مساكين اهل قطر ..

[محمد2009]

السلام عليكم ورحمة الله وبركاته ,,


اهل قطر دوم مساكين ولا اقدر اقول انهم طيبين لان فيه فرق بين الطيب والمسكين والكل يلعب عليهم ويخدعهم وبعطيكم امثله واقعيه..




مثلا يجيك واحد من اي دوله ويقول عن نفسه مدرس لجميع المواد وينزل اعلانات في الجريده او في المنتديات وياخذ على الساعه 150 او 100 او اكثر وهذا بس مدرس للصف الاول ومادراكم بالباقي وتشوف الاغلبيه يركضون وراه ركض وفي الاخير ويدفعون له الي يبيه بدون سؤال وجواب او معرفة اهو من ولا وين درس واهم شي يفتكون وبس وشكلي بصير مدرس خلاص علشان بسرعه اصير ملياردير لان محد بسالني لا على اسمي ولا من اكون ولا وين درست قبل ؟ ..


يطلع لك واحد يدعى نفسه محفظ قران وهو لايعرف احكام التجويد ولا يعرف النطق الصحيح للقاعده النورانيه ويطلب مبلغ كبير على التحفيظ ولا جبته البيت اكتشفت انه لا هو كفو لتحفيظ القران و لكن اصبح القران مجرد تجاره وبس وحتى في اعلاناته يكتب لك محفظ قران ومع الوقت يغير يكتب محفظ قران وتعليم القاعده النوارنيه علشان عرف انه بينصاد وفي الاخير تكتشف انه لايعرف شي اسمه القاعده النورانيه و بس يبي فلوس وبس ويضيعون العيال والامهات شاقين الحلوج مصدقين انه محفظ قران وتفوشر وتهايط ولدي وبنت احفظوا قران وهم ميعرفون الاسس الصحيحه للقران والاباء معندهم وقت وراهم لعب ورقه في المجلس والضحايا اهم العيال والله يعين ..



ومثال اخر تطلع عضوه لها اكثر من نك مره تدعي انها مدرسه لغه انجليزيه ومره فرنسيه ومره انها تعرف مدرسه درست عيالهافي القران او في العربي او في غيره وطلعوا عيالها ممتازين وهي كلها نفس العضوه لكن لها اكثر من نك ويركضون وراها الامهات ركض ولايدرون شسالفه والكل يقولها تكفين حبيبتي رقمج وبسرعه وهي توها واصله قطر من كم يوم وقبل لاتجي ساله عن انه اهل قطر فقالوا لها يملكون ملايين وشعب كله راقد مايدري شسالفه وتطلب مبالغ كبيره و على بالها كل قطري يملك بنك خاص فيه والله المستعان ..


ومثال اخر يجيك واحد من احد الدول العربيه يسمي نفسه متخصص او مصمم ديكورات ويخلى له اكثر من نك ومعاه اخته ولا رفيقته مشاركه في نفس المنتدى وتمدحه دوم وتقول انها تعاملت معاه وشغله ممتاز وهي في الاخير معاه بنفس المكتب اوبينهم قرابه او علاقه وتبي ترفعه وحتى التجاره صارت بالكذب والحرام وخداع الناس ..والي يقهرك حريمنا يقولون له تكفى رقمك بالخاص ونبيك تسوي لنا وتخطط لنا وياخذ عليهم مبالغ كبيره وهو يضحك وهم يشوفونه ويدفعون له ولو انه قطري يشتغل في المجال نفسه محد كلمه والكل سبه ودقق على الحساب معاه وقاله انت غالي ياقليل ادب ؟؟ ..




تجي وحده تسمى عمرها مصممه عبي و تحط اعلانات وانها جايه لقطر ومعندها وقت والي يبيها بسرعه يكلمها او يجيها مادري وين؟
وتضرب عليهم مبالغ كبيره ولا جات قطريه وسوت نفس الطريقه قالوا اسعارها غاليه وشغلها مب شي وتشوف الحريم والبنات يتكلمون عنها يقولون ويــــــــــه من زين شغلها ولا مقلده بعد ولايكون على بالها مادري من وانا بروحي معرف من هذي مادري من هههههههه بس امثل لكم مثال فاطلعت المساله بس اعلام وشوووو وبس


صرنا نبي المفوشر والمهايط على الكذب وعلى الخداع والكل يخدعنا ويروح بلاده واحنا نقوول احنا طيبين وللاسف احنا مساكين والكل يخدعنا ومانبي ننتبه ولا نحس ومعرف ليش والى متى ..؟؟

[intesar]

صدقت في كل ماذكرت..

[حسن]

ياخوك الدولة عندها مراكز تحفيظ قراءن ودهم وبلاش

[سداوي&مدريدي]

والخافي اعظم

[basma222]

واللى تحط اعلان عن ميني جلابيه وتقول روعه والسعر 120
وانت تحصله في زون سنتر ب 60 ريال

[غايه الطواش]

كلن عقله براسه
وقرار الاختيار بيدنا

[ابوالعبد]

احين مو 150 ريال علي ساعه احين 250 ريال بعض المدرسين علي ساعه

خخخخ والساعه يقص علي الياهل يخليه يكتب يضيع الوقت عشان يدرسه اكثر من ساعتين ويحصل 500 ريال

خلال ساعتين الخطا مو من الاجانب الخطا من اهل قطر نعم هذه حقيقه هم الي فتحوا عيونهم هم الي جعلوهم

هكذاا حتى مو بس المدرسين عندك حتى الهنادوه في البقالات ولا في الحلاليق لما يكون في باقي 5 ريال

من الخرده يقول عطني انت قطري في فلوس واجد خخخخخ العيب منه احنا :) احنا خلينا الاجنبي يلعب

علينا

[المسك1969]

بالنسبة للتحفيظ فلابد من معرفة الشخص المحفظ ... وإن صعب علينا معرفته لا أقبل به... وهاي اللي أسويه دائما

وأما بالنسبة للمدرسات فما أحتاج لعيالي أحد يدرسهم غيري إلا للضرورة وتكون من مركز تعليمي أو تحت إشرافي... لكن أبد محد بيدرس العيال و يخاف عليهم كثر الأم (الأب مغسوله اليد منه)

أما بالنسبة للأمور الأخرى فصدقت فيها فوالله خدعوني في زكاة مالي وصدقات أخرجتها وكان شخص يتجول بكوبونات في حياة بلازا وكنت حامل في اشهري الاخيره وثقيله حيل ولقيت الرجل الكاذب الذي أدعى أن له مكتب في حياة بلازا ولم أدري أنه كاذب لأني قليلة الذهاب للمجمعات... لا وبعد شكرته دعيت له بالخير إنه ريحني من المشوار لمكتبهم:rolleyes2: ...بس اللي خلاني أشك إنه مشى بحركة سريعه من عندي عقب قام يركض:weeping: ... الحمدلله بس نصب عيني عينك بس هو أيضا خطأ مني

لا وبعدها بنص ساعة كان مطرش لي أخوه (يشابهه) بس ماقدرت الحق وراه...

جزاكم الله خيرا

[بوجاسم 75]

صح لسانك ياخوي صدقت والله 0

[ANONYMOUS]

واللي تبيع ملاحف علا 750 ونفسهم بوذان علا 250


اذا صفالك زمانك بووووق يا حرامي

[ريم 28]

الصراحه موضوعك هذا من زمان ودي اتكلم فيه

بالفعل احنا الحين ينقال عنا مقصه البعض يدفع ولا يهمه واصبحت كلمة مقصه بالسنتهم

لما يجيك شخص يبيع عليك بضاعه ويسعرها علئ كيفه في حال انها ارخص بكثير وانت تشتري ولا همك واتخرب علئ باقي المستهلكين ولا يلقون شي يردعهم


الان الكثير من القطريات وانا منهم الحمدلله امسوين حمله وانقاطعهم وانشجع كثير بنات يقاطعونهم

خصوصا من دول الخليج للاسف علئ بالهم عندنا بير نفط في البيت ما يدرون ان المعيشه غاليه ومسئوليات

في النهايه نحن لن نكون حمقئ واي احد يستغلنا ويقول مستوئ ذكائنا ضعيف جدا جدا ونركض وراء المفوشر

وموضوعك واقعي ولو وقفنا وقفه محترمه لهم لرايت اسعارهم معقوله وليست خياليه ونصب واحتيال

ولو اتكلم عن سعر بضاعة الخليجات والمصممات تنصدمون

فضفضه

[kitmat]

مثل ماقلت مساكين

[ريم 28]

واللي تبيع ملاحف علا 750 ونفسهم بوذان علا 250


اذا صفالك زمانك بووووق يا حرامي

من فتره بسيطه جهزنا لاختي من مجمعات الحسا

لقينا نفس البضاعه بالدوحه ليت السعر ضعف مره وحده

ضعفه 3 مرات
يبيعون فستان 500 ريال
ب3000 ريال

علئ الاقل 1000 علشان نبلعها ونعذرهم

قلت لكم علئ بالهم كل قطري عنده بير نفط

[حميداني]

فرق كبير بين المغفل والمسكين

[بن غيث]

مرات اشوف في بعض الاقسام نصابين يتكلمون عن شغلات يقدرون يسونها وفعلا مثل ما ذكر الاخ الفاضل يدش باسم مختلف او واحد من الي شغالين معاه ويمدح ويتحاكى .. والكلام كله غلط في غلط
عروض اسعار وهمية .. شغل ملتوي .. وفي النهاية
القطري المسكين متورط في هذه الشغله
ارجو من جميع الاعضاء الحذر ثم الحذر
ولا تركض وراء الوهم والرخص والكلام المعسول

[محمد2009]

المشكله ياخوه ليش نعرف الغلط ونستمر فيه والى متى ؟؟؟

ليش منتعظ ليش منساعد بعض؟؟

منوجه بعض والي متى واحنا الكل يلعب علينا ..؟؟

[captin]

شكرا على التنبيه

والحذر واجب من الاعلانات الوهمية
سواء من الافراد او حتى الشركات للأسف صار الدخول للدولة
سهل بغرض الزيارة
وكل مافي الموضع نشر أعلان صغير بـ 50 ريالا .

من فترة كنت اشوف إعلان مقصود فيها القطريات اللي لهم رغبة
في إنشاء سجل تجاري او بزنس , أتوقع عربي شامي يبي ينصب
كاتب يقول مدير أعمال عربي خبرة في تأسيس الشركات وإدارة الأعمال
يرغب في مساعدة السيدات القطرييات في إدارة اعمالهن

يعني السالفة واضحة وضوح الشمس الرجال داخل على طمع وسامع
أن كثير من القطرييات لهم توجه لدخول البزنس وسهل النصب عليهم

[عزووز قطر]

موضوع في الصميم

وبعطيك مثال آخر وخاص بالكراجات
مثلا السعر الاصلي للقطعة 100 ريال
يجيك صاحب الكراج يبي يبيعها على المواطن بألف ريال
ويجي القطري المسكين يقول ألف :eek5: غااااالي
اذا بتبيع ب800 بشتري والهندي يقول لا ،،، وفالاخير يبيعها الهندي ب850

الصراحة العيب فينا ،،، ومدري متى بنفتح ونشوف من اللي يستغلنا

[chillis]

العالم عقلها براسها والي يبي ينقص عليه يستاهل لان ان كل الي قلته صاير فعلا

[محمد2009]

الله المستعان ...

[خليفـة]

مب كل طير يتاكل لحمه وانا اخوك
:)
الي بيكذب على نفسه ويصدق الكذبه مشكلته
والي بيقبل ان يكون لقمه سهله لمثل هالنوعية .. يتحمل النتايج
ومثلك عارف يالغالي
فيه فرق ان يكون الواحد مسكين .. وفرق ان يكون غبي .. وفرق ان سكون ساذج
الناس أجناس
:)

خليفـــة

[محب قطر 64]

دايما اسال ما خاب من استشار

[Lili2005]

صراحه اول مره اسمع بهالاشياء،، موضوعك غريب اخوي محمد
في انسان طبيعي يشتري اشيا او يتواصل مع ناس ويأمنلهم عن طريق النت والمنتديات،، اخوي هاي قمة الغباء لاهو طيبه ولا مسكنه،، مع احترامي الشديد لهالناس
شو هم ما بعرفو ان القانون لا يحمي المغفلين،، بعدين الجريء واللي يحب يغامر يستاهل ما جاه،، لانه ولا يمكن اني أئمن لاي شخص عن طريق النت،، عالم النت عالم وهمي،، كلنا بندخل باسماء وهميه وشخصيات وهميه،، وتوقع ان 99.9٪ انه احتمالية الواحد ينخدع هني او في الواقع او تعاملاتنا الشخصيه هاي ما يبيلها ذكاء..

اللي سمعته بالسنين الماضيه انه في رجل عربي وعلى ما اظن لبناني دخل البلد جديد باسمه ابشخصي العادي و أوهم الناس انه مقاول وبيشتغل بالبورصه،، المهم كل المقيمين اللي بقطر وناس اعرفهم باعو اللي فوقيهم واللي تحتهم وعطوه كل فلوسهم عشان يشغلها لهم واذا ما خيبني ظني في قطريين كمان اعطوه فلوسهم،، وبعدين الرجال فص ملح ودااب،، ولا كأنه كا موجود،، ومن فتره بسييطه كمان واحد ثاني خليجي كل الحريم القطريات حطو فلوسهم عنده عشان يشغلها وبالاخير بعد فص ملح وداب،، خذو اللي قدرو عليه،، والناس فلست،، بس صراحه استغرب هالنوعيه من الناس اللي بفكرو بالغنى السريع،،و تشغيلهم لفلوسهم عن طريق الغرباء،، وبعدين بروحو يرفعو قضايا ويحاسبو الدوله ليش ما حمتهم،، اشلون القانون بدافع عنك والدوله بتاخذلك حقك منهم وانت مغفل وتم استغفالك بكل سهوله،، ياريت الناس تتعظ وتحط بالها ع فلوسها اللي تعبت عليها،، وع فكره اللي مب على بنك وحالته على قده اظن من الصعب استغفاله لانه تعب بالفلوس اللي جمعها وصعب يرميها لمارق الطريق ؛)

تحياتي

[(محمد)]

ولو انه قطري يشتغل في المجال نفسه محد كلمه والكل سبه ودقق على الحساب معاه وقاله انت غالي ياقليل ادب ؟؟ ..




جزاك الله خيرا




انا لم ادخل في هذه التجارة الا لطلب الرزق الحلال ... وليس لي دخل غيره.


قطري ... نعم ..
ولكن الظروف اجبرتني ان ابحث عن رزقي بعرق جبيني كما يقولون


وفقني الله في تجارتي ولله الحمد والمنه


ولكن


في بعض المرات يعاملك ابن ديرتك كأنك نصاب ... وكأنك تستغل الدين في البيع


انا قبل ان اكون تاجر .. انا (طويلب علم) احب الدين والشرع واحب الاسلام والدعوه ... واحب ان اكسب الاجر والحسنات ... لي كتابات كثيرة وبحوث كثيرة .. وكنت اكتب منذ سنين طويلة


ولكن بعض الناس يتهموني بما ليس عندي ويسيئون الظن في ..
وكأنها المرة الأولى التي يرون تاجرا يحب الدين


وكأنه امر لا يصدق ... أن يكون هناك تاجر متدين


هناك اناس تحب الطعن واللمز


لقد أثرت فيني كلمات كثيرة ... ولازالت تؤثر فيني كلمات


هم لا يعرفوني ... ولا يعرفون من انا ... وماهو شعوري عندما يتقصد البعض ان يجرحني بكلماته


وآخرها كلمه ... جعلتني ابكي .. ولازالت تضرب في صدري
كانت ثقيلة




لقد ضحيت بوظيفتي المرموقة بدرجة كبار موظفين وراتبي الذي وصل لثلاثين الف ريال قبل المكرمة الاميرية وخبرتي التي تجاوزت ال14 سنة... ضحيت بكل ذلك في سبيل الله ولأجل الله.


ثم يأتيني احدهم ويقول لي ... انني اتربح على حساب الدين


ابيع ديني بدراهم معدودات ؟


كيف يا أخي وقد سال دمي لاجل الله وفي سبيل الله


كيف يا أخي وقد تقطعت اقدامي لأجل الله وفي سبيل الله


المعذرة ... قد لايكون الموضوع ذو صلة ولكنها فرصة لأخرج ما في صدري


اردت ان اقول لكم ... احسنوا الظن بإخوانكم


فقد تكون الكلمة التي تلقونها في وجوههم .. كالسكين .. التي قد لا تقتل


ولكنها والله تترك اثرا لا يندمل


احسنوا الظن بإخوانكم يرحمكم الله




ولا اقول سوى حسبنا الله ونعم الوكيل

[شبل الجزيره]

صرنا مقصه

[العـوا]

كلام واقعي

[كحيلآن]

السلام عليكم ..


فيه مدرس خصوصي يدرس طلاب الجامعه والثانويه يمكن مر عليكم الي بس يقول يا صايع يعني يمدحك خخخخخخ

هذا الله يجزاه خير نجحت بالماده لاني شرحتها له ههههههههههههه والله يا جماعه خذته ساعتين ابيه يراجع لي انا فهمت الماده من شرحي له اقرا له الامثله واحاول اشرح له .... مذكور بالخير يالصايع وتوووبه هههههههه

[كحيلآن]

جزاك الله خيرا




انا لم ادخل في هذه التجارة الا لطلب الرزق الحلال ... وليس لي دخل غيره.


قطري ... نعم ..
ولكن الظروف اجبرتني ان ابحث عن رزقي بعرق جبيني كما يقولون


وفقني الله في تجارتي ولله الحمد والمنه


ولكن


في بعض المرات يعاملك ابن ديرتك كأنك نصاب ... وكأنك تستغل الدين في البيع


انا قبل ان اكون تاجر .. انا (طويلب علم) احب الدين والشرع واحب الاسلام والدعوه ... واحب ان اكسب الاجر والحسنات ... لي كتابات كثيرة وبحوث كثيرة .. وكنت اكتب منذ سنين طويلة


ولكن بعض الناس يتهموني بما ليس عندي ويسيئون الظن في ..
وكأنها المرة الأولى التي يرون تاجرا يحب الدين


وكأنه امر لا يصدق ... أن يكون هناك تاجر متدين


هناك اناس تحب الطعن واللمز


لقد أثرت فيني كلمات كثيرة ... ولازالت تؤثر فيني كلمات


هم لا يعرفوني ... ولا يعرفون من انا ... وماهو شعوري عندما يتقصد البعض ان يجرحني بكلماته


وآخرها كلمه ... جعلتني ابكي .. ولازالت تضرب في صدري
كانت ثقيلة




لقد ضحيت بوظيفتي المرموقة بدرجة كبار موظفين وراتبي الذي وصل لثلاثين الف ريال قبل المكرمة الاميرية وخبرتي التي تجاوزت ال14 سنة... ضحيت بكل ذلك في سبيل الله ولأجل الله.


ثم يأتيني احدهم ويقول لي ... انني اتربح على حساب الدين


ابيع ديني بدراهم معدودات ؟


كيف يا أخي وقد سال دمي لاجل الله وفي سبيل الله


كيف يا أخي وقد تقطعت اقدامي لأجل الله وفي سبيل الله


المعذرة ... قد لايكون الموضوع ذو صلة ولكنها فرصة لأخرج ما في صدري


اردت ان اقول لكم ... احسنوا الظن بإخوانكم


فقد تكون الكلمة التي تلقونها في وجوههم .. كالسكين .. التي قد لا تقتل


ولكنها والله تترك اثرا لا يندمل


احسنوا الظن بإخوانكم يرحمكم الله




ولا اقول سوى حسبنا الله ونعم الوكيل



ياخوي الله يزيدك من خيره وعلى ما قيل خل اذن من طين واذن من عجين عندي احساس عقب ما قريت كلامك انك تتمنى انك تربطهم وتولع شمعه وتخليها تقطر عليهم ... لو انا مكانك اتمنى هالشي نحاسه بس ابي استمتع ههههههههههه

[الأصيلة]

الله يعين القطريين صراحة ينقص عليهم بسهولة
شوفوا المحاكم ..
كم وكم قضية إيجار ...
المستأجر لايدفع الإيجار ويماطل وهم ساكتين..
يكتب لهم شيكات وبدون رصيد..وعادي
يأجر بالباطن ويدرون عنه ويسكتون...
يترافع المحامي وياخذ أجره كامل ولا يخلص لهم القضية ..وعادي...
سهالات أمور القطريين والقطريات...
ماتشوفون اللبنانيين والمغربيين وغيرهم لاعبين لعبه عليهم ومتكاثرين في قطر...

[محمد2009]

صراحه اول مره اسمع بهالاشياء،، موضوعك غريب اخوي محمد
في انسان طبيعي يشتري اشيا او يتواصل مع ناس ويأمنلهم عن طريق النت والمنتديات،، اخوي هاي قمة الغباء لاهو طيبه ولا مسكنه،، مع احترامي الشديد لهالناس
شو هم ما بعرفو ان القانون لا يحمي المغفلين،، بعدين الجريء واللي يحب يغامر يستاهل ما جاه،، لانه ولا يمكن اني أئمن لاي شخص عن طريق النت،، عالم النت عالم وهمي،، كلنا بندخل باسماء وهميه وشخصيات وهميه،، وتوقع ان 99.9٪ انه احتمالية الواحد ينخدع هني او في الواقع او تعاملاتنا الشخصيه هاي ما يبيلها ذكاء..

اللي سمعته بالسنين الماضيه انه في رجل عربي وعلى ما اظن لبناني دخل البلد جديد باسمه ابشخصي العادي و أوهم الناس انه مقاول وبيشتغل بالبورصه،، المهم كل المقيمين اللي بقطر وناس اعرفهم باعو اللي فوقيهم واللي تحتهم وعطوه كل فلوسهم عشان يشغلها لهم واذا ما خيبني ظني في قطريين كمان اعطوه فلوسهم،، وبعدين الرجال فص ملح ودااب،، ولا كأنه كا موجود،، ومن فتره بسييطه كمان واحد ثاني خليجي كل الحريم القطريات حطو فلوسهم عنده عشان يشغلها وبالاخير بعد فص ملح وداب،، خذو اللي قدرو عليه،، والناس فلست،، بس صراحه استغرب هالنوعيه من الناس اللي بفكرو بالغنى السريع،،و تشغيلهم لفلوسهم عن طريق الغرباء،، وبعدين بروحو يرفعو قضايا ويحاسبو الدوله ليش ما حمتهم،، اشلون القانون بدافع عنك والدوله بتاخذلك حقك منهم وانت مغفل وتم استغفالك بكل سهوله،، ياريت الناس تتعظ وتحط بالها ع فلوسها اللي تعبت عليها،، وع فكره اللي مب على بنك وحالته على قده اظن من الصعب استغفاله لانه تعب بالفلوس اللي جمعها وصعب يرميها لمارق الطريق ؛)

تحياتي

فيه اكثر من هالكلام وبلاوي مايدري بها غير الله سبحانه والله المستعان

[محمد2009]

موضوع في الصميم

وبعطيك مثال آخر وخاص بالكراجات
مثلا السعر الاصلي للقطعة 100 ريال
يجيك صاحب الكراج يبي يبيعها على المواطن بألف ريال
ويجي القطري المسكين يقول ألف :eek5: غااااالي
اذا بتبيع ب800 بشتري والهندي يقول لا ،،، وفالاخير يبيعها الهندي ب850

الصراحة العيب فينا ،،، ومدري متى بنفتح ونشوف من اللي يستغلنا

والله انك صدقت العيب فينا ومنا احنا مب منهم بس متى بنحس ؟؟؟؟؟؟؟؟؟؟

[دااانة قطر]

واللى تحط اعلان عن ميني جلابيه وتقول روعه والسعر 120
وانت تحصله في زون سنتر ب 60 ريال


:nice::nice::nice:


الحمدلله مريحه عمري ماشتري من التجاار الا الشي اللي انا مقتنعه فيه وابي اجربه ( زيوت كريماات وغيره ) لكن هوس شرااء لا



ياليت نشوف شروط وعوااقب لكل من ينزل اعلااان في الجراايد والموااقع الالكترونيه

[محمد2009]

للاسف محد بسامعكم وياليت يحطون لهم ضوابط ويكونون تحت اشراف جهات مسؤله والله يعين

[فنجان قهوة]

اهل قطر يخسرون مبالغ كبيرة بسبب سذاجتهم احيانا و بسبب كثرة النصب و الاحتيال في البلد... ما في مواطن و خاصة العادي الا ويتعرض للغش شبه يومي.... هذه بعض المواقف :

سيارة اختي المرسيدس تنقط نقاط صغيرة زيت جهة المكينة ... خذتها للوكالة... بعد الفحص يقول لها الموظف العربي عندك مشكلة كبيرة بالسيارة...لازم نغير مضخة البور ستيرنج ... يكلفك 5000 ريال ...قالت باشتريها من السعودية و تركبونها... قال لها طيب جيبي الفاتورة ابي اشوف كم السعر شريتيها؟.... بس كانت هي حاسه انه يكذب .... خذت السيارة عند كراج بالصناعية متخصص بالالماني ... طلع ان الحلقة في الهوز الموصل على الاستيرنج واسع و يحتاج تغيير ... كلفها 50 حلقة و شغل يد 200 ريال ... بعد هذا مقصة ... بس احسن من كلام الوكالة.

جبنا بكستاني يصلح المكيف ( سبيلت) ... قال يحتاج تغيير محول و غاز و تنظيف...قلته ابغي اشوف المحول الجديد قبل ما تركبة وتعطيني القديم ...و انا وا قفه ...اشوي الا يقولي خلصت و السعر 300 ريال.. قلت له ليش وين المحول ..قال خلاص انا يركب ..و ين القديم الا مطلع لي واحد قديم مصدي و منطعج... رفضت اعطيه كامل المبلغ ... بس الوالدة قالت عطيه هذا دايما نتعامل معه!....بعدها بشهر و شوي الا المكيف مخترب ... جنا واحد ثاني .. قال لنا نفس الكلام يبي محول و غاز و تنظيف.... قلت له ان المحول جديد قال لا هذا نفر كذاب ما يسوي جينج.!

[دانة الطواش]

الموضوع ما يخص الأخوة العرب بس لا لا لا ترى حتى القطريين والقطريات التاجرات لهم نفس الطريقة ، من أسبوعين اشتريت 3 ساعات من سيدة قطرية تبيع بضاعة متنوعة وترسلها عن طريق مندوب وعندما ذهبت هذا الخميس الى الاحساء شاهدت نفس نوعية الساعات في المحلات وعندما سالت عن سعر الواحدة صدمت فالتاجرة تربح تقريبا من 300 الى 400 ريال والبائع اخبرني انهم يأخذون بالكمية وتطلع عليهم أرخص بكثير .

[دااانة قطر]

الموضوع ما يخص الأخوة العرب بس لا لا لا ترى حتى القطريين والقطريات التاجرات لهم نفس الطريقة ، من أسبوعين اشتريت 3 ساعات من سيدة قطرية تبيع بضاعة متنوعة وترسلها عن طريق مندوب وعندما ذهبت هذا الخميس الى الاحساء شاهدت نفس نوعية الساعات في المحلات وعندما سالت عن سعر الواحدة صدمت فالتاجرة تربح تقريبا من 300 الى 400 ريال والبائع اخبرني انهم يأخذون بالكمية وتطلع عليهم أرخص بكثير .


يقولون لج التجااره شطااره

[chillis]

الله يعين القطريين صراحة ينقص عليهم بسهولة
شوفوا المحاكم ..
كم وكم قضية إيجار ...
المستأجر لايدفع الإيجار ويماطل وهم ساكتين..
يكتب لهم شيكات وبدون رصيد..وعادي
يأجر بالباطن ويدرون عنه ويسكتون...
يترافع المحامي وياخذ أجره كامل ولا يخلص لهم القضية ..وعادي...
سهالات أمور القطريين والقطريات...
ماتشوفون اللبنانيين والمغربيين وغيرهم لاعبين لعبه عليهم ومتكاثرين في قطر...

والله كثير من القطرين يقصون على قطرين مثلهم بالذات بالايجار ياجر البيت ومايدفع ويضيع حق الي ماجر بيته والمحاكم عندنا الله بالخير :) يعني لاتقولين بس اجانب اغلب الاجانب الشركات الي يشتغلون عندها مسؤولين عنهم وموضه الشيك بدون رصيد صارت عند الكل

[بنت الاجواد]

اخذوا العبر والدروس من الناس واعتمدوا على المراكز المعترف بها من الدوله لتدريس

عيالكم والتفصيل في كل داعوس خياط عبي ومصمم ,, مافيه داعي حق اللي برى واللي ماعندهم

الا النصب

[محمد2009]

كلاااامكم يحزن بس وين الي يتعـــــــــــــــــــظ وياخذ الدروس

[باراكودا]

واللي مسوى نفسه مهندس ديكور وفي النهاية يطلع جزار سوري .

[cavok]

والله أنا اعرف واحد حاطله مدرس الساعة 700 ريال لغة انجليزية

[حسن]

توه المره تقولي حصلت مدرسه الساعه 200 حق الابتدائي شدعوه مكده والله

[محمد2009]

والله أنا اعرف واحد حاطله مدرس الساعة 700 ريال لغة انجليزية

هذا سعر اسبوع كامل في مدرسه مع السكن في بريطانيا

يمكن المدرس جاي من كوكب اخر ؟؟؟؟

[محمد2009]

توه المره تقولي حصلت مدرسه الساعه 200 حق الابتدائي شدعوه مكده والله

اتركووه ياخوي وبتلقون غيره انشالله

[مهرة]

الله يعينا والله يخارجنا .. بس للأسف هالحرامية لهم زباينهم والمشكلة يتمووون يتعاملون معاهم على اساس
بيعطوونهم الأفضل ..!

[Scout Sniper]

المال السايب يعلم السرقه ...
والاهالي اللي انقص عليهم , عساهم من هالحال واردى ...


مدرس مصري فاااااااشل لا يفهم بالدريس شي , سمعته باذني يقول : انا لو معملتش 15الف بالشهر ,جاي الدوحه اعمل ايه ؟