احسن مطعم باللؤلؤه ؟

[QaTaR MaFia]

السلام عليكم

اخباركم عساكم بخير ان شاءالله .. بغيت استفسر شنو احسن مطعم في اللؤلؤه وشنو نوع
اكله .. يارييت لو تقولون لي شنو التوب هناك :victory:

[KHALID1]

بامبينو يهبل ومأكله سي فود على الطريقة الايطالية

[آنــه]

اهو الشي على حسب الأذواق

( في بإرسال ١ )

بالنسبة لي .. أحلى شي أكلته في اللؤلؤة

ميز اللي للأسف سكرووووه :(

المطعم الايطالي اللي هو جنب الجزيرة للعطور عجيب
وبأغلبية الأصوات اللي جربوه قالوا انه لذيذ

جربت برج الحمام { لبناني } بس من زمان و ما عجبني

جربت الإنتركونت مافيه الا طبق واحد اللي هو ستيك وسوس و معاه فرنش فرايز
وكان مب حلو بالنسبة لي ما حبيت طعمه { فرنسي }

جربت سرماني طبقين بس اللي عجبوني { فرنسي }

وفي مطعم كارلوتشي { إيطالي } بس في ( بإرسال ١٨)
اكله حليووو

و في كافيه ديليوي { فرنسي } حلو بس عيبه احيانا ما تلقى اللي تبيه :(
هذا في بإرسال ٤

وبس ان شاء الله أفدتكم :)

[غايه الطواش]

ميز بس تسكر
وافتحوه في سانت ريجس باسم قولدن رمزي

الايطالي كل شي عندهم لذيذ

ليزا حلو بس دون اطلب مقبلات

كارلوتشي نص ونص

انتر كوت طبق واحد والطعم لاذع شوي

ديليوي. ماشي عجبني فيه خير شر ماعدي كلير

برج الحمام ماعجبني اكله

الطبخه اكس من الزين

[الإكسير]

السلام عليكم

اخباركم عساكم بخير ان شاءالله .. بغيت استفسر شنو احسن مطعم في اللؤلؤه وشنو نوع
اكله .. يارييت لو تقولون لي شنو التوب هناك :victory:

Pice مطعم إيطالي اكله عجيب

[monatee]

معصرة اسكريم بلازا اللي في الدفنه اكلها احلى من مطاعم اللؤلؤه

وللعلم اني ماحب اكل المعاصر اصلا

[alsndbad-q8]

والله انا رحت اللؤلؤة وماجازت لي ابد تصلح لنقاش الجواسيس ورجال المخابرات فاضية صخه اذا تبي تطلع مع احد وماتبي احد يسمعكم.. روح اهناك
عموما اخوي ماشفت فيها مطاعم واتوقع اذا فيها خسارنين وانتوا نفسكم ماتروحون اهناك.
سامحني عالمادخلة .. الاخوة والاخوات اشوف يقولون عن مطاعم انا ماشفت فيها وايد شوي اللي شفتهم مع اني رحت لها قبل سنه.
بالتوفيق.

[خفيف الروح]

يمدحون السفير

ههههههههههههههه

[اللوز]

تصلح لنقاش الجواسيس ورجال المخابرات


:nice::nice::nice::nice:

[آنــه]

ما يصير ينطرح موضوع ما يدشون فيه عرض ويخربونه :)

[ولد ازغوى]

عاد انتي لاحظتج تحبين تتكلمين عن الاكل خخخخخ

[.. الكاش ..]

في مطعم صيني لذيذ على البحر جنب الايطالي تاخذ ثاني دوار يسار وانت جاي من بوابه اللؤلؤه عقب ثاني دخله على اليمين عط سيارتك حق السكيورتي وانزل وادعيلي اذا خلصت

[][ الوحيد ][]

Mango Tree

مطعم تقريبا تايلندي ولا من ذاك الصووب ,, اشوفه حلوو وايد

[آنــه]

عاد انتي لاحظتج تحبين تتكلمين عن الاكل خخخخخ



مافيها شي يوم اعرف شي ، أفيد غيري فيه سواء اكل او غيره
وأكيد بما أني مره بتكلم عن مسؤولياتي عن البيت والاشياء اللي اعرفها لازم بتكلم عن الفوايل و الا المطاعم وين نروح في قطر من بيت لي بيت وطبعا الفوايل قدامنا والا السوق والمطاعم اللي فيه هههههه كله اكل في اكل

بس ما يمنع تلاحظ ان بعد نرد على المواضيع إلجاده والاجتماعية
والاستفسارات المطروحة من بقية الاعضاء :weeping:

[تركي الشهراني]

الله يرحم حالنا ولا عمري سمعت بـ هالمطاعم ولاجيتها اذا تهورت تهورت رحت جباتي وكرك ههههه

[الدوسري قطر]

مطعم انتر كوت بس عنده وجبه وحده اللي هي الستيك

ومطعم نودلز هاوس

[الوسيط العقاري]

احسن مطعم هو الزرقاء

كيمه جباتي وكرك

انصحكم فيه

:)

[QaTaR MaFia]

شكلي بروح الانتركوت اخر مرة كلته في فرنسا .. ان شاءالله يكون بنفس المستوى !
يعطيكم العافية ما قصرتوا :)

[رجل الجزيرة]

الله يرحم حالنا ولا عمري سمعت بـ هالمطاعم ولاجيتها اذا تهورت تهورت رحت جباتي وكرك ههههه

وأنا مثلك، بس أول ما إفتحتوا مطاعم إلي جنب مطعم إشارات رامادا كنا مستانسين والحين مطعم السفير.

[Abdullah_89]

ميز كان احلى مطعم بس سكروة وفتح له فرعين في فندق سانت ريجس