من أفضل ( حبوب خل التفاح أو حبوب الشاي الأخضر)؟؟؟

[ٌٌR.M.S.H]

سلام عليكم
من كثر قراءتي عن فوايد حبوب خل التفاح وحبوب الشاي الأخضر للجسم من ناحية التخسيس وطرد السموم وخفض الكوليسترول ... ألخ
قلت أكتب هالموضوع وأتمنى الكل يجاوب ويتفاعل معانا عشان الكل يستفيد
انقلوا لنا تجاربكم لنستفيد

وياريت كل واحد أو وحدة إذا مجربين نوع من هالحبوب يكتب لنا أيش صار بعد استعمالها

يلا نبتدي من يجاوب؟؟؟

[بورصواوي]

حتى الشاي و الخل صار حبوب ههههههههه

[ٌٌR.M.S.H]

يا جماعة وينكم؟؟ أكثر من 60 مشاهده ولا أحد يرد

[أبورودي]

الشاي الاخضر كبسولات جيد جدا بس لا تتجاوز الجرعه ولا تتناوله لفترات طويله فى حالة التخسيس

حبوب خل التفاح لم اجربها لكن خل التفاح فى التخسيس قرأت انه مضر لانه يضر بالمعده فى حالة زياده نسبة

[shadad]

اخوي الحبوب ما قد جربتها ( ما ادري تقصد اللي داخل الكيس ). بس الشاي الاخضر جربته وسوى مفعوله والحمد لله معاي زين وايد واحس انه ينشف بقوة مع تمريني الخاص بالصاله . افضل شربه يوميا . وبعد وجبة الاكل بفتره طويله نوعا ساعتين لساعه . واللي متعود على الاحمر يجرب الاخضر بالنعناع لانه طعمه صافي في اول الايام مو مقبول هههه .

اقل شي جري شبه سريع لمسافة كيلوا ونص وما فوق ( مو تمشايه شياب !@.@ ) جري شبه سريع كل يومين في حالة من انك النوع اللي ياكل كل شي . او كل 3 ايام + الشاي الاخضر على الصبح ( طبعا مو بعد الافطار ) مثلا بالدوام وان شاء الله يعطيك مفعول ظاهر على الخواصر اقل شي في شهرين . اشتر ميزان الكتروني وبتعرف . ما بتطلع سوبر ستار! بس بتشوف.

معلومه صغيره للشباب . في منتجات وايد في موقع بدي بيلدنج للتنحيف اغلب منتجات الفئه 9 وما فوق لقيت فيها مستخلصات من نبتة الشاي الاخضر :) فركزوا على هاي النبته .

موفق :)

[ام ناصر1]

اخ شداد ....مسافة كيلو ونصف بالساعة كم تطلع ...والي عنده جهاز المشي ..كم لازم تكون سرعة الجري
عندك فكره

[ٌٌR.M.S.H]

شاكرة مرورك أخوي ابو رودي
مشكورين أخوي Shadad ، أنا كنت أقصد على كبسولات الشاي الأخضر مب اللي في الكيس
مشكلتي مب قادره أبدا استسيغ طعم الشاي ، أنا اصلا ما اشرب المشروبات الساخنة أبدا لا شاي ولا قهوة ولا نسكافيه ولا أي شي ، شلون أشري شاي أخضر

مشكورين جميعا وبانتظار تجارب البقية

[بنت امي]

الرياضة تضعف وتشد الجسم وتقوي العظام وتنشط العقل :)

[CaTaLuNy]

تبي تخس ؟ لازم تجري او تهرول كل يوم بما لا يقل عن ساعة .. مكسل ومالك خلق كل يوم ؟ خلها بين يوم ويوم .. اشتري بدلة التخسيس واطلع اركض لمدة شهر او شهرين وراعي اكلك شوي وشوف شكثر راح ينزل وزنك .. في غضون شهر ونص نزلت من 97 كيلو الى 85 كيلو طبعا كله بفضل الجري ودايت معين اتبعه , وناوي بأذن الله ادش السبعينات ..

[ٌٌR.M.S.H]

موفق أخوي Cataluny
وان شاء الله توصل للوزن والشكل اللي تبيه

انا هدفي مب بس أني أضعف الحمدلله جسمي زين، أنا سمعت عن هالحبوب وفوايدها في حرق الدهون وخفض نسبة الكوليسترول، يعني بشكل عام تفيد الجسم
وتدون الواحد كل ما يكبر ما تكون عملية حرق الدهون وامتصاص الجسم للعناصر الغذائية والفيتامينات مب مثل أول (( أنا مب كبيرة ترى، لا تقولوان عني عجوز )) ، ومشكلتنا الاكل في المطاعم وخصوصا (الفاست فود) ، والصراحة وقتي ما يساعد أبدا للرياضه، الصبح دوام وما نرجع البيت الا العصر، وتحضير الغدا والعيال والتدريس ، أكون بعد صلاة العشاء منتهية ،،
بس للمنفعة العامة والاستفادة لاني مثل ما ذكرت في مشاراكاتي السابقة أني ما أشرب المشروبات الساحنة أبدا، فبالتالي صعب أشرب الشاي أخضر

ونتمنى الكل يتفاعل

[**هـتــــــان**]

بالتوفيق للجميع ...ونحافة بصحة ان شاء الله

من ناحية الشاي الاخضر ممتاز بالتنحيف وليونة المعدة .