المساعد الشخصي الرقمي

مشاهدة النسخة كاملة : وين احول من شريط الفيديو القديم الى سي دي


عبير قطر
23-09-2012, 12:41 PM
السلام عليكم

عندي شريط فيديو قديم جدا الصغير ابي احوله الى سي دي وين اروح وانا عندي الفيديو القديم بس من غير التوصيلات ياريت اللي يعرف وين اروح ايقول لي على المحل ووين مكانه بالتفصيل قالوا لي الوان الخليج بس لما رحت قالوا لي بس عندهم تغيير الشريط الوسط اشكر كل اللي بيرد علي مقدما
am-tmim
23-09-2012, 01:39 PM
في محل اسمه زفاف للافراح بمعيذر قريب من التسويق العائلي اذكر مره سالتهم قالوا نحول الى سي دي ..

بالتوفيق
Northqatar
23-09-2012, 03:38 PM
فيديو سنتر

ومكانة الحين من اشارات كيوتل (( القديمة ))
بشارع الكهربا بتجاة دوار الجيدة اول يمين من عند لفة البنشري العود

تمشي اشوي تلقاة على يدك اليسار
GENIUS
23-09-2012, 05:07 PM
الوان الخليج في فندق سوفيتيل
عبير قطر
23-09-2012, 11:20 PM
اشكرج ام تميم على الرد بس معيذر بعيدة شوي
northqatar ايوه هاي اللي ابيه واشكرك ما قصرت
genius جربت الوان الخليج اللي في المطار قالوا لي الحجم الوسط بس الصضير القديم ما عندهم
khalid1975
23-09-2012, 11:26 PM
اختي عبير ..
مب محتاجة مركز ولا شي ..
كل اللي تحتاجينة..
الفيديو القديم + الشريط اللي تبي تحولينه
وصله معينة تنباع في محلات الكمبيوتر .. توصلينها بالفيديو والكمبيوتر وخلاص يبتدي يحفظلك الفيديو في الكمبيوتر .. وبعدها تقدرين تخزنينها على سي دي.

طبعا اذا الفيديو خاص .. انصحك بهذه الطريقة ..

اما اذا الفيديو عادي .. اي احد يقدر يشوفه .. تقدرين تودينه محل كمبيوتر وهو يسويلك اياه .. وما اكثرهم
خصوصا في الغرافة.
الصغيره
24-09-2012, 11:56 PM
اختي احرصي ان كان شريط عرس او خاص انك تشرفين على نقله لسي دي

بالتوفيق
عبير قطر
25-09-2012, 03:21 AM
اشكرج اختي الصغيرة معاج حق بحاول اتعلم وانقله بروحي
alnoida
25-09-2012, 05:17 AM
اشكرج اختي الصغيرة معاج حق بحاول اتعلم وانقله بروحي

هذا هو الكلام الصحيح. نعم حاولي ان تتعلمي تحليل اي مشكلة تقابلك في حياتك وحلها
وبتالي سوف تتراكم لديك خبرات تستطيعي نقلها لابنائك.

بخصوص مشكلتك الحالية فهي سهله جدا وسبق لي نقل جميع الاشرطه وتحويلها الى الصيغه الرقمية

ممكن تكتبي الجملة التالية في اليوتيوب وتشاهدي الشرح
Transfer VHS to Computer Easy

بالتوفيق والله يستر عليكم
alfahad1
25-09-2012, 06:33 AM
محلات الاستديو الكبيره
عبير قطر
27-09-2012, 01:11 AM
اشكرك اخ الفهد على الرد واشكرك alnoida على الشرح وهاي بالضبط اللي ابيه باشوف الموقع وباجرب