البلدية و المراقبه بلكاميرات

[abdulaziz 92]

اتمنى قبل القراءة انت تاخذ الموضوع بجدية تامة والكلام موجه لكل شخص يستطيع ان ينفذه
الموضوع كالتالي :
قبل لا تفتح اي محل او شي لازم تخلص الاجراءات عشان تحصل الموافقه على الكهرب والماء وماشابهه
الفكره الجديدة هي عصرنا انتشرت الالكترونيات والكاميرات بالابعاد الثلاثيه و سوالف اطلعت قربوا كل شي بعيد والتكنولوجيا اطورت بشكل رهيب جدا
لو تم اضافه بند جديد للمطاعم فقط مع تخليص اجراءات المطعم للحصول على الموافقه يوجب عليه ان يروح البلدية و يجيون معاه طاقم خاص يركبون الكاميرات الا تابعه للبلديه و طبعا يدفع رسوم الكاميرات ومن خلال الكاميرات ممكن البلديه تراقب اي مطعم في اي منطقه وتكون البلدية وفرت اشياء وايد
والشي الاساسي ان اصحاب المطاعم بيصدهم خوف من الكاميرات

الموضوع يبيله دراسه من اصحاب الخبره و المسؤولين

اذا اعجبك الموضوع ارفعه :deal::deal:

[عاهد بن علي]

فكره جميله جدآ جدآ جدآ

[حميداني]

حلو , ان كان كل شي مراقب فكل شي ممكن يؤخذ بشكل قانوني
بس كانه الموضوع بيكون شوي صعب لانك راح تجبر كل محل يكون فيه خط انترنت

[ام ناصر1]

فكره في غير محلها ..من حق المواطن حفظ اسرار عمله ...وبخاصه التجاري
البلدية لها تضع المعايير الصحية والمهنية وتراقب بانتظام ..

[خليفـة]

الفكرة طيبة يا بوسعود
ولكن تطبيقها على أرض الواقع مستحيل

والسبب ببساطة .. ان البلدية بتحتاج لجيش كامل من المراقبين
الي بيتابعون العدد الهائل والضخم من المطاعم في قطر

من الممكن ان يتم تكثيف الزيارات الميدانية ( المفاجئة ) للمطاعم .. ودون سابق انذار
وان يتم التشهير بأي محل يخالف شروط النظافة والتعليمات الخاصة بهذا النشاط .

يعطيك العافية بوسعود
:)

خليفـــة

[حميداني]

هو فيه حل بس صعب , انهم يتفقون مع كيوتل تسوي شبكه داخليه عالمناطق التجاريه ويربطونها كلها مع بعض
بيوفرون عليهم الروحات والجيات من الكمبيوتر ومركز العمل يقعدون عملهم يفرفرون عالمحلات بضغطة زر
توفير للوقت ويرفعون منها الجوده والرقابه

والمحلات اللي فيها ان" يزورونها زياره خاصه

[MAZEN37]

انا مع مراقبة المطبخ للمطعم مب الصاله والناس واقتراحك طيب

[لمعة الالماس]

ياليت والله تت مراقبة المطباخ ويشوفون نظافة المكان والادوات وطرق حفظ وتخزين الطعام

والانترنت متوفر الحين والشبكات سهله

[اوف ليميت]

ماوافق عالفكره
1- صعبه
2- ماتقدر تراقب كل زاويه
3- بتركيب كاميرات فقط بامكانك تراقب دخول وخروج والكاونتر واكثر شي مساحات اخرى عاديه
4- مش بس راعي المطعم له خصوصيه واسرار عمل..ايضا الناس الداشه والطالعه...ياخي وحده داشه او واحد معاه اخته وللا زوجته بيتصور ليش؟
لا وبعد يحفظ فيديو .. وبعد شدراك محد من هالموظفين تسول له نفسه يصور الكاميرا وللا شي

لا لا ..

واذا بتقول اماكن محدده..مثل ايش؟ الطبخ؟ مايصير
الباب؟ نفس المشكله السابقه


اذا راعي المطعم يبي يركب كاميرا..فبكيفه وفقط على الكاونتر يكفي
غير جذي مشكله

الأصح انك تقول..التعاون مع الداخليه لتركيب اجهزة انذار مشبوكه تماتيك بغرفة عمليات خاصه..لحالات الحريق والسرقه وما الى ذلك..هذا اي

:]