إستخفاف بعقولنا أم بعقيدتنا ؟! نكتة الموسم من اللولو !!

[Mohammad ALG]

بسم الله الرحمن الرحيم

قبل قليل وأثناء تسوقي من اللولو هايبر ماركت _ الغرافة

تفاجأت بهذا الإعلان

"حلال" للـ"كريسكيس" !!

واترك لكم التعليق على الصورة

-
-
-

http://www.m5zn.com/img/?img=ad49696e9e5f782.jpg (http://www.m5zn.com/out.php?code=ad49696e9e5f782)



ملاحظة
المذكور في الإعلان: ديك رومي "حلال" طازج من بريطانيا للـ"كريسميس" !!

[Dexter]

والله يبيلهم حماية المستهلك على هالدعايات الي تستهزئ بالدين

كل شي قاموا يكتبون عليه ذبح بالطريقة الاسلامية حتى السمك ههههه

[intesar]

ميري كريسميس..

كريسميس وحلال.. ما تركب..
يعني الحلال للمسلمين مو للمسيحيين..

ياليتك اتخذت الإجراءات عوضا عن وضعه هني..

[المسك1969]

:) شر البلية ما يضحك :)

الحمدلله الذي عافانا مما إبتلاهم ... مع إنهم للأسف مسلمين

بس حلوه للكريسمس حلال:rolleyes2:

[MoHaMmEd114]

لان في مسلمين للاسف يحتفلون بالكرسمس

والدعاية موجه لهم

طبعا المسلمين الي يحتفلون بالكرسميس يهمهم الاكل الحلال

تراهم في النهاية يمثلون مجمع الأديان خخخخ

[الجوكر90]

السلام عليكم
الشيخ انا مادافع لان الكرسميس حرام
بس ان ماخاب ظني في عرب بس مسيح يحبون الدياي او اللحم ع الطريقه الاسلاميه
وحتى الاجانب ياكلون لحوم مذبوحه بالطريقه الاسلاميه لان يدرون ان طريقتهم تجمع الدم واللحم يكون طعمه كلش واخبر مره مدرستنا قالت انا اروح اللولو واشتري لحم عربي لان طعمه احلى

[رامي خوري]

نحن نعيش في سوريا في مدينة حمص في حي للمسيحيين منذ ولادتي
وللحين وعندنا اللحام يعيش في حارتنا وهو مسلم سني وكل أهل الحي لايشترون اللحمة
إلا من عنده ونحن المسيحيين الشرقيين نعرف ماهو الحلال جيداحتى لو قام بتقصيب اللحمة
لحام مسيحي لكننا ربينا في دولة اسلامية ونفتخر بذلك جدا

[koketa]

التركي حق رأس السنه مب حق الكريسماس

شكلهم مب عارفين الفرق

[durra]

التركي حق رأس السنه مب حق الكريسماس

شكلهم مب عارفين الفرق


شكلك أخوي انت الي مب عارف الفرق!
كريسماس بالانجليزي ورأس السنة بالعربي!!

بدأ من تاريخ 25/12 لغاية رأس السنة هم يسمونها احتفالات أعياد الميلاد

كريسماس ليلة رأس سنة يعني الميلاد المجيد للمسيح.. والي أصلا عليه السلام مولود في الصيف!!

حسبي الله على الي ينشر هالبدع في المجتمع لا حسيب ولا رقيب

[Cooki]

اوكي ... وبعدين

[captin]

من المعروف أن يوم الكريسماس يحتفل المسيحيين
ويقدمون وليمة الديك الرومي كتقليد قديم ويسمونها
كريسماس فيست

اللولو قال خلني اضرب عصفورين بحجر اورد ديك رومي
ذبح حلال ياكله المسلم العادي اللي ماله علاقة بالكريسماس
والمسيحي أيضا راح يشتريه ويخلية لمناسبة الكريسماس

لذلك فالموضوع عادي جدا بل بالعكس يمكن كلمة حلال تخلي
هذا المسيحي اللي شرا الديك الرومي يفكر يبحث في الكتب
ويقرأ عن الذبح الحلال
والأكل الحلال وربما يتعمق ويوصل لحقائق تخليه يعلن إسلامه

[مجرد سفير]

عادي


لان اغلب المسلمين : هم مسلمين بالاسم فقط


واللي يحتفلون بهاليوم هم بعض المسلمين

[شبل الجزيره]

انا اعرف مسيحيين يحبون الحلال.. وماياكلون الا هو

ما اشوف الحركه فيها شي!

ولاكني ضد الاحتفالات وتعليق الزينه والنفافيخ في المجمعات! احنا اعيادنا مانسوي لها جيه نسوي لهم ليه.

[عكاس]

غريب أمركم يا عرب ، عندما تسافرون إلى بلادهم تاكلون الأكل الإسلامي والذي هو ليس من دينهم ولا نراهم يحتجون بان الأكل الإسلامي يباع في متاجرهم ، ولكن عندما يباع طعامهم عندنا وهو يذبح على الطريقة الإسلامية تقوم الدنيا ولا تقعد، أليسوا بشرا يأكلون مثلنا ولا أنتوان للحين مع عقلية الغزاة الكفار المشركين، ترى الإنترنت اللي مجمعكم اختراع أمريكي بريطاني ،

[ابوفارس]

لان في مسلمين للاسف يحتفلون بالكرسمس

والدعاية موجه لهم

طبعا المسلمين الي يحتفلون بالكرسميس يهمهم الاكل الحلال

تراهم في النهاية يمثلون مجمع الأديان خخخخ
هههههههههههههههههه
اضحك الله سنك

[متروس]

شكلك أخوي انت الي مب عارف الفرق!
كريسماس بالانجليزي ورأس السنة بالعربي!!

بدأ من تاريخ 25/12 لغاية رأس السنة هم يسمونها احتفالات أعياد الميلاد

كريسماس ليلة رأس سنة يعني الميلاد المجيد للمسيح.. والي أصلا عليه السلام مولود في الصيف!!

حسبي الله على الي ينشر هالبدع في المجتمع لا حسيب ولا رقيب

رأس السنة هو اول يوم في التقويم من بداية السنة سواء للتقويم الهجري او السنوي

ويوم الكريسمس كما هو معروف 25 من شهر 12

ورأس السنة بالإنقليزي كما هو معروف بال (new year)

والوجبة الرئيسية مب شرط ديك رومي وتختلف بإختلاف البلد

اما عيد الشكر في امريكا وكندا فالوجبة الرئيسية هو الديك الرومي عندهم

والحقيقة ان الإعلان المحطوط في هالموضوع ماله حل ويضحك لسبب بسط ,, هل من المعقول ان يكون فية اعلان عن اكل حلال في دولة عربية مسلمة مثل قطر ؟؟؟؟؟؟؟؟؟؟؟

[الخزرجي قطر]

وين الرقابه من الجهات ذات العلاقه

[intesar]

شوفوا صحيح أن حنا ناكل الديك الرومي.. وطعمه لذيذ..
بس ليش يبيع ديك رومي مكتوب عليه للكريسميس.. ماعرف يجيب ديك رومي حلال من غير كريسميس.. لا يجيب..

يبيعه حلال من غير هذي الكلمه.. أولا حنا بدولة اسلامية.. وماتعنينا احتفالاتهم.. مثل ما هم ما يهتمون باحتفالاتنا.. ولما تروحون دولة مسيحية تشوفون ذبح حلال.. إلا إذا كانت بقالة لمسلمين..
عنهم ما احتفلوا.. وعنهم ماكلوا ديك رومي..

هذي وجهة نظري..

[رُفق المجنّا]

ماركتنق ناجح ( منتج يخدم فئة كبيرة في البلد من المسيحيين والمحتفلين وإسلامي في نفس الوقت )

[Scout Sniper]

خير ياطير وشفيها ...
ديانتهم وعادتهم بهالديانه ...

ولو بامريكا لقيتو اعلان بيع حب هريس عشان ارمضان , كان ماقلتو شي :)

[جفى الجوارح]

هنود ويبون يبيعون وبس

[mr. abdulla]

اتوقع اللولو فاهمين السالفة غلط.. الاجانب ما ياكلون دجاج رومي في كريسمس.. الturkey ياكلونه الامريكان في احتفال الthanks giving اللي يكون كل سنة فييوم الأثنين من ثاني أسبوع من شهر اكتوبر...

و يمكن في مسلمين امريكان يبون يعيشون جو امريكا و ياكلون دجاج رومي في يوم الthanks giving>>

عاد اللولو خربطوا الاعياد كله..

بعدين قبل الاعلان مب لازم من المحلات يجيبون رخصة من وزارة التجارة ؟؟

[دااانة قطر]

من خلاال الموضوع اكتشفت معلوماات جديده عن الحلااال والديك الرومي

[كازانوفا]

للاسف حال المسلمين لا يطمئن
والغرب لو مش متاكدين ان المسلمين في منهم ينتظرو مثل هذا اليوم ما كتبوها الا وهم واثقين من هالشي

[اوف ليميت]

اول شي التركي لل ثانكس قيفنق
لاهو ل راس السنه ولاهو للكريسميس

الثانكس قيفنق يصادف (( داااااااااااااااااائماً) رابع يوم خميس من شهر نوفمبر
وهالسنه راح يصادف 21 او 22 من نوفمبر اذا ماخابني ظني

وثاني شي..وشدخخخخخخخخخل الحين و ايش اللي تفرق بمناسبة مثل الثانكس قيفنق اذا حلال او حرام

ترى هذا استهزاء واستهتار
ومحاولة لتحبيب وتقريب الاحتفال مع الغرب بهذه المناسبه على اساس ان الذبح حلال وجذي

ارجو ان يتم التنبيه لهذا الامر من قبل الجهات المختصه
:]

[ابوالعبد]

طيب وين المشكله ؟؟ في الموضوع!!!

[خفيف الروح]

الووووو حماية المستهلك ؟؟؟؟؟؟؟؟؟؟؟؟؟؟؟.



هذا ردي

[The Watcher]

من زمان هالسوالف .. الزينة اللي تنحط في الفنادق حق الكريسماس أكثر من عيد الأضحى

[abdo222]

خخخ التركي حق "عيد الشكر حقهم" thanks giving على قولتهم ,,

وشهال الثقه في اللولو, ناقص يحطون مشروب للكرسمس حلال 100% ,,!!

[حميداني]

عادي ما اشوف فيها شي , هو يايب تركي من برى علشان يستفيد بعادات الاجانب في الكرسمس وعيد الشكر
بالمره طلبها حلال علشان اي واحد يبيها لو مسلم ياخذها

اثنين في واحد .. تاجر ذكي

[cavok]

الحمد لله لك يارب على نعمة الإسلام

[ام ناصر1]

ليش في تركي حرام ....في هالحالة ايصير نقاطع اللولو

[اوف ليميت]

ليش في تركي حرام ....في هالحالة ايصير نقاطع اللولو

طريقة الذبح قصدهم يمه
:]

[captin]

شكبره يشبع له فريج :nice:
لحمه يابس ما يلين بسرعة

أذكر سنة من لسنين شرينا واحد وديناه الرحلة
وتمينا نطبخة من المغرب لين نص الليل ولا لان
:)

الأجانب ينقعونه في النبيذ عشان يلين