زهقت من دوام البترول

[أسد الجزيرة]

السلام عليكم

يا اخوان زهقت من دوام البترول ارجع البيت قريب الساعة 4 صحيح الرواتب عالية بس الفلوس مب كل شئ اشتغلت سنين شفتات و الحين ثابت صباح و الحال افضل قليلاً فقط فضفضة و تنفيس عن القلب

لحد يجيني و يقول تزوج مرة ثانية عشان ترجع تتنشط

شكله يبيلي اجازة

[المبرمج صلاح]

والله يالغالي اشوف الدوام مش كبير لدرجة انك تعاني منه معظم الدوامات في الدوحة ل 2 او 3
ولغاية مانوصل البيت تصير اربعة وبعض الناس يوصل ل 6
بس هذا شي يرجع لشخصية الانسان وقدرته التحمل وعمر الشخص والحاجة للراتب طبعا شي اساسي

فاعتقد دوامك مناسب جدا لاي شخص يريد ان يعمل في دولة قطر واشوف دوامك مناسب جدا بصراحة

ولكن اذا كنت ليس في حاجة الراتب وانك عملت الكثير من سنوات عمرك في مختلف الوظائف
اكيد نفسك سوف تشعر بانك تريد الاجازة ولاتريد العمل او ان ساعات العمل تتعبك نفسيا وخاصة اذا كانت وظيفتك ادراية او انك جالس في المكتب طول الدوام او العكس تماما ان تشتغل طوال فترة الدوام بجهد مبالغ فيه لفترة طويلة من عمرك فمن حقك ان ترتاح بعد هذه السنوات

فكما قلت لك اذا كنت ليس في حاجة لوظفية وعندك دخل غير الوظيفة يؤمن لك حياتك ومعيشة اسرتك في هذا الزمن الصعب فاري انه حان وقت الاجازة ولكن لاتتسرع وفكر كثيرا قبل اتخاذ هذه الخطوة
واختلف معك في شي للاسف الفلوس في هذا الزمن هي كل شي

بالتوفيق لك اخوي

[الزعفراني]

وعليكم السلام والرحمة اخوي .. قول الحمدلله

[وثائقي]

أسد الجزيرة اسأل الله تعالى أن يبارك لك في رزقك ومالك وولدك والإنسان خلق في كبد وطبيعي أن يكدح المرء في سبل عيشه وربما تأقلم معه فهذا ماساقه الله إليك من رزق لتبتغي من فضلة وتشكره وتحدث بنعمته ..

وفقك الله تعالى ..

[خليفـة]

امسك مينونك لا يجيك الي اجن منه وانا اخوك
:)

خليفـــة

[لاجل QT]

أسد الجزيرة اسأل الله تعالى أن يبارك لك في رزقك ومالك وولدك والإنسان خلق في كبد وطبيعي أن يكدح المرء في سبل عيشه وربما تأقلم معه فهذا ماساقه الله إليك من رزق لتبتغي من فضلة وتشكره وتحدث بنعمته ..

وفقك الله تعالى ..

:nice:

انا اشتغل في مستقلة وراتبي اقل من راتبك وارجع البيت الساعة 4 وانا مرة ام عيال واقول الحمدالله اللهم ادمها نعمة واحفظها من الزوال

ترا النعمة زوالة يااسد الجزيرة قول الحمدالله

[أسد الجزيرة]

مشكورين يا اخوان المشكلة حاس انه مقصر في عيالي ارجع ٤ و هم ينامون على ٧ او ٨ يعني ما الحق اقعد معاهم

شغلي اداري

[qatarman8008]

انا اشوف ان الشفتات افضل بكثير من الصبح .. أنا في البترول من عام 99 .. داومت شفتات طول الفترة الماضية 4 دوام وو 4 اوف .. عجيب .. توه حاطيني ثابت صباح .. اطلع من البيت 6 الصبح وارجع 5 العصر كل يوم .. يعني اليوم كله خلص وما عندي 4 أوف .. !!
طبعا اذا فيه مقارنة بين البترول والدوائر الحكومية الثانية بيطلع البترول افضل بكثير في جميع المجالات .. الا الاجازات .. الصراحة مقصرين فيها .. 24 يوم في السنة .. !!! اذا عندك موعد في مستشفى تاخذ منها واذا تبي تطلع اجازة في العيد بعد منها .. خلصت الاجازة مني ومناك ..

[أسد الجزيرة]

الحمد لله و شكراً لكم

[elders]

عليكم السلام والرحمة

خدلك بريك ...مش كيت كات بس

رح ترجع تلاقي انو الدوام طبيعي جدا ..عالاربعة تكون بالبيت وانت رجل ومافي شفتات تانية ولا شغل بالبيت او اتصالات شيء اقرب للمثالية ..الله يباركلك ويرضيك

[غايه الطواش]

*هذاني من اسنين اشتغل وادخل البيت قريب الأربع واحيانا
يأذن علي الظهر والعصر والمغرب وانا بالمكتب لمن نادر
فالأخير احب شغلي وراتبي عالي والحمدالله ومستمتعه بعد

في اماكنيه تنقل لوزاره دوام اقل و راتب اقل وامتيازات اقل

[لاجل QT]

مشكورين يا اخوان المشكلة حاس انه مقصر في عيالي ارجع ٤ و هم ينامون على ٧ او ٨ يعني ما الحق اقعد معاهم

شغلي اداري

كان هذا العذر تكفي عيالك 3 ساعات تخصصها لهم قبل لاينامون

يعنى مثل حالي:)

[عزووز قطر]

اخوي اسد قول الحمدالله
والكثير من الشباب مثل وضعك
وفي موظفين في الوزارات يتمنون يشتغلون في قطاع البترول علشان الرواتب والمميزات ،،،

بس دامك متملل خذ لك اجازة واقعد في البيت مع العيال
والله يوفقك ويرزقك ويسهل عليك امورك

[روح الاطلس]

انقل لعمل ثاني دام الراتب مايهمك بتلقى شغل براتب اقل من البترول في الوزارات يخلص الدوام على الوحده وفيه بجهات ثانيه غير الوزارات مثل المجلس الاعلى للقضاء

[حسن]

الله يرحم ابوي يقول اشتغلت مع الشركه اول انتاج البترول في دخان ويقول نقعد اسبوع ويرخصونه يوم الخميس
وينزلونه في شريه وادي مادري روضه ويمشون لين الخور الله يرحم ايام الزمن التعيس

ياخوك دوام الشركات ذي تحس انك عبد مملوك يغرونك بالفلوس والرواتب العاليه

لو انه عنك اقولهم عطني صحتك وخذ معاشي

[سواعد111]

احمد الله أنك ما تشتغل في مستقلة نوصل البيت ثلاث ونكمل شغلهم اللي ما يخلصولا وراك ملف مهني مسويلك رعب ومغ ذلك نحمد الله ونشكره

[مضارب دوسري]

انا اشوف ان الشفتات افضل بكثير من الصبح .. أنا في البترول من عام 99 .. داومت شفتات طول الفترة الماضية 4 دوام وو 4 اوف .. عجيب .. توه حاطيني ثابت صباح .. اطلع من البيت 6 الصبح وارجع 5 العصر كل يوم .. يعني اليوم كله خلص وما عندي 4 أوف .. !!
طبعا اذا فيه مقارنة بين البترول والدوائر الحكومية الثانية بيطلع البترول افضل بكثير في جميع المجالات .. الا الاجازات .. الصراحة مقصرين فيها .. 24 يوم في السنة .. !!! اذا عندك موعد في مستشفى تاخذ منها واذا تبي تطلع اجازة في العيد بعد منها .. خلصت الاجازة مني ومناك ..

:nice::nice::nice:

هذا الكلام الصحيح
ارجع شفتات ابرك لك عالاقل 4 ب 4
4 ايام تشد حيلك وتتعب
و 4 ايام تريح راسك وترتاح نفسيتك

واا مب عاجبك قدم استقالتك وشوف وظيفه ثانيه
وفالاخير بتقول ياليت قعدت فالبترول

[chillis]

الي يبي راتب جامد مايتحلطم استقيل واشتغل بوزاره :) سهالات ترا تبون رواتب وراحه مايصير ولا اطلع اجازه طويله شوي وفكر وشوف القرار الي يناسبك

[رحال]

الدوام في الحكومة اليوم أشبه بالبترول

الخصم أصبح بالدقيقة

[شبل الجزيره]

انا ادش بيتنا على الخمسه ونص كل يوم, ونادر ما ادش سبعه او سته والله العظيم..

غير دوام نهاية اخر الاسبوع والدور على كل مهندس مره كل خمس اسابيع!

تخيل ناطر الجمعه والسبت ويقولون لك بداوم... امحق ويكند!

وياليت يحسبون لك اوفرتايم

احمد ربك اخوي وخلك على مجنونك مثل ماقال اخوي خليفه

[مضارب دوسري]

خلاص عيل اخوي عندك الحل الوسط
بما انك حسب كلامك تداوم ٩ساعات فاليوم
ليش ماتزيدهم ٣ ساعات وتخليهم ١٢ ساعه
اول يومين دوام ماراح تقعد مع عيالك لانك شفت صباح
بعد ثاني يوم من دوام الصباح بيكون عندك ٢٤ ساعه من ٧ فليل الى ٧ الليل اليوم الثاني
بتداوم اول ليل وبترجع تعبان ماراح تقدر تشوف عيالك وتداوم اخر ليل
وعقب مبروك عليك ربحت اجازه ٤ ايام فاضي مع عيالك ومستانس معاهم

يعني في هالحاله ٣ ايام ماراح تقدر تقعد مع عيالك و ٥ ايام مع عيالك

[ام ناصر1]

غير شغلك وارضى بالاقل اذا هاي يريحك ويكفي اهلك ...واذا تبي تجدد نشاطك من الشفتات سو مثلي
خل اجازتك شهرين شهر من عندهم وشهر باقتطاع راتبك ...وبترجع انشط ...ان شاء الله

[متروس]

اسد الجزيرة

الله يبارك لك في رزقك

السبب الي خلاك تزهق بسيط حتى لو انك في احسن وظيفة وفي احسن مكان

السبب هو الروتين ,,, عليك بالرياضة ,, واقل شي ممكن تسوية ويغير جوك هو المشي

وما ادراك مالمشي

المشي ثم المشي ثم المشي ,,, وراح تتغير نفسيتك للأحسن بإذن الله

[الخيالة]

أنا أتمني احصل شغل ثابت صبح مستعدة أداوم لين 4 بعد عادي :(
احمد ربك عيل أنا شقول :( :( أمي وأبوي محتاجينني وانا دوامي شفتات لا واكثر شي عصر وليل :(

[ريتويت]

اذكر الله وقول الحمدلله غيرك يبي يشتغل اي شي ومامحصل... علي قولتهم اكل عيش ورزقك لاتقطعه بيدينك

[مدرسة]

عيل احنا شنقول في معتقلات المجلس الاعلى !!

[رامي خوري]

اطلع البحر مع عيالك وغير جو و روق .... الموضوع انك مالل من الروتين لا أكثر

[مجرد سفير]

عيل احنا شنقول في معتقلات المجلس الاعلى !!


والله مرتاحين بالمقارنه مع رواتبكم

40 و 50 الف







شرايج تبادلين وتشتغلين بالعسكرية ؟

[الأصيلة]

الزهق والملل عند الشباب
هي سبب أخذ الأجانب مكانهم بكل سهوله
لأنهم مايزهقون ولا يتعبون ويشتكون
العمل عبادة يحتاج تجديد نيــه...
حرام ها الوظائف تروح للأجانب...

[مجرد سفير]

الزهق والملل عند الشباب
هي سبب أخذ الأجانب مكانهم بكل سهوله
لأنهم مايزهقون ولا يتعبون ويشتكون
العمل عبادة يحتاج تجديد نيــه...
حرام ها الوظائف تروح للأجانب...


وش دخل الاجانب في الموضوع ؟




هذه شماعه نحط عليها اخطاءنا

[Dana’1]

دام الراتب عالي مشاءلله ..اجمع لك مبلغ محترم..واعمل لحساب نفسك..في ايي مجال اهم شي تحبة

[بـن عدوان]

انا اتفق معاك اخوي

القصد من الموضوع

ياخي شهالحياة اللي كلها دوام في دوام مانقعد مع اهالينا والعمر يروح

وين الواحد يكون فيه حيل لما يداوم 8 او 9 ساعات

ترجع البيت تعبان تتغدى تريح شوي وصار المغرب واذا ماصار العشى بعد

والمزاج يكون معتفس

والعيال ناموا

تقعد شوي مع الاهل وترجع تنام عشان تقوم تداوم مرة ثانية

للعلم انا مب متزوج بس فكرت بهالشي لما اتزوج شلون بيكون الوضع

لا واذا مرتي بتشتغل بعد ،، انا وهي بنرد تعبانين .. مالنا مالنا خلق حق بعض !!

ودي افتح موضوع بخصوص هالشي ابين السلبيات

[الجني]

أخي الكريم ,

العالم بأسره يعمل 8-10 ساعات يومياً و يوجد من يعمل 12-18 ساعة يومياً

أنت صح و غيرك خطأ

لوقت مع العائلة كيفاً و ليس كماً

لا يقارن الجلوس في البيت ساعات طويلة مع الخروج مع العائلة إلى نزهة
او زيارة الوالدين او الأهل

وفقك الله لمرضاته

و تقبل مروري

[الحال مايساعد]

الحمد لله
دائما قارن نفسك بمن هم أقل مستوى منك وستصل إلى القناعة والرضاء التام
الحمد لله يارب

[khalid525]

كلنا يجينا هالشعور ، خذ اجازة وفكر في الموضوع ، بس ادا فعلا قررت تترك شغلك لا تروح حق شغل راتبه اقل ، لان حياتك تكيفت على هالراتب ، وافضل شي في حالتك انه يقطع اجازته ويطلع اجازة اكثر من مرة في السنه .

[أسير الاسهم]

المشكله صدق فالبترول ودوامه انه بعيد عن البيت مب قريب مثل باقي دوامات الحكومه
تطلع من البيت الساعه 5 الصبح وساعه ليما توصل دوامك .. و 8 ساعات دوامك وترجع للبيت يبيلك ساعه يعني ترجع العصر .. وطبعاً الواحد يرجع فاصل تعبان .. يرقد له شوي يقوم بعد المغرب ما يمدي تسوي شي والا تروح مكان والا تقعد مع الاهل .. أكثر من نص اليوم راح في الدوام

[Web-Master]

أشوف دوامك عادي .

تأكد أن دوام معظم المؤسسات في الدولة لاينتهي قبل 3 باستثناء الوزارات الحكومية والعسكرية.

أشوف تاخذلك اجازه كم يوم تنشط فيها ذهنك وقدراتك .

والله يوفقك.

[doha1]

صحيح اتفق معاك ان الرواتب ولله الحمد والمنه والبيئه طيبه والتطوير نص ونص

واتفق معاك ان يبيلنا ساعه لين نوصل البيت والله المستعان وهذا الشي السيء

لكن اكل العيش مر اخبر لازم فيه تعب

[للصبر اخر]

امسك مينونك لا يجيك الي اجن منه وانا اخوك
:)

خليفـــة

صح لسااانك

[حبر وقرطاس]

مايسوى عالريال جا يفضفض كلتوه بقشوره
الريال يفضفض بس لا يبي يغير الدوام ولا شي واضح من كلامه
بس يتكلم من منطلق ارهاق واجهاد
وفعلا شي متعب ان الواحد يحس انه مقصر مع عياله
بس اتصور الويكند بامكانك تجلس معاهم وتسولف وتشاركهم التلوين مثلا او توديهم يسوقون سياكل صوب سباير
او مثلا تشاركهم تصفح الانترنت او تأجر فيلم اطفال جديد او فيلم رعب او مغامرات وتجيب شغلات لذيذه مثل عشا من مطعم وشويه كيك وايس كريم وتعطونها اكل وعقب السهره تشوفون الفيلم وانتوا تاكلون ايس كريم
او مثلا تمر اي مكتبه تشتري لهم معجون وتشتغلون عليه تعطونها قعده عالارض وتفننوا
في انشطه كثير وتعتمد حسب ميول عيالك واعمارهم
بس وظيفتك تمسك فيها وترى الاحساس الي يجيك يجينا كلنا والله، وصدقني حتى اصحاب المناصب مب مرتاحين كل وظيفه لها منغصات بس اظن الماده تطيب الخاطر وتخليك توفر كل شي لهلك وبأحسن المواصفات
واذا تحس انك مرهق بامكانك الساعه ٨ والا ٩ المسا تروح تسوي مساج على يد متخصص يحرك لك الدوره الدمويه في جسمك من جلسه المكتب او ممكن تسوي حجامه في اي مركز متخصص وصدقني بتحس بتجدد ونفسيتك بتصير cool

[eXpert*]

الله يعطي الوالد طولة العمر :

دائماً يقول لي :( يا أكسبيرت الوقت اللي أضيعه في مكتبك كل يوم لو تحطه في تجارتك أو شغلك الخاص كان انت الحين ملياردير).

الواحد يكد كدّ وفي الأخير الراتب واحد سواء داوم 8 ساعات ولا 24 ساعة .

عزيزي أتجه للأعمال الحرة .

[اوف ليميت]

دام الراتب عالي مشاءلله ..اجمع لك مبلغ محترم..واعمل لحساب نفسك..في ايي مجال اهم شي تحبة

بس ياراعي الموضوع..جاك الرد الصحيح
هذا هو الحل الابسط والانسب

:]

[بومحمد911]

اسد الجزيرة

الله يبارك لك في رزقك

السبب الي خلاك تزهق بسيط حتى لو انك في احسن وظيفة وفي احسن مكان

السبب هو الروتين ,,, عليك بالرياضة ,, واقل شي ممكن تسوية ويغير جوك هو المشي

وما ادراك مالمشي

المشي ثم المشي ثم المشي ,,, وراح تتغير نفسيتك للأحسن بإذن الله

انا مع هذا الرأي الرياضة افضل وسيلة للتخلص على الروتين الممل

[ام ناصر1]

^^^^
يمكن ماله بارض للعمل الخاص ... او توه مكون عايلته ويبي يفرح بممارسة دوره كأب
ايخرب على عمره بالخروج مرتين من المنزل وهو يشتكي ...انه تواجده قصير
الي ماجربوا نظام الشفتات ع بالهم الاخ يتذمر ...نظام الشفتات يهد الحيل ....ويكسر العافية
ويخليك تلف في حلقة مفرغه ....
بس الحمد لله انه غير لنظام عادي ...خذ وقتك بالتعود عليه ...وكرس وقت نوعي لابنائك

[Al- noor]

مشكورين يا اخوان المشكلة حاس انه مقصر في عيالي ارجع ٤ و هم ينامون على ٧ او ٨ يعني ما الحق اقعد معاهم

شغلي اداري

لا تحس بالتقصير ولا شي بالعكس انت تتعب عشانهم وترا بقولك شي عيالك نفسهم يرجعون البيت 2 او 2 ونص سهالات ترا هم عيالك بعد مب فاضيين اهم شي انك تم معاهم في البيت ليما ينامون 8 وعقب اطلع خلص اشغالك برا :nice:

[Riku3]

انا يجيني هالاحساس ببعض الاحيان خصوصاً اني ما اخذت اجازة من 2004 .. بس دوامي ما يتأخر كذا ولله الحمد وما اقدر اتخيل ما ارجع اتغدى مع الاهل !! ..

انا مع الحل الي يقول سوي رياضة :] .. انا بديت اتمرن حديد في 2007 وصراحه هالساعة الي اقضيها في الجيم انسى فيها هموم الشغل والدنيا وتنشطني بشكل كبير .. وباين انك محتاج اجازة طويلة تريح فيها وتنشط نفسك :) .

الله يكون في عونك .

[هيا*]

الحين ابي حد شغال في قطر للبترول
يقولي الصج ولا شيء غير الصج :)

هل صحيح الدوام من 7 الى 3 والا ممكن اطنشهم واطلع 2 ؟؟؟؟؟؟

[جراسا]

قول الحمدلله
اخوك في الله يشتغل في قناة الجزيرة الرياضية و راتبي هناك بسيط
و دوامي من الساعة 6 مساءا للساعة 2 الفجر...و رغم ذلك اقول الحمدلله

[المرحب]

:nice:

الحمدالله اللهم ادمها نعمة واحفظها من الزوال

ترا النعمة زوالة يااسد الجزيرة قول الحمدالله




:nice:

[Bozizoo]

:nice:

انا اشتغل في مستقلة وراتبي اقل من راتبك وارجع البيت الساعة 4 وانا مرة ام عيال واقول الحمدالله اللهم ادمها نعمة واحفظها من الزوال

ترا النعمة زوالة يااسد الجزيرة قول الحمدالله

قول الحمد الله ترى راتب المدرس راتب مهندس في البترول

[Bozizoo]

الحين ابي حد شغال في قطر للبترول
يقولي الصج ولا شيء غير الصج :)

هل صحيح الدوام من 7 الى 3 والا ممكن اطنشهم واطلع 2 ؟؟؟؟؟؟

اختي الدوام من 7 الى 3
هذا الرسمي بس لك نص ساعه الصبح تقدر تجي متاخر
انا بتكلم عن نفسي
يمكن مافي حد يحاسبني على التاخر لاني حريص بنفسي
علي الشغل و ان اكون في المكتب قبل الوقت احضر التقارير للاجتماعات
و تقرا الايميلات الي عندك
في إحساس بالمسوليه
يمكن مب الكل لكن الاغلبيه من الموظفين

[عاهد بن علي]

السلام عليكم

يا اخوان زهقت من دوام البترول ارجع البيت قريب الساعة 4 صحيح الرواتب عالية بس الفلوس مب كل شئ اشتغلت سنين شفتات و الحين ثابت صباح و الحال افضل قليلاً فقط فضفضة و تنفيس عن القلب

لحد يجيني و يقول تزوج مرة ثانية عشان ترجع تتنشط

شكله يبيلي اجازة

الحل بيدك يا استاذي

[BuFaisal]

اتفق مع اخوي الكاتب الدوام طويل في قطر للبترول
لكن حاليا اصبح دوام الحكومة قريب من دوام قطر للبترول
ناس اعرفهم في كهرماء والحكومة وتعبانين من الدوام

كلنا في الهوا سوا يا الطيب .. امسك مجنونك لا يجيك اجن منه

[ريتويت]

نصيحه خلك مكانك

[العريق]

انا مع الاخوان اقولك خلك مكانك و الحكومة خلاص دواماتهم كلهم كذيه

[ولد شرق]

مشكورين يا اخوان المشكلة حاس انه مقصر في عيالي ارجع ٤ و هم ينامون على ٧ او ٨ يعني ما الحق اقعد معاهم

شغلي اداري

اسمحلي يالغالي كلامك متناقض و انا اخوك

في البداية قلت كان دوامك شفتات والحين صباحي يعني الحين حالك حال غيرك بل حالك حال الكل
وبعدين بالنسبه للعيال اذا رجعت 4 تقدر اتسوي لهم جدول تطلع معاهم بعد المغرب تتعشى و ترجع البيت علشان ينامون
وعندك اجازه نهاية الاسبوع تقدر اتخليها من احلى الايام

والله يوفقك و يبارك لك في اعيالك

[نوار قطر]

الكل يشتكي من الدوام وانهم مايشوفون عيالهم الله يعينكم بصراحه اذا شفت نفسك انك مب قادر تنجز وتعطي في شغلك وحاس بتوتر خذ لك اجازه ريح راسك فيها ارتاح ساعتها بترد وانت فرش منعنش والله المستعان

[حبر وقرطاس]

خذ اجازه وسافر اخر الاسبوع خميس جمعه ست وانت راد
روح دبي مولات جديده فاتحه بنوعيه مطاعم واطباق مميزه
بضايع غريبه ومتنوعه وعالم وحياه حركه ونشاط

[عطر فرنسي]

اذا انت زهقت عيل احنا دوام البنوك شتقول كل يوم نرجع خمس وست المغرب خلها على الله

والحمدلله على كل شي

[ديار الخير]

أخي الكريم، جرب مقارنة نفسك مع شخص حاله أسوأ بكثير بحيث لا تتمنا حاله ينطبق على مسلم ...

ثم قارن ذلك بوضعك ! ستجد أنك في نعمة يجب شكر الله عليها [ لدوامها ] ...

وما أنت بحاجه إليه هو اجازة كما أشار الأخوة ...

وكتاب علمي يحل لك مشكلة بسيطة وهي [ كيف تركز على نقاط ايجابية تحببك بالعمل، وأخرى سلبية تتجنبها حتى لا تكره العمل ] .

جرب ذلك، ولا تفوت الدعاء فهو أعظم أسباب الشفاء من كل علة ...

نسأل الله لنا ولك العفو والعافية ...

[الرايــق]

قول الحمد لله..

أنا مداوم من 6 الصبح والحين وصلت البيت ..

[XXX]

كثير منكم يقول يحيكم ر اتبكم عاليه
تعالو شوفو طبيعة العمل عندنا
من تصبح علئ مكاين ديزل
وﻻ في اهتمام من المسائيل وقسم بالله يدورون الزله عشان يحاججونك وقت الدرجه او التقييم السنوي
والله ان حالتنا في اكثر اﻻماكن يرثى لها
لا في داخل الدوام وﻻ خارج الدوام من اﻻفارول الي نلبسه
الهندي عندنا على الراس والعين ﻻنه يخاف ويسوي اشغالهم وهو منطم
انا اسوي شغل مسؤولي ف المقابل ههو تطلع التقارير باسمه ومن اقل سبب يجيني انذار عشانما احاججهم بدرجه
والله اني راضي في اي مكان خارج قطاع الغاز حتئ لو راتب اقل
وﻻ مجابل مسؤول قطري حتئ الهندي ارحم منه

[l0o0rd-qtr]

خذ اجازه طويله بدون راتب

[روح qtr]

الله يعينك ويعينا جميعا ويرزقنا ان شاء الله بالراحه والقناعه

[العملة النادرة]

كلنا نفس الحال قول الحمدلله

[ريتويت]

ربي يعين الجميع

[يوسف الحمادي]

الحمد لله على كل حال

وشي طبيعي ان الأنسان لازم يتعب في رزقة

لكن للأسف التفاوت في ساعات العمل بين الجهات يسبب تفكك اسري ويضعف العلاقات الأجتماعية في البيت الواحد

اذكر قبل ( الله على ايام قبل ) كلنا في البيت الساعة 1 الظهر

والساعة وحده ونص وقت الغدى ونتجمع ونسولف وناخذ اخبار بعض وكل واحد فينا يقول وش سوى اليوم في الشغل

أما الحين ههههههههههههه حدث ولا حرج

الوالد يخلص وحده وانا ثلاث وواحد من اخواني طيار ف بحكم شغلة مب دايما يكون موجود ....... الخ

بأختصار كل الي في البيت اوقاتهم تختلف عن بعض

وكل واحد يرجع يتغدى بروحه ............... والحمد لله ان احنى متفقين على وقت واحد في الويك اند

[R 7 A L]

يازين دوام البلدية
قبل قليل كانت لي معاملة في احدى أدارات البلدية
الساعة 8 توهم واصلين الموظفين ومن بعدهم بدقايق وصل مسئولهم وتحيه صباحية بين الجميع وقهوة وكرك وشاهي ومع ذلك ينجزون ويخلصون معاملات الجهور اللي موجودين بكل أريحية وسلاسه بدون تعقيدات

تحيه صباحيه لهم

[بـــــدوي]

والله ماألومك يوم كتبت الموضوع ، لانها الجهة الوحيدة تقريباً اللي موظفيها من يباشرون لين يتقاعدون وهم من دراسة في دراسة

بالتوفيق يااخوي

[نوار قطر]

يازين دوام البلدية
قبل قليل كانت لي معاملة في احدى أدارات البلدية
الساعة 8 توهم واصلين الموظفين ومن بعدهم بدقايق وصل مسئولهم وتحيه صباحية بين الجميع وقهوة وكرك وشاهي ومع ذلك ينجزون ويخلصون معاملات الجهور اللي موجودين بكل أريحية وسلاسه بدون تعقيدات

تحيه صباحيه لهم

شهادة نعتز فيها مع ان اول مره حد يمدح في شغل البلديه ههههههه كله حاطين علينا وبس وان الموظفين مطنشين وووو... :)

[R 7 A L]

شهادة نعتز فيها مع ان اول مره حد يمدح في شغل البلديه ههههههه كله حاطين علينا وبس وان الموظفين مطنشين وووو... :)

بس بعد ماخلصت معاملتي وطلعت
لقيتهم يسابقوني على باب الخروج :secret:

[بوحمد111]

الحمد لله على كل حال وهذه سنة الحياة

انا عن نفسي اشتغل في البترول من سنة 1982 ولله الحمد وما زلت استمتع بدوامي واحس انه كل يوم يزداد نشاطي عن اليوم الي قبله ولا عمري شكيت همي لأحد غير الله سبحانه وتعالى وهذا رزق من الله غيرك يتمنى الوظيفه

تحياتي

[هيا*]

الحمد لله على كل حال وهذه سنة الحياة

انا عن نفسي اشتغل في البترول من سنة 1982 ولله الحمد وما زلت استمتع بدوامي واحس انه كل يوم يزداد نشاطي عن اليوم الي قبله ولا عمري شكيت همي لأحد غير الله سبحانه وتعالى وهذا رزق من الله غيرك يتمنى الوظيفه

تحياتي



ماشاء الله عليك
وانا من 2010 وانا احاول فيهم
الله يرزقنا

[نوار قطر]

بس بعد ماخلصت معاملتي وطلعت
لقيتهم يسابقوني على باب الخروج :secret:

:omg: يافشيلتنا :shy:

اصلا هم كانو يوصلونك لي الاصنصير:nice:

[R 7 A L]

:omg: يافشيلتنا :shy:

اصلا هم كانو يوصلونك لي الاصنصير:nice:



اها :eek5:

[الشيخة شيوخة]

اسد خلك اسد
لاتصير قطو
اخدم بلدك
اذا ما حصلتوا شغل قلتوا انا قطري وماتشغلونى
واذا حصلتوا شغل تبطرتوا على النعمه
خليتوا الغريب يضحك عليكم
شوف الغريب يكدح
ويرجع البيت يدرس عياله
ويساعد ام عياله في البيت
وعيالهم متفوقين
وش فيكم يعيال بلادى بسم الله على قلوبكم

[بوخالد911]

هلا

قطر للبترول من أفضل الجهات من ناحية الرواتب والامتيازات

واللي براس عبود دوامهم من 6 ونص ولغاية 2 ونص

الله يوفق الكل

[عنيــــد]

قطر للبترول من افضل بيئات العمل من حيث النظام و الرواتب ..

من حظك الطيب انك فيها