:: شي محيرني صراحه وين شباب قطر ::

[alsoq]

السلام عليكم
ابي اعرف شباب اللي يتخرجون من جميع الجهات وين يرحون يوم الاجانب هم اللي ماسكين كل المناصب وكل 10 سنوات نسمع قطري مسك منصب
هل يتم تطفيشهم او ان القطري ما يشتغل
والله يا ربع شي محير صراحه ما اشوف مناصب الى في السلك العسكري والمدني قله
اذكر قصه قالها لي شايب شتغل في ارامكو يقول كانو يبعثون الشباب للخارج ولما يرجع يحطونه معا امريكي يعلمه الشغل وبعد ما يفهم شغل ويكون جاهز يتم ترقيته مكان الامريكي

[PP]

الشباب يحوسون في فيلاجو الحين,, تعرف توهم فاتحينه.

[khalid525]

موجودين وفيهم الخير ، بس لان اعداد الوطائف كبير مايبينون ،
عدد الوظائف في كل القطاعات مع اقل تقدير يطلع ٥٠٠ الف وظيفة والشباب القطرين (اذا اخذنا فرضية ان القطريين كلهم عددهم ٢٥٠ الف ) فالشباب (رجال ونساء) القادرين على العمل نقول ١٥٠ الف ، مع اني مبالغ ، ف ١٥٠ الف تعتبر اقل من ثلث عدد الوظائف المتاحة .

[qtr qtr]

تدري ليش الشباب مايبينون .. من كثر الأجانب في هالمناصب وكل واحد منهم يشيل الثاني الا ولد البلد مايشيل اخوه القطري ويحب مصلحته .. يمكن القليل منهم فيهم الخير لود بلاده .

[حميداني]

المشكله في الكلمه السحريه ... عندك خبره ؟ فجأه المتقدم يختفي !!
الاجانب يروحون يشتغلون وياخذون خبره ببلادهم اللي مأمنه لهم هالموضوع من بعدها يجون عندنا يدورون تحصيل مادي

المطلوب خبره ؟ ..الخبره موجوده

[حميداني]

مشكلة كثار منا ما يتنازل , ان خلص لازم يبي يقعد فووق كلش ولا ما يقعد
ما يبتدي من تحت ويقدم شوية تنازلات لين ما ياخذ خبره علشان بعدين يقدر يتمكن لما يجدد عقده
او يقدم في مكان ثاني

[لمعة الالماس]

الخريجين القطريين موجودين بس الخلل في شروط المدراء والخبرات

لو يطورون كل قطري كان الاغلبية مسكت مناصب حلوة

[القطو السمين]

مفروض القطري هو اللي يمسك بس بشرط ان يكون عارف ايش يسوي والاجانب بس يشتغلوون كخبراء لين يستفيد منهم اللي حاصل العكس هم في الواجهه ولهم الصلاحية والشغل عليه والغريب اللي يستقبل التوظيف اجانب

[الأصيلة]

المنصب الحين صار للهنود اللي عندهم جنسيات أجنبية
شوفوا مستشفى الولادة ومستشفى حمد...
الله يسلم اللبنانيين والأردنيين والأجانب
أهل العقول المفتوحة واللي كلت الخضر واليابس عن شبابنا الطيبين
يالإيحاء لمن حولهم بأن القطري لايفهم ..لايصبر...لايعرف ..لايتطور
والجزيرة خير دليل...وغيرها من الدوائر المهمة والمناصب الحساسة...

[مابدل العادات]

ولما يرجع يحطونه معا امريكي يعلمه الشغل وبعد ما يفهم شغل ويكون جاهز يتم ترقيته مكان الامريكي

وصلت خير ياخوك حاليا الي صاير العكس وهاي الي اوشفه من كثر شكاوي الناس أنه الأمريكي او الي حاطينه يابلفيت خبير الي المفروض يأهل القطري انه يمسك منصبه ماقاعد يدربه ويأهله بالشكل المطلوب لجل مايمسك مكانه

[Web-Master]

صدقت

انا بصراحه انصدمت لحال أحد المؤسسات النفطية الكبيرة في قطر والتي تعد (شركة قطرية كبرى ) 90% من مدراء الإدارات أجانب باستثناء مدير قطري واحد فقط !!!

دولتنا تزخر بالكوادر والخبرات القطرية .. الى متى ؟

واعجبي !!!

[بونووف]

انا داومت في قطاع الغاز وكان تخطيطهم عشان يطورون الموظف فاشل وطويل وايد سنه عشان يمسك الشغل و6 سنين عشان الدرجه الي بعدها وغير طبعا التدقيق اللي كنا نتحاسب عليه بالدقيقه اذا تاخرنا ولا طلعنا من وقت وتتوقف الترقيه لمدة 3 شهور يعني دوام راس لفان اكيد بيجيك يوم من هال3 شهور بتتاخر دقيقه ولا دقيقتتين واقعد انطر بعد 3 شهور وردد ياليل مطولك ......... ولين جينا نسال عن التطوير بعد ال6 سنين يقولون لنا خلصوأ هاي اول وبعدين يصير خير

والمشكله لين صار اجتماع للقطرين عشان يتكلمون عن مشاكلهم وقطر للبترول بتتواجد فالاجتماع يخلون القطرين يتكلمون ويشتكون قبل لايجون المسؤولين من قطر للبترول ...لاعبينها صح

لين شفت مافي فايده من ناحية التطوير وبتم طول عمري متدرب قدمت استقالتي وطلعت

طبعا الشركه مب قطريه لانه الي كانوا في نفس دفعتي دخلوا قطر غاز وراس غاز ترقوا وصاروا جوب هولدر واللي صار سنير واحنا محلك سر

[بوعلي2]

الحين المناصب للانجليز والهنود

والقطري يقنص شرق مايندى عين شي او لا

الله كريم

[قطــ86ــر]

دام اغلب المدراء ما فيهم كفائة و لا عندهم مؤهلات غير عدد السنين اللي ضيعها في الدوام بدون فايدة ولا تطوير و لا مواكبة للتطور في جميع دول العالم

شي طبيعي ما نشوف الناس اللي ممكن تغير الوضع للاحسن في مناصب حساسة تمكنها من الارتقاء بالبلد

والكلام عن جميع القطاعات بدون استثناء




ولا حول ولا قوة الا بالله العلي العظيم

[مبتدئ]

يا حبـيـبي أذا الهنــدوس أستلموا بعض البنوك الاسلاميـة ، ردد يا القطري يا هملالي

و الكفأة القطرية موجودة بس " العشق الاجنبي " و بعض الله يسلمك من عينة " آلخمه القطرية " هي السبب

و ش فيها اذا مسكت القطري و قلت له نبيك تشد حيلك في الشغل عشان تصير مدير " اكيد " بشد حيلة

اذا شاف ادارته مهتمه فييه و لكن اذا صارت الادارة غير مهتمه بالتطوير الوظيفي المعقول

لن يصل القطري ابدا ً الى المناصب العليا

يا اخوان انا لست " أكبر من الموضوع " ولكن القطاعات الاقتصادية في الدولة

" البترول و الغاز و البنوك "

المدراء الكبار في هذه القطاعات بستثناء كم مدير قطري بالغلط طبعا ً مستلمينها " أجانب عرب و غير عرب "

اليس هذا " خطر على الاقتصاد " في حال حدث شيء لا قدر الله

اليس من الممكن ان يضروا البلد ! على المدى الطويل

[Qatarianes]

هههههه ثلاث ارباع البلد هنود نيبال وفلبن وين تبي تشوف قطري
التركيبه السكانيه غلط والموضوع يعتفس اكثر واكثر

[اوف ليميت]

موجوديييييييييييييين
وبعد كفاااااااااااااءه مش طبيعيه
واخلاق وذكاء ونشيطين ماشاءالله..وشغل وحركه وكل شي

ولكن ...

محاربون ومقموعين في أقل الدرجات
ومحاولة عدم اظهارهم بشتى الطرق من قبل الأجانب
حتى يجمع كم مليون ويرجع بلاده (ولو ان الشركات في قطر تضمن للاجنبي انه مايرجع لبلاده وسيتم تنصيبه منصب اخر في نفس الشركه او غيرها او القيام بفتح شاغر جديد له)
غير السيارات والسكن في شاليهات اللؤلؤه والفلل والزقزاق وازدان والمجمعات الراقيه والعضويات في أرقى الفنادق والنوادي والسفرات والتأمين ويجيبون له سواق ويمكن خدامه وكل شي بلاش

وشبابنا وبناتنا يبون بس درجه و 2000 ريال..هذي منيتهم

:]

[Charisma]

البحث عن الوظيفه براتب قوي , امتيازات , منصب + العصابات الاجنبيه ومحاربتهم للقطريين = المشكله الحاليه

القطري :
المشكله / يدرس ويجتهد ويبتعث ويرجع يبي منصب بدون خبره .. ( عذر المسؤول = ماعنده خبره في اجانب عندهم خبره )

الحل / يدرس ويجتهد ويبتعث ويرجع يدور وظيفه تناسب تخصصه ويتدرج ويحصل عالخبره ويتنقل ويطالب بحقه في المنصب ( بعد الخبره ) اذا يستحقه ..( المسؤول / ماعنده عذر )

المشكله / قطري عنده خبره سنين وبنين وشهاده .. واجنبي بنفس تخصصه وخبرته ياخذ منصب اكبر منه ( نظام عصابات بمشاركه محبي العيون الزرق والاجانب )

الحل / رفع تظلم والتدرج فيه ابتداءا من المكان اللي شغال فيه وانتهائا بالجهات المعنيه

المشكله / قطري صاحب منصب ينظر للقطريين تحته وكانهم بياخذون مكانه فتلقاه يميل للاجانب عشان يحافظ على مكانه

الحل / والله عجزت القى حل تبون الصج هالنوعيه مادري تحت اي فئه تندرج مرضى نفسيين ولا شنو.. اذا ماوقفت مع ولد بلادك ودعمته ووفرت له كل الامكانيات شلون تبي تنهض بديرتك وترفع من مكانتها وانت تدري اولا واخرا ان محد بيجتهد في رفع اسم قطر الا القطريين وتدري ومتيقن من شغله ان الاجنبي اللي فضلته على ولد بلادك كلها كم سنه ويرد بلاده ... كل هذا عشان هاجس المنصب !!! قطر لو مافيها بترول وغاز وخير ماراح تشوف هالاجانب اللي تفضلهم على ابناء قطر حسبه بسيطه عقدوها اصحاب النفوس الضعيفه

المسؤولين واصحاب المناصب .. لازم يفهمون شغله وحده
الاجنبي ينظر لوظيفته في قطر :
اجمع فلوس .. احافظ على مكاني ومنصبي بمحاربه القطريين ... ارد بلادي واخذ فلوسي معاي

واخيرا محد راح يجتهد وويوفي بشغله الا القطري خوفه على بلاده وحبه لبلاده راح يمنعه من استغلال مكانته الوظيفيه
ونصيحه لكل الشباب الدراسه ثم الدراسه والاجتهاد ومحاولة الحصول على اعلى الشهادات حتى لو بوظيفه مبدئيه ماتناسب مكانتك العلميه
لكن كل شي بالتدرج

[sho_sha]

مايبون القطري .اذا شاف الغلط مايسكت ويحاججهم اما الاجنبي بينطم ويسكت. في شغلي وبحكم اني في الموارد البشرية تعال شوف البلاوي مدير اجنبي صار له 25 سنة ويوم وصل سن 60 يابو بداله اجنبي شيبه بعد يعني ليش هالظلم مافي قطري في القسم يستاهل يمسك مكانه . وصارو الاجانب اهم اللي ايبوون اهلهم وربعهم والفريج كله يشتغلون . ماعطينهم الخيط والمخيط واحنا القطريين مهمشين .

[خفيف الروح]

المشكله في الكلمه السحريه ... عندك خبره ؟ فجأه المتقدم يختفي !!
الاجانب يروحون يشتغلون وياخذون خبره ببلادهم اللي مأمنه لهم هالموضوع من بعدها يجون عندنا يدورون تحصيل مادي

المطلوب خبره ؟ ..الخبره موجوده



فئة شي اسمه تزوير

اخوي عندنا هنود يجبونا شهادة مزورة والإدارة اللة بخير لا والقهر يقول انت تبي شهادة ب 5 الف

[فريج النجادة]

يا الربع اذا فية شواغر نحن جاهزين بس وين الوظيفة