+++ اهي تبي صدقني تبيه واطالعه +++

[شبح الصمت]

بسم الله والصلاة والسلام على افضل المرسلين سيدنا محمد صلى الله عليه وسلم

الموضوع اليوم والله حساس يا اخواني وخواتي ..

عيالنا في خطر

اطفال في المجمعات من دون حسيب والا رقيب يراكضون وراء البنات يرقمون البعض بارقامهم البعض بارقام اخوانهم او عيال عمهم والمبزره واليهالوه الي ما يستحون او واحد شاف الياهل قاله لاحق ذيج :anger1: ..


يذكر لي موقف صاحبي حصل قدامه يقول والله انصدمت يهال من 12 واكبر واحد 14 يلاحقون بنت في الميره المهم البنت تأفف اوف وأوف يقول وصغيره بعد 14 عمرها بس يقول من شكلها قلت يالله استر على بناتنا لا يطلعون نفس هالبنت قذلة وعبايه مخصره ..

المهم يقول واقبض اليهالوه قلت لهم شتسون ما تستحون على وجيهكم يقولون احنا مالنا خص اهو فلان يلاحقها وهي تبيه .. !!!! :eek5: قال اشلون تبيه يقول تضحك له !!! :weeping: يقول وازقرهم قلت لهم يلا كل واحد بيته ويقول اروح للبنت اقولها ليش تسوين جذيه تقول اذوني قالها شفتي شكلج يقول انحرجت واستحت قالها يلا روحي عند امج يلا زعق عليها يقول دنعت وراحت .. !!!


يا شباب يلي مستانسين على هاليهال البرزان مكشخينهم وتخلونهم يلاحقون في بنات خلق الله استحوا على وجيهكم

كلنا نخطي وكلنا مهب معصومين بس اتقوا الله في هاليهالوه عيالكم اخوانكم امسكوهم علموهم السنع ..

الله يحفظ لنا عيالنا ما اتوقع ولدي يكبر ويسوي هالسوالف صج كل جيل وله وقته بس بصطره تصطر ..

والله اني يوم اشوف هاليهال الي حافظين القرآن اكسر خاطري لانه انا نفسي ما قدرت اوصل مواصيلهم ..

وان شاء الله عيالنا فيهم البركه


البنات الصغار حاسبوا عليهم واليهال الي مهدودين في المجمعات شوفوهم لا تخلونهم بس تعال واحذف في المجمعات !!!

:anger1:


وبس اش بقول بعد

:weeping:

[شبل الجزيره]

هاذيلا يعكسون تربية البيت لهم! اهلهم ماربوهم عدل

والمفروض الداخليه تنزل قرار بخصوص هل موضوع وصدقني العالم بتتأدب

اتحدى كنت اتشوفهم كثر الحين يوم كان الشيخ عبدالله بن خالد موجود! محد عرفلهم الا هو

[طويل الرمح]

لو نسوي نفس قانون دبي اللي صادوه يرقم يحلقونه قرعه و ينحط ثاني يوم في الصفحة الاولى في الجريده

يمكن تنخفض نسبة الترقيم ل 50 %

[اوف ليميت]

ههههههههههه
عاجبني الموضوع
بس لاتعليق
:]

[وطن]

الله يستر على عيالنا وعيال المسلمين

والله يهديهم ويصلحهم

:(

[ضوى]

الله يستر على عيالنا يااارب

[intesar]

بصراحة شيء يضحك وهم يبكي.. حتى الميرة ما خلت من المغازلات..

[الحال مايساعد]

الله يهديهم

[بصمة قطرية]

يالله تحفظ عيالنا و عيال المسلمين ..
وين أهاليهم ..
بالذات البنات ..
في ذمة أمهاتهم
يعني بنت مراهقة اتركها تطلع مع صديقتها
بروحهم لا حسيب و لا رقيب
و المشكلة لبسها و شكلها ....!!!!
و بعدين أقول تحرشوا فيها ...!!!!
في ذمة أهاليهم اللي هملوهم و لا يدرون عنهم ..
و يمكن البنت تطلع و اهلها ما يدرون ..
أتوقع الأم اللي مهملة البنات بالذات لاهية في دنيتها
و لا تعرف شي عن عيالها ..

الله يستر على بنات و عيال المسلمين ،،

[حميداني]

لو نسوي نفس قانون دبي اللي صادوه يرقم يحلقونه قرعه و ينحط ثاني يوم في الصفحة الاولى في الجريده

يمكن تنخفض نسبة الترقيم ل 50 %
:omen2: مثل ما قال الاخو
وتسلم شبح على الموضوع المهم ، من أمن العقوبه أساء الادب

[عبدالعزيز الهتمي]

الآباء والأخوان بعضهم يستأنس لي شاف هاشاب ويشجعه ويدعمه ماديا ومعنويا كفؤ يالذيب

[بوحمد111]

الله يستر على عيالنا من هالأشكال وصدقني اخوي شبح الصمت ان السبب الرئيسي في هالتذمر بدأ من البيت والاولاد والبنات الحفظة لكتاب الله كذلك بدأ من البيت وسبحان الله بيت طرب في طرب وبيت قرآن وذكر والله يقدرنا ونكون من اهل البيت الثاني

تحياتي

[بومحمد المطاوعه]

الله يستر عليهم

عاد المشكله والعيب ف الأم او الأب الي يخلي بناته

يستمتعون في ملابسهم وفي تمشايتهم

فالمجمعات

والله اكبر غلط

ترى وايد اشوف انا وانقهر من الي اشوفه

بس الواحد شيقول غير الله يهديهم

ويهدي اهلهم من هالفتن

تحياتي لك ياخوي

[ريتويت]

بصراحة شيء يضحك وهم يبكي.. حتى الميرة ما خلت من المغازلات..

الميره مافيها شي عدل يتشرى مانطبها خير شر

[عزووز قطر]

الجيل تغير

وعلى قولتهم

راحوا الطيبين :(

[ريم 28]

تربية خدم

وايفون وايبود والبرامج

البعد عن الدين
وحب اللهو واللعب وغياب دور الام والاب

[بومحمد المطاوعه]

تربية خدم

وايفون وايبود والبرامج

البعد عن الدين
وحب اللهو واللعب وغياب دور الام والاب

صحيح

كلام طيب

[captin]

يا حليلهم :nice:

راحت أيام الترقيم بشريط الكاسيت
في شارع عبدالله بن ثاني وسوق الجبر
خصوصا لين انحذف وطاح بعيد وماقدرت
البنت توصل له ينقهر الشاب

هههههههههههههههه


كل جيل وله أسلوبه

الله يهديهم

[لمعة الالماس]

ضد روحه البنات بروحهم للمجمعات وروحه الصبيان الصغار بروحهم للمجمعات

ما وراهم الا المشاكل !!!

[شبح الصمت]

اعرف يهال ماشاء الله كل فرض اشوفهم في المسجد

ربي يحفظهم
ربي يحفظهم
ربي يحفظهم

سنعين عالدين الله يثبتهم

مب نفس بعض اليهال سبيل تعال وحذفه فالمجمع وخله يدور مع شلة نفسه وملاحق في هالبنات وتلعوز فيهم ومشكلة يهالوه شتسوي فيه تزقره بيخاف منك بس بيلف بيشل عليه ..



والبنات اليهالوه الي توها ما طلعت من البيضه وتحصلونها فاله الشعر والقذله والكعب مصدق نفسها .. !!!

يالام يالام وووووينج من صجك بنتج جذيه هالياهل تطلع قدامج والا تشوفينها !!!!


لا حول ولا قوة الا بالله

لا حول ولا قوة الا بالله

والله بنتحاسب عليهم بنتحاسب ويوم يطيح الفاس بالراس ما راح يفيد الندم

:(

[bo_hamad]

من اللي يشوفونه في الانترنت والتلفزيونات والهواتف البلاك بيري والايفون ... الخ


الله المستعان

[شبح الصمت]

من اللي يشوفونه في الانترنت والتلفزيونات والهواتف البلاك بيري والايفون ... الخ


الله المستعان




صادق اخوي بس لازم يكون لدينا رادع

[BonBons]

والله موضوع مهم جدا
بخصوص لبس البنات الصغار احيانا استغرب احصل الام نقاب وعبايه على الراس والبنات لبس قصير وضيق ومسويه شعرها اخر ستايل ومكياج وهي ماتتعدى ال12 سنه
واذا قلتو شي للام قالت: خل يستانسون الحين قبل لتصير حالتهم نفس حالتي ؟؟خير @@ يعني شنو تطلعين الكبت اللي فيج والوضع اللي مب عاجبج ببناتج ..انزين مافكرتي ان البنت جذي بتتعود وعقب صعب التغير ..

وبعضهم تخلي بنتها تلبس عبايه بالفيت بتسترها بس تعالو شوفو عبايه مرصصه ومكياج كامل وكعب ومشيه ياساتر عليها ونظرات ياربي ماقدر اوصفها وتحسب ان هي كبيره وتقلد الاكبر منها بكل تصرفاتهم بالمجمعات وطبعا التقليد دايما يكون للشريحه الادمر
..واذا علقتو قالت اشتبون عبايه ولبسناها @@

وبالنسبه للصبيان الصغار حدث ولا حرج .. يقلد ابوة او اخوانه الكبار بالضبط والكلمه والحركه ..
عاد كل واحد وتربيته ..ناس تودي عيالها المسايد ومجالس ذكر وخير وتعلمهم الرجوله والشهامه والاخلاق والدين
وناس ياكافي الشر ..صار موقف جدامي بالشتا اللي طاف ..كنت بالسياره والدرايش شوي مبطله لان الجو حلو وجنبي سياره فيها ابو مع عياله اثنين ورا ..العيال كاشخين ومرتبين ..لما قدمو شوي قرب ابوهم من السياره اللي جدامي وبطل دريشه الولد وجنبهم سياره فيها بنت عربيه واغاني والشعر الاشقر المصبوغ
ولا اسمعه يقول للولد رقمها يلا يلا قولها الرقم @@
انا وقفت مكاني ؟شنو ذي من صجه ؟؟
بعضهم يفتكر اذا علمه ولده هالسوالف انه بيصير ريال .زويقول خل يتعلم على يدي احسن من مايتعلم برى وبروحه @@ وانا بنصحه عدل عشان مايغلط وايد لان جذي ولا جذي بيتعلم سوالف المغازل والبنات !!

ياناس عيالكم عجينه لينه انتو تشكلونها لين كبروا ويبس عظمهم مافي فايدة ولاتقولون بكرة يكبرون يعقلون لان بهالتربيه يدمرون وربي يحاسبكم عليهم

[شبح الصمت]

والله موضوع مهم جدا
بخصوص لبس البنات الصغار احيانا استغرب احصل الام نقاب وعبايه على الراس والبنات لبس قصير وضيق ومسويه شعرها اخر ستايل ومكياج وهي ماتتعدى ال12 سنه
واذا قلتو شي للام قالت: خل يستانسون الحين قبل لتصير حالتهم نفس حالتي ؟؟خير @@ يعني شنو تطلعين الكبت اللي فيج والوضع اللي مب عاجبج ببناتج ..انزين مافكرتي ان البنت جذي بتتعود وعقب صعب التغير ..

وبعضهم تخلي بنتها تلبس عبايه بالفيت بتسترها بس تعالو شوفو عبايه مرصصه ومكياج كامل وكعب ومشيه ياساتر عليها ونظرات ياربي ماقدر اوصفها وتحسب ان هي كبيره وتقلد الاكبر منها بكل تصرفاتهم بالمجمعات وطبعا التقليد دايما يكون للشريحه الادمر
..واذا علقتو قالت اشتبون عبايه ولبسناها @@

وبالنسبه للصبيان الصغار حدث ولا حرج .. يقلد ابوة او اخوانه الكبار بالضبط والكلمه والحركه ..
عاد كل واحد وتربيته ..ناس تودي عيالها المسايد ومجالس ذكر وخير وتعلمهم الرجوله والشهامه والاخلاق والدين
وناس ياكافي الشر ..صار موقف جدامي بالشتا اللي طاف ..كنت بالسياره والدرايش شوي مبطله لان الجو حلو وجنبي سياره فيها ابو مع عياله اثنين ورا ..العيال كاشخين ومرتبين ..لما قدمو شوي قرب ابوهم من السياره اللي جدامي وبطل دريشه الولد وجنبهم سياره فيها بنت عربيه واغاني والشعر الاشقر المصبوغ
ولا اسمعه يقول للولد رقمها يلا يلا قولها الرقم @@
انا وقفت مكاني ؟شنو ذي من صجه ؟؟
بعضهم يفتكر اذا علمه ولده هالسوالف انه بيصير ريال .زويقول خل يتعلم على يدي احسن من مايتعلم برى وبروحه @@ وانا بنصحه عدل عشان مايغلط وايد لان جذي ولا جذي بيتعلم سوالف المغازل والبنات !!

ياناس عيالكم عجينه لينه انتو تشكلونها لين كبروا ويبس عظمهم مافي فايدة ولاتقولون بكرة يكبرون يعقلون لان بهالتربيه يدمرون وربي يحاسبكم عليهم




لا فض فوك

جبتها ياخوي وكلامك صدق

:(

[BonBons]

لا فض فوك

جبتها ياخوي وكلامك صدق = جبتيها يا اختي وكلامج صدق :victory:



ولا نطوى لك منبر ياخوي

[خفيف الروح]

لو نسوي نفس قانون دبي اللي صادوه يرقم يحلقونه قرعه و ينحط ثاني يوم في الصفحة الاولى في الجريده

يمكن تنخفض نسبة الترقيم ل 50 %

هههههههههههه تقل النسبة 100٪

[شبح الصمت]

ولا نطوى لك منبر ياخوي




لا تلوميني في المسميات الانقليزية لج علي

:shy:

وحياكم الله

[بن جعران]

هي جت على الميرة بس ! اغلب المجمعات الأستهلاكية صارت احلى مكان للمغازل !!

[دنيا الاسهم]

الاهل لهم دور لان يهدون عيالهم في المجمع لقضاء الاجازة
انا اكرة ماعلي اللي يقول بروح السينما ولا المجمع من زين المجمعات كلها زحمة وافواج رايحة وافواج رادة وضيقة خلق ... الله يفرجها بس