بعض الشباب القطري مع الاسف يحرجك أمام الاجانب في قطر

[فريج النجادة]

بعض الشباب القطري مع الاسف يحرجك أمام الاجانب في قطر

في الوقت الذي نشوف الدولة تهتم بالشوارع والزينة وتجميل الشوارع

يجيك شاب متهور عديم الاخلاق يصعد على الرصيف ويركب على الحشيش

ويدمر المنظر الجميل

والجميع يشاهد القطري عديم الاخلاق يدمر بلدة

ويلحقة الثاني والثالث والرابع مع الاسف الشديد

بحجة ما فية أي دورية

صج يا شباب انكم فشلتونا وضحتونا

:shy: :shy: :shy: :shy: :shy: :shy:

[اللوز]

المفروض تكون كل الارصفة مثل ارصفة الكورنيش

[ضوى]

بكل امانة ماقدر شفت هالشي ، يمكن رصيف لكن عشب لا

[مشاكل]

انا اللي اشوفه بعيني ان البعض من الاجانب هم من يتعدى بسيارتهم على الارصفه وهم من يخالفون قوانين المرور ويضربون بها عرض الحائط وهم من يترك خلفه المخلفات من بعد رحيلهم من المتنزهات

ارحموا القطري ياناس يرحمكم من في السماء

[اوف ليميت]

بعض الشباب القطري مع الاسف يحرجك أمام الاجانب في قطر

في الوقت الذي نشوف الدولة تهتم بالشوارع والزينة وتجميل الشوارع

يجيك شاب متهور عديم الاخلاق يصعد على الرصيف ويركب على الحشيش

ويدمر المنظر الجميل

والجميع يشاهد القطري عديم الاخلاق يدمر بلدة

ويلحقة الثاني والثالث والرابع مع الاسف الشديد

بحجة ما فية أي دورية

صج يا شباب انكم فشلتونا وضحتونا

:shy: :shy: :shy: :shy: :shy: :shy:

هذي شوي كبيره
:]

[عزووز قطر]

شفت البعض منهم يركب على الرصيف
بس العشب لا ،،،

وبعدين ركوب الرصيف مايقتصر على فئة الشباب فقط ،،، لان مع الزحمة اليومية اشوف الكل يسويها شباب وبنات واجانب ،،،

وبعدين شبابنا فيهم خير ومايصير تجمع علشان بعض التصرفات الفردية !!!

[eXpert*]

المواطن يجب أن يكون قدوة للمقيم ..

[ريم 28]

ليش ؟

ننتظر الاجابه

تذكرت مقولة الامام محمد عبده المشهوره

عموما الاجانب لا يفعلونها حتئ في بلادهم
والاولئ علئ المسلمين ان يلتزموا بهذه الاخلاق ومراعاة القانون والحفاظ علئ جمال البلاد ومناظرها

[فريج النجادة]

ليش ؟

ننتظر الاجابه

تذكرت مقولة الامام محمد عبده المشهوره

عموما الاجانب لا يفعلونها حتئ في بلادهم
والاولئ علئ المسلمين ان يلتزموا بهذه الاخلاق ومراعاة القانون والحفاظ علئ جمال البلاد ومناظرها


:shy: :shy: :shy:

[فريج النجادة]

المواطن يجب أن يكون قدوة للمقيم ..


:shy: :shy: :shy:

[بوالبيض]

حشيش لا فقط شفته في الشاليهات مدمرين الحشيش لكن في الدوله لا رصيف نعم
يعني الرصيف عند الشباب كانه شارع ثاني

[Dana’1]

عاد كلش بعض هالاجانب...هم بكبرهم يفشلون بلبسهم الفاضح يسببون احراج واحنا وسط اهلنا وفي بلادنا


ليتهم يهتمون بنفسهم ولبسهم ويحترمون قوانينا المحطوطة بكل مول وثقافتنا..كثر ما يهتمون بنظافة المكان ونظام السير!

[ريم 28]

حشيش لا فقط شفته في الشاليهات مدمرين الحشيش لكن في الدوله لا رصيف نعم
يعني الرصيف عند الشباب كانه شارع ثاني

ههههه ضحكتني كلمة شارع ثاني

[Riku3]

المفروض ما نعمم بما ان الاجانب صاروا يخالفون مثل القطري ويركبون الفورويل واحدث السيارات ويتجاوزون ..

ولازم تعرف ان مثل هالتصرفات تظهر من مراهقين في العادة ما وصلوا لدرجة النضوج الي وصلها الاجنبي الي جاي قطر بعد ما تجاوز 30 او اكثر ..

وصدقني لو قارنت بين قطري واجانبي مثلاً "لو كان طرف بحادث دهس بدون شهود .. هل بيهرب والا لاء !" .. بتلاقي ان الاجانب هم اكثر الي بيشردون حتى لو كانوا اصحاب مناصب مب مراهقين :] .

الحمد لله على نعمة الاسلام .

[chillis]

شفت البعض منهم يركب على الرصيف
بس العشب لا ،،،

وبعدين ركوب الرصيف مايقتصر على فئة الشباب فقط ،،، لان مع الزحمة اليومية اشوف الكل يسويها شباب وبنات واجانب ،،،

وبعدين شبابنا فيهم خير ومايصير تجمع علشان بعض التصرفات الفردية !!!

للاسف باليوم الوطني ما خلوا حشيش ما داسو عليه بسيارتهم علشان يعدي من هالشارع للشارع الثاني مافي احترام كلش سواء قطري او اجنبي

[العلم]

رصيف شفت ناس يركبون عليه ... مب شباب بس ،،،، ومن الجنسين





أما حشيش لا والله ماقد شفت ،،،، ولو أشوف والله لا أبلغ عليه مباشره




*

[MAZEN37]

يعني خليت المشكله نفسها وخفت على شعور الاجانب
وانك ما تنحرج قدامهم
الموضوع فيه ثقافه خاطئه عند المخالف وعدم وطنيه

[naklan]

والله ياخوك الالتزام زين والي شقح فوق الحشيش غلطان بس الخطاء الاكبر
على تخطيط البلد للشوارع الي يجيب المرض والا قدامك دوار وتبي تروح يمين
وتلقاهم ما عملو تحويلة وعلى يمينك بر وتنطر ربع ساعة وقدامك شاحنات
واخرتها مع الحر تفور وتدوس على الرصيف وتروووح مجبور
من نضام سكسونيا الي يبط المرارة :(

[عزووز قطر]

للاسف باليوم الوطني ما خلوا حشيش ما داسو عليه بسيارتهم علشان يعدي من هالشارع للشارع الثاني مافي احترام كلش سواء قطري او اجنبي

مارحت مسيرة اليوم الوطني ولا افكر اروح

ولو شفته بصوره وببلغ عليه

[عبدالعزيز الهتمي]

كلام آخوي الجني منطقي. وأنت ياراعي الموضوع ماتعرف ظروف الشخص وشكرا

[فريج النجادة]

كلام آخوي الجني منطقي. وأنت ياراعي الموضوع ماتعرف ظروف الشخص وشكرا

أكيد انت واحد منهم

[(بوطلال)]

بالعكس صار المواطن يحترم القوانين والاجنبي وخصوصا الاسياويين هم من يتعداها

[عبدالعزيز الهتمي]

لا ماني منهم بس خلك حقاني ولا تطلع الأجانب ملائكه.وتغلط على شبابنا

[خليفـة]

نعم اخوي .. في كلامك الكثير من الحقائق
ولكن للأمانة .. انا اشوف ان نسبة الشباب المستهترين والي ما يحترمون القوانين
قلت كثيراً عن السابق
القوانين الآن صارت صارمة أكثر من أول

وفيه شي ثاني مهم جداً أخوي .. تصرف الانسان في الشارع وفي أي مكان اخر
دليل على تربيته في منزله
فان كان يحترم النظام .. ويقدر نعمة الله .. ويحافظ على املاك الدولة
فهذا دليل ان من قام بتربيته رجل نبيل وشهم .. ولديه من الأخلاق الكثير والكثير

اما ان كان عكس ذلك .. فهذا دليل انه لم يحصل على التربية الكافية في منزله
ويحتاج لقانون يربيه .. ويعلمه الأدب واحترام الاملاك العامة
وفي الغالب .. يحتاج لزنوبة ( اكرمكم الله ) مقاس 62
وياخذ على ظهره جدام الناس .. لين الله يشوف له
:)

خليفـــة

[كاروهات]

أنا ما يهموني الأجانب كثر ما يهمني عيال ديرتي وتمسكهم بأخلاقهم وبس

الأجانب دولهم ما تفشل من البلاوي اللي يسونها فليش حنا مهتمين فيهم

[وثائقي]

قد تحدث تصرفات فردية لا تعيق الوقائع أمامنا وبالمقابل نرى أغلب المخالفات ترتكب من العمالة خصوصاً اثناء القيادة والشباب الخليجي متعلم مثقف يتقن فنون السير والقيادة أما التصرفات الطائشة فتحتسب على مرتكبيها فقط ..

وفق الله الجميع لما يحبه ويرضاه ..

[ام ناصر1]

عاد كلش بعض هالاجانب...هم بكبرهم يفشلون بلبسهم الفاضح يسببون احراج واحنا وسط اهلنا وفي بلادنا


ليتهم يهتمون بنفسهم ولبسهم ويحترمون قوانينا المحطوطة بكل مول وثقافتنا..كثر ما يهتمون بنظافة المكان ونظام السير!
:nice:

[بوخالد911]

هلا

الاستهتار ما يعرف جنسية معينة

ومثل ان في بعض القطريين مستهترين
كذلك بعض الجنسيات الاخرى غير مبالية


وهناك ايضا قطريون قمة في الذوق والادب والالتزام

[أجر الصوت]

والله ما عندك سالفة

[ريتويت]

صراحه ماشفت

[Dexter]

انا اللي اشوفه بعيني ان البعض من الاجانب هم من يتعدى بسيارتهم على الارصفه وهم من يخالفون قوانين المرور ويضربون بها عرض الحائط وهم من يترك خلفه المخلفات من بعد رحيلهم من المتنزهات

ارحموا القطري ياناس يرحمكم من في السماء

والأجنبي من وين متعلم؟ من القطري!

لو واحد من هالشباب راح اوروبا غصب عنه بيلتزم لأن هناك تطبيق حقيقي للقانون والعكس صحيح لو واحد جاء قطر وشاف الناس تستهتر بالقانون بيصير مثلهم

[ام ناصر1]

الاخوة انتم ماخذين في الاجانب مقلب البعض ...جابلناهم بالشغل ...لا التزام ولا انتظام ..ولا حرص
على القوانين ...همهم المال والتسكع والكيد والتحريض ...وخوافين درجة اولى

[مشاكل]

والأجنبي من وين متعلم؟ من القطري!

لو واحد من هالشباب راح اوروبا غصب عنه بيلتزم لأن هناك تطبيق حقيقي للقانون والعكس صحيح لو واحد جاء قطر وشاف الناس تستهتر بالقانون بيصير مثلهم

عسى ماشر يالغالي ليش زعلان ؟!
انا قلت البعض وماقلت انك معاهم

[captin]

الألتزام بالنظام المروري أو غيره قبل أن يكون أمام الوافدين
وعكس صورة طيبة عن البلاد واهلها

يجب ان يكون ثقافة وقناعة لدى الأفراد بمعنى الواحد يطلع من بيته
وهو يحترم ويطبق النظام إلى ان يعود.

لا شك وجود فئة مستهترة من الشباب من اللي يسرع او يتجاوز من اليمين
أو يصف فوق الأرصفة أو ما تكون عنده روح سمحه في السواقة ويعطي الفرصة
لللآخرين عند المداخل أو غيرها كثير من السلوك لاشك يعكس نظرة سلبية عن البلاد وأهلها عند الأجانب القادمين خصوصا من دول مثل الولايات المتحدة او اوروبا متعودين على النظام

[Dexter]

عسى ماشر يالغالي ليش زعلان ؟!
انا قلت البعض وماقلت انك معاهم

يارجل :)

انزين ادري انك تقصد البعض وانا تكلمت عن البعض, محد جاب طاري ديكستر :nice:

كلامي فيه صعوبة ولا من شنو مستغرب؟ :eek5:

[توشيبا]

ههههههههه العنوان بحاله نكته وانا اخوك

علي الاقل يحرجج افضل انه مايحترمك مثل الاجنبي اكثر واحد يشقح رصيف واكثر سيارات تترك في الشارع ويسافر بلاده اهو الاجنبي مايقد يبيعها من كثرت المخالفات اللي بعضها تتجاوز قيمتها.

واكثر او اجزم كل الاجنبيات لا تحترم قوانين وعادات اهل البلد تطلع لك شبه مفصخه

[alsoq]

ما وصخ البلد الى الاجانب هم اللي يخلون شرتهم وراهم يشوي الحبيب ويكب الفحم واكياسه وراه
اهل قطر ملتزمين اكثر من الاجانب

تدري في الصين لو واحد يلقي مخلفات يجمعونها ويرسلونها له في البريد ويخالفونه

ولاجانب هم اللي يتجاوزون وسواقتهم تجيب المرض في بلادم ما يعرف السياره وهنا يرتز فيها

[Aaziz]

ايه صادق ... المفروض نقعد في بيوتنا بصراحه مالنا وجه نطلع في الشارع نقابل الاجانب.

[حميداني]

المواطن عقوبته المفروض تكون أشد من المقيم , لانه هو واجهة البلد
كيف تتوقع من المقيم الاجنبي يحترم القانون ان ولد البلد راعي الحلال ما يحترمها ؟

أشوف السبب هو تساهل الجهات المختصه مع بعض الشباب اللي أدى الى هالتسيب

[qtr qtr]

روح اخوي المرور واعمل احصائيه من اللي يخالف اكثر بغض النظر عن نسبة عددهم .. عرقلة سير الوقوف بالممنوع وقطع الاشاره والتجاوز من اليمين .. وروح البلديه وشوف من اللي يخالف قوانين البلديه كلهم اجانب ..
وبعد مب كل واحد لابس غتره وعقال راكب كروزر ولا نيسان قلت عنه قطري ..

[boamir]

والأجنبي من وين متعلم؟ من القطري!

لو واحد من هالشباب راح اوروبا غصب عنه بيلتزم لأن هناك تطبيق حقيقي للقانون والعكس صحيح لو واحد جاء قطر وشاف الناس تستهتر بالقانون بيصير مثلهم

زين والاجانب إلي يسوقون وهم سكارى
بعد قول القطريين معلمينهم
ياكثر الحوادث إلي يتسبوون فيها

[أ التميمي]

والله صار العكس الاجنبي قام يضرب رصيف ويتجاوز وهاي قدام عيني وكذا مره اشوف هالمنظر لا والي

ذابحني حريم بعد ؟؟؟؟؟

الشكوه لغير الله مذله

لاهنت يالغالي

[Bo jassim 33]

زين والاجانب إلي يسوقون وهم سكارى
بعد قول القطريين معلمينهم
ياكثر الحوادث إلي يتسبوون فيها


ليش ما فيه قطريين يسوقون وهم سكارى ؟


ما فيه قطريين مدمنين مخدرات

[bu 3li]

الصراحه احنا عندنا منطق غريب ,,

الواحد مايهمه الشارع ولا الزينه ولا غيره .. اهم شي مافي دوريه وحد يخالف ويطالع


اما عند الاجانب اللي يسوي شي غلط او يخالف الكل يعطيه نظرات مب عدله والكل يهاوشه ويقوم عليه وحزتها هو يستحي ويحرم يخالف لانه يدري ان الكل ملتزم ومايهم فيه شرطه ولا لأ

وهاي اللي المفروض يصير .. لكن احنا شعب الـ ( مالي خص في حد وكيفهم دام انا برى الموضوع )

[Bo jassim 33]

الصراحه احنا عندنا منطق غريب ,,

الواحد مايهمه الشارع ولا الزينه ولا غيره .. اهم شي مافي دوريه وحد يخالف ويطالع


اما عند الاجانب اللي يسوي شي غلط او يخالف الكل يعطيه نظرات مب عدله والكل يهاوشه ويقوم عليه وحزتها هو يستحي ويحرم يخالف لانه يدري ان الكل ملتزم ومايهم فيه شرطه ولا لأ

وهاي اللي المفروض يصير .. لكن احنا شعب الـ ( مالي خص في حد وكيفهم دام انا برى الموضوع )


امس واحد قطري ( والقطري معروف شكله ويبين عليه البداوة ) ( للمشككين بالجنسية )

امس كانت زحمه من جسر اللاند مارك باتجاه دوار جسر الجامعه من تحت

الا وواحد يطلع عالبانكيت الاحمر - رصيف - ويمشي عليه لين قبل الدوار


وثاني موقف اليوم الصبح

عند دوار دحل الحمام :

باص اغلق على واحد قطري بالغلط

وعصب صاحبنا وانا وراه

قام وطلع على الرمل الملاصق لحديقة الدحل ونزل يبي يهاوشه

لولا الاشاره صارت خضراء والكل دق له هرن



ايضا : قطري

[مونتانا]

الى صاحب الموضوع يجب عليك ولو سمحت عدم استخدام كلمة قطري عديم الاخلاق فهذه كلمة لا يجوز استخدامها في مثل هذه الحالة. كان يمكن ان تستخدم كلمة مثل متهور او غيرمهذب اومهمل.
اما التصرفات التي تصدر من بعض الشباب الله يهديهم لا يمكن مقارنتها مع بعض المقييمين على سبيل المثال تجد بعض المقييمين عرب واسيويين اعزكم الله في وسط الزحمة يفتح. باب السيارة ويبصق على الارض امام عشرات الناس وهناك الكثير من المخالفات المرورية التي يقومون بها على عينك يا تاجر.

[ولد شرق]

سبحان الله

الحين القطري هو اللي مايحترم القانون؟
عفوا اخوي ممكن تفتح عينك اشوي واتشوف من اللي يخالف
بعدين بأي حق تستخدم كلمه القطري عديم الاخلاق؟
لو انك قطري فهاذي طامه لأنك اتسمي نفسك عديم اخلاق ارجو انك ماتتكلم عن غيرك

يوميا مخالفات بالهبل من الاجانب اللي يطلع عكس الاتجاه واللي يشوف الاشاره حمرا و يعدي على الدوار وهذا الشي شوف عين محد قال لي
والحمدلله ال لخويا مب امقصرين الله يعطيهم العافيه
انتقادك لايخلو من مجرد انتقاد فاشل واسمحلي على الكلمه
لو تبغي تنتقد النقد البناء حط المشكله بدون ذكر جنسيات ولا اسماء وساهم في وضع الحلول...

[Dexter]

زين والاجانب إلي يسوقون وهم سكارى
بعد قول القطريين معلمينهم
ياكثر الحوادث إلي يتسبوون فيها

خلك من السكارى, لو بنتكلم عن السكارى فيه من اهل قطر يسوقون وهم سكارى.. ترى احنا شعب فينا الزين وفينا الشين لاتظن اننا ملائكة

لكن بشكل عام لما الأجنبي يجي هني ويشوف اهل قطر يضربون بالقوانين عرض الحائط من تجاوزات ومواقف غلط ومحد يقولهم شي بيتعلم