استشاره بنيت بيتي ب ـ 1040000 هل هو مناسب

[alsoq]

السلام عليكم

تميت فتره قبل ابني البيت ادور شركه سنعه من كثر ما اسمع المشاكل المهم الله وفقني في واحد قطري مهندس وعنده شركه المهم جلست معه وخذني الى فله قال هذا شغلي شغله مرتب ونضيف ولا فيها اشروخ او شي هنا ارتحت

المهم توكلت على الله وسويت الخرائط وجهزت كل شي طلعت مساحه البيت 500 او تقل شوي

المهم سوى لي حسبه قال مليون واربعين الف تسليم مفتاح على سنه وست اشهر كا حد اقصاء للبناء قلت توكل على الله

البيت 6 غرف
مطبخ +غرفه خدم + مخزم + حمام
مجلس + مقلط + غرفه خادم

هل السعر مناسب لاني ابي ابني بيت اخوي عنده

على فكره الحديد درجة اولى ومنظف والطابون من شركه سمسمه مختوم

وجزاكم الله خير

[captin]

مرحبا ,,,

الله يبارك لج في البيت ويسهل بناءه
ويجعله مسكن مبارك مقدما.

كحسبة سريعة السعر 1040000 على المساحة 500 متر مربع
يطلع السعر 2080 ريال للمتر .

لكن السعر يعتمد على التشطيبات والمواد اللي راح يركبها المقاول في
المشروع هل عطاج قائمة بالمواد وحدد مواصفاتها ؟؟

لأن سعر التشطيب في السوق يبتدي من 1700 ريال للمتر وهذا غالبا للبناء التجاري
والمقصود فيه أن أسعار مواد التشطيب تكون رخيصة نوعا ما صينية وخليجية المصدر
ويوصل إلى 2000 ريال للتشطيب الوسط وإلى 2500 ريال للمتر أو أكثر للتشطيب
الديلوكس.

المهم في الموضوع اختي اللي يحدد السعر نوعية المواد وأسعارها حتى في مرحلة العظم هناك تفاوت بين الحديد العادي والحديد المغلف والطابوق الأسمنتي العادي والطابوق العازل أو الطابوق الأحمر . ولما نجي حق التشطيب ندخل في تفاصيل كثيرة عندنا الكهرباء والسباكة
والسيراميك واطقم الحمامات والرخام للأرضيات والدرج والمطابخ والشبابيك والأبواب الداخلية والرئيسية والأصباغ الداخلية والخارجية أو إذا كان هناك حجر ولا لا
ونوع بلاط الحوش الخ والقائمة طويلة الحقيقة لمواد التشطيب.

نوعية المواد هي اللي تحدد لنا السعر.
تحتاجين في كل الأحوال تعينين لج استشاري أمـــــين قبل لاتوقعين العقد يراجع المواد ويتاكد من أنواعها وأسعارها ويتابع سير المشروع أثناء التنفيذ.

بالتوفيق إن شاء الله

[برنس قطر]

اشوووفه واايد غااالي

[رامي خوري]

السعر ممتاز ... وانشالله مبروك البيت

[متفائل وايد]

لو شغله نظيف عنده دقه في المواعيد حلو السعر

[Mo7mmad]

اشوووفه غااالي

[كبير المتداولين]

الله يبارك لك في البيت ويقويك عالبنيان .أنصحك خليه يبني عظم وانتي التشطيبات

[BoFahed]

اختي السعر ممتاز بس مثل ما ذكر الاخوان اهم شي التشطيبات والمواد انتي بترتاحين بس في البداية لازم كل كبيرة وصغيره تسالين عنها وتختارينها وتاخذين تفاصيلنها وتنكتب في العقد مثل

الكهرباء (نوع الوايرات والدي بي والمجمع )
الخرسانة (اسم المصنع )
الحديد والطابوق نوعه واسم المصنع
العازل نوعه وضمانه
الالمنيوم نوعه ولونه وسماكته وسعر المتر
الصبغ داخلي وخارجي اسمه ونوعه وسعر المتر
السيراميك انتي تختارينه نوعه وشكله ورقمه (رقم الكرتون ) للصالات والمطابخ وغرف النوم والحوش
الحمامات (الماركة والحجم )

وتاخذين سمبل من كل شي واهم شي المقاول اولا ثم الاستشاري يكون امين ويخاف الله وبيراقب المقاول ويتاكد من تنفيذ كل التفاصيل

يعني لازم تسالين عن المقاول وتشوفين شغله وتشطيبه وتاخذين لاستشاري معاج و تدورين عدل عن كل شي والمواضيع في منتدانا الغالي مليانه (الله يخلي الربع )

[معماري قطري]

السعر معقول على أسعار هالأيام .. بس شيء مهم التفاوض وتعديل المواصفات ونوعيات المواد ولو ممكن تحديد عينات مع العقد بحيث يكون كل شيء واضح .. ومثل ما قالوا أغلب الإخوان تعيين إستشاري أمين وفاهم شغله، ومهم الإستشاري يكون شامل جميع التخصصات يعني مهندس كهربه ومهندس ميكانيكا وإنشائي، ولو معماري بعد يدرس الخرايط عدل ويعدل عليها لو فيها قصور ويرتب العقد كامل ويكون التوقيع عن طريق الإستشاري بيكون إن شاء الله بنيان سهل ونظيف.

[بوحمد82]

يا جماعه السعر شلون معقول أنا أشوفه فووووووق الغالي المقاولين الثانين يشطبون على 1700 يعني بيطلع البيت 850 ألف يعني فيه زيادة 190 ألف الأ أذا كانت طالبه تشطيبات سوبر ديلوكس وجبس وغيرها.

والنقطة الثانية مدة العقد سنه وست شهووور لييييييييييييييش ! لو باني عمارة 10 أدوار مايأخذ هالمده. يعني مدة العقد سنه أشوفة ممتاز



وشكرا

[أسير الاسهم]

السعر منـاسـب إذا شغله وتشطيب البيت بيكون فوق المتوسط .. مش تشطيب تجاري

[صوت مواطن]

على حسب نوع التشطيب اخوي

[الإكسير]

اشوووفه غااالي

غالي ،،،

[IT Engineer]

بالتوفيق للجميع

[بوخالد911]

توووووووووو متشششششششششش


والله يحفظك

[زقرتي ومزاجي]

استخير وتوكل .. هذي نصيحتي

[باتريوتP]

السلام عليكم ورحمة الله وبركاته
اخوي العزيز يعتمد البيت على مواصفات التشطيب اهم شي لانك موقع على المفتاح
اما ان الحديد درجه اولى قطري اصلا الحديد القطري نوعين ابكسي والثاني اسود مافي شي اسمه درجه اولي
والطابوق سواء كان سمسمه او الريان او اي شركة نفس السعر للطابوقه الوحده 2.2 ريال
المهم مواصفات التشطيب على سبيل المثال
السيراميك والبورسلان سعر المتر
الدرج الخاص بالفيلا
الشبابيك وابواب الحمامات والغرف توضيع من حيث السعر
والدرابزين والاطقم الصحيه والاكسسوارات من حيث السعر
وبلاط الحوش والجبس اذا في مثلا
وغيره ووووووو الخ
بعد كل هذا تقدر تحكم اذا السعر مناسب او لا
وعلى كل حال حسب كلامك اذا هو مهندس وفاهم بالشغل ان شاء الله يكون السعر صحيح وما يقصر وياك ويوفقك ويوفقه
لكن اذا وقعت وياه وخلصت لا تسال كثير لان الكل راح يفتي لك بالبناء الي يفقه والي ما يفقه بالاخير تخرب بينك وبين المقاول هههههه
ربي يوفقنا ويوفقكم قول امين
سلام عليكم ورحمة الله وبركاته
باتريوت للتجاره والمقاولات ذ م م

[@فارس@]

فيه شركة يابانية متخصصة في المباني وهي مصنفة عالميا ولهم وكيل حاليا في الدوحة
تختصر لك الوقت وتوفر عليك ربع ما تصرف من مال وربما اكثر
انصح بالتعامل معهم لمن احب ان يستفيد ويوفر على نفسه الكثير من المال والوقت ويحصل على افضل المواصفات
ويمكن للشركات كذلك التعامل معهم لانها شركة قوية ودقيقة جدا
والله الموفق

[ali22]

شوفي اختي اذا كان المقاول مصري او سوري لاااااازم تشوتين بالنتي
ترى الندم ماينفع في هالحالات

[ali22]

يا جماعه السعر شلون معقول أنا أشوفه فووووووق الغالي المقاولين الثانين يشطبون على 1700 يعني بيطلع البيت 850 ألف يعني فيه زيادة 190 ألف الأ أذا كانت طالبه تشطيبات سوبر ديلوكس وجبس وغيرها.

والنقطة الثانية مدة العقد سنه وست شهووور لييييييييييييييش ! لو باني عمارة 10 أدوار مايأخذ هالمده. يعني مدة العقد سنه أشوفة ممتاز



وشكرا

النصب والاحتيال والبوق له طرق كثيرة

[فريج النجادة]

نصيحة يابوفهد خل عندك عقدين عقد للعظم وعقد للتشطيب

اذا الرجال سالك في العظم

كمل باقي المشوار معاة

[ali22]

سلامي لك بوفهد