... عن مرشحين البلدي الجدد....وايش الي قدموه ؟! للأن

[ام ناصر1]

السلام عليكم .....
بصراحة رحت منطقة جنوبية بالبلاد وماشفت فيه كثيرة اهتمام بالشوارع ...
وغيره من خدمات ......
فحبيت اعرف
مرشحين المجلس البلدي بالمناطق الجنوبية والشمالية ( النائية) او البعيدة
ابغي اعرف ايش كان برنامجهم الانتخابي الي تم اختيارهم على اساسه ؟!
وايش الي انجزتموه خلال هالفترة ....
وكيف يمكن ان نتتبع انجاز المرشح البلدي كل في منطقته ...اذا على الحجي
كلنا نقدر نتكلم ...وين فعل الانجاز ...
ومن يشوف ان المرشح البلدي بدائرته قدم قيمة مضافه للخدمات ...
ياريت يقولنا من وماهو انجازاته .... اعتقد مرت فتره جيدة لتقيم الاداء ...

[waseet]

الي قدموه ( البعض ) قدر يضم الارض الي جنب بيته ومنهم الي قدر يفتح باب على الشارع العام الي ورا البيت ومنهم من قدر يوفر درام بلديه خاص قدام البيت ومنهم الي زود كهربة البيت وزود معاها انارى المجلس والسور ومنهم الي رتب اموره الخاصه .... بس بالمقابل هم مابيديهم شي ( مجرد اسم وظيفي) فالشاطر يرتب اموره ... لان اكثر من اموره مايقدر ... تحياتي

ترا قلنا البعض

[ANONYMOUS]

لو الميزانيه تحت يدهم كان سوو هم وغيرهم

[مضارب دوسري]

بصراحه مرشح منطقة الذخيره حمد لحدان لحد الان ماقصر بدا يطور فالمنطقه واو خطوه بداها انارة الطرق الداخليه وعمل طريق من القار للمشي بجانب الطرق ووفر مكينة atm داخل ذخيره
وان شاء الله يوفي بوعده المهم وهو عمل كورنيش للمنطقه

[جفى الجوارح]

المجلس البلدي مجرد مجلس استشاري بدون سلطه حقيقية
يعني يجتمعون ويتناقشون ويتهاوشون ويتلاغون واخر شيء يتفقون ويطرشون الي اتفقوا عليه لوزير البلدية فقط لا غير والوزير غير ملزم بالي اتفقوا عليه له ياخذ فيه وله يرفضه

[مضارب دوسري]

المجلس البلدي مجرد مجلس استشاري بدون سلطه حقيقية
يعني يجتمعون ويتناقشون ويتهاوشون ويتلاغون واخر شيء يتفقون ويطرشون الي اتفقوا عليه لوزير البلدية فقط لا غير والوزير غير ملزم بالي اتفقوا عليه له ياخذ فيه وله يرفضه

هذا الكلام صحيح
ولكن في امور في يد كل عضو وهو تطوير منطقته من ناحية الطرق اذا قديمه والانارات وتطوير اي شي يخص منطقته يقدر يسويه
فالامور الاخرى اللي تهم البلد ككل يصير مثل ما قلت

[حسن]

القانون يقول مالهم غير يكتبون وشيبون وبس خلاص يروحون لين البلديه تخطط المنطقه

والحمدلله ماعندي بطاقه ناخب ولاعمري سجلت فا مفتك بعد من صداع المرشح ضابط وقت الترشيح رشحني رشحني
لين صار ماعندي عقل ذيك الساعه بارشحك
صدق يوسف يوم قال يقراءون

[VX.R]

اولا :
عضو البلدي لا يملك اي سلطة " تنفيذية " فدور العضو ينتهي بتقديم المقترحات للجهات التنفيذية ، وهي لها القرار اما الأخذ بالاقتراح او بتأجيلة او برفضة ...

إذن نحن لا نحمل العضو اكبر من الصلاحيات الممنوحة له .


ثانيا :
المناطق الخارجية سواء كانت في الشمال او الجنوب او الغرب ، للأسف انها مازالت بعيدة عن التطور الذي تشهده الدولة ، لذلك يجب على " سعادة الوزير " وهو رأس الهرم أن يكرس جهود الوزارة لتطوير المناطق الخارجية للحد من الهجرة .

أخيرا :
يجب ان نميز ونعرف من هم اصحاب القرار و السلطة التنفيذية " الجهه المسؤولة " .. هل هم أعضااء البلدي ؟؟؟
لذلك أنا لا احمل العضو اي مسؤولية عن تردي الخدمات..

[خليفـة]

في نظري .. بعض اعضاء المجلس البلدي مثل الموظف المسؤول النشيط في أي وزارة
او مؤسسة حكومية
وده بالتغيير الايجابي والمفيد .. ولكنه يواجه عقبات مادية كثيرة
ومحد يسمع منه .. ولا يلتفت لطلباته
بالتالي أمامه حل من الأثنين :
يا أنه يستمر في المطالبة حتى شعار آخر ( وهذا الحل الي دايم يصير )
او انه يحط من جيبه ويحسن الأمور الي يطالب بتعديلها ( وهذا شيء مستحيل طبعاً )

خليفــة

[جرناس]

صراحة أنا بتكلم عن عضو المجلس البلدي معيذر الجنوبي
لاطرق مثل الناس ولا مطبات مع العلم هذي الدورة الثانيه له
يوم كلمناه قال التطوير سنة٢٠١٨ واحتمال عليكم ازاله
ما شاء الله على اعضاء المجلس البلدي مانشوفهم الا قبل نهايته الدورة طبعاااا البعض

[ام ناصر1]

الي قدموه ( البعض ) قدر يضم الارض الي جنب بيته ومنهم الي قدر يفتح باب على الشارع العام الي ورا البيت ومنهم من قدر يوفر درام بلديه خاص قدام البيت ومنهم الي زود كهربة البيت وزود معاها انارى المجلس والسور ومنهم الي رتب اموره الخاصه .... بس بالمقابل هم مابيديهم شي ( مجرد اسم وظيفي) فالشاطر يرتب اموره ... لان اكثر من اموره مايقدر ... تحياتي

ترا قلنا البعض

ما شا الله على البعض ...اشدعوه هاي يعتبر انجاز او خدمة لابناء المنطقة

[alsoq]

مرشحنا الله يهديه ترس الفريج مطبات الشارع 200 متر من 4 الى 5 مطبات ترى حقيقه هذي ما ابالغ فيها

[الزعفراني]

صلاحيات واختصاصات المجلس البلدي تحد من العمل الجاد لاعضاء المجلس ..

[VX.R]

صراحة أنا بتكلم عن عضو المجلس البلدي معيذر الجنوبي
لاطرق مثل الناس ولا مطبات مع العلم هذي الدورة الثانيه له
يوم كلمناه قال التطوير سنة2018 واحتمال عليكم ازاله
ما شاء الله على اعضاء المجلس البلدي مانشوفهم الا قبل نهايته الدورة طبعاااا البعض

وما هو المطلوب من العضو ؟؟؟
اذا كان يعمل وفق القانون و الصلاحيات التي منحت له ...

انت الذي يجب ان تقرا قانون المجلس البلدي وتفهمه قبل ان توجه انتقادك للعضو ..

لان دوره ليس تنفيذي ، اكرر ليس تنفيذي

[مضارب دوسري]

اذا دوره مب تنفيذي هيل ليش مسوي برنامج اذا تم انتخابه ؟
يا اخوان لو مب تنفيذي كان ماشفنا برامج انتخابيه من الاساس

انا اقول دوره تنفيذي في بعض الامور من ضمنها برنامجه الانتخابي

[VX.R]

اخوي مضارب :

القانون واضح ، حيث جعل دورة رقابي استشاري فقط ..

اما البرنامج الانتخابي ، فلقد وضع للناخبين ، وكان يجب على الناخب ان يعلم ان العضو ليس لدية اي سلطه تنفيذية ..

يعني كان يجب على الناخب ان يقرا البرنامج الانتخابي قبل التصويت للمرشح ..
مع أنني على يقين ان اغلب الناخبين لم يقرا البرنامج الانتخابي ، لانه جاء يرشح " للفزعه " فقط

[الصغيره]

والله بدون مبالغه ان العضو البلدي اللي بمدينتنا مهمل جهة بيوتنا وجهة بيوتهم تقول مالها علاقه مره بالمدينه شوارعها مرتبه الزبايل اكرمكم الله الاشجار

الصراحه لازم العضو البلدي حده اربع سنين ويتم تغييره مش تصبح العضويه ماركه بسمه له ولاهله فقط

وماراح انتخف بالمرات القادمه لاننا الصراحه مالمسنا اي تقدم يذكر من جهته لنا

[غير عنهم]

ياليت العضو المسوؤل عن منطقة السيليه يهتم في منطقته بعد دوار كيوتل السيليه مرور بزرع العطيه حتى نادي السيليه ومسكان بروة السيليه شارع رئيسي بدون اناره وبدون ترصفه ومتهالك الطريق والسيارات تطلع من المسارالاول الى العكسي الثاني مما يسبب حوادث ويعرض الناس للخطر بسبب عدم الترصفه

[جرناس]

وما هو المطلوب من العضو ؟؟؟
اذا كان يعمل وفق القانون و الصلاحيات التي منحت له ...

انت الذي يجب ان تقرا قانون المجلس البلدي وتفهمه قبل ان توجه انتقادك للعضو ..

لان دوره ليس تنفيذي ، اكرر ليس تنفيذي

وش معنى لما صار الرئيس ع المجلس البلدي حط مطبة عند مجلسة ولاتقول من قبل طبعاا اتكلم عن معيذر الشمالي انا في الجنوبي
نرجع حق المطبة الي وانت جاي من دوار السويدي تبي محطة وقود
وشتقول عنها؟
بتكلم عن دوار العيدة وانت رايح شمال؟
شارع مرصوف وانارة؟
اذا انت ادافع عن عضو المجلس البلدي هذا شي ثاني
بس اتمنى اتشوف الدائرة قبل لاتتكلم
واما اذا انت تتكلم واتقول انهم سلطة استشارية ولا ليس تنفيذية انا معاك في هاذي النقطة؟
بس لهم طرقهم الخاصة في تنفيذ المشاريع التجميليه للدائرة
عجل ليش قبل الترشيح يقول بسوي وبسوي؟؟؟؟
ويعطيك العافية يا في اكس ار

[رُفق المجنّا]

المجلس انشط من السابق ولكن بشكل عام ، اغلب الاعضاء يهتم بالمنطقة القريبة ويهمل باقي مناطق الدائرة

المجلس ليست في يده الصلاحية الكافية ولكن يبقى هنالك تقصير كبير

[alsoq]

دام ما في ايديهم شي ما يسون انتخاب يسونه بتزكيه افضل
اما اروح انتخب وهو ما في يده شي ليش انتخابات ودعايات وحساسيه وكل عضو يشوه العضو الثاني علشان يفوز
مشكله

[ام ناصر1]

نفس السؤال يا أخي اسأله لنفسي ...اذا ما بيدهم شي ...ليش تعبنا نفسنا ..وقوانين..وحالة
وآخرتها ...مافي يدهم شي ...
احس انتخابهم غلطة ...ثاني مره خل الحكومة اتعينهم كموظفين ...ابرك

[alsoq]

نفس السؤال يا أخي اسأله لنفسي ...اذا ما بيدهم شي ...ليش تعبنا نفسنا ..وقوانين..وحالة
وآخرتها ...مافي يدهم شي ...
احس انتخابهم غلطة ...ثاني مره خل الحكومة اتعينهم كموظفين ...ابرك

نعم اختي ام ناصر اتفق معاك يكون موظف افضل حتى يتم اعطاهم صلاحيات تهم منطقته ويقدر يفعل شي
في الكويت يتدخل حتى في توظيف لابناء دائرته اذا يستحق

[ام ناصر1]

نعم اختي ام ناصر اتفق معاك يكون موظف افضل حتى يتم اعطاهم صلاحيات تهم منطقته ويقدر يفعل شي
في الكويت يتدخل حتى في توظيف لابناء دائرته اذا يستحق
ما شا الله على اهل الكويت مافي مثلهم ...والله يعينا وتتحسن وتتطور صلاحيات المجلس
عندنا ...مع انه صاير مثل عشم ابليس بالجنة ...