مساعدتكم ( أرضي فالذخيره ... !!

[shoog]

بسم الله الرحمن الرحيم

موضوعي :

عندي أرض في الذخيره وحابه أبنيها "

حابه يكون نظام المبنى مثل الشاليه ( شاليه صغير بسيط متواضع ) ...

واتمنى من اللي يقدر ايدلني على مهندس ايصمم لي..

و تنصحوني ب مقاول زين يبني لي ...

اتمنى اللي يقدر ايفيدني لا يبخل علي بالرد


جزاكم الله خير ...:shy:

[captin]

مرحبا أختي ,,,

بما أن الأرض في الذخيرة

والرخصة راح تكون عن طريق بلدية الخور والذخيرة
عندج مكتبين في الخور تقدرين تتعاملين مع واحد منهم

الأول مكتب الخور للإستشارات الهندسية عند المهندس وجيه ومقرهم
مقابل فرع بنك قطر الوطني من جهة الغرب

والثاني مكتب الأقصى للاستشارات الهندسية على الشارع العام بالقرب
من مطابخ الدوحة الشعبية .

في كل الأحوال راح تحتاجين إجراءات كاملة لفتح ملف لرخصة بناء عن طريق مجمع
الرخص بالتخطيط العمراني مهما كان المبنى بسيط اللي تبين تسوينه.

المكتب اللي تتفقين معاه يسوي المخطط لازم تحددين له مساحة المبنى وعدد الغرف والمرافق
نوع البناء هل هو طابوق وسقف خفيف من الكيربي بالعازل ولا بناء خرسانة
وميزانيتج للبناء كم عشان ما يبالغ في التصميم والمواصفات ويطلع البناء فوق الميزانية.

بالنسبة لموقع الأرض في الذخيرة هل هي على البحر مباشرة أو بين البيوت ؟
لأن هذا الشيء يحدد تصميم المبنى على البحر ممكن تبنين مبنى بمعنى الشاليه لكن بين البيوت
لازم تحطين في بالج خصوصية الجيران وخصوصيتج انتي لو فكرتي في حمام سباحة او حديقة


بالنسبة للمقاول أطلبي من المكتب يرشح لج كذا مقاول والمفروض مقاول من المنطقة من الخور أو الذخيرة بس تكون سمعته زينه لأن المنطقة فيها البنغال والمصريين مال الشغل التجاري وهاذول سمعتهم سيئة شركات صغيرة مرخصة وماعندهم مهندسين ولا معدات ياخذون الشغل بأرخص الأسعار وفي النهاية تطيح براس المالك تأخير وبهدلة وشغل خطأ.


بالتوفيق إن شاء الله

[shoog]

captin

عزالله كفييت ووفيت وماقصرت .. بيض الله وجهك

والله اني عرفت الحين وش اللي لازم اسويه ..

كثر الله خيرك وجزاك ربي الجنه وارحم الله والديك ..

بروح باذن الله اشوف هالمكتبين وعلى الله التوفيق

ايوفق لي ولكم ياربي ..

شكرا جزيلاً

[قطري قديم]

مرحبا ارسلت لك علي الخاص

[IT Engineer]

بالتوفيق للجميع