ما فائدة وضع الاسعار بهذة الطريقه 199,99 ,999

[alsenator]

السلام عليكم

ابي اعرف ليش يحطون الاسعار بالطريقة هذي 99,199,999
ليش ما يحطون السعر 100 , 200 , 1000 وكذا

واخر شي اذا جيت بتحاسب خذا منك الريال

[khaldoon]

علشان يخلي عندك الاحساس النفسي انه الشي اللي شريته مب ب 100 او ب 1000 او ب 5000 ريال.... يظل السعر بالخانة الاقل .... يعني بخانة العشرات مب المئات بس....... حركات قديمة مكشوفه..... الحين صاروا يخلون السعر اقل ب 50 ريال في حالة انك بتشتري شي بالالاف او غالي جدا مثل السيارات

[khalid525]

سياسة تسعيرية لها تأثير نفسي على المشتري ، فهم يعتمدون الاعداد الفردية في التسعير وخصوصا رقم ٩ حيث يعطي انطباع انه ارخص وادق ، بينما الاعداد الزوجية تعطي انطباع انها اغلى وغير دقيقة ،

فكثير منا عندما يرى سعر ٣٩،٩ يعتقد انها ارخص من ٤٠

وهذه السياسة التسعيرية لازالت تعمل وتؤثر على المشترين مع ان الكثير يعرفون الهدف منها .

[MAZEN37]

هذه طريقة الهنود سئلت مره قالولي انه عندهم اعتقاد بانها مجلبه للحظ
وهم ياءمنوا بالخزعبلات كثير

[Al-Kuwari]

وسيلة من وسائل التسويق

٩٩٩ لها وقع نفسي عالمشتري اكثر من ١٠٠٠

لما تشوف المبلغ ١٠٠٠ تحسه كثير

لكن لما تشوفه ٩٩٩ تحسه اقل بكثير وترتاح لعملية الشراء

مع ان الفرق هو ريال واحد !! لكن العامل النفسي يلعب دور

[لاجل QT]

وسيلة من وسائل التسويق

٩٩٩ لها وقع نفسي عالمشتري اكثر من ١٠٠٠

لما تشوف المبلغ ١٠٠٠ تحسه كثير

لكن لما تشوفه ٩٩٩ تحسه اقل بكثير وترتاح لعملية الشراء

مع ان الفرق هو ريال واحد !! لكن العامل النفسي يلعب دور

:victory:

[خليفـة]

هذا يالغالي تقليد أعمى من التاجر العربي للتاجر الأجنبي
في الغرب .. وفي أمريكا يسوون هالطريقة لأن الزبون يعمل الف حساب لفرق
السعر بين هذا المحل وذاك .
يعني مثلاً :
لو فيه محل يبيع علبة البيبسي بدولار .. ومحل بجانبه يبيع نفس الحلبه بـ 99 سنت
بتلاقي الزباين يتجهون لأبو 99 سنت عشان فرق السعر
والسنت الي بيزيد بياخذه ويحطه على جمب .. وهكذا حتى يتحول مجموع السنتات
الى دولارات مع مرور الوقت .
المهم ان الفرق بالسعر له قيمته عند الاجانب .. بغض النظر عن حجم هذا الفرق

اما الربع عندنا .. ما شاء الله .. حدث ولا حرج
تلاقي الزبون هو بنفسه الي يعطي البايع الريال ويقول :
يااااااااااااااااااااااااه كلش .. ما ادري اش بتسوي لي الريال هذي

وهنا طبعاً نرجع لثقافة المستهلك .. هل هي ثقافة سليمة وقوية !
اما انها : يااااااااااااااااااااااااه كلش
:)

خليفـــة

[الامبراطوره]

انا دايما اجوف 99 ونص ولا 5ريال ونص مادري ليش االنص يعني كانها بزيد ولا بتنقص

[al wafi]

عندنا هنا تقليد وحاجه نفسيه للمستهلك

يعني 1000 تفرق 999

لكن في اوروبا 9.99 عشان الضرائب تفرق معاهم

والله اعلم

[meeemz]

تفرق في الضرايب

[alnoida]

هذا يالغالي تقليد أعمى من التاجر العربي للتاجر الأجنبي
في الغرب .. وفي أمريكا يسوون هالطريقة لأن الزبون يعمل الف حساب لفرق
السعر بين هذا المحل وذاك .
يعني مثلاً :
لو فيه محل يبيع علبة البيبسي بدولار .. ومحل بجانبه يبيع نفس الحلبه بـ 99 سنت
بتلاقي الزباين يتجهون لأبو 99 سنت عشان فرق السعر
والسنت الي بيزيد بياخذه ويحطه على جمب .. وهكذا حتى يتحول مجموع السنتات
الى دولارات مع مرور الوقت .
المهم ان الفرق بالسعر له قيمته عند الاجانب .. بغض النظر عن حجم هذا الفرق

اما الربع عندنا .. ما شاء الله .. حدث ولا حرج
تلاقي الزبون هو بنفسه الي يعطي البايع الريال ويقول :
يااااااااااااااااااااااااه كلش .. ما ادري اش بتسوي لي الريال هذي

وهنا طبعاً نرجع لثقافة المستهلك .. هل هي ثقافة سليمة وقوية !
اما انها : يااااااااااااااااااااااااه كلش
:)

خليفـــة


عندنا هنا تقليد وحاجه نفسيه للمستهلك

يعني 1000 تفرق 999

لكن في اوروبا 9.99 عشان الضرائب تفرق معاهم

والله اعلم

بجمع هذين الردين تكون الإجابه على السؤال 100%

[حسن]

تصدقون توني منتبه والمشكله غير يعني الضحى رحت اشتري غزول حق البحر قالي 390 ريال عطيته 400 وقلت له الباقي
حق الشاي:omg:والحين اللي بيدفع 99 مهب عجزان عن 100 يعني في كلتا الحالتين مستفيدين

لكن وش نسوي حندفع

[كازانوفا]

بالفعل ينضحك عليناا بالارقام هذه اكثرر

[Dana’1]

سياستهم...ناخذ اكر مما نعطي ...هههههه

[كبير المتداولين]

عشان يلخبطونك بالحسبه وتشتري اكثر بضاعه ممكنه بدون ماتحس كم شريت

[qataria]

طريقة سعرية يستخدمونها في التسويق. لان العقل البشري يركز على الرقم اليسار وهو الرقم الاهم. مثلا بتشتري سيارة سعرها 265650 ريال بتركز دايما على الرقم اليسار لانه الاكبر و الاهم، او بتشتري غرفة 9890 ريال بعد بتركز على الرقم اليسار.
فيه طرق ثانية مثل اشتري واحد واحصل على الثاني مجانا بالرغم من انك ما تحتاج الثاني لكن بتشوفها فرصه مربحه، او منتج فيه مواصفات اضافيه انت مش محتاجها ولكن تشتريه لانك تشوفها فرصة.

[Mohammed2]

هاذي استراتيجيه في التسعير
اللي يدرس التسويق بيعرف

[دانة الطواش]

أنا مع من يقول اولها تأثير نفسي على الشخص بالتقليل ، وفيها أيضاً استهزاء على الشخص .

[abdo222]

كذا عامل:

العامل التجاري: الضرائب تجبر التاجر ما تكون السلعه اكثر من 5 دولار مثلا, فيكون لهم الحق يحطونها 4.99 عشان ما يطلع عليها ضرائب زياده لو تعدوا الحد المسموح

العامل التسويقي النفسي: الشعور بان السلعه ارخص وهال الشيء نفع ولايزال يجذب الزبائن

[بصمة قطرية]

طول عمري اقرا ال 99 ،، 100
يمكن هي عالم نفسي مثل ما قالوا الاعضاء
بالنسبة لي 100
و 1000
و 5000
ما تمشي علي سالفة الريال:rolleyes2:

[اوف ليميت]

طال عمرك هذي ثل ماقال احد الأخوه
منها شي نفسي..صحيح
ومنها فلسفه تسويقيه

ولكن .. خل نتكلم عن الفلسفه التسويقيه او الجذب النفسي هني بالخليج وخصوصا في قطر

مــــــــــــــــــــافي ..

لأن هالشي فالغرب ينطبق على الاشياء الصغيره والكبيره...ولو تلاحظ عملتهم فيها اختلاف..ف السنت او البيني عندهم يعنيلهم شي
فالناس تتعامل بالعملات المعدنيه الصغيره اكثر من ورقة الدولار
والكثير والكثير جداً من تعاملات حياتهم اليوميه عن طريق شبابيك وثلاجات وريتيلرز .. يستخدمون العمل المعدنيه
هذا بالاضافه الى ان الان (تصوير + شرب + اكل + ايجار موقف + تذاكر ... والكثير غيرها) اصبحت عندهم كلها بالعمل المعدنيه .. واكبر دليل انتشار الثلاجات الخارجية بكل مكان بما بها من طعام وشراب وأدويه وصور وغيره ..

الدولار عندهم يفرق..شف كم مقسم وكم اشياء مختلفه ممكن تشتري فيه او اتصرفه بطريقه متعدده

أما في قطر .. ايش بتصرف فيه؟ الحين ياللا عصير بو نص..لا والنص الثاني ياخذه له وللا يردلك علكه وبعد نقطها مانبيها..خايسه ورطبه من يوم كنا بعمر السنتين ليومك هي نفسها نفسها ماتغيرت

لو فرضنا ان في شي من هالنشاطات اللي فالغرب..متوفره في قطر ... ايش تأثيرها اللي بينعش الاقتصاد او بيسبب نمو وللا حاجه؟

ارجع اقول مــــــــــــافي

ولو بتلاحظ .. الغرب في كل شي يحطون ال .99 وال .98 .. هاي يبين انه سبب اقتصادي تسويقي أو سبب نفسي لجذب الناس..ف شي صـــح
حتى عالمواتر والبيوت بتلاقي سياره قيمتها 60,999.60...

لكن هني وين بتلاقي على بيت او موتر .99 او 0.98 ؟
للبيع بيت فالدوحه مكون من 8 غرف ماستر و 9 حمامات "غير البنت هاوس" (اكرمكم الله) و 3 صالات (ثنتين تحت ووحده فوق) ومجلسين داخليين ومجلس خارجي بالاضافه الى مصعد
مساحة الارض 2000 م2 ..ومساحة البناء 1000 م2

للبيع: 13 مليون و 800 ألف و 60 درهم ;p

ويجيك خبل يقولك (قابل)..احلف!!

ماااااافي
لان بالاشياء الكبيره هذي ماتفرق هني عندهم..بيدبلك السعر دامك بتشتري اصلا شي عادي ولابتفرق لا عندك ولا عنده
هني بس يحطون هالاشياء على سوالف بو نص ريال بو ريال و 10 ريال وجذي..هاي منها فياده..تنباع بكميات واستهلاكيه سريعه..وكثر ال 0.99 بيطلعله منها بالشهر 10 الاف ريال وللا شي...لكن مايعممونها على كل السلع نفس الغرب

اللي هني هالاسعار اللي فيها .99 و غيرها .. مجرد (( لحاجه في نفس يعقوب ))

طمع وتربح

الفائده هي : التمهيد لأهداف استهلاكيه مستقبليه، إما برفع الأسعار (بالاستهتار لقلة وجود الفارق) .. وإما للربح الشخصي اعتماداً على بيع ماتم استملاكه واستيراده بأسعار الجمله .. فقط

:]

[اوف ليميت]

كذا عامل:

العامل التجاري: الضرائب تجبر التاجر ما تكون السلعه اكثر من 5 دولار مثلا, فيكون لهم الحق يحطونها 4.99 عشان ما يطلع عليها ضرائب زياده لو تعدوا الحد المسموح

العامل التسويقي النفسي: الشعور بان السلعه ارخص وهال الشيء نفع ولايزال يجذب الزبائن

خلك من سوالف الويكيبيديا
قريناه هذا
وصحيح

لكن لاحظ انهم يحطون .96 و .8 و .6 .. ف بعضهم مش بسبب ضريبي
وللا عيل ليش ماحط 4.99 نفس ماقلت انت..واكون وفرت ع روحي من .99 ل .6 .. مايقارب ال .39
حلوه .39
3 منتجات من هذي بطلعلي دولار..شي روعه ترى بالنسبه لاقتصادهم
بس لا .. ماسووها

هذا بالاضافه الى ان بعض الاماكن بالولايات معفيه
وبعض الولايات اصلا اقل عن غيرها
والمنتجات لنفس الشركه بهالولايه والثانيه بنفس السعر...فسرها؟
وبعد التجار يعرفون ان البعض معفي من الضرايب او يقدر يستردها .. ليش مايضربون عليك بالعالي فالسعر .. ويكون طلع مال الضريبه وبعد فوقها فايده من جيب الزبون

ترى الغرض مش مادي 100% عندهم
يبون زباين اهم شي عندهم

هني العكس ..
باختصار..هناك في رقابه
هني مافي..+..إهمال


:]

[(بوطلال)]

في اوروبا تحتسب الضريبه على الرقم الصحيح فلو نقص سنت او بنس تلغى الضريبه من الرقم الصحيح.

[alsenator]

شكرا لكل من علق بفائدة
ولكن احنا ما عندنا ضرائب عشان كذا انا اشوف الموضوع فيه خداع اكثر من ناحية تسويقية