الشبابيك + أبواب دورة المياة ( أعزكم الله )

[الحـ قطر ــب]

اللحين انا واصل ف مرحلة الشبابيك والابواب ونويت اركب شبابيك يو بي في سي ؛ اما ابواب الحمامات ( كرمكم الله ) محتار بين اليو بي في سي وبين الالمنيوم

فالمطلوب اللحين كل واحد يرشح لنا شركة يكون مجربها وشغل مضمون من ناحية الجودة والسعر والسرعة لـ :-

1- شبابيك يو بي في سي للفيلا كاملة.
2- ابواب حمامات سواء يو بي في سي أو المنيوم ( ذكر اسم الشركة والنوع ).
3- باب لمجلس خارجي.

وشرايكم ف هالشركات :-
( الاختيار الالماني - القطرية الكويتية - قطر يو بي في سي - دوحة يو بي في سي - معماري قطر )

[SULTAN1]

ال يو بي في سي افضل من الالمنيوم ، وكل الشركات اللي عندنا بيقولون لك شهرين ، ومحد بيلتزم ، الله يعينك

[متفائل وايد]

بالتوفيق

[dream~qa]

قطر يو بي في سي . بس يتأخرون .

[مجنون قطر]

الأختيار الألماني

[العاصم]

كجودة شغل أعتقد قطر يو بي في سي

[اللوز]

اللحين انا واصل ف مرحلة الشبابيك والابواب ونويت اركب شبابيك يو بي في سي ؛ اما ابواب الحمامات ( كرمكم الله ) محتار بين اليو بي في سي وبين الالمنيوم

فالمطلوب اللحين كل واحد يرشح لنا شركة يكون مجربها وشغل مضمون من ناحية الجودة والسعر والسرعة لـ :-

1- شبابيك يو بي في سي للفيلا كاملة.
2- ابواب حمامات سواء يو بي في سي أو المنيوم ( ذكر اسم الشركة والنوع ).
3- باب لمجلس خارجي.

و)
الشبابيك من محل قطر لليو بي في سي
الابواب يفضل المنيوم من محل الحسن للالمنيوم - سوق الحراج
والتاكد من قياسات ابواب الحمامات لان اليو بي في سي قياسات محددة
الباب الخارجي - درابزين وعليه طبقة من الزجاج للمحافظة من عدم دخول الاتربة بين الدرابزين

[صــوت قطــر]

ارشح القطريه الكويتيه وعندهم ابواب يوبي في سي للحمامات

وبالتوفيق

[الحـ قطر ــب]

محد تكلم عن الكويتية القطرية معني زهقت من كثر ماشوف اسمهم ع البيوت

باب المجلس نويت اسوية المنيوم ويمكن ادخل معاه حديد مشغول ودبل جلاس

رشحولي مكان لالمنيوم الابواب شي زين وبسعر مناسب

[معماري قطري]

الشبابيك من محل قطر لليو بي في سي
الابواب يفضل المنيوم من محل الحسن للالمنيوم - سوق الحراج
والتاكد من قياسات ابواب الحمامات لان اليو بي في سي قياسات محددة
الباب الخارجي - درابزين وعليه طبقة من الزجاج للمحافظة من عدم دخول الاتربة بين الدرابزين


يا إخوي اليو بي في سي يسوونه بالمقاس اللي تبيه وقطر لليو بي في سي إختيار جيد وعندك الإختيار الألماني غيرهم أي كلام وما يسون شغل صح ومواد رديئة.

وليش الخلط وايد .. للحمامات اليو بي في سي زين بعد .. بس تخيل باب الغرفه خشب وشكله حلو وقريب منه باب غير .. إلا إذا يو بي في سي بشكل خشبي مقارب لباب الغرفه بيكون معقول.

الباب الخارجي إذا حديد مشغول وزجاج يكون مزعج ويسوي صوت قوي من الفتح والتسكير ولو فرضنا يركبون له ربلات بنفتك من الصوت لكن عزل الصوت الخارجي قليل والغبار بيدخل من الفجوات وسعره غالي، والأحسن ركب يو بي في سي وإنسى الهموم.

[مضارب دوسري]

الشبابيك يوبي في سي

ا
شبابيك وابواب الحمامات المنيوم
لان ارخص وباب الحمام وشباك الحمام مب لازم يكون يوبي في سي
لان الغبار او اي شي بيدش من المروحه ف بيكون تكاليف زايده من غير فايده

والحمامات اكرمكم الله اللي تخص الضيوف او الماستر الروم اشوف انه باب الخشب يسوي ستايل احلى للحمام

[almaf1a]

كم فرق السعر بين الباب اليو بي في سي والالمنيوم
وهل يستحق الفرق الي يندفع.؟

[اللوز]

كم فرق السعر بين الباب اليو بي في سي والالمنيوم
وهل يستحق الفرق الي يندفع.؟

الفروق كثيرة
ومنها ان يكون الباب كامل المنيوم
او مع تشكيلة زجاج

ولكن هناك نقطة هامة لربما يجهلها الكثير
وهي ان اليو بي في سي
قياسات محددة
بعكس الالمنيوم اي قياس تقدر اتركبه

[أم وضاحي]

بالنسبة لليو بي في سي
أنا جربت معماري قطر
ممتازين وو دقيقين في شغلهم
و على الوقت ما يتأخرون معاك
وسمعتهم كبيره
لدرجة أن الدوله تتعامل معاهم و أغلب شغلهم مسوينه حق الخويا
أسأل عن أبو نهاد
أنسان محترم و مضبوط

[IT Engineer]

بالتوفيق للجميع

[دوحة العرب]

القطرية الكويتية الأفضل عن تجربة

[الحـ قطر ــب]

شرايكم ف معماري قطر

الفرق بينه وبين القطرية الكويتية وبعد الدوحة لليو بي في سي تقريباً 120 ريال

ياريت تعطونا معلومات وتجاربكم مع معماري قطر

[الحـ قطر ــب]

120 ريال للمتر طبعا

[دوحة العرب]

انا اتكلم عن نفسي جربت الشركة القطرية الكويتية و بصراحة صج اسعارهم اغلى من بعض الشركات لكن معاملتهم طيبة و مواعيدهم بعد دقيقة,اما بالنسبة للاسعار اكيد كل شركة و ليها اسعارها و مواصفات و مصدر درايشها و الضمانات اللي بتعطيها