مصمم واجهات حجر للفل

[king999]

السلام عليكم

اخواني حد يعرف مكان يصمم بيتي من برا حجر لاني تلعوزت ابي اشتري حجر على حسب اللي بيصمم لي الحجر



ودمتم بود

[ميلاف]

مرحبا الكنق

شوف انت تذكرني في بيتي يوم وصلت مرحله الحجر نفسك قعدت افكر شلون اصمم بيتي شلون وخصوصا ابي اركب حجر كيف كيف

المهم رحت لسوورييين دوخوني يراونك صور ويقولك اختار اي تصميم

فنصيحه في محل في شارع ام الدوم في معيذر مؤسسه البوعنين فيه يمني شاطر يصمم 3 دي حجر اعتقد بالف ريال
يقولك اي تصميم وشتحب رح له وشوف اذا جازلك سو عنده التصميم ورح الرياض اشتر الحجر والى بيركب عطه الصور بس نصيحه من مجرب وموب شرط تروح البوعنين اي واحد يعرض يصمم 3 دي بس هذاك شغلته والله يوفقك

[king999]

بيض اللة وجهك يا ميلاف ما قصرت

[ميلاف]

حاضرين . . . : )

واذا تبي توفر فالتركيب تجيب لك اربع هنود من راجستان او نبيال او فلبينين شغل بروفنشنال فالتركيب

اثنينه استاديه واثنينه ليبر عامل

4 فيز بانواع الجنسيات كما ذكر اعلاه معاش الواحد ان كثر 1500* 2 = 3000 ريال
والعامل 1000 * 2 = 2000 والسكن بالف غرفه لهم
العمليه
كلها بتطلع عليك رواتب وسكن 6000 * 4 شهور لوافترضنا جبتهم من السودان = 20 الف
و6400 رسوم حكومه من فحص طبي 100 ورسوم تاشيره 300 و1200 اقامه
رمل 8 تريبات ب 6400
اسمنت 500 كيس 7500
يعني بتدخل في 40 الف ريال منتهي منها

الجماعه هني يركبون لك المتر على 70 و80 لا والرمل والاسمنت عليك بعد وتركيب صلو على النبي


ونصيحه شوف الحجر الصيني لايفوتك . . . بتلقاه في محل الامانه حجر حجر بمعنى الكلمه سهل فالتركيب قوي طبيعي قصته واشكال والوان اروع وسعر مناسب
لقيته في محل اسمه الامانه على طريق سلوى بس اني قد ركبت حجر سعودي وقدر الله ماشاء فعل : )

[طيف عابر]

اخوي صباح الخير يوجد شركة تصمم وتركب الحجر تواصل وياي عالخاص وان شاء الله امورك طيبة