مادري طاحت في جبدي ولا سعرها oK ??

[Chambray]

شريت صناعات على 96.1 اليوم .. فمادري السعر زين ولا غالي !
انا شاريه للمضاربه وليس للاستثمار !؟

[قطر]

السلام عليكم

ماابي احطمك اخوي

يمكن يوم الاحد تقدر اتصرفها اول الصبح

لكن كان الافضل تنتظر اتشوف وضع السوق يوم الاحد

خصوصا ان اليوم هو اخر يوم من الربع الثاني

وقد نبه على ذلك جزاه الله خير اخوي سهم عتيج


وقد تكون الارتفاعات تكتيكيه لا اكثر...


لكن ان شاء الله انك منت خسران بإذن الله ...

[مؤمن بالقدر]

والله ياخوي الدبلوماسي دعم الصناعات كان تسعين ريال تقريبا الى 93 ريال

وانت تقريبا شاريها على المقاومة

لكن يمكن انها اخترقت مقاومة الخمس وتسعين ان شا الله ونشوفها فوق الامية ريال الاسبوع الجاي
اتمنى هالشي ان شا الله

الله يوفقك

[مؤمن بالقدر]

http://www.qatarshares.com/vb/showthread.php?t=52619

[Unti_Jewish]

بسم الله الرحمن الرحيم

وفقك الله اخي الفاضل الدبلوماسي
بأذن الله سوف تحقق ما تبحث عنه

كلام الاخ الفاضل مؤمن بالقدر
صحيح 100% , ولكن سوقنا شاذ بعض الشئ.


نصيحة ... لا تتابع سعر صناعات , ضع سعر البيع
دائما ما يرتفع بسرعة ويلتهم كميات كبيرة ثم ينخفض .... اغتنم فرصة البيع .

[Chambray]

الله كريم .. بس جنكم حطمتوني شوي .. بس الله كريم .. نبيع براس المال :)

[مؤمن بالقدر]

الله كريم .. بس جنكم حطمتوني شوي .. بس الله كريم .. نبيع براس المال :)

لا اخوي وشدعوة

لا حطمناك ولا شي
غيرك شاريها على 180 و190 وصابر

انا شاريها على 126 ريال وان شا الله توصل هالسعر او اعلى منه بعد وابيعها
توكل على الله اخوي و
اهم شي اخوي انك اتراقب السهم , واذا شفت نزل عن الدعم اللي هو تقريبا تسعين ريال وسكر تحته حاول انك تطلع منه علشان ماتتعلق

وان شا الله تربح وحتى ان خسرت فباذن الله الخسارة ماراح اتكون كبيرة , اهم شي مثل ماقلت لك اتراقب السهم علشان اتعرف تتخذ قرارك

والله يوفقك

[بوخالد الذيب]

الاخ العزيز/الدبلوماسي

كان من الافضل الشراء على دفعات 000لكي توازن الامور تبعا لحركة وتوجه السهم خصوصا والسوق بشكل عام 0

على العموم سعر الشراء ليس سيئا ولايزال هناك مجال بسيط للربح أو على الاقل لن تكون هناك خساره كبيره 0

حاول ان تعود نفسك على الشراء المجزأ 000فهو الافضل 0

[الأختصاصي]

الاخ العزيز/الدبلوماسي

كان من الافضل الشراء على دفعات 000لكي توازن الامور تبعا لحركة وتوجه السهم خصوصا والسوق بشكل عام 0

على العموم سعر الشراء ليس سيئا ولايزال هناك مجال بسيط للربح أو على الاقل لن تكون هناك خساره كبيره 0

حاول ان تعود نفسك على الشراء المجزأ 000فهو الافضل 0


الاخ العزيز الدبلوماسي
كلام بوخالد صحيح من ناحيت الشراء على دفعات كانت افضل بكثير من الشراء دفعه واحده
ولاكن ممكن يحصل تغيير تكتيكي ويستمر الصعود يوم الاحد ويمكن يكون لا
على العموم سعر السهم تقريبا ثابت الاسبوع الي فات
وان شاء الله يقاوم الي الصعود

[الدستور]

شراء على دفعات . . . شـئ ممتاز

وهاي اللي اعمله عند شراء اي ســهــم

الدبلوماسي . . . حاول انك ماتبيع بخساره

وان شاء الله بترجع راس مالك وبرح بعد . .

[ابو الاسهم]

اذا الهدف عندك تاخذ 3 ريال ارباح آخر السنة فخلّيها

اما اذا هدفك الاستثمار متوسّط الى قصير المدى ارجع وبيعها لانها تحت ضغط كبير لعلاقتها بالمؤشّر ولن يسمحوا لها بالارتفاع الكبير

[Chambray]

الله كريم .. ومشكورين على النصائح :)

[الكحلي]

سلوك المضاربين في السهم نزول الي 90 وبيع في 96
الل حصل تم البيع لك ب96 ان كنت مضارب حاول التخلص من السهم باقل الخسائر ان لم يرتفع

[khaleel]

الله يعينك

[مؤمن بالقدر]

اخوي ياراعي الموضوع احب اقول لك بشكل عام ان السعر اللي شريت فيه ترى مهب عالي وايد في جميع الاحوال

يعني لا سمح الله ان خسرت بتكون الخسارة بسيطة تدري ليش؟

لان الدعم قريب جدا من السعر اللي شريت فيه

وان شا الله ماتخسر بس حبيت اقول لك تطمن باذن الله وان شا الله ماتخسر ولا ريال

ولا تنسى ان سوق الدوحة دايما امخالف

[المراقب]

أنصحك أن تنتظر إعلان نتائج الشركة وسوف ترى السهم لمت أب ....

[سهم طايش]

حاول تطلع منه في اقرب فرصه بدون خساره

[Orbit]

أنصحك أن تنتظر إعلان نتائج الشركة وسوف ترى السهم لمت أب ....
شفت أعلان ربع الاول :eek3:

[دلالة]

أنصحك أن تنتظر إعلان نتائج الشركة وسوف ترى السهم لمت أب ....



وأنا أويد كلامك وبقوة الســهم جيد دون أدنى شك وهو يمثل الاقتصاد القطري بشكل عام ونصيحتي لك بأنة إن لم تكن محتاج لبيعة في هذه الفتـــرة الأحتفاظ فية أفضل وســـتجني أرباحه أن شالله قريباُ معا الاعلأن عن أرباح الربح الثاني لة

[tariq ali]

تصدقوا انا مشتري هذا السهم على 196 ومستحيل ابيعه لانه سهم عزيز وربحت من وراه نصف مليون ومش حسيبه لو وصل سعره 1 ريال