أو أي كلمة اخرى ؟ ام انه ما يتكلم أبداً ؟؟
وقال له الوالد : الكلمة الوحيدة الي تطلع من ولدي هي : حلييييييب

الدكتور على كلام الوالد ابتعد من سرير الفحص الي كنت منسدح عليه
وقال لأبوي : خذ ولدك .. وتوكل على الله .. ولدك بخير وما فيه شي
والمسألة فقط مسألة وقت وبيتكلم بشكل طبيعي .

وبالفعل .. على كلام الوالد اني مع مرور الوقت تكلمت بشكل طبيعي
والحين أبشرك ان محد يقدر لي في الكلام هههههههههههههه

تطمن يالغالي .. وطالما انك سويت لها فحوصات السمع والفحوصات الأخرى الهامه
وكلها نتايج طيبه .. ما فيها الا العافية ان شاء الله

اخوك خليفـــة
:)

ههههههههههههههه ما شاءالله عليك من وانت صغير اتحب اتدش طوالي في الموضوع
بلا مقدمات بلا خرابيط :nice:

[خليفـة]

ههههههههههههههه ما شاءالله عليك من وانت صغير اتحب اتدش طوالي في الموضوع
بلا مقدمات بلا خرابيط :nice:

هههههههه
شسوي يا خوك .. مالي في العيارة واللف والدوران
منذ قديم الزمن وانا هذا حالي
:nice:

[روح الاطلس]

مافيها الا العافيه لا تقلق ولا تخلي الطفله تحس بقلقك

[المسك1969]

بس الا ابغيه منك تفحصها انت او تعرضها لدكتور انف واذن وحنجره

يفحص الوتر الي تحت اللسان
لان بعض الاطفال يجي الوتر طويل ويأخر النطق عند الاطفال
وهذا ماياخذ خمس دقايق عند الدكتور لو موجود


وماتشوفون شر ان شاء الله

صحيح ما قاله الأخ بس عند طبيب الاسنان (تخصص أطفال) مب الأنف وأذن ويكون الوتر قصير وليس طويل وهو ما يعيق الكلام وفي حالة وجد هذا الأمر فالعملية بسيطه جدا ولا تتعدى النصف ساعة إن شاء الله

وإن شاء الله ماعليها شر بس أفحص الوتر اللي تحت اللسان وإن طلع عادي فأمرها طيب وتحتاج وقت فقط

[الصغيره]

ماتحكم عليها الحين

لما يجي عمرها 5 سنين احكم انها تعاني من الكلام اما الحين شيء طبيعي بس ابقوا معها اكثر من الخدم وحاولا تجيب لها برنامج افتح ياسمسم والله مفيد

ربي يحفظها

[ريم 28]

اخي الله يحفظها لك

طبعا في هذا العمر لا بد من توفر جمله من كلمتين او كلمات مثل ماما
باب
افتح
عطني

وهكذا

وهذا هو الطبيعي


هناك بعض الاطفال يكون لديهم تاخر قد يصل حتئ سنه اضافيه او اكثر احيانا ويكونون طبيعين بعد التاكد من جميع الفحوصات طبعا منها السمع والتواصل البصري والاستيعاب وهكذا



اسئلتي لك وهي مهمه
هل ابنتك تستجيب لاسمها تلتفت او تاتي لك
هل ابنتك تستجيب لاوامر بسيطه مثل هاتي كذا او افتحي الباب

وهل ابنتك تتواصل معك بصريا اي تنظر لعينيك عندما تحدثها

وهل هي كثيرة الحركه او العكس خمول شديد

وهل عملت تخطيط للسمع

اذا اجبت علئ هذه الاسئله استطيع ان افيدك ان كان تاخر في النطق فقط

في كل الاحوال ابنتك محتاجه لكثرة الكلام معها واستخدام طرق وتمارين تساعدها علئ النطق والتكلم باذن الله

فالنطق الان افضل لها من التاخر
فالتاخر يجعلها اكثر حركه وعناد لانها لا تعبر بالكلام

[al wafi]

صحيح ما قاله الأخ بس عند طبيب الاسنان (تخصص أطفال) مب الأنف وأذن ويكون الوتر قصير وليس طويل وهو ما يعيق الكلام وفي حالة وجد هذا الأمر فالعملية بسيطه جدا ولا تتعدى النصف ساعة إن شاء الله

وإن شاء الله ماعليها شر بس أفحص الوتر اللي تحت اللسان وإن طلع عادي فأمرها طيب وتحتاج وقت فقط


ياهلا ومرحبا اختي المسك

كانت عندنا حاله ورحنا للدكتور عبدالعزيز الجفيري ( تخصص انف واذن وحنجره )
ويمكن للتخصصين جايزين يعملونها

اقصد بالطويل ان الوتر المفروض يكون في نص اللسان من تحت
لكن اقصد بالطويل انه ممتد اكثر من النص وهذا الي يخليه قصير

هههههههههههههههههههههه اختلاف التعبير بيني وبينج :shy:

[al-obaidly]

شي عادي ولا تحاتي

[الملا]

هل فحصت البنت الله يشفيها في كذا مركز عند متخصصين وعلى اجهزه مختلفه , أو سمعت من دكتور واحد ؟ التشخيص الصحيح من اهم مراحل العلاج . أذا شفت حيره في عين الدكتور أعرف انه مش عارف وأبحث عن غيره .

أذا ما لقيت جواب في قطر شوف البحرين أو السعوديه وأعمل مواعيد معاهم .

بس ضروري يكون معاك تقارير من المراكز المختلفه او الدكاتره قبل ما تروح .

الفحوصات العادية اللي اتم عقب الولادة باسبوعين هاي الفحوصات اللي سويناها ..

[وطن]

ياهلا ومرحبا اختي المسك

كانت عندنا حاله ورحنا للدكتور عبدالعزيز الجفيري ( تخصص انف واذن وحنجره )
ويمكن للتخصصين جايزين يعملونها

اقصد بالطويل ان الوتر المفروض يكون في نص اللسان من تحت
لكن اقصد بالطويل انه ممتد اكثر من النص وهذا الي يخليه قصير

هههههههههههههههههههههه اختلاف التعبير بيني وبينج :shy:

اخوي
تقصد الوتر اللي يربط اللسان تحت؟

[الملا]

اللي لاحظته من الأطفال عندنا
ان الطفل الأول ينطق بسرعه ويسولف

بحكم انه اول طفل والاهتمام كله عليه في البداية

لا تستعجل عليها اخوي


من عقب ردودكم ارتاح قلبي

[المسك1969]

اخوي
تقصد الوتر اللي يربط اللسان تحت؟

ايه نعم هاي اللي هو يقصده

[المسك1969]

ياهلا ومرحبا اختي المسك

كانت عندنا حاله ورحنا للدكتور عبدالعزيز الجفيري ( تخصص انف واذن وحنجره )
ويمكن للتخصصين جايزين يعملونها

اقصد بالطويل ان الوتر المفروض يكون في نص اللسان من تحت
لكن اقصد بالطويل انه ممتد اكثر من النص وهذا الي يخليه قصير

هههههههههههههههههههههه اختلاف التعبير بيني وبينج :shy:

:) بارك الله فيك بس العملية تجرى بعد معاينة المريض عند جراحي الاسنان... وما سمعت أن الانف والاذن يسوونها جان أضافوا شيء لتخصصهم الله أعلم

جزاك الله خيرا

[وطن]

من عقب ردودكم ارتاح قلبي




ايه نعم هاي اللي هو يقصده

ما أظن له علاقه
لان في ناس لسانهم مربوط و كل الأمور اوكى يتكلمون

وفي ناس افتحوه و اختربت عندهم مخارج الحروف

الأحسن الواحد ما يلعب في خلقة الله
لين الحين البنت صغيرونه وان شاء الله انها راح تسندره بالسوالف :)

[الملا]

الله يخليها لك ان شاء الله يا الملا .. وتتربى في عزكم ان شاء الله

اسمعني يالغالي .. ومن واقع تجربه شخصيه
:)

انا على كلام الوالد الله يطول عمره .. يقول ان وصل عمري 4 سنوات ونص وما كنت
اتكلم ولا كلمة .. أبداً أبداً
لا ماما .. لا بابا .. ولا شي باستثناء كلمة : حليييييييب
وقام ابوي وداني لعيادة خاصة فيها طبيب معروف ذيك الأيام .. والطبيب فحص علي
وفي النهاية سأل الوالد سؤال واحد :
هل ولدك ينطق بابا .. أو ماما .. أو أي كلمة اخرى ؟ ام انه ما يتكلم أبداً ؟؟
وقال له الوالد : الكلمة الوحيدة الي تطلع من ولدي هي : حلييييييب

الدكتور على كلام الوالد ابتعد من سرير الفحص الي كنت منسدح عليه
وقال لأبوي : خذ ولدك .. وتوكل على الله .. ولدك بخير وما فيه شي
والمسألة فقط مسألة وقت وبيتكلم بشكل طبيعي .

وبالفعل .. على كلام الوالد اني مع مرور الوقت تكلمت بشكل طبيعي
والحين أبشرك ان محد يقدر لي في الكلام هههههههههههههه

تطمن يالغالي .. وطالما انك سويت لها فحوصات السمع والفحوصات الأخرى الهامه
وكلها نتايج طيبه .. ما فيها الا العافية ان شاء الله

اخوك خليفـــة
:)

سوينا الفحوصات اللي عقب الولادة ولكن عادية .. والابنية تسمع واترد

امها قالت لي الابنية صار لها كذا يوم اتقول ماما

[المسك1969]

ما أظن له علاقه
لان في ناس لسانهم مربوط و كل الأمور اوكى يتكلمون

وفي ناس افتحوه و اختربت عندهم مخارج الحروف

الأحسن الواحد ما يلعب في خلقة الله
لين الحين البنت صغيرونه وان شاء الله انها راح تسندره بالسوالف :)

لا يالغلا... من قال ربي يحفظج ترى أن الوتر قصير صعب عليها أخراج الحروف والعملية اللي تجرى بسيطه جدا ولا تؤثر في شيء... وهم ما يقصون الوتر كامل بس يفتحون المنطقه ويرخون أو يدزون الانسجه حتى تسمح للسان بالحركه

[المسك1969]

احنا ماقلنا يسوي لها العمليه بل انه يفحص عليها وان ماكان الوتر هو السبب يصبر عليها لأن في يهال يتأخرون في النطق ومشكلتنا إنا احنا نقارن عيالنا ببعض وهذا خطأ

هو فحص للأطمئنان فقط

[حسن]

ذكرتني بولد اختي مانطق الى عقب 4 سنين يمكن ويوم نطق تعال فكك عربيه هنود انت ودي وانت جيب
بس الحين لا خبرك عتيج يحلب الناقه ويقيد البعيير ويصلخ الخروف
اذا مستعجل على بنتك طرشها لنا بعد شهرين نخليها لك تتكلم جميع اللهجات المحليه والخارجيه بناتي يعجبونك

وبننتك ماعليها شر الامر طبيعي ها تذكرت ولدي حمود يوم صغير يقول طياله والحين يقول طياره صار يعطش
الراء والول كان يجوعها

[وطن]

لا يالغلا... من قال ربي يحفظج ترى أن الوتر قصير صعب عليها أخراج الحروف والعملية اللي تجرى بسيطه جدا ولا تؤثر في شيء... وهم ما يقصون الوتر كامل بس يفتحون المنطقه ويرخون أو يدزون الانسجه حتى تسمح للسان بالحركه

ان شاء الله انها ما تحتاج

يختي الحين الدكاتره في القطاع الخاص معظمهم ماديين
ممكن يقولون ايه عملية وتحتاج ومادري شنو

الأحسن اذا بيوديها يشوف موعد في حمد
ولو انه بيتأخر وايد بس احسن من الخاص


وان شاء الله ما عليها شر
عادي الأطفال يتأخرون

[المسك1969]

ان شاء الله انها ما تحتاج

يختي الحين الدكاتره في القطاع الخاص معظمهم ماديين
ممكن يقولون ايه عملية وتحتاج ومادري شنو

الأحسن اذا بيوديها يشوف موعد في حمد
ولو انه بيتأخر وايد بس احسن من الخاص


وان شاء الله ما عليها شر
عادي الأطفال يتأخرون

نعم يالغاليه الأفضل في حمد وربي بيسر لهم الأمر إن شاء الله

[elders]

الله يخليلك اياها ..لا تخاف اخوي لسه البنت صغيرة ...عالتلات السنين الواحد ببلش يخاف اذا كان الطفل اجتماعيا طبيعي ..

اخوي انا مو مجربة بس بلاحظ من اللي حولي انو في ناس ما بخلو اولادهم يتكلمو ..اي شي بدهم اياه بلبوه من غير ما يتركولو مساحة للتعبير والولد بيعتاد الدلع لو بس اشر على الشغلة او بس بكي شوي ..لما بدها شي اسألوها عنو ..استفزوها لتحكي منها بتتعود على تخزين الاسماء ومنها بتضطر تحكي

كمان نصيحة تانية خففو تلفزيون

الله يباركلك اخي ويطمن بالك

[elders]

طبعا الشي البديهي انكم تحصنو الاولاد على طول ..بالتوفيق

[الملا]

الله يخليها لك ويبارك فيها ان شاء الله

مافيها الا العافيه

هذا شي عادي بعظهم يتأخرون في النطق

بس الا ابغيه منك تفحصها انت او تعرضها لدكتور انف واذن وحنجره

يفحص الوتر الي تحت اللسان
لان بعض الاطفال يجي الوتر طويل ويأخر النطق عند الاطفال
وهذا ماياخذ خمس دقايق عند الدكتور لو موجود


وماتشوفون شر ان شاء الله

ان شاء الله هالاسبوع راح اخذ لها مواعيد في مستشفى حمد .. واخذها على الدكتور الجفيري

[chillis]

اخواني وخواتي عندي موضوع اتمنى استفيد من ارائكم

بنتي عمرها سنة وثمان شهور ولحين ماتتكلم عدل .. كنت اخاف في البداية عندها مشكلة في السمع ، لكنها عادي تسمع بس المشكلة في الكلام ..

هل الموضوع عادي ؟

اذا في مشاكل هل في ناس مختصين اراجعهم ؟

عادي انا بنتي لين 5 سنين ماتكلم ال كلمات بسيطه وغير واضحه ووديتها الرميله لجميع الاختبارات ومافيها شي وعقب انطلقت بروحها بالحجي تبارك الرحمن :nice:

[al wafi]

اخوي
تقصد الوتر اللي يربط اللسان تحت؟


اي نعم اختي
الي تحت اللسان

[al wafi]

ما أظن له علاقه
لان في ناس لسانهم مربوط و كل الأمور اوكى يتكلمون

وفي ناس افتحوه و اختربت عندهم مخارج الحروف

الأحسن الواحد ما يلعب في خلقة الله
لين الحين البنت صغيرونه وان شاء الله انها راح تسندره بالسوالف :)


يقول الدكتور اذا الوتر قصير يأثر على حركه اللسان بحريه
ويأثر على مخارج بعض الحروف

والله اعلم

[al wafi]

ان شاء الله انها ما تحتاج

يختي الحين الدكاتره في القطاع الخاص معظمهم ماديين
ممكن يقولون ايه عملية وتحتاج ومادري شنو

الأحسن اذا بيوديها يشوف موعد في حمد
ولو انه بيتأخر وايد بس احسن من الخاص


وان شاء الله ما عليها شر
عادي الأطفال يتأخرون


اختي احنا اخذنا ولدنا للدكتور الجفيري يوم كان بمستشفى حمد
قبل لايفتح عيادته الخاصه :nice:




السموحه اخوي الملا فتحنا موضوع وانت ماسويت الفحص للبنت
وان شاء الله مافيها اي شي من هالكلام وربي يحفظها لكم

جهزنا الدوا قبل الفلعه

[بصمة قطرية]

سنه و ثمان شهور توها صغيرة
لا تلعوزون البنت و تدخلونها في متاهات
مواعيد و فحوصات ..
في يهال يتكلمون عقب السنتين
و هالشي جداً طبيعي
كل طفل غير عن الثاني ..

[basma222]

عادي في اطفال ما يتكلموا بسرعه

بس انتواا دوم كلموها في البيت

دربوها على الكلام

[الملا]

الاكثار من شرب الماي ينفع الاطفال وممكن تعرضها على طبيب اطفال واخصائي اذن وحنجرة لتاكد من سلامتها با الاضافه اخلط الطفل با اطفال اكبر سنن الطفل مستحيل يتعلم من نفسه لازم يسمع كلمات كثيرة ليكون عنده مخزون من المفردات لتكوين الكلمات او الحقه بروضه اطفال اذا امكن في المستقبل ومن واقع تجربه ابني تم 3 سنوات لين تكلم لاتخاف الله يوفقك وتشبع من سوالف بنتك ويخليها لك

ان شاء الله الاسبوع راح اراجع دكتور .. عادة تختلط مع عيال خوالي

[الملا]

مافيها الا العافيه لا تقلق ولا تخلي الطفله تحس بقلقك

الله يبشرج بالجنة ..

[الملا]

اخي الله يحفظها لك

طبعا في هذا العمر لا بد من توفر جمله من كلمتين او كلمات مثل ماما
باب
افتح
عطني

وهكذا

وهذا هو الطبيعي


هناك بعض الاطفال يكون لديهم تاخر قد يصل حتئ سنه اضافيه او اكثر احيانا ويكونون طبيعين بعد التاكد من جميع الفحوصات طبعا منها السمع والتواصل البصري والاستيعاب وهكذا



اسئلتي لك وهي مهمه

هل ابنتك تستجيب لاسمها تلتفت او تاتي لك

اي عادي تلتفت


هل ابنتك تستجيب لاوامر بسيطه مثل هاتي كذا او افتحي الباب

اي تستجيب .. طلبت منها اتجيب لي خيار من السلطة جابت .



وهل ابنتك تتواصل معك بصريا اي تنظر لعينيك عندما تحدثها

يوم العب معاها عادي ..


وهل هي كثيرة الحركه او العكس خمول شديد

عادية في حركاتها ..

وهل عملت تخطيط للسمع

سوينالها تخطيط عقب الوالدة بس

اذا اجبت علئ هذه الاسئله استطيع ان افيدك ان كان تاخر في النطق فقط

في كل الاحوال ابنتك محتاجه لكثرة الكلام معها واستخدام طرق وتمارين تساعدها علئ النطق والتكلم باذن الله

فالنطق الان افضل لها من التاخر
فالتاخر يجعلها اكثر حركه وعناد لانها لا تعبر بالكلام

مشكورة ياختي العزيزة

[ريم 28]

مشكورة ياختي العزيزة

استطيع الان اقول لك ان ابنتك طبيعيه باذن الله

ولا حاجة للقلق الان

ابعدها فقط عن التلفاز واجعلها تتواصل معكم لغويا

اي لا تنفذ طلبها حتئ تنطق لو اول حرف علئ الاقل وهكذا

واجعلها بينكم اكثر الوقت حتئ تخزن كلمات وباذن الله ستنطلق بالكلام بعدها


ان كانت ابنتك تستجيب لكم من مسافه بعيده اذا هي ليست بحاجه للتخطيط السمع لانها تسمع الصوت المنخفض


وعلئ الاكثر تاخرها وراثي لا اكثر ولا اقل
وطالما تستطيع ان تقول ماما ستاتي الكلمات تدريجيا لا تقلق واستيعابها جيد لله الحمد واجتماعيه وذكائها عادي

اذا لم يطمن قلبك تستطيع تشخيص حالتها في رميله قسم التدخل المبكر ولو اني خبره في هذا المجال واستطيع افيدك لو عندك اي سوال اخر

[نوار قطر]

بنتك مافيها الا العافيه ان شالله هالشي طبيعي ولاتقارن بنتك الكبيره بالصغيره وانها تكلمت قبل لان اليهال قدرات في يهال بسرعه يتكلمون وفي يهال يتأخرون بس دايما كلموها على اساس انها كبيره سولفو معاها قولو لها كلمات وخلوها تحاول انها تحاول تنطقها وربي يطمن قلبك عليها (:

[khaldoon]

طالما انها تسمع و تفهم فان شاء الله اموركم طيبة و لا تخاف عليها

بنتي عمرها سنتين و شوي و يادوب تتكلم كلمات بسيطه جدا و مب خايفين عليها

لو خايف روح عيادة النطق في الرميلة ......اكيد بيفيدونك

[حسن]

استطيع الان اقول لك ان ابنتك طبيعيه باذن الله

ولا حاجة للقلق الان

ابعدها فقط عن التلفاز واجعلها تتواصل معكم لغويا

اي لا تنفذ طلبها حتئ تنطق لو اول حرف علئ الاقل وهكذا

واجعلها بينكم اكثر الوقت حتئ تخزن كلمات وباذن الله ستنطلق بالكلام بعدها


ان كانت ابنتك تستجيب لكم من مسافه بعيده اذا هي ليست بحاجه للتخطيط السمع لانها تسمع الصوت المنخفض


وعلئ الاكثر تاخرها وراثي لا اكثر ولا اقل
وطالما تستطيع ان تقول ماما ستاتي الكلمات تدريجيا لا تقلق واستيعابها جيد لله الحمد واجتماعيه وذكائها عادي

اذا لم يطمن قلبك تستطيع تشخيص حالتها في رميله قسم التدخل المبكر ولو اني خبره في هذا المجال واستطيع افيدك لو عندك اي سوال اخر




اشكر الدكتوره ريم 82 على هذه المعلومات القيمه واللتي اثرت على مسمعي

وكثر الله من امثالك وجعلك الله ذخرا لهذا المنتدي

عندك عياده بعد العصر

:victory:

[ريم 28]

اشكر الدكتوره ريم 82 على هذه المعلومات القيمه واللتي اثرت على مسمعي

وكثر الله من امثالك وجعلك الله ذخرا لهذا المنتدي

عندك عياده بعد العصر

:victory:

ههههههه
دكتوره مره وحده
ادري بك تطنز
وكاتب ٨٢ بعد

عموما انا اخذ دورات مع اخصائين ومطلعه بشكل جيد في هذا المجال ودايما عندهم وما جاوبته الا بعد ما تاكدت منهم

ما تدري يمكن اكون استشاريه بعد وانا عمري 28 كل شي جايز في هالزمن هههههه