الأيفون 5 و مبالغة الاسعار

[ناصر الصلاحي]

السلام عليكم

حبيت انزل الموضوع للناس عشان يشغلون مخهم

الصراحه الأيفون الجديد في الدوحة سعره مبالغ فيه يعني تخيلوا سعره في شركة الأم على النحو التالي :

16gb 3100
32gb 3650
64gb 4000

هاذي الاسعار اللي في الموقع الرسمي لشركة أبل، و الاسعار في الدوحة :


16gb يبدأ من 4900
32gb سعره كم بيكون ؟؟؟؟؟؟
64gb سعره كم بيكون ؟؟؟؟؟؟

هل انتوا ترضون في هالاسعار، والله اللي عنده فلوس زايده و ما يعرف شنو يسوي فيها اي بيشتري بس اللي يعرف و فاهم السوق بيعرف الاسعار الصحيحه

ما ابي اطول عليكم في الموضوع بس حبيت اني افيد الناس عشان اللي حاب يعرف عن اسعار الايفون 5

[paciottiq]

عادي يا اخوي اللي اخذ البلاك بيري بورش ودفع ٧ ما بيحط ٦و٧ علي ايفون

[paciottiq]

محل اليوم سالته قالي ال ١٦ ب ٤٩٠٠

وموقع سوقي ب ٤١٧٥

وتختلف الاسعار

بس ان شاء الله ينزل لل ٢٠٠٠ قولوا امين

[eXpert*]

نصيحة لا أحد يستعجل ويأخذ الأيفون 5 ..

في بعض المشاكل طلعت في شاشة الأيفون 5 .

أنتظروا يحلونها وفي نفس الوقت لين تجيبه كيوتل وفودا فون بسعره الأصليّ .

[@north_star@]

شي طبيعي اخوي كل شي جديد يكون سعره فوق ومبالغ فيه بس اصبر عليه شوي وبيصير سعره مقبول

[كحيلان قطر]

مادام في ناس مب قادره تصبر شوي يشترون بهالسعر من حق التاجر يرفع سعره وعقب يقولون ضحكوا علينا

[paciottiq]

الصراحة عجبني واحد واثق من نفسه علي الاخر

١٦. ٧٠٠٠

٣٢. ٨٠٠٠

٦٤. ٩٠٠٠

لا والأسعار نهائيه غير قابله

حسبي الله ونعم الوكيل بس

[seeyou55]

هههههه

ياخوي لعلمك سعر الايفون ٣١٠٠ في بريطانيا
بس في امريكا ٢٥٠٠ مع الضرايب ..... بس للحين ما نزل مفتوح رسمي

شرايك الحين !!!

اصلا في دبي... اول ما نزل ال ٤اس في ابل ستور سعرة ٢٦٠٠

[بوعلي2]

ليش العجله

انتظرو يجيبونه في فودافون وكيوتل

بيكون سعره نوعا ما زين

[بريق الحق]

ياصاحب الموضوع ليش معصب ؟ اذا انطر شووي وانت مب مجبور تشتري الجوال كل واحد وكيفه يبيعه بالسعر الي يبيه

[السكين]

أتوقع هالمرة ما في اختلاف أو طفرة بشكله ومميزاته حتى تستعجل الناس مثل قبل .

اللي قادر الله يهنيه ، واللي تاجر الله يزيده ، واللي ما عنده الله يعطيه أحسن منهم .

بس بالنهاية الجميع لازم يتقوا الله ، التاجر بعدم الإستغلال ، والمشتري بعدم المبالغة والمباهاة ، والمتفرج اللي نفسي يرزقه واحد ببلاش :nice:

[CH Engineer]

us
16GB 2363.009 ريال قطري
32GB 2727.109 ريال قطري
64GB 3091.209 ريال قطري
canada
16GB 2593.29 ريال قطري
32GB 2964.29 ريال قطري
64GB 3335.29 ريال قطري
uk
16GB 3121.1 ريال قطري
32GB 3534.1 ريال قطري
64GB 4124.1 ريال قطري


في مقاطعه للايفون5 لا يغركم كم واحد يعرضه ويحاول يستفيد من سعره
اصبروا عليه سعره بيطيح ويا ليت تقاطعون مع العالم

[ذيب ازغوى]

في مقااااااااااطعه ياجماعه الخيررر

[ذيب ازغوى]

والله يالربع ان الجلكسييييي عجييييييييب وسعره ارخص من ايفووووون واسهل استخدااامه

[Qatar-supra]

زبو ومهايط واحسه نوع من التفاه يعني لونه سياره كان ابرك مميزتها وتاخذها قبل العالم
اما جوال لاراح ولا جى ومافيه مميزات كبيره عن الي قبله
سوله دعايه وظجه كبيره كنه تلفون الذره الي نازل
ومدري اماراتي يدفع 100 الف عشان يمكتلك الجهاز الاول بالشرق الاوسط
والثاني يسافر لين الشركه الام عشان يستلمه من عندهم

[honey_uk]

سؤال للكل ...

انتوا ليش حارقين قلبكم الله يهداكم .. اللي يبي يشتري يدفع :) اللي مايبي ينظر لي ينزل رسمي اخر السنه ويشتريه ..

التلفون فيه اشياء زياده وفيه مميزات وايد لا تتبعون المثل اللي يقول اللي مايطول العنب يقول عنه حامض :)

وللعلم .. التلفون بدى ينزل سعره من اليوم

الـ 16 جيجا بـ 3950
الـ 32 جيجا بـ 4700
الـ 64 جيجا بـ 5500

وبينزل زياده بعد صبروا عليه (للعلم الاسعار اللي فوق فـ الامارات مب قطر )

تحياتي

[وحيد-الشوق]

كنت ابي انزل نفس هالموضوع بس قلت اكيد التجار بيدعون علي وبيقولون يخرب علينا

قلنا ربح وفايدة بس بالمعقول مب دبل السعر جوال ب3000 ويبيعونه ب5000 و6000 الي قاهرني في ناس تشتري !!!

صبرا جميلا يا اخوان

جزاك الله خير ياخوي

[paciottiq]

كنت ابي انزل نفس هالموضوع بس قلت اكيد التجار بيدعون علي وبيقولون يخرب علينا

قلنا ربح وفايدة بس بالمعقول مب دبل السعر جوال ب3000 ويبيعونه ب5000 و6000 الي قاهرني في ناس تشتري !!!

صبرا جميلا يا اخوان

جزاك الله خير ياخوي


:nice::nice::nice::nice::nice::nice:

[ريتويت]

:eek5::eek5::eek5::eek5::eek5::eek5::eek5:

[للصبر اخر]

شهالاسعااااااار
انا ماراح اخذه الا بعد 4 شهور يعني الدفعه الثانيه لضمان عيوب اقل

[اليحصبي]

العجله من ابليس ،
http://www.mrusf.com/imgs/bbm/devil.png
افكر اخذه بعد 5 او 6 شهور
http://www.mrusf.com/imgs/bbm/party.png

[ناصر الصلاحي]

انا مب معصب ولا شي انا بس مقهور من التجار ياخي الأسعار نار
ما اختلفنا يبي يستفيد جيبه و حط فايده ٥٠٠ بس انك تحط دبل السعر للتلفون
و على فكره في ميزه جديده من أبل انك تقدر تسوي اكاونت بيزنس يعني تقدر تطلب كميه
و يطلع عليك ارخص

المهم انا مب ميت و اشتريه الحين، انا لو ابيه بنتظر لين ينزل سعره بعدها بشتريه او اذا ما نزل سعره بطلبه من امريكا ارخص و احسن
لأن اي تلفون الدفعات الأولى يكون فيها مشاكل
فا انا مب مستعجل على التلفون
و شكراً لجميع الأخوان اللي و نوروا الموضوع