نصيحه للشباب لا تخرب الويكند

[عبدالعزيز الهتمي]

السلام عليكم ورحمة الله وبركاته

اول شي حبيت اشكر ادارة المنتدى الراقي واسجل اعجابي بالاعضاء المتواجدين في اروقته والمواضيع الي يطرحونها ,
موضوعي اليوم عباره عن رساله ,ياشباب يالي تلاحقون بنات خلق الله ترى حاسبوا بعضهم صحيح تضحك لك وفي نفس الوقت البنت تتكلم مع رجال الامن وتقول لهم في واحد يلاحقني وانا في المكان الفلاني حاليا وابو الشباب مستانس وفرحان وفجاءه تقوله الدوريه صف على جنب ,
في ذمتك شيسوى عليك يوم تنفضح وتخرب اسمك وتدخل مركز الشرطه على موضوع تافهه ويسود الوجه وعقب الله اعلم بتتنازل البنت ولا لا , ولا بيتحول الموضوع للنيابه واذا تنازلت البنت اظن بعد فيه اجراء اسمه الحق العام واتمنى من رجال الداخليه المسجلين معانا فالمنتدى يوضحون هالنقطه ,
نقطه اخيره ,,,,,,,
صحيح انت مغازلجي كبير وفنان وياما رقمت ولحقت بنات ومحد تعرض لك بس تاكد في بنات مايرضون بالغلط وفي نوعيه من البنات هوايتها المفضله ادخال الشباب مراكز الشرطه ,اللهم بلغت اللهم فاشهد.

[للصبر اخر]

صح لسااانك
ودي كل واحد يغااازل
سواء بالشارع او حتى بالمجمعاات
يتعاقب جدام كل الناس ليكون عبره لغيره
يعني تنحط شاشه كبيره وينقل حدث العقاب على الهواء مباشرره :nice:

[أسير الاسهم]

الله يهديهم بس .. ترى البعض !! ..
بس كثير عقّال مثلي :shy:

[بنت الاجواد]

تسلم على النصيحه وانشاء الله يتعبونها

والله يهديهم

[بوحمد111]

الله يهدي شبابنا وشاباتنا الى الابتعاد عن هذه التعجرفات والنظر الى فعل الخير والابتعاد عن المحرمات

وجزاك الله خير اخوي على التنبيه

[خفيف الروح]

صح لسااانك
ودي كل واحد يغااازل
سواء بالشارع او حتى بالمجمعاات
يتعاقب جدام كل الناس ليكون عبره لغيره
يعني تنحط شاشه كبيره وينقل حدث العقاب على الهواء مباشرره :nice:


ايذ بتكلامين تكلمي عن الطرفين مش طرف واحد؟؟؟؟؟


بس ويش رائج في البنات اللي يلبسون عبايات ضيقة وريحة العطر الفواح ومن هذا الاصباغ. ًًًً(المكياج) ويش معناها. 1- في الاسلام يقول الرسول صلى اللة علية وسلم اي إمراة ذهبت الى السوق وهي متعطرة فيى زنية. 2- بس عندنا الشباب يقلون أكيد هذي تبي الرقم. بس اتحد اي واحد من المغزلجية يشوف مرآة ملابس حشمة ويغازلة مايقدر



كلامي هذا لبعض البنات مش الكل. والحمد اللة بنات. فيم الخير واللة يستر عليهم

[catqat]

شبابنا عقلوا واايد عن قبل،، :) اللهم بعض التين ايج الله يهداهم

[شيوخه]

ايذ بتكلامين تكلمي عن الطرفين مش طرف واحد؟؟؟؟؟


بس ويش رائج في البنات اللي يلبسون عبايات ضيقة وريحة العطر الفواح ومن هذا الاصباغ. ًًًً(المكياج) ويش معناها. 1- في الاسلام يقول الرسول صلى اللة علية وسلم اي إمراة ذهبت الى السوق وهي متعطرة فيى زنية. 2- بس عندنا الشباب يقلون أكيد هذي تبي الرقم. بس اتحد اي واحد من المغزلجية يشوف مرآة ملابس حشمة ويغازلة مايقدر



كلامي هذا لبعض البنات مش الكل. والحمد اللة بنات. فيم الخير واللة يستر عليهم



اي والله صج البنت اللي حاشمه عمرها والله محد يتجرأ يقرب صوبها لأنها تفرض أحترامها

حتى اللي شغلته بس يغازل بنات العالم ماراح يتجرأ يغازلها ولا يقولها شي

[عبدالعزيز الهتمي]

صح لسااانك
ودي كل واحد يغااازل
سواء بالشارع او حتى بالمجمعاات
يتعاقب جدام كل الناس ليكون عبره لغيره
يعني تنحط شاشه كبيره وينقل حدث العقاب على الهواء مباشرره :nice:



صح ابدنج وتاكدي العيون الساهره في كل مكان واتمنى البنات يتعاونون معاهم
شاكر لج المرور الجميل

[عبدالعزيز الهتمي]

الله يهديهم بس .. ترى البعض !! ..
بس كثير عقّال مثلي :shy:



البعض اصبح اغلبيه :( ربي يهدينا ويهديهم مشكوور عالمرور الطيب

[عبدالعزيز الهتمي]

تسلم على النصيحه وانشاء الله يتعبونها

والله يهديهم


ربي يسلمج من كل شر شاكر لج عالمرور

[عبدالعزيز الهتمي]

الله يهدي شبابنا وشاباتنا الى الابتعاد عن هذه التعجرفات والنظر الى فعل الخير والابتعاد عن المحرمات

وجزاك الله خير اخوي على التنبيه



ويجزيك بمثله يا بوحمد وفعلا هذا المطلوب من الشباب والبنات شاكر لك عالمرور

[عبدالعزيز الهتمي]

ايذ بتكلامين تكلمي عن الطرفين مش طرف واحد؟؟؟؟؟


بس ويش رائج في البنات اللي يلبسون عبايات ضيقة وريحة العطر الفواح ومن هذا الاصباغ. ًًًً(المكياج) ويش معناها. 1- في الاسلام يقول الرسول صلى اللة علية وسلم اي إمراة ذهبت الى السوق وهي متعطرة فيى زنية. 2- بس عندنا الشباب يقلون أكيد هذي تبي الرقم. بس اتحد اي واحد من المغزلجية يشوف مرآة ملابس حشمة ويغازلة مايقدر



كلامي هذا لبعض البنات مش الكل. والحمد اللة بنات. فيم الخير واللة يستر عليهم



لبس البنت مش حجه انك تغازلها هذا شي راجع لاهلها وتربيتها وصحيح كلامك المغازلجيه ماعاد تفرق معاهم سوا بنت او ام اعيال او متنقبه او خدامه الله يهديهم ويهدينا
اتمنى ما يتحول الموضوع الى ساحة حرب بين الشباب والبنات ومشكور يالذيب عالمرور

[عبدالعزيز الهتمي]

شبابنا عقلوا واايد عن قبل،، :) اللهم بعض التين ايج الله يهداهم



وصلت خير هالفئه هم المستهدفين من النصيحه واتمنى من اولياء الامور ينصحون اعيالهم شاكر لج عالمرور القيم :victory:

[بورصواوي]

جزاك الله خير ياليت المغازلجيه الي داخل والي يحوطون برع يعتبرون

[عبدالعزيز الهتمي]

اي والله صج البنت اللي حاشمه عمرها والله محد يتجرأ يقرب صوبها لأنها تفرض أحترامها حتى اللي شغلته بس يغازل بنات العالم ماراح يتجرأ يغازلها ولا يقولها شي




الحشمه واللبس المعتدل مطلوب من البنات وكلامج ميه ميه

[ريتويت]

الله المستعان

[فارس الامة]

عندي اقتناع شخصي شاب ما يلاحق شابه الا في حالة ان كان من طرف شابة شي يجذبة او غراء... أنا مستغرب من بنات هل ايام كاسية عارية... الله يرحم ايام اول نقاب وستر..

قول النبي صلى الله عليه وسلم : " مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنْ النِّسَاءِ " رواه البخاري (5096) ومسلم (2740) .

يعني دليل قاطع ان نساء هم سبب في فساد الرجال ...لوم نساء أيضاً ياخوي..

[عبدالعزيز الهتمي]

جزاك الله خير ياليت المغازلجيه الي داخل والي يحوطون برع يعتبرون



يجزيك بمثله ياخوي واتمنى توصل الرساله شاكر لك

[عبدالعزيز الهتمي]

الله المستعان


والنعم بالله شاكر لج عالمرور

[عبدالعزيز الهتمي]

عندي اقتناع شخصي شاب ما يلاحق شابه الا في حالة ان كان من طرف شابة شي يجذبة او غراء... أنا مستغرب من بنات هل ايام كاسية عارية... الله يرحم ايام اول نقاب وستر..

قول النبي صلى الله عليه وسلم : " مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنْ النِّسَاءِ " رواه البخاري (5096) ومسلم (2740) .

يعني دليل قاطع ان نساء هم سبب في فساد الرجال ...لوم نساء أيضاً ياخوي..



ياخوي الله يهدي البنات بس يوم تشتكي البنت بيقول للشرطه والله البنت لبسها مغري وبيكون هذا السبب ؟
اتمنى التفكير يتغير من الشباب وانا موضوعي انصح الي يلاحقون في المقام الاول وشاكر لك عالمرور

[روح الاطلس]

سؤال واقعي

لو البنت شافت واحد يلاحقها بتروح تكلم الامن مثل ماذكرت

امن المجمعات كلهم هنود وفلبنين شنو بيسوون؟؟؟ بروحهم يخافون!! ومسؤليتهم الكبيرة هي المراقبة مب منع المغازلات والمطاردات الغرامية!

ليش مافيه توظيف للمتقاعدين من اهل الديرة والعساكر والعاطلين واللي بدون شهادات بوظيفة أمن في المجمعات لمنع التجاوزات الاخلاقية وتكون هذي مهمتهم وقتها اظن مجرد وجودهم بيمنع هالتصرفات قبل ماتحدث ولا راح تحدث.

[عبدالعزيز الهتمي]

سؤال واقعي

لو البنت شافت واحد يلاحقها بتروح تكلم الامن مثل ماذكرت

امن المجمعات كلهم هنود وفلبنين شنو بيسوون؟؟؟ بروحهم يخافون!! ومسؤليتهم الكبيرة هي المراقبة مب منع المغازلات والمطاردات الغرامية!

ليش مافيه توظيف للمتقاعدين من اهل الديرة والعساكر والعاطلين واللي بدون شهادات بوظيفة أمن في المجمعات لمنع التجاوزات الاخلاقية وتكون هذي مهمتهم وقتها اظن مجرد وجودهم بيمنع هالتصرفات قبل ماتحدث ولا راح تحدث.


الامن الوقاىي متواجد في المجمعات واظن عندهم كاميرات مراقبه في اغلب المجمعات ويتابعون كل شي واذا البنت صارخت اعيال الحلال بيمسكونه خلال ثواني بيوصلون رجال الامن الوقائي,,
وموضوع توظيف المتقاعدن العسكرين في هذه المهمه امر طيب واقتراح في محله :victory:

[الخزرجي قطر]

الله يهدينا واياهم وشكرا لك على النصيحه

[S A A D]

صار البعض يخاف من الشرطة اكثر من خوفة من ربه

قال تعالى : {أَلَمْ يَعْلَمْ بِأَنَّ اللَّهَ يَرَى }

الله يثبتنا ويكفينا شر عيال الحرام وبنات الحرام

[شبح الصمت]

انزين والي يلاحقونه البنات شيسوي


يبلغ عنها والا يحط لسانه في لهاته ويسكت !!!!

ويا دار ما دخلج شر !

[عبدالعزيز الهتمي]

الله يهدينا واياهم وشكرا لك على النصيحه


امين يارب شاكر لك عالمرور يالذيب

[عبدالعزيز الهتمي]

صار البعض يخاف من الشرطة اكثر من خوفة من ربه

قال تعالى : {أَلَمْ يَعْلَمْ بِأَنَّ اللَّهَ يَرَى }

الله يثبتنا ويكفينا شر عيال الحرام وبنات الحرام



والله صادق في ناس ماينفع معاهم غير الشرطه لاخوف من الله ولا مستحا من الناس شاكر لك عالمرور القيم

[عبدالعزيز الهتمي]

انزين والي يلاحقونه البنات شيسوي يبلغ عنها والا يحط لسانه في لهاته ويسكت !!!! ويا دار ما دخلج شر !




على القوانين الحاليه والاجراءت الي نسمع عنها فعلا يحط لسانه في لهاته ويسكت ويكبر عقله المزيون الكيوت :nice: شاكر لك عالمرور يالذيب

[شبح الصمت]

على القوانين الحاليه والاجراءت الي نسمع عنها فعلا يحط لسانه في لهاته ويسكت ويكبر عقله المزيون الكيوت :nice:




ههههههههههههههههههههههههههههههههههههاي

ههههههههههههههههههههههههههههاي

ههههههههههههههههههههاي

ههههههههههههههاي

هههههههههاي

هههههاي

هههاي

ههاي

هه

[عبدالعزيز الهتمي]

ههههههههههههههههههههههههههههههههههههاي

ههههههههههههههههههههههههههههاي

ههههههههههههههههههههاي

ههههههههههههههاي

هههههههههاي

هههههاي

هههاي

ههاي

هه



مايندرى ياشبح يمكن في قانون جديد نزل بحماية الشاب المزيون الكيوت في حال تعرضت له احدى الفتيات البيسريات ,,نتمنى احد القانونين ينورنا ويوضح لنا ولبعض الشباب والبنات :telephone:

[روح الاطلس]

الامن الوقاىي متواجد في المجمعات واظن عندهم كاميرات مراقبه في اغلب المجمعات ويتابعون كل شي واذا البنت صارخت اعيال الحلال بيمسكونه خلال ثواني بيوصلون رجال الامن الوقائي,,
وموضوع توظيف المتقاعدن العسكرين في هذه المهمه امر طيب واقتراح في محله :victory:

وينهم؟ كيف اشكالهم؟ شنو يلبسون!! شالفايدة قاعدين ويطالعون بالكاميرات شلون الوحده تروح لهم وتطق عليهم الباب تعالوا مسكوا هالهيلقي؟

يعني مايطلعون لين الوحده تصارخ وتسوي هوليله وتخلي الناس تتلفت عليها ! ماينفع جذي

لازم يكون لهم تواجد اذا فعلا يتواجدون ويكون لهم لبس معين ينعرفون من خلاله

[عبدالعزيز الهتمي]

وينهم؟ كيف اشكالهم؟ شنو يلبسون!! شالفايدة قاعدين ويطالعون بالكاميرات شلون الوحده تروح لهم وتطق عليهم الباب تعالوا مسكوا هالهيلقي؟

يعني مايطلعون لين الوحده تصارخ وتسوي هوليله وتخلي الناس تتلفت عليها ! ماينفع جذي

لازم يكون لهم تواجد اذا فعلا يتواجدون ويكون لهم لبس معين ينعرفون من خلاله




وينهم اشكالهم شنو يلبسون الله اعلم وكلامج ميه ميه نتمنى يظهورن فالعلن نتمنى يكون لهم مكتب ومكانه واضح في كل مجمع على الاقل

[::محمد::]

حي الله بوسعود .. ما شاء الله توك جديد ومشعلل المنتدى .. الله يعطيك الصحة والعافية ..
بالبداية .. بغض النظر ضحكت له أو ما ضحكت له .. واستدعت له الأمن أو ما استدعت .. نتذكر القول : من دق باب الناس .. دقوا بابه .. واللبيب من الإشارة يفهم ..
وإما موضوع اللبس .. فهو حجة تافهة لذنب أتفه ..
نجي ونسأل هذا السؤال .. فلان بن فلان ( مب عزوز الهتمي طبعاً :) ) يتمشى في أوروبا .. وشاف بنت كشفت أكثر مما غطت .. هل كفو يروح يكلمها .. ؟! نكون واضحين لأنه ممكن يكلمها وتوافق .. لكن هل يقدر يضايقها .. ؟
ليش الفتاة لازم يتواجد معاها ضابط أمن عشان يحميها من السرابيت .. ؟
نتخيل حوار بسيط بين فتاتين ..
الأولى : آآآآآلو ها يالدبه .. أخبااارج ..
الثانيه : تمام والله .. ها شقلتي بنروح ×××× مول ؟
الأولى : لا والله سمعت الكاميرات اللي فيه مكسورة xd .. خلاص خليها يوم ثاني ..
رجال الأمن فعلاً ما يقصرون وفيهم الخير والبركة .. وفعلاً جاء الوقت اللي نبدأ فيه مشروع المسؤولية المشتركة .. الإحترام .. الغيرة .. التعاون ..
مو لازم يكون فوق راس هالتين ايجر ضابط عشان يصير مثل الأرنب بالمول ..
عموماً الموضوع تناقشوا فيه كثير .. والضاهر إن الأرانب مصممة تتكاثر ..
أعطر تحية لك بوسعود .. ويك إند سعيد يا باشا ..

[المسك1969]

ليش تنصحهم وتنبهم؟ كل من يغازل بنات الناس بسبتها أو منه هو يستاهل ما يجيه؟ والمفروض إنه يعرف أولا أن هالشيء حرام وثانيا أنهم بنات مسلمين وإن ما يرضى على شوفاته فالمفروض ما يرضى على غيره وإلا له هو حلال؟؟

كل مغازلجي يستاهل ما يجيه وحتى البنيه المغازلجيه تستاهل طراقات على ويها؟

[(الفيصل)]

انا على (قناعة) أن البنت (المحترمه) وضع الف خط وخط على هذه الكلمة

أنا مقتنع أنها لاتتعرض لما تشكو منه (بعض) نساء اليوم

فمتى كانت محترمه في لبسها، وفي مشيتها، وعدم وضع المساحيق على وجهها ،وتجنب العطورات التي تشمها (غصبن ورى خشمك) من آميال !! ، وأختارت لنفسها أن تكون مع زوجها أو أخيها أو صحبة طيبة .

فوالله الذي جل جلاله - بإذنه - لايتعرض لها أحد
ومن تقول بخلاف ذلك (كذابه) أو أن من يضايقها (مجنون) وهارب من مستشفى رميله!!

الله يهدي الجميع

[كتكوت الوحش]

الله يهدي الجميع

[خليفـة]

كفوا عليك يابوسعود
وفيت وكفيت
والي ما له خاطر يسمع النصيحة .. يتحمل الي بيجيه

خليفـــة

[عبدالعزيز الهتمي]

حي الله بوسعود .. ما شاء الله توك جديد ومشعلل المنتدى .. الله يعطيك الصحة والعافية ..
بالبداية .. بغض النظر ضحكت له أو ما ضحكت له .. واستدعت له الأمن أو ما استدعت .. نتذكر القول : من دق باب الناس .. دقوا بابه .. واللبيب من الإشارة يفهم ..
وإما موضوع اللبس .. فهو حجة تافهة لذنب أتفه ..
نجي ونسأل هذا السؤال .. فلان بن فلان ( مب عزوز الهتمي طبعاً :) ) يتمشى في أوروبا .. وشاف بنت كشفت أكثر مما غطت .. هل كفو يروح يكلمها .. ؟! نكون واضحين لأنه ممكن يكلمها وتوافق .. لكن هل يقدر يضايقها .. ؟
ليش الفتاة لازم يتواجد معاها ضابط أمن عشان يحميها من السرابيت .. ؟
نتخيل حوار بسيط بين فتاتين ..
الأولى : آآآآآلو ها يالدبه .. أخبااارج ..
الثانيه : تمام والله .. ها شقلتي بنروح ×××× مول ؟
الأولى : لا والله سمعت الكاميرات اللي فيه مكسورة xd .. خلاص خليها يوم ثاني ..
رجال الأمن فعلاً ما يقصرون وفيهم الخير والبركة .. وفعلاً جاء الوقت اللي نبدأ فيه مشروع المسؤولية المشتركة .. الإحترام .. الغيرة .. التعاون ..
مو لازم يكون فوق راس هالتين ايجر ضابط عشان يصير مثل الأرنب بالمول ..
عموماً الموضوع تناقشوا فيه كثير .. والضاهر إن الأرانب مصممة تتكاثر ..
أعطر تحية لك بوسعود .. ويك إند سعيد يا باشا ..



هلا وغلا اخوي بوجاسم منور الموضوع ومشكور ماقصرت على الترحيب وبصراحه ماعندي تعليق على ردك الوافي حطيت النقاط فوق الحروف مشااءالله عليك :victory: نورت يالذيب

[عبدالعزيز الهتمي]

ليش تنصحهم وتنبهم؟ كل من يغازل بنات الناس بسبتها أو منه هو يستاهل ما يجيه؟ والمفروض إنه يعرف أولا أن هالشيء حرام وثانيا أنهم بنات مسلمين وإن ما يرضى على شوفاته فالمفروض ما يرضى على غيره وإلا له هو حلال؟؟

كل مغازلجي يستاهل ما يجيه وحتى البنيه المغازلجيه تستاهل طراقات على ويها؟



يا اختي احنا فالنهايه كلنا اخوان واهل وربع ولابد نتناصح فيما بينا وهالمشكله يمكن تواجه شخص غافل عن هالموضوع ,,في نوعيه من الشباب على باله الدنيا سايبه ولابد نذكره لعلى وعسى يعتبر وياثر فيه الموضوع :victory: شاكر لج على المرور اختي

[عبدالعزيز الهتمي]

انا على (قناعة) أن البنت (المحترمه) وضع الف خط وخط على هذه الكلمة

أنا مقتنع أنها لاتتعرض لما تشكو منه (بعض) نساء اليوم

فمتى كانت محترمه في لبسها، وفي مشيتها، وعدم وضع المساحيق على وجهها ،وتجنب العطورات التي تشمها (غصبن ورى خشمك) من آميال !! ، وأختارت لنفسها أن تكون مع زوجها أو أخيها أو صحبة طيبة .

فوالله الذي جل جلاله - بإذنه - لايتعرض لها أحد
ومن تقول بخلاف ذلك (كذابه) أو أن من يضايقها (مجنون) وهارب من مستشفى رميله!!

الله يهدي الجميع


فعلا ياخوي البنت المحترمه والمحتشمه والمعتدله في لبسها
صعب احد يتعرض لها او يضايقها ولكن ,, في الااونه الاخيره في فئه من البنات
واغلبهم متعلمات تلبس وتكشخ وتحط عطور من باب الموضه والبرستيج الاجتماعي
واغلب هالبنات يمكن ما تلتفت لك ولا تسوي لك سالفه واخلاقها عاليه ومحترمه
بس احنا كا رجال نحكم على هالبنت من خلال لبسها ومكياجها وانها .....
وفي نوعيه ثانيه من البنات الي تحب الشو وترضي غرورها وفاليوم لازم احد
يغازلها ويقول لها ياحلوه ,ياقمر ,هلا هلا بريحة هلي :)
فالاخير لو صارت اي مشكله يتحملها الرجل ويتبهدل
شاكر لك اخوي الفيصل على الاضافه الروعه :victory:

[عبدالعزيز الهتمي]

الله يهدي الجميع

امين ياارب يالوحش نورت :victory:

[عبدالعزيز الهتمي]

كفوا عليك يابوسعود
وفيت وكفيت
والي ما له خاطر يسمع النصيحة .. يتحمل الي بيجيه

خليفـــة


كفوك الطيب يابودعيج
وان شااءالله النصيحه اوصلت حق اخواني الشباب
نورتنا يالذيب :victory:

[الزعفراني]

للحين في شباب يلاحقون بنات بهالطريقة ؟
أخبر ذي سوالف الثمانينات :rolleyes2:

[qatarman8008]

ألنصيحة للبنات اولا .. وللشباب ثانيا .. ليش ؟؟
لان البنت المتبرجة يلاحقونها نص الشباب اللي في المجمع ..
ولو كانت مش متبرجة يكون نص الشباب ما يلاحقون حد ..
والنصيحة الثانية للشباب ..
اشغل نفسك بشي ثاني غير البنات ..
اشغل نفسك بالتجارة .. افتح محل وحاول تتعلم البيع والشراء وهذا يستهلك منك وقت ومجهود ..
اشغل نفسك بالرياضة .. كمال اجسام او تخفيف وزن او كوره .. وياليت لو تسجل في احد النوادي .. وهذا بعد ياخذ منك وقت مو بسيط ..
اشغل نفسك بالدراسة .. حتى لو كنت موضف .. سجل في جامعة وادرس موازي .. تنفع نفسك والمجتمع ..
اشغل نفسك بالدين .. احضر محاضرات ودروس و اقرأ لك جزئ من القران الكريم كل يوم ..
اصحاب السيارات والشيل والتجحص ..روح احضر دورة ميكانيكا وكهربا سيارات .. وتعلم اشلون تفك الموتر وتركبه من الى .. وانا اعرف بعض الشباب اللي صار عندهم كراج سيارات متكامل من ورى هالشغلة ..
اما انك تكون فاضي وما عندك شغل ولا مهره ولا تدري وين اتروح ولا عندك اي مسؤوليات .. ف .. تكشخ وتروح المجمع تلاحق بنات خلق الله .. فهذا شي غير مقبول ابدا ..
ايضا بالنسبة للبنات اللي ما عندهم شغل ولا مهرة ولا تدري وين اتروح ولا عندها اي مسؤوليات .. ف .. تكشخ وتحط فل ميك اب وتصب على روحها غرشة عطر وتروح المجمع .. فهذا الشي غير مقبول ايضا ..

وللعلم صارت البنت اللي تسوي هالحركات ومستانسة انها مطيحة الشباب .. صار لها اسم جديد متداول بين الشباب ..
حمام عمومي .. اجلكم االله ..

وسلامتكم

[فارس الامة]

ياخوي الله يهدي البنات بس يوم تشتكي البنت بيقول للشرطه والله البنت لبسها مغري وبيكون هذا السبب ؟
اتمنى التفكير يتغير من الشباب وانا موضوعي انصح الي يلاحقون في المقام الاول وشاكر لك عالمرور


اسموحة بس أنا ماذكرة شيئ عن لبسها ... لو تقصدين كاسية عارية هذي اضافة الى الإغراء .. احترم ناس تحترمك..
وبعض الله يهديهم رايحن عرس...مب جايين يتسوقون..

هذي سالفة سارة جنبي بنت قاعدة طالع شاب بنظرة ثاقبة وتضحك له .. بعد شوي شاب رماها بكلمة وكلمتين ومشى ولحقتة البنت بعد ماخذت لفة شفت بنت نفسها مع شاب ثاني ... لين ماوصلت المرحلة والله اعلم شرطة وشاب في سيارة...البنت كملة تدور على ضحيه اخرى..


تلوم البنت ولا شاب...

[عبدالعزيز الهتمي]

للحين في شباب يلاحقون بنات بهالطريقة ؟
أخبر ذي سوالف الثمانينات :rolleyes2:

فيه ياخوي الله يهدينا ويهديهم:(

[عبدالعزيز الهتمي]

ألنصيحة للبنات اولا .. وللشباب ثانيا .. ليش ؟؟
لان البنت المتبرجة يلاحقونها نص الشباب اللي في المجمع ..
ولو كانت مش متبرجة يكون نص الشباب ما يلاحقون حد ..
والنصيحة الثانية للشباب ..
اشغل نفسك بشي ثاني غير البنات ..
اشغل نفسك بالتجارة .. افتح محل وحاول تتعلم البيع والشراء وهذا يستهلك منك وقت ومجهود ..
اشغل نفسك بالرياضة .. كمال اجسام او تخفيف وزن او كوره .. وياليت لو تسجل في احد النوادي .. وهذا بعد ياخذ منك وقت مو بسيط ..
اشغل نفسك بالدراسة .. حتى لو كنت موضف .. سجل في جامعة وادرس موازي .. تنفع نفسك والمجتمع ..
اشغل نفسك بالدين .. احضر محاضرات ودروس و اقرأ لك جزئ من القران الكريم كل يوم ..
اصحاب السيارات والشيل والتجحص ..روح احضر دورة ميكانيكا وكهربا سيارات .. وتعلم اشلون تفك الموتر وتركبه من الى .. وانا اعرف بعض الشباب اللي صار عندهم كراج سيارات متكامل من ورى هالشغلة ..
اما انك تكون فاضي وما عندك شغل ولا مهره ولا تدري وين اتروح ولا عندك اي مسؤوليات .. ف .. تكشخ وتروح المجمع تلاحق بنات خلق الله .. فهذا شي غير مقبول ابدا ..
ايضا بالنسبة للبنات اللي ما عندهم شغل ولا مهرة ولا تدري وين اتروح ولا عندها اي مسؤوليات .. ف .. تكشخ وتحط فل ميك اب وتصب على روحها غرشة عطر وتروح المجمع .. فهذا الشي غير مقبول ايضا ..

وللعلم صارت البنت اللي تسوي هالحركات ومستانسة انها مطيحة الشباب .. صار لها اسم جديد متداول بين الشباب ..
حمام عمومي .. اجلكم االله ..

وسلامتكم

كلامك صحيح السبب الرئيسي الي يخلي الواحد يسوي هالشي هو الفراغ ومشااءالله عليك عطيتنا الحلول :victory:
شاكر لك على الرد الوافي

[عبدالعزيز الهتمي]

اسموحة بس أنا ماذكرة شيئ عن لبسها ... لو تقصدين كاسية عارية هذي اضافة الى الإغراء .. احترم ناس تحترمك..
وبعض الله يهديهم رايحن عرس...مب جايين يتسوقون..

هذي سالفة سارة جنبي بنت قاعدة طالع شاب بنظرة ثاقبة وتضحك له .. بعد شوي شاب رماها بكلمة وكلمتين ومشى ولحقتة البنت بعد ماخذت لفة شفت بنت نفسها مع شاب ثاني ... لين ماوصلت المرحلة والله اعلم شرطة وشاب في سيارة...البنت كملة تدور على ضحيه اخرى..


تلوم البنت ولا شاب...


سالفة الشاب بطلتها وحده هوايتها تويهق الشباب وهذا الي حذرت
ونصيحه الواحد يبتعد عن الاماكن الي تكثر فيها البنات ويقلل من الروحه ,,
وموضوع البنت الي رايحه عرس ياخوي مالنا غير ندعي لها بالهدايه والواحد يتجنبها اللوم كله عالشاب الي عطاها الفرصه
وشاكر لك مرورك :nice:

[فارس الامة]

سالفة الشاب بطلتها وحده هوايتها تويهق الشباب وهذا الي حذرت
ونصيحه الواحد يبتعد عن الاماكن الي تكثر فيها البنات ويقلل من الروحه ,,
وموضوع البنت الي رايحه عرس ياخوي مالنا غير ندعي لها بالهدايه والواحد يتجنبها اللوم كله عالشاب الي عطاها الفرصه
وشاكر لك مرورك :nice:

وليش ماتكون النصيحة عكس اماكن لي يكثر فيها الشباب بنات مايرحون له

[@فارس@]

واذا كانت البنت هي الي تلحق الواحد فينا اشرايكم شالحل !!!!!

[عبدالعزيز الهتمي]

وليش ماتكون النصيحة عكس اماكن لي يكثر فيها الشباب بنات مايرحون له



كان قصدك التجمع الي يصير عند الكرك
انا اشوفه شي عادي في ظل الاختلاط في بعض الجامعات والكليات والعمل
واهم شي خلك في حالك وخذ الكرك وسلام عليكم :victory:

[عبدالعزيز الهتمي]

واذا كانت البنت هي الي تلحق الواحد فينا اشرايكم شالحل !!!!!



صدقني مابتسوي هلسوالف غير بنت منتهيه على الاخير وهذيل ينعدون على اصابع الارجل :)
يقال والعهده على الراوي هذيل شغلهم عند العضيد :victory: شاكر لك مرورك اخوي

[النهار]

المشكله هالنوعيات يسون هالحركه وطيح فيها ابوالشباب ومايدري القصد منها وبعدها يدخل في مشاكل ومايخلص منها الا بعد ماتتم المصالحه بالتعويض المادي

[عبدالعزيز الهتمي]

المشكله هالنوعيات يسون هالحركه وطيح فيها ابوالشباب ومايدري القصد منها وبعدها يدخل في مشاكل ومايخلص منها الا بعد ماتتم المصالحه بالتعويض المادي


صحيح كلامك ياخوي بعض هالبنات ماخذينها تجاره ومساكين هالشباب بعضهم مش فاهم السالفه
شاكر لك اخوي على هالاضافه القيمه :victory:

[موظف بالبورصه]

الي حاشمه عمرها وماشيه سيده محد بيتجرا عليها ...

لاتدخل اماكن تجمع الشباب ... تروح كتارا الخميس والجمعه وفي وسط الشباب وعقب ليش يلحقوني !!

[نوار قطر]

الله يهديهم ويصلح بالهم

[فارس الامة]

الي حاشمه عمرها وماشيه سيده محد بيتجرا عليها ...

لاتدخل اماكن تجمع الشباب ... تروح كتارا الخميس والجمعه وفي وسط الشباب وعقب ليش يلحقوني !!

:nice:

[عبدالعزيز الهتمي]

الي حاشمه عمرها وماشيه سيده محد بيتجرا عليها ...

لاتدخل اماكن تجمع الشباب ... تروح كتارا الخميس والجمعه وفي وسط الشباب وعقب ليش يلحقوني !!

صدقني ما بيلحقها غير الخروف وهي عارفه هالشي واتلاقيها متراهنه معا صديقاتها شوفي كم خروف بطيح اليوم :tease:

[مــاي ورد]

ماله دخل بالحشمه بعض الشباب الله يهديهم اي وحده يجرب حظه تعطيه ويه او لا

الغلط من البعض و من الطرفين

الله المستعان

[عبدالعزيز الهتمي]

ماله دخل بالحشمه بعض الشباب الله يهديهم اي وحده يجرب حظه تعطيه ويه او لا

الغلط من البعض و من الطرفين

الله المستعان

الله يهدي الطرفين ويهدينا جميعا شاكر لج مرورج :victory:

[صوت الضمير]

أنا لاحظ اللي استخفوا اللي نقول عنهم العاقلين

والا المراهقين ماعدا يغالون تتطورت وسائلهم للتعارف

اما العاقلين الكبار الشياب يحوسون بالمجمعات لماذا

الله يهدأهم كلهم

[عبدالعزيز الهتمي]

أنا لاحظ اللي استخفوا اللي نقول عنهم العاقلين

والا المراهقين ماعدا يغالون تتطورت وسائلهم للتعارف

اما العاقلين الكبار الشياب يحوسون بالمجمعات لماذا

الله يهدأهم كلهم


والله اشوف الكل استخف وخير شاهد على كلامي
الاماكن الحيويه فالويكند خصوصا الله يهدي الجميع ونتمنى يكون التطور في الاشياء الي تنفع الشخص والبلد شاكر لج مرورج

[نغم 90]

عندي اقتناع شخصي شاب ما يلاحق شابه الا في حالة ان كان من طرف شابة شي يجذبة او غراء... أنا مستغرب من بنات هل ايام كاسية عارية... الله يرحم ايام اول نقاب وستر..

قول النبي صلى الله عليه وسلم : " مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنْ النِّسَاءِ " رواه البخاري (5096) ومسلم (2740) .

يعني دليل قاطع ان نساء هم سبب في فساد الرجال ...لوم نساء أيضاً ياخوي..



انا من زمان ما شفت واحد يغازل وحده


بالعكس هالايام البنات الي يغازلون


الحمدالله شباب هالايام فاهم وما يحب المشاكل بس البعض لكم عليه شوي


تحياتي