وقّف الأيام وأسأل هالسنين

[عضو قديم]

وقف الأيام واسأل هالسنين
وين أنا ومنين ولوين السفر
ياحبيبي بسألك هو أنت مين
فيك أنا محتار يا نار ونهر
كل ما فيني على وجهي يبين
وكل ما فيك انت تخفية بحذر
فيك قلب ٍ مايعرف إسم الحنين
وفيني قلب لا حكوا فيك إنكسر
لا كسرت مراية الوجه الحزين
وإشتكيت الهم للقلب الحجر
ماهقيت الشوق جسر من الأنين
لين ذقت الهم في ظلم السهر
يوم شفتك صرت قلب ٍ وسط عين
وفي الغياب أشوفك بكل البشر
لا نويت أنساك قالت لي السنين
وين أنا ومنين ولوين المفر


لندن 21/09/2012

[وثائقي]

اياماً تطوي حاملة معها فرح وأخرى أحزان كن ذاك الرجل الذي لايسمح للغربة أن تقتاده حيث تشاء أنصب خيام أملك على قارعة طريقه لعله يستمد تحت سقفها يوماً ..

بروكتــ .,

[عضو قديم]

اياماً تطوي حاملة معها فرح وأخرى أحزان كن ذاك الرجل الذي لايسمح للغربة أن تقتاده حيث تشاء أنصب خيام أملك على قارعة طريقه لعله يستمد تحت سقفها يوماً ..

بروكتــ .,

ماتتصور اخوي وثائقي اشكثر اسعدني مرورك
تقبل تحيتي

[@فارس@]

صح لسانك
مبدع بمعنى الكلمة

[راعي ال VXR]

لا كسرت مراية الوجه الحزين
وإشتكيت الهم للقلب الحجر


صح اللسانك ابدعت في نقلك وترجع بسلامه