البلاك بيري قضى على حياتنا الاجتماعيه وابادها تماما [الأرشيف]

مرت محمد

26-09-2012, 09:56 AM

من منا لايحمل البلاك بيري هذه الايام الامهات الاطفال والمراهقين جميعا يستخدمه الان

بعضنا يتابع اخبارنا ونحن نتابع اخبارهم من خلال الصور شاهدنا من خلال صورهم اماكن تواجدهم واكلهم وشربهم وافراحنا وافراحهم واحزانهم وعزائهم في ميتهم

البعض منا اخذ موقف لان فلان سافر ولم يودعنا من خلال صور علم البلد المتواجد فيها ولاكن زعل بصمت دون تعليق البنات الصغار يضعون صور لعزيمه اوحفله حنا

تشاهد هذه الصور بعض الامهات هذه الصور فتقول اختي مسويه عزيمه وما عزمتني
شفنه صور كشتاتهم وعزبهم المطاعم التي ذهبوا اليها ... كل ذلك انا اعتبره جميلا

قد تقولون وما الجديد في ذلك انا اخبركم لم نعد نستقبل اخواتنا وصديقتنا واهلنا واحبابنا

فقد اكتفينا من مشاهد صورهم وارسلنا لهم تهانينا وعزاهم من خلال البي بي
نتراسل فقط دون ان نسمع اصواتهم . اصبحت المجالس صامته باهته لاروح فيها اصبحنا لا نشعر بوجودهم كالسابق ماقبل البي بي

واخذنا نوجه بعض في البي بي مع الاستعانه باضافه الفيسات لنعبر لهم عن حالاتنا

حتى العزا عن طريق البي بي . واغلب اللسته بعد ما ابتها وعكه الملل من البي بي اصبحت صامته لا ترسل ولا تستقبل ولا تعلق ولا تقرا مايرسل اليها وصورها ثابته

شبل الجزيره

26-09-2012, 10:00 AM

يشرفني ان اكون اول من يرد على هذا الموضوع المهم..

انا اليوم الصبح وانا جاي الدوام كنت افكر في نفس الكلام

فعلا البلاكبيري دمر حياتنا الاجتماعيه غير الحوادث الي تسببت في وفاة نسبه كبيره من ابناء وبنات هذا البلد والسبه المقرود هذا

الله يجزاج خير على هذا الموضوع

محمد

26-09-2012, 10:02 AM

بالعكس انا اشوف البلاك بيري بدا بالانقراض ..
الحين تويتر و انستجرام وتوابعهم :)

chillis

26-09-2012, 10:03 AM

:secret:
بالعكس انا اشوف البلاك بيري بدا بالانقراض ..
الحين تويتر و انستجرام وتوابعهم :)

:victory: وجالكسي نوت :shy:

وبرايي الي يحس ان البي بي خلاه يقطع اهله وناسه يكنسله مهب ضروري

محمد

26-09-2012, 10:05 AM

:secret:

:victory: وجالكسي نوت :shy:

وبرايي الي يحس ان البي بي خلاه يقطع اهله وناسه يكنسله مهب ضروري

صدقتي .. والي البلاك بيري اقطعه عن هله وناسه .. ما اتوقع فيه خير لهم من قبل البلاك بيري حتى .. دايماً نعلق اخطائنا على اي شي اخر .. المهم احنا بريئين من اي شي سلبي !! :secret:

chillis

26-09-2012, 10:07 AM

صدقتي .. والي البلاك بيري اقطعه عن هله وناسه .. ما اتوقع فيه خير لهم من قبل البلاك بيري حتى .. دايماً نعلق اخطائنا على اي شي اخر .. المهم احنا بريئين من اي شي سلبي !! :secret:

ممكن يكون اثر في حياتنا بس شي بسيط وحسب استخدامات الشخص مهب بالدرجه هذي اني اي شي ابيه اتواصل به بالبلاك بيري الحياه حلوه :secret:

مدرسة

26-09-2012, 10:10 AM

انا اشوف انه اي جهاز يعتمد على الطريقة اللي يستخدمها به الشخص

البلاكبيري سهل لي مهمة التواصل مع صديقاتي في المدارس الثانية عقب ما فرقتنا المدارس و ظروف و ضغوط العمل
في وقت فراغي البسيط اسأل عنهم و يسألون عني....

أكيد ما يغني عن التواصل الفعلي بس هو شكل جديد من أشكال التواصل و مثل ما قالوا الأعضاء الحين صار في برامج و مواقع كثيرة و الناس منقسمين قروبات بينهم

هذا صار نوع من انواع الواقع لازم نستخدمه صح و في حدوده الطبيعية !

مع الوضع في الاعتبار أن أولى الأولويات هي زوجي و ابنائي ... ما أنشغل عنهم بالحوار مع الصديقات واستقبال و ارسال البرودكاست ,,,,

دمتم لله أقرب

اوف ليميت

26-09-2012, 10:18 AM

ماشوف ناس عندهم بلاك بيري وايد

الاغلبيه آي فون وسامسونغ جالاكسي ؟؟!!

:]

وثائقي

26-09-2012, 10:20 AM

بالنسبة لي قطعياً لم أستخدم البلاك بيري ولكن أعتقد أنه ليس سبباً وجيهاً لقطع وصلك مع من تحب تستطيع مهاتفته أو زيارته والأجهزة تستطيع تطويعها كيفما رغبت تماشياً مع إحتياجاتك ..

اللهم أدم المحبة بيننا ..

@north_star@

26-09-2012, 10:21 AM

,العتب على الاشخاص نفسهم بسوء الاستخدام ومب شرط انه يكون البلاك بيري المتهم الوحيد

Charisma

26-09-2012, 10:21 AM

الحين حتى في المجالس .. كل واحد ماخذ له كورنر ويسولف عالبي بي .. مجلس صامت :confused:

المشكله مب في البلاك بيري .. المشكله في ثقافتنا السلطه واحد عمره سبع سنين يصيح عند امه ولا ابوة
ابي بلاك بيري ابي بلاك بيري .. قاموا واشتروا له ! .. الاجهزه هذي اصلا حق بزنز احنا قلبناها ترفيه
مثل هالاجهزه المفروض مايملكها الا الكبار مب الاطفال يعني بالذمه اسره مكونه من اب وام و3 اطفال اعمارهم تبدا من 6 لـ 15 كل واحد فيهم عنده بلاك بيري .. شتنطر منهم ؟ محد فاضي لك حتى فالبيت
لا الياهل يبي يسولف ويابوة ولا امه عن المدرسه والدروس ولا الام فاضيه حق هالخرابيط( لان رفيجاتها
ينطرونها تحط صورة البلاليط اللي مسويته ) عشان يقولون وااااااااااااااااو:app: . ولا الاب متفرغ برى البيت
وان رد قعد في الصاله وشغل التلفزيون وتم يهذر ويفتح روابط في البلاك بيري ( زين ياخي ليش مشغل التلفزيون تستهبل !:waiting::waiting: )

امنعوا هالاجهزه عن اليهالو والله انها دمار ولاتحطون تفاصيل حياتكم اليوميه كل شوي مسوين ابديت صور
غدا صور عشا صور طلعه صور كشته صور جوال صور ركبه صور مادري شنو هذا كله يندرج تحت مسمى ( الثقافه البلشتيه )

asad100

26-09-2012, 10:22 AM

فعلا قل استخدام البلاك بيري نوعا ما

والسبب اجهزة البلاك بيري السيئة التي لا تنافس الاي فون والجلاكسي ، بس اتوقع في الشهور الجاية رايح يتغير حال سوق الجوالات كثير وخصوصا مع دخول نظام جديدان منافسان لل أي او اس والاندرويد وهما البلاك بيري 10 والويندوز فون

meeemz

26-09-2012, 10:32 AM

انا شريته شهر وادمنت عليه وقطعت الخدمه ، بس عندي اي فون والواتس اب ما يقصر
احنا قبل نجتمع كل اسبوع او كل 10 ايام والحين فاتحين قروب في الواتس اب تقولون ميلس افتراضي اللهم متواجدين فيه على طول
هالشي قربنا من بعض لكن ما قمنا نتزاور نفس قبل صرنا كل شهرين
الخلاصه التلفون و وسائل الاتصال الحديثه من ضمنها النت لها اثار سلبيه كثيره
سرعت من نمط الحياه وباعدت بين الناس وسببت انعزالهم
قبل كانوا يتكلمون عن الاثار السلبيه للتفزيون والله كان اهون على الاقل العايله تتجمع وتشوفه مع بعضها

ام ناصر1

26-09-2012, 10:34 AM

الحين امنعوا هالاجهزه عن اليهالو والله انها دمار ولاتحطون تفاصيل حياتكم اليوميه كل شوي مسوين ابديت صور
غدا صور عشا صور طلعه صور كشته صور جوال صور ركبه صور مادري شنو هذا كله يندرج تحت مسمى ( الثقافه البلشتيه )
اضحك الله سنك ...حلاة الااب ديت صور ...بس مش كل ساعه

ضوى

26-09-2012, 10:36 AM

الحمد لله كان عند ولدي هوس بس الحمد لله وايد وايد وايد خف عن قبل عقب الزف وصار عقب مايدش البيت يحفه عالجارج في الصالة ومايدخله ابدا غرف النوم ولا انه يمسكه ويقعد معانا او عالسفرة هالاشياء ماتدور عندنا وان شاء الله ربي بيهديه وياخذ الجالاكسي بدل البي بي

بس بالفعل لاحظت انه وايد ياخذ الوقت وياخذ النظر بعد من كثر التبقق فيه ، الله يهديهم ويصلحهم يارب

حسن

26-09-2012, 10:46 AM

الله يعافيكم من مابلاكم به الحمدلله انا ماعندي ولا عمري شريته لانه مايشكل لي اي هدف عندي جلاكسي خذته واستعمالي
غير الاتصال ونخزين الارقام وشوي وتس اب مع اللي نوده

اما رسائل الوتس اب 99% مافتحها لاني مش فاضي حق هل التفاهه

بوعلي2

26-09-2012, 10:48 AM

لكل زمان دوله ورجال

والله كريم من القادم

Charisma

26-09-2012, 10:54 AM

اضحك الله سنك ...حلاة الااب ديت صور ...بس مش كل ساعه

انا اقصد نوعيه تحط ادق تفاصيل حياتها اليوميه
هالنوعيه ماعندهم خصوصيه وكل شي مكشوف
العالم يدرون شيسوي وين رايح وين راد شمهبب
وماتدرون انتوا شلي بنفوس اللسته .
من الاخر حافظ على خصوصياتك :nice:

الرسول صلى الله عليه وسلم يقول : "استعينوا بإنجاح الحوائج بالكتمان لها فإن كل ذي نعمة محسود"

almaf1a

26-09-2012, 10:59 AM

لا اجد اي مشكلة طالما الواحد قادر على التواصل حتى بالبيبي
الناس عندها من الاشغال ما يكفي
ولا يوجد وقت للعلاقات الاجتماعيه

مهرة

26-09-2012, 11:20 AM

ايه والله صادقة ياوخيتي ماجانا منه الا البلا وقلة الحيا ودمر العلاقات الاجتماعية وسبب البعد عن الأهل والبعد عن الله لا صلاة ولا عبادة الا من رحم ربي ولا كل شي متأخر ويراكضوون ورى هالبلا كنهم غنم وياريتهم يراكضون ويهتمون بعبادتهم وصلة الأرحام ووقتهم الي ضايع عالفاضي ..

والحمدلله ماعندي هالبلاك سود الله وجهه الي مخترعه ومصدره لنا ومازلت صامدة ويضحكوون علي لي قالو مال اول لا متطورة ولا شي !! خليته لكم ياحظي ..!

وكلام مأخووذ خيره الي بيرد ويقوول (( لاااا على حسب استخدام الشخص له)) لا عاد تضحكون علينا بهالمثاليات الزايفة الصج ان الكل متأذي منه ومثل مافيه ايجابية وحدة عدلة فيه عشرات السلبيات الي عنده ولا ماعنده فتحو عيوون القطاوة المغمضة وشوهو السمعة وغيبو الدين والأخلاق والتطاول على الأهل والمجتمع ..!

شاقووول وشاخلي .. اممممممممم شنو بعد ..!

قواج الله مرت محمد ماقلتي شي غلط

qrt_trading

26-09-2012, 11:29 AM

بالعكس انا اشوف البلاك بيري بدا بالانقراض ..
الحين تويتر و انستجرام وتوابعهم :)

:shy::shy::shy::shy: سؤال محرج اشوي اخوي تويتر وعرفناه انستجرام ذي وشو بالضبط :shy::shy::shy::shy:

عزووز قطر

26-09-2012, 11:33 AM

كل جهاز له سلبياته وإيجابياته

وبما فيهم الكمبيوتر اللي الكل داخل منه ويتصفح هالمنتدى !!!

انا اشوف البلاك بيري مفيد وانا على تواصل دائم مع الشباب في قطر وخارج قطر ،،،

- عندي شباب يدرسون برا ،،، ومتواصل معاهم كل يوم ولله الحمد..

- واحد من الشباب ضافني في قروب ،، وتعرفت على شباب فيهم الخير والحين أمر عليهم المجلس بين فترة وفترة ...

- في قروبات خاصة لتجمع افراد القبيلة ونعرف اخبار افرادها اول بأول ،،، من بيتزوج ومن عنده حالة وفاة ومن مريض ...

انا شخصياً البلاك بيري فادني كثير بس السلبية الوحيدة اللي فيه كثرة الاشاعات ،،، وهذا يرجع لاستعمال الشخص نفسه اذا بينشره او لا ..

عزووز قطر

26-09-2012, 11:33 AM

:shy::shy::shy::shy: سؤال محرج اشوي اخوي تويتر وعرفناه انستجرام ذي وشو بالضبط :shy::shy::shy::shy:

الانستجرام نفس تويتر بس للصور

اوف ليميت

26-09-2012, 11:33 AM

:shy::shy::shy::shy: سؤال محرج اشوي اخوي تويتر وعرفناه انستجرام ذي وشو بالضبط :shy::shy::shy::shy:

انستجرام ياخوي
هذا برنامج جديد..كسر التويتر والفيس بوك والبلاك بيري
برنامج له فايده عظيمه

من اسمه انستجرام

انست بالهندي يعني اخسر
جرام اللي هو وحدة الوزن

ف عند استخدامك للبرنامج..في كل ساعه بتخسر جرام من وزن أصابعك
بعد شهر من استعماله..ماراح تقدر تدبها وتعطيها بالخمس عشان تاكل عيش ولحم

عقبها الدوله بتضطر تدفعلك معاش شؤون لإعالتك

(الله يحفظ الجميع)

مادري اذا كلامي غلط..بس هذي المعلومات اللي وصلتني عن البرنامج

:]

صوت مواطن

26-09-2012, 11:35 AM

ضريبة العولمه

للصبر اخر

26-09-2012, 11:41 AM

ماعندي بلاك بيري
ولا احبه

ضوى

26-09-2012, 12:15 PM

ضوى

26-09-2012, 12:16 PM

انا اقصد نوعيه تحط ادق تفاصيل حياتها اليوميه
هالنوعيه ماعندهم خصوصيه وكل شي مكشوف
العالم يدرون شيسوي وين رايح وين راد شمهبب
وماتدرون انتوا شلي بنفوس اللسته .
من الاخر حافظ على خصوصياتك :nice:

الرسول صلى الله عليه وسلم يقول : "استعينوا بإنجاح الحوائج بالكتمان لها فإن كل ذي نعمة محسود"

هاي الشي اللي يبط الجبد

تراهم حتى بتويتر يسوونه وفي الواتس بعد بس بشكل اخف

alsoq

26-09-2012, 12:17 PM

انا شاري جلكسي اس 3 من شان شي واحد بس تواصل معا اهلي وعيالي اذا كنت مسافر من خلال تانغو فقط

intesar

26-09-2012, 12:28 PM

أنا ما عندي بلاك بيري..

متى بتقطعونه عشان أشتريه..
بصراحة التلفونات عندي للألوووووو فقط..

والآيباد عندي أهم شيء.. وكل شيء..
تويتر أدخله بين فترة وفترة بعيده..

أنستغرام.. من زحمة العرب عليه.. قررت ما أسجل فيه.. يكفيني فلكر.. حسيته ماله معنى.. وحقت الصغار أكثر.. أقصد الشباب..

ما احب سوالف اللي يحطون صووور شوفوني انا بالمكان الفلاني ولا بالدولة الفلانية.. ولا هدية من الغالي.. للمفوشر.. ولما تناقشهم.. يقولون لك مهم البي بي نتذاكر فيه علوم القرآن..

أكيد كل جهاز له مميزات.. بس إذا طغت السيئات عليه صار شر وبلا.. هي كل الهواتف عند العرب تصير بلا.. بس مثل البي بي ما شفت..

وبالفعل من الأساس وسائل الإتصالات المختلفة خلتنا ننطوي ونقعد وراها.. ونسينا الزيارات والناس والصحبات الحلوة.. شنسوي بالأخير نقول وعترف شر بس نبيه وما نستغني عنه..

ودمتم بحفظ الرحمن..

Charisma

26-09-2012, 01:04 PM

هاي الشي اللي يبط الجبد

تراهم حتى بتويتر يسوونه وفي الواتس بعد بس بشكل اخف

سخافه وحركات يهال وناس مب شايفه خير .. المشكله والمصيبه لاياج شخص كبير بالعمر ويسوي هالحركات :rolleyes2:
<- منبطه جبده منهم

سكتون

26-09-2012, 04:09 PM

اشوف اللي حولي ماعاد يستخدمون البلاكبيري
الايفون صار اكثر انتشارا هذي الايام

intesar

26-09-2012, 04:24 PM

انستجرام ياخوي
هذا برنامج جديد..كسر التويتر والفيس بوك والبلاك بيري
برنامج له فايده عظيمه

من اسمه انستجرام

انست بالهندي يعني اخسر
جرام اللي هو وحدة الوزن

ف عند استخدامك للبرنامج..في كل ساعه بتخسر جرام من وزن أصابعك
بعد شهر من استعماله..ماراح تقدر تدبها وتعطيها بالخمس عشان تاكل عيش ولحم

عقبها الدوله بتضطر تدفعلك معاش شؤون لإعالتك

(الله يحفظ الجميع)

مادري اذا كلامي غلط..بس هذي المعلومات اللي وصلتني عن البرنامج

:]

هذي نكته اوصلتك.. أكيد..

انستجرام مثل فلكر.. لمستخدمي الجوالات.. صووووور من الهاتف وحطه بانستغرام..
بس العرب سووووه فلكر تويتر.. أو فليكر بي بي..... صارت تعليقاتهم مثل تعليقات البي بي..

صورة وتعليق والناس ترد عليج..

qatara

26-09-2012, 04:32 PM

فمثل هذه الاجهزه مثل السكين قد تستعل بشي مفيد او العكس
فلبلاك بيري هو السبب كلام غير منطقي

صحيح يجوز له دور موثر لاكن

ماقضى على حياتنا الاجتماعيه هو التفلت بعدما يكسرالباب و السور الاسري= الاب
ويهمش دورالاسره ويصبح التعليم بدون تربيه الخ

وليس البلاك بيري فغدا تاتي تقنيه جديده فهل نلقى اللوم عليها .؟

اذا اردنا ان نحل مشكله فلنكن صادقين مع انفسنا في تشخصها

بصمة قطرية

26-09-2012, 07:17 PM

الخلل مش في البلاك بيري
الخلل في الناس نفسهم ...!!!

حسن

26-09-2012, 07:48 PM

الخلل مش في البلاك بيري
الخلل في الناس نفسهم ...!!!

صحيح ان الخلل في الناس يابصمه بس لاتنسين ان هو سبب في خلل الناس لو هو مهب سبب كان ماشفتي
خلل فهمتي شي:rolleyes2:

مثل اللي يقول بنسمح بالخمر بس لاتشربونه اذ شربتوه الخلل مهب من الغرشه الخلل من اللي دح الغرشه
فهمي ولا نا فهمي:victory:ا

بصمة قطرية

26-09-2012, 07:56 PM

صحيح ان الخلل في الناس يابصمه بس لاتنسين ان هو سبب في خلل الناس لو هو مهب سبب كان ماشفتي
خلل فهمتي شي:rolleyes2:

مثل اللي يقول بنسمح بالخمر بس لاتشربونه اذ شربتوه الخلل مهب من الغرشه الخلل من اللي دح الغرشه
فهمي ولا نا فهمي:victory:ا
اذا بناخذ بالأسباب أخوي حسن
معناته بنبعد الاتهام عن الخطأ نفسه بحجة وجود الشيء ..!!
أخالفك الراي ..
آيفون و جلاكسي
ما يدخلون ضمن الأسباب ..؟؟
المثال اللي ذكرته ما يتطبق على هالشي
لانك بذلك بتدخل في الحلال و الحرام ،،
الحلال و الحرام ما فيه نسمح و ما نسمح ،،
لكن البلاك بيري جهاز حاله حال اي جهاز
الاستخدام الخاطيء من البعض هو الخلل
بالعكس انا اشوف البلاك بيري حلو للتواصل
بالنسبة لي اتواصل مع اخواني خواتي صديقاتي اهلي
و بشكل حلو
اعرف اذا فيهم شي و هم يعرفون
خلنا ننظر للجانب الايجابي
ليس دوم نظرتنا سلبية ...!!!

حسن

26-09-2012, 08:04 PM

يابصمه البلاك بيري هو الوحيد اللي له اخطار كبيره ومايقارن بالايفون والجلكسي اللي عندهم صادهم ادمان ولاتنسين
انه صار سبب في الكثير من الحوادث والوفايات واسماء البعض موجود في التعازي انه اعرفهم

والدليل في الفتره الاخيره صارت الداخليه تنبه عليهم وعلى خطورته استخدام الهواتف لكن المقصود البلاك بيري
وانتي تذكرين يوم انقطعت الخدمه عنه نزلو موضوع عنه اللي يقول قمت اسوق واشوف واللي تقول قمت اشوف عيالي
لازال الموضوع هني انتي تصدقين لو يقولون بيوقفون خدمه البلاك بيري صدقيني لايسير ربيع عربي على كيوتل

بصمة قطرية

26-09-2012, 08:11 PM

أوكي أخوي حسن كلامك عدل
بس بعد ارد واقول لك الخلل من المستخدمين ..
العيب منهم
يعني العاقل بيترك البلك بيري وقت السواقه ..!!
وايد مستحيل يمسكونه و هم يسوقون ...!!

مهرة

26-09-2012, 11:25 PM

بوخالد911

26-09-2012, 11:32 PM

هو سلاح ذو حدين

وبيكون خير جهاز لو استخدمناه الاستخدام الأمثل

والعكس صحيح

intesar

26-09-2012, 11:59 PM

الخلل مش في البلاك بيري
الخلل في الناس نفسهم ...!!!

نعم في الناس.. لأن الجهاز يوم سووه.. صنعوه لرجال الأعمال مو للخرابيط اللي الشياب صايرين أخس من الشباب..

بصراحه شي يضحك..

مجرد سفير

27-09-2012, 12:02 AM

نعم في الناس.. لأن الجهاز يوم سووه.. صنعوه لرجال الأعمال مو للخرابيط اللي الشياب صايرين أخس من الشباب..

بصراحه شي يضحك..

شمعنى ذكرتي الشياب والشباب

ونسيتي بعض العجايز وبعض الحريم

اللي تربط جوالها في رقبتها وتمشي فيها مثل البغله المراهقه ؟؟

intesar

27-09-2012, 12:11 AM

شمعنى ذكرتي الشياب والشباب

ونسيتي بعض العجايز وبعض الحريم

اللي تربط جوالها في رقبتها وتمشي فيها مثل البغله المراهقه ؟؟

لما قلت شباب وشياب كنت أقصد بشكل عام رجال ونساء وبالعكس ألوم النساء أكثر لأن فيه أشياء ما تعيب الرجل لكن المرأة غلط لو سوته حتى لو الشرع سمح به..
شنهو البغلة المراهقة.. حسن ألفاظك بارك الله فيك..

وتحمل الهجوم اللي بيجيك..

مجرد سفير

27-09-2012, 12:18 AM

لما قلت شباب وشياب كنت أقصد بشكل عام رجال ونساء وبالعكس ألوم النساء أكثر لأن فيه أشياء ما تعيب الرجل لكن المرأة غلط لو سوته حتى لو الشرع سمح به..
شنهو البغلة المراهقة.. حسن ألفاظك بارك الله فيك..

وتحمل الهجوم اللي بيجيك..

مهوب كفو

بييهم مخباط طاير يشل القاصي والداني

حسن

27-09-2012, 09:06 AM

شمعنى ذكرتي الشياب والشباب

ونسيتي بعض العجايز وبعض الحريم

اللي تربط جوالها في رقبتها وتمشي فيها مثل البغله المراهقه ؟؟

مايصير يالطيب:omg:

لما قلت شباب وشياب كنت أقصد بشكل عام رجال ونساء وبالعكس ألوم النساء أكثر لأن فيه أشياء ما تعيب الرجل لكن المرأة غلط لو سوته حتى لو الشرع سمح به..
شنهو البغلة المراهقة.. حسن ألفاظك بارك الله فيك..

وتحمل الهجوم اللي بيجيك..

وين قاعدين احنا ياجماعه الله يهدي الجميع تورا بورا
انتصار انتي داهيه

[QUOTE=مجرد سفير;8473931]مهوب كفو

بييهم مخباط طاير يشل القاصي والداني[/QUOT

لا تبقي ولا تذر انا دائما اقول ان في العجله الندامه وفي التاني السلامه

الحمدلله على كل حال

بصمة قطرية

27-09-2012, 09:47 AM

اذا الجهاز مش موجود من الأساس هل بتكثر المشاكل والمشاكسات السخيفة والمعاكسات البغيضة الحوادث الأليمة والصور الفاضحة والمقاطع الأباحية والالفاظ المقيته والخيانة المشروعة.!! بحجة الصداقة واخذ الخبرات الأجتماعية ..!

يعني بلاوي متلتله الا غصب اطلعون العيب في كل المستخدمين له اعترفوو بسلبياته الي اكيد اكيد اكثر من ايجابياته .. ومن دشت هالتقنيات الجديدة بهالجوالات افتحت ابواب مالها داعي وزادت المشاكل وزاد استخدامها السيء ..
كل المستخدمين ...!!!!
جيبي لي حد ذكر كل المستخدمين ....؟؟؟!!!
انا عن نفسي عندي بلاك بيري
و ارد واقول الخلل من المستخدم
ركزي عدل المستخدم اللي بيستخدمه استخدام خاطيء
مش كل المستخدمين .. !!!!!!
كلنا عارفين سلبياته
بس يظل جهاز مب هو يوجهنا و تسيطر علينا سلبياته
احنا اللي نستخدمه ..!!

اوف ليميت

27-09-2012, 09:57 AM

we live in a time period of smart phones and stupid people

:]

intesar

27-09-2012, 12:07 PM

كل المستخدمين ...!!!!
جيبي لي حد ذكر كل المستخدمين ....؟؟؟!!!
انا عن نفسي عندي بلاك بيري
و ارد واقول الخلل من المستخدم
ركزي عدل المستخدم اللي بيستخدمه استخدام خاطيء
مش كل المستخدمين .. !!!!!!
كلنا عارفين سلبياته
بس يظل جهاز مب هو يوجهنا و تسيطر علينا سلبياته
احنا اللي نستخدمه ..!!

كم واحد يفكر مثلج يا بصمة.. القليلين اللي بيقولون مثلج.. لكن الغالبية العظمى استخدامهم سيء للجهاز.. الجهاز هو اللي موجههم..
وأي جهاز بيكون سلاح ذو حدين.. حتى التلفاز والكمبيوتر..

لكن البي بي سوى اللي ما قدر يسويه انسان فيه انسان.. لذا هذا الجهاز الصغير آفه.. المشكلة لو امنعوه.. بيطلع غيره وتدمن عليه الناس بشكل غلط ومثير للانتباه..

العيب في العرب اللي ما يعرفون يستخدمون الشيء الاستخدام الصحيح.. :secret: