هذا تصرف ياداره المدرسه

[حسن]

السلام عليكم مادري من وين ابتدي

وانا حالس في المكتب الى موظفه من موظفاتنا تركض في المرر جري من مكتب الى مكتب

وشوي الى هي ركيض للفت

لحقتها وفتخت الباب قبل لايقلق الى الموظفه ترتجف قلت لها خير وش صاير قال ها مافي شي قلت قولي
تقول المدرسه اتصلت الحين وقالت ولدي طاح من الدور الثاني وتعالي قلت لها وش صار قالت مادري
يالله الله يادراه المدرسه بهذه الطريقه تخبرون الام حاولت اهديها قلت لها اهدي مهب صاير الى الخير
قلت لها من بييوصلك قالت انا اسوق قلت لها كيف تسوقين وانتي في بهذه الحاله قالت عادي قلت لها
اوصلك قالت لا راحت وهي مسرعه الله يستر وحسبي عليكم يادراه المدرسه بهذا التصرف
واعرف اسم المدرسه وهي خاصه

الله يحفظ لها ولدها والله يطنها عليه



الموقف الله لاوريكم لين الحين انه متروع من حالته الام وركيظها في الممرات

[عاهد بن علي]

عسى الله يستر

[وطن]

وااااااااااي
الله يحفظها هي و ولدها

قشعرت وانا اقرا
مسكينة
حد يبلغ ام بهذه الطريقة
المرأه عاطفية مو مثل الرجل ممكن تتحمل
هذي شيسوى عليهم لو سوت حادث الحين لا قدّر الله
عقلها طار اكيد

الله يحفظها يا رب و تتطمن على الولد

حسبي الله ونعم الوكيل في بعض العقول

[حسن]

عسى الله يستر

اي والله عسي الله يستر ياعاهد قسم بالله انا انا قلبي طار مهب الام
لوشفت منظرها حسبي عليكم قولولها تعالي ولدك يزوع وديه البيت تخبرونها ولدك طايح من الدور الثاني

[بوحمد111]

الله يحفظ لها ولدها ويوصلها بالسلامه

[حسن]

على مااعتقد قالت مدرسه المها

[شيوخه]

وي حرام حسبي الله عليهم من مدرسه ان شاءالله مافيه شي ولدها

[وطن]

اي والله عسي الله يستر ياعاهد قسم بالله انا انا قلبي طار مهب الام
لوشفت منظرها حسبي عليكم قولولها تعالي ولدك يزوع وديه البيت تخبرونها ولدك طايح من الدور الثاني

وانا من قريت اللي انت كاتبه عيوني فيها دموع :(

مسكينة الأم
الله يحفظها

انا ما عندي عيال بس لو حد قال لي تعالي حد من اليهال صار فيه شي بيزوغ قلبي و يزر عقلي
شلون الأم :weeping:

[حسن]

وي حرام حسبي الله عليهم من مدرسه ان شاءالله مافيه شي ولدها

مادري توه الحادثه الحين والام توه طالعه الله يستر والله العظيم اني انه متروع ولا لي نفس اليوم عقب هل المنظر
والتصرف الغبي من المدرسه

[mr.hamouda]

لا حول ولا قوة إلا بالله
الله يوصلها لولدها بالسلامه وتشوف ولدها سالم ان شاء الله

[مبارك سعد]

على مااعتقد قالت مدرسه المها

نفس هالحادثه إحصلت في إحدى المدارس المستقله والله يستر على عيالنا من الجاي والاهمال والدعايه الكذابه .

[حبر وقرطاس]

يا راقل مش معئول كده
تحصل المديره مرعوبه والحريم لا اختبصوا ضاعت علومهم وبرستيجهم
عسى خير

[الخزرجي قطر]

الله يطمنها على ولدها ان شاءالله
تصرف غير مقبول من ادارة المدرسه

[بصمة قطرية]

استغفر الله العظيم
هاي طريقة ...!!!
زوغوا قلب الام على ولدها ..
الله يحفظها و يحفظ ولدها ..
قلبي عورني حسبي الله عليهم ..
يعني لازم شرح بالتفصيل ولدج طاح من الدور الثاني
قولوا تعور شوي
قولوا شي ثاني لين توصل تعرف اللي صار ..
مرات يتصرفون بغباء ..
الله يطمن قلبها على ولدها :weeping:

[ريم 28]

لا حول ولا قوة الا بالله

الله يحفظه من كل شر يارب


اوجعني قلبي
الله يهدي الاداره المفروض ما يبلغونها بهالطريقه

[شبح الصمت]

لا حول ولا قوة الا بالله

ان شاء الله مافيه الا العافيه

تكفى ياخوي طمنا على الياهل

عورت قلبي والله وانا اقرأ الموضوع

وحسبي الله ونعم الوكيل

حسبي الله ونعم الوكيل

حسبي الله ونعم الوكيل

على بعض الاشكال الي يحطونها وما تعرف توصل الخبر

[دااانة قطر]

السلام عليكم مادري من وين ابتدي

وانا حالس في المكتب الى موظفه من موظفاتنا تركض في المرر جري من مكتب الى مكتب

وشوي الى هي ركيض للفت

لحقتها وفتخت الباب قبل لايقلق الى الموظفه ترتجف قلت لها خير وش صاير قال ها مافي شي قلت قولي
تقول المدرسه اتصلت الحين وقالت ولدي طاح من الدور الثاني وتعالي قلت لها وش صار قالت مادري
يالله الله يادراه المدرسه بهذه الطريقه تخبرون الام حاولت اهديها قلت لها اهدي مهب صاير الى الخير
قلت لها من بييوصلك قالت انا اسوق قلت لها كيف تسوقين وانتي في بهذه الحاله قالت عادي قلت لها
اوصلك قالت لا راحت وهي مسرعه الله يستر وحسبي عليكم يادراه المدرسه بهذا التصرف
واعرف اسم المدرسه وهي خاصه

الله يحفظ لها ولدها والله يطنها عليه



الموقف الله لاوريكم لين الحين انه متروع من حالته الام وركيظها في الممرات



وعليكم السلااام ورحمة الله وبركااته


هلا والله اخوي حسن ( حتى أخوي اسمه حسن )
المهم هالموااقف داايم تصير منهم
ويااما صاارت معااي
بنتي لين تعبت يتصلون علي انتي ام فلااانه بنتج اغمى عليها اول ما اصرخ الا تقول الحين هي صحت بس تعباانه اذا تقدرين تعاالي خذيها المستشفى :rolleyes2::eek5:
وأكثر من مره زميلااتي مايرضون يخلوني اطلع بسياارتي لاشاافوني ارتجف واحااتي يصرون يجون معااي
واحياانا اطلع بنفسي الا يطاالعوني ويستغربون شلون وصت بسرعه؟؟!!:eek5::eek5::eek5::anger1::anger1::anger1 :

الله المستعاان
وان شااء الله اصاابة ولد زميلتكم ماتكون خطيره وربي يعنها ويصبرها



صج نفر ماافي مخ:anger1::anger1::anger1:

[اوف ليميت]

ماشاءالله

مدرسة بكبرها من مديرة لمشرفه لمعلمه لغيرهم من اولهم لآخرهم ..
وهذي هي طريقة توصيل الخبر

مديره وماعندها أهم قاعده اساسيه وأولية من قواعد توصيل الخبر
يبيلها كورسات communication skills, public service, customer service

وكورس عميق ومكثف في ال creativity and important factors in delivering skills
و priority time
ويمكن بعد كورسات ثانيه ب decision making and judgment عشان ترتقي بتفكيرها شوي وتكون مؤهله ( لتحمـــل ) مسمى مديرة أو مشرفة أو معلمة

:]

[حبر وقرطاس]

عبدالله الراجحي- سبق: تسببت خادمة في جريمة بشعة راح ضحيتها طفلة و 3 أشخاص آخرين، اليوم بينبع الصناعية، حيث اعترفت الخادمة بقتل طفلة مخدومها الذي علم بالحادث وهو خارج المنزل، وأثناء عودته لإنقاذ طفلته تسبب في مقتل 3 أشخاص بسبب قيادته للسيارة بسرعة جنونية.

وتبين التفاصيل أن فرق الدفاع المدني التي باشرت حادث مقتل الطفلة، داهمت الفيلا مسرح الجريمة عقب بلاغ من والدة الضحية، قبل أن يطيح رجال الأمن بالخادمة التي اعترفت بجريمتها البشعة.

وكشفت مصادر سبق أنه عقب الحادث مباشرة تبلغت عمليات الدفاع المدني بحادث سير نجم عنه 3 وفيات، واتضح أن المتسبب هو والد الطفلة الذي كان يقود سيارته بسرعة جنونية بعد أن علم بنبأ قتل ابنته



هي اخرة تبليغ الشخص بأن ضناه صار له شي

الله يبعد الشر عن الجميع ويحفظ لنا عيالنا يارب

[intesar]

الله يعينها..

[umabdulla77]

الله يحفظ لها ولدها ومايكون صايدته اصابة كبيرة ( اسلوب المدرسة غلط ممكن الام لحظتها من الخوف يصير فيها شي )

واسمحلي اخوي حسن كونك حطيت الموضوع هالوقت وهو توه صاير بعد غلط لان سببت لي وممكن لغيري الخوف كنت ممكن تتناقش فاسلوب المدرسة الخاطيء بعد ماتعرف كل شيء بالتفصيل لاني قمت اتصل باختي لحظتها وماترد علي واطرش مسجات نفس الشي ماترد لان ولدها هناك بعد كم محاولة غصب ردت علي وطمنتني انها فالدوام وماعليهم شر وربي يطمن كل أم وولي امر على عيالهم وربي يحفظ عيال الجميع من كل شر وسوء

واذا ماعليك امر تطمنا في حال داومت او ردت عليكم ام الطالب

[حسن]

مشكله ولدها الوحيد والى حد الان ماعندي خبر

انشاء الله خير

[umabdulla77]

ان شاءالله يارب

[بصمة قطرية]

عبدالله الراجحي- سبق: تسببت خادمة في جريمة بشعة راح ضحيتها طفلة و 3 أشخاص آخرين، اليوم بينبع الصناعية، حيث اعترفت الخادمة بقتل طفلة مخدومها الذي علم بالحادث وهو خارج المنزل، وأثناء عودته لإنقاذ طفلته تسبب في مقتل 3 أشخاص بسبب قيادته للسيارة بسرعة جنونية.

وتبين التفاصيل أن فرق الدفاع المدني التي باشرت حادث مقتل الطفلة، داهمت الفيلا مسرح الجريمة عقب بلاغ من والدة الضحية، قبل أن يطيح رجال الأمن بالخادمة التي اعترفت بجريمتها البشعة.

وكشفت مصادر سبق أنه عقب الحادث مباشرة تبلغت عمليات الدفاع المدني بحادث سير نجم عنه 3 وفيات، واتضح أن المتسبب هو والد الطفلة الذي كان يقود سيارته بسرعة جنونية بعد أن علم بنبأ قتل ابنته



هي اخرة تبليغ الشخص بأن ضناه صار له شي

الله يبعد الشر عن الجميع ويحفظ لنا عيالنا يارب

لا إله إلا الله :weeping:

[حسن]

وحده من البنات خبرتي عن طريق مسج من ام الولد انها في الطوارى وبس مادري عن حاله الوالد

وانشاء الله خير يارب

[umabdulla77]

الله يطمن قلبها عليه ويقومه بالسلامة يارب
جزاك الله خير اخوي

[عبدالعزيز الهتمي]

ماعليه شر ان شااءالله وربي يصبر امه وماقصرت يابوعلي في ميزان حسناتك

[الزعفراني]

مايشوف شر والله يستر عليه وعلى أمه ..

وصراحة اسلوب فاشل في ايصال مثل هالخبر

[بصمة قطرية]

وحده من البنات خبرتي عن طريق مسج من ام الولد انها في الطوارى وبس مادري عن حاله الوالد

وانشاء الله خير يارب

الله يطمن قلبها عليه ..
للحين مقهورة من طريقة المدرسة في ابلاغها ..

[حسن]

الحوادث وارده في كل الاوقات لكن طريقه توصيل الخبر بهذه الطريقه الصراحه غير مقبوله وخصوصا سقوط من دور ثاني
طفل في 6 سنوات

المهم يكون في اسلوب للتعامل مع الحادث وحسن التصرف مع الحادث مهم في هذه الحاله

[pink pearl]

الله يكون في عون الأم ، وين الاسلوب الحضاري والتربوي في إيصال الخبر
المدرسة لازم لازم تتعاقب، والله يطمنها في ولدها

طمنا اشصار :(

[الكنترول]

لا حول ولا قوة إلا بالله

[معماري قطري]

لا حول ولا قوة إلا بالله

وصل التدريس عندنا إلى مرحلة عشوائية وإجراءات خطأ في خطأ، وهذي مدرسة خاصة ملاصقة لبيتي يشتغلون فيها صيانة تالي الليل وحفريات وتكسير، وهذا غير عن الغرف الحديد سيئة التهوية ومخالفة لقوانين البناء واشتراطات السلامة، وحتى فوق السطح سووا غرفة حديد، والمدرسة روضة أطفال باحاول أحصل إسمها وانشره لأن الإتصال بالشرطة ما نفع قبل.

ليش إتصلت بالشرطة؟ مره وانا جاي البيت الساعة 12 الليل سمعت صوت منشار قطع حديد كهربائي يشتغل، ففتحت النافذة فرأيت العمال مفترشين سطح ملحق بيتي ويشتغلون ويقصون الحديد عليه، فبلغت الشرطة وحضروا ناس عليهم لباس مكتوب عليه مسرح الجريمة، وركبتهم سطح بيتي وصوروا شصاير وجات مجموعة ثانية مسكت الباقيين وودوهم المركز، هنا انا قلت حقي بيطلع واستهتار السوريين بممتلكات الناس وإدعاءهم انهم ما يعرفون بيوقف عند حده، وطمنوني الشرطة والضباط ان بينسجنون لحين عرضهم على النيابة وبتتسجل قضية، لكن ثاني يوم ومن صبح شفت عمال الشركة يركبون فوق بيتي ويشيلون الحديد، يعني يكررون فعلتهم مره ثانية وبدون إستئذان، ورجعت بلغت الشرطة الا باب صالة بيتي الزجاجي واحد يضربه بيده بقوه .. إستغربت وتوقعت مديرهم السوري وطلعت له الا أشوفه لاف ورا البيت صوب الملحق وأطلع له معصب ، وطلع مدخل سيارة مديرة الروضة في بيتي وهو داخل معاها ... صج هزأت بهم وطردتهم من البيت .. هههههههه يقول جايين نعتزر .. المهم شرطتنا يدارون على ذيلا ويعتبرونهم مساكين ومفتشين ومرخصين هذي المدارس ما تهمهم سلامة الأطفال.

تدرون في كثير من الدول مدارس الصغار وروض الأطفال ممنوع يزيد إرتفاعها عن دور واحد؟ ولازم تكون فيه أبواب في كل فصل تنفتح لحديقة المدرسة، وإحنا سوينا مدارس مسكره من كل صوب حتى الشمس ما تدخلها وعيالنا مساكين لا عظام سليمة وكله نقص فيتامين "د" ... لا والنكته الحين مكتشفين إنها مدارس أشغال الحديثه ما فيها مخارج طواريء واحتدوا يسوون مخارج جديده هالأيام.

مثل هالسالفه لازم ما تمر مرور الكرام، ولازم ينفذون إجراءات سلامة للنوافذ للصفوف العلوية لكل المدارس سواءً حكومية أو خاصة، ولازم يدرسون إدخال النور الطبيعي لساحات هذي المدارس، ولازم يسوون كتاب للإدارات المدرسية عن كيفية التعامل مع جميع السيناريوهات المتوقع حدوثها، وتنظيم إجراءات العمل في كل الشؤون التي تختص بالطلاب والتعامل معهم ومع الحوادث ومع ذويهم.

وسلامتكم.

[شمس]

الله يسترويسلم لها ولدها
واسلوبهم اكيد غلط

[.. الكاش ..]

الله الحافظ ان شاء الله

[دانة العود]

لاحول لا قوة الا بالله

[معماري قطري]

بإنتظار أخبار مفرحة إن شاء الله عن حالة الولد وأُمه الله يحفظهم

[كحيلآن]

اقرب مثال عن طريقة إيصال الخبر .. الموضوع الموجود في هذا القسم الطفلة السعودية المقتولة وماذا حصل لوالدها عندما اخبروه .. سوا حادث وتوفوا 3 اشخاص ..

[صوت مواطن]

أنا طرحت موضوع مدرسة المها من كم يوم
لا إدارة ولا مدير ولا تنسيق ولا اي شي من بعد توزيع الكابونات همهم الفلوس ولا ولي الامر اخر شي يفكرون فيه أنا كل سنه وانا مشاكل وياهم
لاحول ولا قوة الا بالله
الله يستر على ولدها

[قلم صادق]

لا حول ولا قوة إلا بالله
الله يحفظ ولدها ان شاءالله من كل شر
طمنا عليهم ان شاءلله انهم بخير

[حسن]

والله لحد الان الام ماداومت ولا اعرف خبر وان شاء الله خير طايح من الدور الثاني مهب بسيطه

[راشد محمد]

الله يحفظ لها ولدها ويوصلها بالسلامه

[umabdulla77]

السلام عليكم اخوي حسن

طمنا على حال الولد هل امه جات او بلغتكم بشي

[شبح الصمت]

اخوي حسن

اشحالك

طمنا ياخوي خل وحده من البنات تتصل فيها تنشدها

يعني البنات الي عندكم وحده تمر تطمئن على الياهل

الله يشفي كل طفل ومصاب ومريض

اللهم آمين