المساعد الشخصي الرقمي

مشاهدة النسخة كاملة : مامدى سلطتك/ يــ على اخيك/ يــ أو اختك/يــ من أب أو أم اخرين


doha1
23-09-2012, 09:25 AM
السلام عليكم ورحمة الله وبركاته

اعزائي القراء ...:)

عادة سلطة الاخ الاكبر او الاخت الاكبر على اخوانهم واخواتهم لها مكانتها وهيبتها

لاسيما في حال عدم وجود الوالدين

ولكن هنا نود ان نتناقش في محور اخر

هل سلطة الاخ الاكبر والاخت الاكبر على اخوانهم واخواتهم من ام او اب اخرين

مثل سلطتهم على اخوانهم واخواتهم من نفس الاب والام؟؟ومامدى هذه السلطه؟وماحدودها؟

مثال على مقصدي :

شخص عزيز علي يقول رحت اسلم على اختي من امي خد وتفاجأت بعد كمن يوم ابناء خالاتي ينتقدوني عند جدتي ليش يسلم عليها خد ومايجوز ...الخ

اخر العنقود لايتناقش عشان ماينطق من اخوه واخته :nice:
ريتويت
23-09-2012, 09:30 AM
والله سلطه كبيره ومهمه ولمصلحتنا خوفا علينا
ضوى
23-09-2012, 09:33 AM
زوجي الابن الاكبر ، ولديه اخوان وخوات من الأب ، واخت من الام ، ويمارس سلطته كاخ اكبر ، والكل يحترمه ويبوس ايده وراسه واحيانا خد مع خواته ، مدري وين المشكلة والعيب ؟
شبح الصمت
23-09-2012, 09:33 AM
افرض احترامك على الكبير والصغير وراح تكون لك كلمة وسلطه صدقني .. !!


:)
BoFahed
23-09-2012, 09:34 AM
كله يعتمد على التربية والام خصوصا اذا الام طيبة بتزرع حب واحترام الاخ الكبير (الغير شقيق ) في قلب اخوانه وخواته واذا كانت العكس بتزرع فيهم كره واحتقاره وتهميشه والتعصب بينهم ضده واحترام الاخ الاكبر الخليص لهم فقط ويا ما شفنا وعايشنا حالات مثل هذا النوع العيال متذابحين ومحاكم علا الورث وفضايح وكل واحد يذم ويسب في الثاني واكثره بسبب تحريض الام والحريم .

في الاساس اهم شي في التعدد اختيار الام الصالحة لانها بتزرع الخير او الكره والتباغض في العيال و في جيل بعد جيل وابشع شي في هالدنيا يشوف الوالد عياله يكرهون ويحقدون علا بعض
Super Cool
23-09-2012, 04:42 PM
أشلون يعني "تفرض سلطتك"؟؟؟

ترى انت تتكلم عن اخوانك و خواتك....مب جواري و عبيد!!!

أي والله سلطتك خخخخخخخخ
alsoq
23-09-2012, 05:10 PM
موضوع ماله راس ولا دهدف
تسلط على اهلك مشكله

كانو لما يدعون على احد يقلون

الله يسلط عليك من لا يخافك
doha1
24-09-2012, 10:22 AM
في سوء فهم اتوقع

لما نقول سلطه مانقصد نظام ديكتاتوري

احسنوا النوايا

طابع الاخو الكبير او الاخت الكبيره طابع قيادي واخوانهم يشوفونهم مثل ويسمعون كلامهم عادة

لكن سؤالي هل في فرق لما يكون اخوك من ام ثانيه او ابو ثاني؟
ام ناصر1
24-09-2012, 10:28 AM
في سوء فهم اتوقع

لما نقول سلطه مانقصد نظام ديكتاتوري

احسنوا النوايا

طابع الاخو الكبير او الاخت الكبيره طابع قيادي واخوانهم يشوفونهم مثل ويسمعون كلامهم عادة

لكن سؤالي هل في فرق لما يكون اخوك من ام ثانيه او ابو ثاني؟
مما شاهدت يعتمد هل ...الاخوة وامهم مرحبين بدور الأخ
لأنه في امهات وبخاصة اذا كان بكرها ولد تبيه اهوه يقود اخوانه وخواته الاشقاء
فتجس النبض لتعرف ...يبون او لا
وللأخ الكبير سلطة احترام ...ولكن ليس بالضرورة يكون دوره قيادي
يا ما عوايل الاخ الكبير اناني واللهم نفسي وغاسل يديه ... والاخ الي بالوسط اهو الي يمسك دفة الاسرة
ويراكض لهم ...
ابداع قلم
24-09-2012, 10:30 AM
تبي تفرض سلطتك عندي الحل خصوصا اول ما تدخل البيت قدام اخوانك واخواتك
اول ما تحل غترتك عليك بهذا البيت
أنا ابن جلا وطلاع الثنايا ... متى اضع الغترة تعرفونني !!
ماتسمع الا صوت صكة البيبان !!!
اوف ليميت
24-09-2012, 11:10 AM
ههههه
والله موضوع قوي

خل نتابع الردود

ورأي مقدم: دام الاب موجود ف لايوجد من يعلى صوته او كلمته على صوت وكلمة الأب
ولاضرر بأن يساعد الابن اباه في اتخاذ القرارات لتعليمه تحمل المسؤوليه..فمحد عارف كم بيتمون لك

يعجبوني بعض الأسر..تقلى الابن عمره 16 او 18 سنه (لازال طالب) وكل اللي فالبيت يخافون منه حتى لو عمر البنت 30 سنه تخاف منه
مع الام يصبح كالورقه البيضاء..احتراما وشفافيه لها..مع ابداء رأيه لها في بعض الامور ان لم يعجبه التصرف
مع ابوه يتقيد بكل صغيره وكبيره..شارده ووارده..امر ونهي..ولكن مايبين لابوه انه خايف او ضعيف

(وعلى فكره..مثالي عن الابن او الاخ الصالح اللي متربي عدل وعارف وش له وايش اللي عليه..وحافظ لشرع الله وتعاليمه)

ونعم الرجال فالمستقبل

الله يحفظ الجميع

:]