عتاب على تلفزيون واذاعة قطر

[ابن الرومي]

وين التنبيهات يا تلفزيون واذاعة قطر
بخصوص احوال الجو

المفروض في شريط بتلفزيون قطر تنبية بحالة الطقس
لان في ناس مسافرين ولا طالعين رحلات بحرية اوبرية

نلوم من في حالة وقوع حوادث لو سمح الله

ولازم يكون في تنبيهات مستمرة باذاعة قطر وصوت الخليج واذاعة الريان

[khalid525]

سامحهم هالمرة لان تغيير الجو صار حزة الغدا

[النهار]

سامحهم هالمرة لان تغيير الجو صار حزة الغدا


تهقى المطر كان حزت الغداء :nice:

[بصمة قطرية]

أصلاً ما عرفوا بالمطر الا عقب ما نزل :tease::secret:

[Rashid554]

اخوي كل ارصاد العالم ومواقع الاحوال الجوية في العالم ماتوقعت ان في مطر في قطر في هالوقت
وكان مفاجئ في قطر

[qatarshark]

من صجكم انتوا قطر عندها تلفزيون:anger1:
متى فتح :omg:
اول مرة ادري:tease:
اصلا انا شايل القناة من الدش:nice:

[ابن الرومي]

الصراحة انا اشوف تلفزيون واذاعة قطر

ماعندهم فن التقديم وتوصيل الاخبار اول باول

كلا متاخرين عندي اقتراح خلهم ياجرون القناة لشركة
عالمية متخصصه

احسن وافضل

[intesar]

موجود عندي لأن اسمه قناة قطر بس ما شوفه..
هذا عار مو قناة..

[Ali88]

موقع الارصاد الجويه اخبار اول باول ماشاءالله عليه
وقايلن ان في مطر من الجمعه الصبح
وهاي موقعهم علي توتير @qatarmd

[Darco]

أخوي الحقبان يصعب توقعها لأنها رهن ظروف لحظيّة في نفس اليوم , وتختلف عن الأمطار الموسمية الشتوية اختلافاً كبيراً. ولذلك ما ينلامون في هذا (ولو أنهم يقدرون يدرسون الوضع اليومي عن طريق البالون الجوّي ومنه يقدرون يعطون توقعات).

لكن هذا لايبرّئ هيئة الأرصاد من حقيقة تقصيرهم بشكل عام, حيث أنهم أسوأ هيئة ارصاد خليجية بدون أي منافس لهم في المركز الأخير! أرصاد قطر لا تقدّم أبسط الخدمات الممكنة للعامّة كتوفير رادار الأمطار الموجود في كل مكان .. إلا قطر :).

[توشيبا]

الضرب في الميت حرام

خلو قناه قطر في حالها والله يستر عليهم وعلينا

[GENIUS]

بعض جهات الارصاد في الدول المحيطة بنا وضعت توقعات واحتمالات للامطار لليوم و كثير من مواقع الارصاد الجوية العالمية توقعت ذلك . نعم هذه الامطار محلية التكون والنشوء لكن هذا لايعذر تقصيرهم وغيابهم . هناك الكثير من الاخوة الافاضل من متابعي الطقس يتابعون مواقع الطقس الخارجية والمحيطة التي تزودك بكل ماتحتاجه من معلومات الطقس لكن ربعنا للأسف تسجيل غياب

[حسن]

ياجماعه هذه امطار موسميه والظاهر اللي مايعرف النجوم وشنهي موثراتها في الطبيعه هذه مشكلته بالنسبه
لراعي البر وراعي البحر وراعي الطير هم اللي يحسبون حق تغيرات الجوا اما راعي البلاد مايدري وش السالفه
وبعدين هذه سحب محليه تشكللت هني يوم رحت صلاه الجمعه شفت تشكلها وكانت الغيمه كبر السياره
وعقب تزينت لين كبر الحقاب والحمدلله امطر علينا وهذه معروفه عند هل قطر اهتمو تعلمو غنو افرحو

[ام ناصر1]

اليوم بنهاية النشرة الاخبارية الرئيسية ...حطوا اغنية طق يامطر طق مع صور عن الامطار ...زين منهم حسوا
بنبض الشارع

[captin]

الله يرحم تلفزيون قطر ,,,

اللي أنتهى من الوجود
عند اغلب القطريين والمقيمين والمشاهدين
عموما داخل الدولة وخارجها.


ليتهم يشوفون ويتعلمون من المحطات الخليجية والعربية الثانية
اللي وين ما تروحون بهالكون أمريكا , كندا و أستراليا أفريقيا
تشوف بثهم وبرامجهم واحترافية العمل
والتقديم الإعلامي عندهم.

ما فيه رجا تلفزيون قطر .

[نوار قطر]

للحين في ناس تشوف قناة قطر خخخخ هاي المفروض يسمونها قناة قطر قبل ستين عام

[ابن الرومي]

للحين في ناس تشوف قناة قطر خخخخ هاي المفروض يسمونها قناة قطر قبل ستين عام

اي والله انا ما شفت تطور في القناة
من يوم وانا صغير اشوف نفس البرامج الميته

الصراحة ما فيها احداث ولا تحذيرات ولا فن الابداع

[نوار قطر]

اي والله انا ما شفت تطور في القناة
من يوم وانا صغير اشوف نفس البرامج الميته

الصراحة ما فيها احداث ولا تحذيرات ولا فن الابداع

تلفزيون قطر محلك سر مافيه اي شي الواحد ممكن انه يفعد يشوف يعني كلشي في قطر تطور الابراج كتارا اللولوه الموسسات الي طالعه كل شي في تقدم سريع ومستمر الا التلفزيون ليش الله اعلم

[بو_حسين]

بااااال شخباري تلفزيون قطر