تويـــــــــــــــــتر ؛؛ باسمي وصورتي :)

[رهج السنابك]

؛


تويتر مجتمع افتراضي جميل من خلاله نتواصل مع شخصيات كان من الصعب الوصول لها ونقدر الان نتحاور او نستشير او نكون متابعين صامتين لمن نحب


لكن لاحظت بعض الشخصيات الغير مشهورة بنات عاديات لكن تحب توصل للشهره تسجل بتويتر باسمها الكامل وتضع صورتها وتتابع ويكون لها متابعين

حبيت اطرح الموضوع لمعرفة ارائكم حول هذا الامر هل من اللائق عرفياً ومجتمعياً تواجد البنت في تويتر بهويتها الشخصية وصورتها الشخصية حتى لو كانت لاتكتب الا المفيد ومشاركاتها محترمة ؟

مؤيد ام معارض؟

[intesar]

الهوية لا اعتراض..
لكن الصورة وفي مجتمعنا الصغير واللي كلش ما يحب يتناقل بالأخبار والفضايح والإشاعات..

نعم مرفوض.. ومرفوض بشدة..
ومن الأساس ماله داعي..

يعني الوحده ما تعرف اتتوتر إلا إذا حطت صورتها الكريمة..
إذا الإسم والواحد يخاف.. لأن مجتمعنا مازال يتحكم فيه العادات والتقاليد.. قبل أحكام الشريعة..

فحذاري..

ودمتم بحفظ الرحمن..

[غايه الطواش]

كصوره ماقبل ان بنت تعرض صورتها إحنا مجتمعاتنا لنا دينا وتقاليدنا
وبنت تحط صوره كسر للعرف ، وشي مستنكر وممكن يفتح لها باب هي بغنى عنه وخاصه من ضعفاء النفس قليلين الايمان ، اما الاسم الشخصي ما شوف فيها شي بالعكس اعتزاز بالاسم والكتابه تعكس تربيه صاحبه وحامله الأسم
بالنسبه لي في اغلب الامور اسجل باسمي الاصلي
الا بعض المنتديات الغير اختصاصية ، واعتقد التسجيل بالاسم
نوع من انواع الثقه وقوه الشخصيه وخاصه فالوقت الحاضر وفي بعض المواقع مثل توتر وفيس بوك والايميل

[توشيبا]

تحط صورتها او اسمها

داخل مخ كل شاب اهي. . الله يستر علي بناتنا ويحفظهم


اذا البعض يرفض النظره الشرعيه بسبب العادات والتقاليد عيل بنت تحط صورتها او اسمها الكامل

[ريم الشمال]

لا أسم ولا الصوره عن نفسي .. شيء غير مرغوب
بالنسبة للغير يمكن الأسم مقبول لكن الصوره ما لها داعي حتى لو كانت صوره رمزيه ( تحط صورة زهره ، رمز إي شئ غير صوره )

اعتبر ذلك من التجاوزات الغير محببه للبنت في مجتمعاتنا المحافظه
لكن إذا صورتها وهي محجبه وهي في الاصل كاشفه لا تغطي وجهها فلا مانع

ريم الشمال

[بصمة قطرية]

بالنسبة للبنت صراحة لا الإسم ولا الصورة ...
ما له داعي الكل يعرف إنها فلنة بنت فلان ...!!!
في كل مكان أحب البنت تشارك بنك نيم فقط ...!!!

[intesar]

تدرون اللي يعصب إذا البنت حطت صوووور لمشهورات أو صووور بنات عريانة أو صور بنات.. صج يقهر..

[خليفـة]

هذا شي موجود عندنا هنا في المنتدى .. ليش تويتر
فيها بنات حاطين تواقيع بصور سخيفة .. فيها اغراء
والهدف الرخيص من ذلك جذب انتباه الشباب الأعضاء
عيل بذمتكم .. فيه وحده تربت على يد رجال .. وتعرف الأصول
تحط صور مثل الي في بالي !!

من المؤكد ان نواياها رخيصة
والمصيبة لما تطيح في شر أعمالها .. ترجع وتقول :
ليش وليش
:)

عموما .. هالأشكال يفتكرون ان محد عارف وفاهم نواياهم
وما يدرون ان فيه ناس يدخلونهم البحر ويطلعونهم من غير قطرة ماي

انا أقول لهالأشكال الرخيصة .. الي تحط صور فيها انوثة واغراء
احشمي نفسج .. وارفعي مستواج شوي
لأن في النهاية انتي الخسرانه

خليفـــة

[الكنترول]

لاحولاولاقوة إلا بالله

[Dana’1]

كاتبة الاسم عادي بالنسبة لي .... بس الصورة ما احطها
مع اني اشوف صور دكتورات بعلم الاجتماع او التربية وغيرها وهن بالعباية الحجاب وما عليهن اي خلاف ....ومعروفات باخلاقهن ومشهورات بالاعلام والنعم فيهن

اما الي تحط صور مبتذلة هذي علي نفسها وهو امر مرفوض طبعا شرعا وعرفا....
والله يهديها ويهدي الجميع آمين يارب العالمين

[وثائقي]

تويتر مفيد لمن أحسن إستخدامه ومسيء لمن أسائه ولا ضير لمن وضع إسمه الصريح أما بمن تضع صورتها الشخصية خلاله فأعتقد لا يوجد مايستلزم ذلك إذ أن ديننا وعاداتنا تأبى هذا ..

حفظ الله المسلمين من كل مكروه ..

[نوار قطر]

لا طبعا انا من المعارضين ماله داعي كللش البنت تسجل اسمها الكامل وترز صورتها وخاصة اذا كانت مالها اي نشاط في مجتمعنا ممكن انها تحط اسمها الثنائي لكثرة تشابه الاسماء اما اذا كان اسمها مميز لا خلها على نك نيمها وايد احسن

[حسن]

ماعتقد فيها شي ولا هو عيب وخصوصا في وقتنا الحالي خلاص الوضع اصبح عادي وطبيعي
قبل كنت ماتشوف لا صوره لامره في جرايدنا اما الحين ماعاد ننظر للصوره اصبح خلاص عادي
وبالعكس راعي الاسم الحقيقي في التويتر ولا في المنتديات تلقاه اكثر رزانه وتصرفاته تكون محاسب عليها
اما راعي النك الكثير منهم له مارب اخري وياخذ رحته في النك ووتلقاه ماحاسب على اي تصرف ولا يبالي
لان داخله يقول انا مقنع هيهيات حد يعرفني
بالنسبه لى انا اكتب باسمي هني ولا هناك ولا مناك لاني شخص واحد يابيض ياسود
ووبالنسبه للتويتر الوضع مختلف نهاءيا حيث ان الحريه المتواجده لابداء الراي وخصوصا من مثقفين
وكتاب واصحاب اعمده فمستحيل يكون مقنع لانه يدافع عن فكره وارائه
فا بسبب حرييه التويتر والوضع الراهن في المنطقه اختلف تماما تماما وهذه سنه كونيه اساسا
التغير مستمر شءنا ام ابينا

لو كان المنتدي يرفض تسجيل النك كان شفته غير غير وكان شفت الاعضاء مهب بهذا العدد
انا مع الراي ان الاسم مافي اي شي في وقتنا الحالي والقادم بيكون مختلف

[لاجل QT]

لا مهب حلوة كلش ..ماله داعي تحط صورتها ..ممكن اول اسم اوكى اما بالكامل ماشوفة شي ضروري

[khalid525]

اللي كان عيب يصير عادي اذا تقبله المجتمع ، والمجتمع دايما يرفض الاستثناءات ثم يحاربها ثم يتقبلها ثم يحارب من كانوا يرفضونها وتصبح عادة جديدة مقبولة ضمن العادات والتقاليد ..

[intesar]

عندنا هني بالمنتدى محد يحط صووووور مبتذلة..

[intesar]

اللي كان عيب يصير عادي اذا تقبله المجتمع ، والمجتمع دايما يرفض الاستثناءات ثم يحاربها ثم يتقبلها ثم يحارب من كانوا يرفضونها وتصبح عادة جديدة مقبولة ضمن العادات والتقاليد ..

صحيح.. لكننا مازلنا في مجتمع يعيب كل شيء حتى لو الشرع حلله..

[خليفـة]

عندنا هني بالمنتدى محد يحط صووووور مبتذلة..

يمكن بالنسبة لج ماتشوفين حد
الأبتذال مو لازم يكون عن طريق وضع الصور الفاضحة
:)
فيه صور فيها ابتذال بشكل غير مباشر
وماودي اتكلم أكثر في هذا الخصوص .. ولكن انا واثق ان غيري
يعرف المقصد من كلامي اذا كنتي ماتعرفين قصدي
:)

[intesar]

لا أنا فاهمة مقصدك وفاهمة من تقصد بعد..
وماعليك من خلق الله وتفتح عيون الغير اللي مغمضه..
ويمكن هذي صووور ماخذينها من النت..

[خليفـة]

لا أنا فاهمة مقصدك وفاهمة من تقصد بعد..
وماعليك من خلق الله وتفتح عيون الغير اللي مغمضه..
ويمكن هذي صووور ماخذينها من النت..

لج الحق تقولين اني افتح عيون الغير في حال شفتيني ذكرت اسماء او القاب
طالما اني ما ذكرت اسم او لقب .. مو من حقج تقولين هالكلام
:)

الشي الثاني .. انا مالي شغل بغيري .. انا علي من نفسي
ولكنه موضوع انطرح للحوار .. وفتح موضوع على بالي .. وقلت رأيي

الحمدلله .. انا ما اراقب احد ولا أتابع أحد
:)

استبعد تماماً انج تكون فاهمة مقصدي
او تكونين فاهمه انا اقصد من

[intesar]

لا فاهمه والكل فاهمك يا أخوي..

[خليفـة]

لا فاهمه والكل فاهمك يا أخوي..

انا ما ابي اسوي نفس اسلوبج واقعد احول كل موضوع يتعب عليه راعيه
الى شات وحوار عقيم
بالتالي .. أفضل عدم الرد عليج .. واكتفي بالقول :
والله لا انتي فاهمة قصدي .. ولا فاهمة شي

وخلج في حالج بارك الله فيج .. وما لج شغل في غيرج
الي تقولين عنهم الكل .. الحمدلله .. قدرهم على العين والراس

خلج في حالج بارك الله فيج .. وتكلمي عن نفسج فقط
:)

[intesar]

انا ما ابي اسوي نفس اسلوبج واقعد احول كل موضوع يتعب عليه راعيه
الى شات وحوار عقيم
بالتالي .. أفضل عدم الرد عليج .. واكتفي بالقول :
والله لا انتي فاهمة قصدي .. ولا فاهمة شي

وخلج في حالج بارك الله فيج .. وما لج شغل في غيرج
الي تقولين عنهم الكل .. الحمدلله .. قدرهم على العين والراس

خلج في حالج بارك الله فيج .. وتكلمي عن نفسج فقط
:)

هذا أسلوبك اللي مو معاك بالحوار تطيح فيه..
ثانكس أخوي لا تخاف أنا بحالي من زمان.. والدليل أني ما أدخل أي موضوع من مواضيعك..

شكرا لك..

[الزعفراني]

أعتقد الموضوع يرجع للقناعة الشخصية للفتاة اليوم .. وإن كنت أرى ماله داعي .. خصوصا اذا كانت مش شخصية عامة معروفة ..

[حسن]

الا بذكر الله تطمئن القلوب

[intesar]

الا بذكر الله تطمئن القلوب



:fight:

[الزعفراني]

لا اله الا الله .. جزاك الله خير بوعلي

[العلم]

طبعا أنا من أشد المعارضين لوضع الصور ،،،، وذلك لأنها مخالفة شرعية يترتب عليها الكثير من المحاذير ....




أما الإسم فلاحرج في ذلك ،،،، بل أرى أنه من الأفضل ذكر الإسم والإبتعاد عن الأقنعة

[حسن]

اخت انتصار هل تعتقدين ان هناك كتاب دكاتره مفكرين يرضون يطلعون باسماء مستعاره اكيد لا ولا اعتقد ان اي حد يقدر يقول اي
التويتر وغيره من المنتديات مادري احنا العرب نفكرها حق لعبه حق ممارب اخري ليش مايكون ناخذ من معلومات وافكار
واخبار العالم واي اللي يدور وبعدين هو اسمه شبكه التواصل الاجتماعي

[الزعفراني]

اخت انتصار هل تعتقدين ان هناك كتاب دكاتره مفكرين يرضون يطلعون باسماء مستعاره اكيد لا ولا اعتقد ان اي حد يقدر يقول اي
التويتر وغيره من المنتديات مادري احنا العرب نفكرها حق لعبه حق ممارب اخري ليش مايكون ناخذ من معلومات وافكار
واخبار العالم واي اللي يدور وبعدين هو اسمه شبكه التواصل الاجتماعي

يقولون في اثنين من وزراء قطر داشين تويتر بأسامي مستعارة ويغردون ويتابعون :shy:

[عزووز قطر]

تويتر عالم ثاني وفيه ناس من كل الدول
ليش البنت تحط صورتها واسمها وتكتب وتخلي كل من هب ودب يشوف صورتها ؟؟؟

ومدري هل اخوها او ابوها لو دخل تويتر بيكون راضي بهذا الشي ؟؟





هذا شي موجود عندنا هنا في المنتدى .. ليش تويتر
فيها بنات حاطين تواقيع بصور سخيفة .. فيها اغراء
والهدف الرخيص من ذلك جذب انتباه الشباب الأعضاء
عيل بذمتكم .. فيه وحده تربت على يد رجال .. وتعرف الأصول
تحط صور مثل الي في بالي !!

من المؤكد ان نواياها رخيصة
والمصيبة لما تطيح في شر أعمالها .. ترجع وتقول :
ليش وليش
:)

عموما .. هالأشكال يفتكرون ان محد عارف وفاهم نواياهم
وما يدرون ان فيه ناس يدخلونهم البحر ويطلعونهم من غير قطرة ماي

انا أقول لهالأشكال الرخيصة .. الي تحط صور فيها انوثة واغراء
احشمي نفسج .. وارفعي مستواج شوي
لأن في النهاية انتي الخسرانه

خليفـــة

كلامك سليم اخوي خليفة :nice:

ومن فترة زادت الصور بس ادارة المنتدى ماقصرت

بيض الله وجهك على اسلوبك المميز في الرد وعدم ذكرك للاسماء

[intesar]

اخت انتصار هل تعتقدين ان هناك كتاب دكاتره مفكرين يرضون يطلعون باسماء مستعاره اكيد لا ولا اعتقد ان اي حد يقدر يقول اي
التويتر وغيره من المنتديات مادري احنا العرب نفكرها حق لعبه حق ممارب اخري ليش مايكون ناخذ من معلومات وافكار
واخبار العالم واي اللي يدور وبعدين هو اسمه شبكه التواصل الاجتماعي


شف بتويتر ما يمنع الواحد يحط اسمه لإن مثل ماتفضلت.. مختلف المهن والطبقات فيها.. يعني على قولتك طبيب معروف وباسم مستعار .. وايش خلالنا حنا..
هم المنتديات ايش اللي يعيب..
أحيانا الوحده أو الواحد كذلك يحطون مستعار حتى يسرحوا ويمرحوا على راحتهم.. وبعضهم هالكنيات تكون لها معنى بقلوبهم..

أنا أشوف تويتر مثل ماتفضلت لأخذ المعلومات والكلمات الطيلة وليست مكانا للمشادات الكلامية أو للشات..

ماشاء الله علينا يالعرب كل شيء محولينه شات..
حتى الأنيستوغرام محولينه شات..
سوء استخدام.. يا أخي..

[مدرسة]

على تويتر انا باسمي ،،

واتواصل مع العالم باسمي ،، في رأيي ما فيها شي


اما الصور فهي خارج مجال المناقشة ،،،، :nono:

على قولة بنتي الامهات كله يحطون ورود :shy:

[intesar]

يقولون في اثنين من وزراء قطر داشين تويتر بأسامي مستعارة ويغردون ويتابعون :shy:

يمكن يبون يتطمنون على أحوال الرعية..:secret:

[خليفـة]

تويتر عالم ثاني وفيه ناس من كل الدول
ليش البنت تحط صورتها واسمها وتكتب وتخلي كل من هب ودب يشوف صورتها ؟؟؟

ومدري هل اخوها او ابوها لو دخل تويتر بيكون راضي بهذا الشي ؟؟




كلامك سليم اخوي خليفة :nice:

ومن فترة زادت الصور بس ادارة المنتدى ماقصرت

بيض الله وجهك على اسلوبك المميز في الرد وعدم ذكرك للاسماء

وويهك ابيض يا بوسعود
واتفق معاك اخوي .. ادارة المنتدى للأمانة مو مقصره كلش من هالناحية
ووافقين في وجه كل مراهقة تحط صور رخيصة في توقيعها
سواء كانت صغيرة او كبيرة هالعضوة
ولكن .. مثلك عارف يا خوي .. ادارة المنتدى من الصعب عليها مراقبة ومتابعة
كل شي يحطه العضوا عن نفسه .. فالمنتدى ماشاء الله تبارك الله فيه عدد لا يستهان به
من الأعضاء .. وهنا يأتي دورنا احنا الأعضاء .. عن طريق إبلاغ الأدارة الكريمة عن
كل من تخالف .. حتى يتخذون بدورهم الإجراء الصحيح معها .

قواك الله يا بوسعود
:)

[intesar]

على تويتر انا باسمي ،،

واتواصل مع العالم باسمي ،، في رأيي ما فيها شي


اما الصور فهي خارج مجال المناقشة ،،،، :nono:

على قولة بنتي الامهات كله يحطون ورود :shy:




الأمهات صايرين مراهقات أكثر من الشابات والمراهقات.. بعضهم صاكين الخمسين وصوور خليعة حاطين..

[حسن]

يقولون في اثنين من وزراء قطر داشين تويتر بأسامي مستعارة ويغردون ويتابعون :shy:

والله يالزعفراني ماقدر اقولك هل الكلام صحيح ولا مجرد اقوال انا احب الحقائق وطبعي اكشف الحقيقه

اذا تبي راي انه في مثل ماتقول اعتقد هاذولا منصب فراشين يخب عليهم

هذا سلطان الدوسري الوزير السابق اشوفه هناك بكل احترام والكثير منهم اذا حكام موجودين

الانسان هو اللي يقدر يحقق هدف مايوريد وهو يقددر يكون محترم واما اذا انا باخاف من الانتقاد ولا السب
وغيره
اذا هناك انتقاد في محله وش المانع ان نعالج الخطا ونعترف فيه اما السب وغيره اعتقاد مافي انسان
يقبل هذا المنطق حتى المجنون ماييقبله

لازم نواكب التغير ونستغله في الشي المفيد والمرجو منه

[خليفـة]

الأمهات صايرين مراهقات أكثر من الشابات والمراهقات.. بعضهم صاكين الخمسين وصوور خليعة حاطين..

في هذي انا اتفق معاج قلباً وقالباً

عشان ما تقولين الي يخالفني الراي اطيح فيه
هههههههه
قواج الله
:nice:

[ام ناصر1]

ما اعتقد يناسب عاداتنا وتقاليدنا ...تحط صورتها واسمها ...بموقع خاص
لكن اذا الموقع رسمي بتوتير لجهة عملها الرسمية فقط ...وهي الي تصدر البيانات كمسؤولة ممكن
تحط اسمها ..مثلا الدكتورة الفلانية او الاستشارية اوالاستاذة ..الخ
لكن تحط صورتها ليش عسى ماشر ؟!

[خليفـة]

الداعية والمفتي والطبيب والمهندس والوزير
وأي واحد له مركز اجتماعي مهم يقدر من خلاله ان يفيد الناس
من حقه ان يحط اسمه
وبالنسبة لصورته يعتبر شيء شخصي فيه
ان أراد ان يحطها عليه بالعافية وان فضل ان يكون اسم من دون صورة ليش لا

ونفس الحال على السيدات .. ولكن .. كما تفضلت اختنا مدرسة
موضوع الصورة مفروض يكون امر لا نقاش فيه
والأسباب كثيرة .. وأولها الدينية قبل الأجتماعية والعادات والتقاليد

اما الانسان العادي .. المسكين .. الي على قده
مثلي انا مثلاً .. شنو الداعي اني احط صورتي واسمي بالكامل !!
لا راح افيد أحد .. ولا انا بالشخص الي له تأثير في المجتمع

ولكن فيه ناس يحبون الظهور بأي طريقة .. ومهما كلفهم الأمر

اعتقد ان السبب نوع من انواع النقص في شخصيتهم
:con2:
والله اعلم

[مدرسة]

الأمهات صايرين مراهقات أكثر من الشابات والمراهقات.. بعضهم صاكين الخمسين وصوور خليعة حاطين..


عافانا الله ،، العقل زينة !

نحن مسائلون أمام المولى عز وجل عن كل صورة نضعها ،،،، بس بعضهم الله يهديهم بس:secret:
و بعدين انا اتابع زوجي و بناتي على تويتر و المفروض اكون قدوة خاصة و انني في موقع امثل فيه مكان عملي ايضا >>> كفاية اسمي الذي يجب ان احافظ عليه ف شلون احط صورة تسئ الى اسمي و الى من انتمي اليهم و افخر بهم ؟؟؟؟؟

كل واحد يتصرف حسب تربيته في اي مكان ! سواء على ارض الواقع او على شبكات التواصل الاجتماعي

[حسن]

ما اعتقد يناسب عاداتنا وتقاليدنا ...تحط صورتها واسمها ...
لكن اذا الموقع رسمي بتوتير لجهة عملها الرسمية فقط ...وهي الي تصدر البيانات كمسؤولة ممكن
تحط اسمها ..مثلا الدكتورة الفلانية او الاستشارية او ..الخ
لكن تحط صورتها ليش عسى ماشر ؟!

ياجماعه يمكن الله يسووق لها نصيب ان بعض الضن اثم ويعدين الاول ماعاد في صور مثل الجوازات وغيره
وكان شي نكره نحط صور في الجوازات الوضع تغير ياجماعه الاول توظيف الحريم كله مدارس الحين غير
كلش كلش الله يقطعهم وش يبون فيني ادوام عشر سنين قاعد متكي رججعت شفت الوضع غير غير غير

انا راي مافضل وضع صوره للبنت الغير متزوجه اما اذا كانت متزوجه ودار عليها احوال وانجبتن
4اولا وبنتين مافي ضير في ذالك راي يمكن يكون صواب ويمكن يكون صح:victory:

[intesar]

يعني كيف صواب وكيف صح أخ حسن..

[intesar]

أخ حسن يمكن أنت ما تفكر الا بنية حسنة بس فيه ناس قلوبها سوده وضمايرها ميتة.. وتلاحق البنات بحجة تحميهم من غلطاتهم.. ولا وتطلع عليهم كلام.. بحجة النصيحة..
يعني حركات يا أخي.. مجتمعنا مازال يفكر بنفس تفكير ذيك الأيام أيام جنغل زوووون..

[حسن]

يعني كيف ثواب وكيف صح أخ حسن..

من وين جبتي الكلام هذا ممكن ترويني ترى عيوني مبطله اشوف لاتخفين محاسب

:victory:

[وذنـان]

في نظري يعتمد على الشخص ..
إذا كان من المشاهير من المشايخ والعلماء أو المسؤولين فالأحرى أن يكونوا معروفين بأسمائهم وصورهم لأن نفعهم نفع متعدي ..
أما الأشخاص العامة فإن كان رجلاً فلا بأس بما يضع من اسم أو صورة ( مع المحافظة على الإحترام والحشمة ) وإن كانت فتاة فالأرجح عدم وضع اسمها واختيار نيك نيم وصورة مناسبين ( مع المحافظة على الإحترام والحشمة ) لاسيما أن البنت شرف وسمعة ...
تبقى هذه وجهة نظر خاصة بي ...

[ام ناصر1]

ياجماعه يمكن الله يسووق لها نصيب ان بعض الضن اثم ويعدين الاول ماعاد في صور مثل الجوازات وغيره
وكان شي نكره نحط صور في الجوازات الوضع تغير ياجماعه الاول توظيف الحريم كله مدارس الحين غير
كلش كلش الله يقطعهم وش يبون فيني ادوام عشر سنين قاعد متكي رججعت شفت الوضع غير غير غير

انا راي مافضل وضع صوره للبنت الغير متزوجه اما اذا كانت متزوجه ودار عليها احوال وانجبتن
4اولا وبنتين مافي ضير في ضلك راي يمكن يكون صواب ويمكن يكون صح:victory:
هاي الرد يذكرني بمشكلة اوالاختلاف في الفتوى ...هل يجوز تغطية الوجه اولا ...
وامثلة الجواز اعتقد سمح به للضرورة وللحاجة الامنية ...وليس للحاجات الشخصية ...
والستر للمرة هو المطلوب سواء كانت متزوجه او مطلقه او آنسه .....شرعا وعرفا

[حسن]

يعني كيف صواب وكيف صح أخ حسن..

اها الحين عدلتي مشكله انتي مايمر عليك شي انا بالعانيي كاتبه يعني راي صح في كلتا الحالتين
هذه يسمونه في تاكيد الصح لازم يكون قبله صواب :)اعتقد الحين وصلت صح :rolleyes2:

[intesar]

وأنا أدري انك تقصد رأيك صح بالحالتين..

[حسن]

أخ حسن يمكن أنت ما تفكر الا بنية حسنة بس فيه ناس قلوبها سوده وضمايرها ميتة.. وتلاحق البنات بحجة تحميهم من غلطاتهم.. ولا وتطلع عليهم كلام.. بحجة النصيحة..
يعني حركات يا أخي.. مجتمعنا مازال يفكر بنفس تفكير ذيك الأيام أيام جنغل زوووون..

يانتصار تفائلو بالخير تجدوه انا علي من الظاهر اما الباطن الله اعلم مافي الصدور

يقول المثل سوى خير وقطه بحر ماخذ ولا اعامل الناس على انه ضمايرها ميته

اذا حسيت من شخص في شي انا طبعي اسئل واتحري كذا شخص وبعدين اشوف الاراء للتاكيد على الشخص
وبعدين ابتعد عنه وبس

شوفي من كم يوم مريت على واحد في عمله لاني كنت قريب منه واتصلت فيه ومايرد على لما زرته قلت له خير
ماترد على قال ليش ارد :weeping:قلت له خير قال انت كم مره تغلط على :eek5:قلت له مثل ايش قال العام
وانا امشي معاك نسووي رياضه قلت حسبي الله عليك :omg:قلت له يمكن اتغشمر معاك قال لا حلفت له ابدا
وقعد يقول انا وانا لو بغيت ادخل على طويل العمر اقدر على طول :eek5:قلت له وانه مثلك قال لا انت ماتقدر
المهم حسين منه انه عنده عقدده نرجسيه والتعالي تركته وعلى طول تصلت لصديق له وخبرته ايش فيه هذا الرجل
قال توك تعرف كل يوم زعلان علي ويلومني المهم خذت فكره عنه وثاني يوم وانا في السجل العقاري الى واحد اعرفه
صديق المذكور ولا يقولي ماتمر عليه قلت له امس كنت عنده بس كان بدر منه تصرفات اشوفها تعيبه ووشايف نفسه
ولا يقولي يارجال وسع صدررك هذا من زمان معانه يزعل ويرض ويحب يغشمر الناس ويستهزي ولا يحب حد
انه يغشمره يشوف حاله انه من الطبيقه المخمليه
قلت خله يولي وحد عليه اكسييين بعد على فكره يوم كنت عنده يقولي انت مطرش مسج في كلام وسخ قلت له لا
وانا اسمي مهب مسجل قال بلا رواني اسماء واحد كاتبه ماستحي واحد كاتب مارد عليه وحاط اكس عليه
الصراحه استغربت ممنه عرفت انه في خلل تفسي كبير والله يعينه على نفسه المهم من القصه اني ماحكمت عليه
من خلال موقف معي انما سئلت وتاكدت من كل ربعه ها ذكرتيني ان امحي اسمه من جميع الذاكرات عندي
والحمدلله الربع عندي الله مكثرهم والله يشفي صاحبنا
بس تعبت اوف

[المسك1969]

إلا هذا تويتر لين الحين ما أعرف له... وشركتني فيه وحده من ربعي بأسمي الحقيقي وأنا أعتز وافتخر بأسمي

واعتز وافتخر أيضا أن لي نك وعلى المرء سواء دخل بإسمه الحقيقي أو نك (اسم مستعار) فيجب أن يحافظ على سمعته وعلى مكانته بين الناس ولا يستغل الأمر ليكون ذو وجهين والعياذ بالله فهذا سيكون شخص مريض... عافانا الله وإياكم

ولكن وضع صورة المرأة نفسها ... غير مرغوبه الصراحة ولا حاجة لها وإن كانت مشهورة (خلاص يعرفون شكلها بعد ليش ترز الصورة)...

وتبون الصج حتى الرجل عليه ألا يضع صورته لأن في الصورة فتنه لبعض النساء وأنتم معشر الرجال لا تدرون بنفسيات النساء كما أن النساء لا تدري بنفسيات الرجال وتفكيرهم.

أو تلاقي وحدة حاطه صورة حلوه وهي في الأصل جيكرة وإلا ريال شيبه حاط صورته وهو شاب أو صورة أحد غير ممثل أو خلافه

عموما أنا أرى أن ليس عيبا بوضع الأسم فكثير من الناس المختبئين تحت اسماء مستعارة يستغلونها بطريقة غير لائقة وهو تصرف يدل على خلل ما في شخصية ذلك الأنسان عافانا الله وإياكم

جزاكم الله خيرا

[Locale]

رايي من راي اختي مسك
حتى الرجال ليش يحط صورته دام انه مب معروف وشخص عادي
اشوف الأنسب الشخصيات المعروفه يحطون صورهم شيخ مفتي مستشار ومحامي وغيره

[intesar]

يانتصار تفائلو بالخير تجدوه انا علي من الظاهر اما الباطن الله اعلم مافي الصدور

يقول المثل سوى خير وقطه بحر ماخذ ولا اعامل الناس على انه ضمايرها ميته

اذا حسيت من شخص في شي انا طبعي اسئل واتحري كذا شخص وبعدين اشوف الاراء للتاكيد على الشخص
وبعدين ابتعد عنه وبس

شوفي من كم يوم مريت على واحد في عمله لاني كنت قريب منه واتصلت فيه ومايرد على لما زرته قلت له خير
ماترد على قال ليش ارد :weeping:قلت له خير قال انت كم مره تغلط على :eek5:قلت له مثل ايش قال العام
وانا امشي معاك نسووي رياضه قلت حسبي الله عليك :omg:قلت له يمكن اتغشمر معاك قال لا حلفت له ابدا
وقعد يقول انا وانا لو بغيت ادخل على طويل العمر اقدر على طول :eek5:قلت له وانه مثلك قال لا انت ماتقدر
المهم حسين منه انه عنده عقدده نرجسيه والتعالي تركته وعلى طول تصلت لصديق له وخبرته ايش فيه هذا الرجل
قال توك تعرف كل يوم زعلان علي ويلومني المهم خذت فكره عنه وثاني يوم وانا في السجل العقاري الى واحد اعرفه
صديق المذكور ولا يقولي ماتمر عليه قلت له امس كنت عنده بس كان بدر منه تصرفات اشوفها تعيبه ووشايف نفسه
ولا يقولي يارجال وسع صدررك هذا من زمان معانه يزعل ويرض ويحب يغشمر الناس ويستهزي ولا يحب حد
انه يغشمره يشوف حاله انه من الطبيقه المخمليه
قلت خله يولي وحد عليه اكسييين بعد على فكره يوم كنت عنده يقولي انت مطرش مسج في كلام وسخ قلت له لا
وانا اسمي مهب مسجل قال بلا رواني اسماء واحد كاتبه ماستحي واحد كاتب مارد عليه وحاط اكس عليه
الصراحه استغربت ممنه عرفت انه في خلل تفسي كبير والله يعينه على نفسه المهم من القصه اني ماحكمت عليه
من خلال موقف معي انما سئلت وتاكدت من كل ربعه ها ذكرتيني ان امحي اسمه من جميع الذاكرات عندي
والحمدلله الربع عندي الله مكثرهم والله يشفي صاحبنا
بس تعبت اوف


بس مايصير تفتش ورا الناس اللي ماعجبك ابعد عنه وخلاص..

[الصغيره]

؛


تويتر مجتمع افتراضي جميل من خلاله نتواصل مع شخصيات كان من الصعب الوصول لها ونقدر الان نتحاور او نستشير او نكون متابعين صامتين لمن نحب


لكن لاحظت بعض الشخصيات الغير مشهورة بنات عاديات لكن تحب توصل للشهره تسجل بتويتر باسمها الكامل وتضع صورتها وتتابع ويكون لها متابعين

حبيت اطرح الموضوع لمعرفة ارائكم حول هذا الامر هل من اللائق عرفياً ومجتمعياً تواجد البنت في تويتر بهويتها الشخصية وصورتها الشخصية حتى لو كانت لاتكتب الا المفيد ومشاركاتها محترمة ؟

مؤيد ام معارض؟

استغفر الله العلي العظيم

التويتر وفهمناه لكن بعد الاستغرام اللي هابين فيه وكل وحده حاطه حتى صورة غرفتها وعطرها وساعتها وسيارتها وعنوانها


الصراحه قلة حياء ومسخره

شكرا لك على الموضوع الرئع

[حقيقه]

كيفهم

[ضوى]

انا مسجلة بكل مواقع التواصل الاجتماعي باسمي واسم
عايلتي ، عادي جدا واغلب اللي معاي اهلي واهل زوجي وبعد مسجلين باسمائهم ماشوف فيها شي ، لكن صورة شخصية لا مالها داعي ابدا لاني مش شخصية مشهورة ولا صاحبة نفوذ ، الاسم ماشوف فيه شي لكن صورة لا ابدا مالها سنع واصلا صور بنات مالها سنع تنحط خاصة اذا كانت مبتذلة

[رهج السنابك]

وشو الانستغرام انا يادوبي عرفت تويتر وانصدمت اشكثر بنات طلعت اعرفهم موجودات فيه باساميهم الشخصية ووظيفتهم وبعضهم بالصور
لدرجة اني فكرت ان الموضوع متقبل وعادي من كثر اللي داشين باساميهم

تويتر احسه غير عن باقي المواقع من الاساس هدفه هو عمل شبكة تواصل بين الاصدقاء وفعلا لقيت صديقات قديمات عرفتهم وقدرت اوصل لهم من اساميهم بالرغم اني لقيت ارائكم اغلبها ضد

انا اشوف الصورة صح مافي داعي لها خاصة لو وحده عاديه مب مشهورة لا كاتبه ولا صحفيه ولا رئيسة تنفيذية بس الاسم ممكن اتقبله

عن نفسي لا فكرت ولا بفكر اسجل باسمي او احط صورتي

الاسم عيب
والصورة حرام

:)

[(الفيصل)]

أجزم أن كل انثى تضع صورتها(الشخصية) لها أسبابها ، وهي تختلف بإختلاف نوع الصورة ، فمن بين هذه الاسباب:

1- البحث عن زوج .

2- ضرب العادات والتقاليد أو الدين عرض الحائط (بحسب الصوره)

3- الرغبة بالظهور والشهره للحصول على منصب.(وشوفوني انا هنا)!!.

4- سوء خلق أو قلة دين.

5- الرغبة في إقامة علاقات آثمة مع الرجال أو النساء -بحسب الاحوال-.

6- التشهير والانتقام من صاحبة الصورة (الاصلية) وهذا أمر حصل فعلياً.

7- لاتعني لها العادات أو التقاليد شيئاً بالفعل ، وقد تربت على ذلك.

[حميداني]

ان البنت بانت بصوره محترمه فلا مانع من وجود صورتها والاسم ما اشوف عليه باس
شخصياً ما افضل الصوره تنعرض للجنسين لكنه شي عادي

فأنا مع لمن كان قد المسؤوليه وضد لمن كان مب قدها
الموضوع يعتمد على الشخص نفسه

[l0o0rd-qtr]

لو انها كاتبه بتلقون كتاباتها في الجرايد اشمعنى تويتر

والشي الثاني شنو المواضيع اللي تكتبها هل هي مفيده وذات اهميه !

[l0o0rd-qtr]

الافضل على المراه ان ماتحط اسمها الحقيقي في مثل هالمواقع خوفا من استغلال البعض لهذه الحسابات والتشهير بالمراه

[خليفـة]

أجزم أن كل انثى تضع صورتها(الشخصية) لها أسبابها ، وهي تختلف بإختلاف نوع الصورة ، فمن بين هذه الاسباب:

1- البحث عن زوج .

2- ضرب العادات والتقاليد أو الدين عرض الحائط (بحسب الصوره)

3- الرغبة بالظهور والشهره للحصول على منصب.(وشوفوني انا هنا)!!.

4- سوء خلق أو قلة دين.

5- الرغبة في إقامة علاقات آثمة مع الرجال أو النساء -بحسب الاحوال-.

6- التشهير والانتقام من صاحبة الصورة (الاصلية) وهذا أمر حصل فعلياً.

7- لاتعني لها العادات أو التقاليد شيئاً بالفعل ، وقد تربت على ذلك.


بيض الله وجهك اخوي الفيصل واتفق معاك في كل حرف كتبته
وازيدعلى كلامك اخوي بعضهم يحطون صور لاهداف رخيصة مثل :
شوفوني ناعمة وحلوة وانوثة ودلع

مرض نفسي الله يعافينا
الله يهدي الجميع
:)

[شمووع]

لاأسم ولا صورة
موضوع لانقاش فيه عندي

[ام ناصر1]

أجزم أن كل انثى تضع صورتها(الشخصية) لها أسبابها ، وهي تختلف بإختلاف نوع الصورة ، فمن بين هذه الاسباب:

1- البحث عن زوج .

2- ضرب العادات والتقاليد أو الدين عرض الحائط (بحسب الصوره)

3- الرغبة بالظهور والشهره للحصول على منصب.(وشوفوني انا هنا)!!.

4- سوء خلق أو قلة دين.

5- الرغبة في إقامة علاقات آثمة مع الرجال أو النساء -بحسب الاحوال-.

6- التشهير والانتقام من صاحبة الصورة (الاصلية) وهذا أمر حصل فعلياً.

7- لاتعني لها العادات أو التقاليد شيئاً بالفعل ، وقد تربت على ذلك.







بيض الله وجهك اخوي الفيصل واتفق معاك في كل حرف كتبته
وازيدعلى كلامك اخوي بعضهم يحطون صور لاهداف رخيصة مثل :
شوفوني ناعمة وحلوة وانوثة ودلع

مرض نفسي الله يعافينا
الله يهدي الجميع
:)

نظرات سلبية ومجحفه بحق المرأة ..كلاكما يبحث في النوايا ولا يرى سوى الاهداف السيئة ...
وفي الحقيقة ..الامر متعلق بالعرف الاجتماعي والديني ...هل انت ملتزم به مع اي وسيلة
من وسائل الاتصال ... رجل كنت ام انثى
ودعوا الخلق للخالق يحاسبه على العمل ويجازيه عليه ...فمن راقب الناس مات هما

[حميداني]

نظرات سلبية ومجحفه بحق المرأة ..كلاكما يبحث في النوايا ولا يرى سوى الاهداف السيئة ...
وفي الحقيقة ..الامر متعلق بالعرف الاجتماعي والديني ...هل انت ملتزم به مع اي وسيلة
من وسائل الاتصال ...



اتفق مع ام ناصر في هذا الرد ، الافتراضات ما تلزم الواقع
وربك الوحيد العالم بالنوايا ومافي الصدور ..فخطأ نعمم لحكم لوجود بعض الشواذ فيه
فهذا ظلم للي يستعملونه بطريقه صحيحه وبنوايا سليمه

[ضوى]

نظرات سلبية ومجحفه بحق المرأة ..كلاكما يبحث في النوايا ولا يرى سوى الاهداف السيئة ...
وفي الحقيقة ..الامر متعلق بالعرف الاجتماعي والديني ...هل انت ملتزم به مع اي وسيلة
من وسائل الاتصال ... رجل كنت ام انثى
ودعوا الخلق للخالق يحاسبه على العمل ويجازيه عليه ...

لسان الحال يردد هل شققت عن صدورهم !!!!

[اوف ليميت]

في ناس ردودهم حلللللللللللوه بس يخورونها اخر سطر
وفي ناس ردودهم باااااااااااااايخه ولكن يقولون الحق بآخر سطر

لا واقع لا خرابيط لا مجتمعنا لا تقاليد
ولا لها علاقة لا بالإيمان ولا بالدين
ممكن فقط .. عُــــرف

اللي يقول صوره محجبه او متغشيه..بعد..وش الفايده اذا محد بيعرفها عيل ليش بتحط هيئه؟ اتحط صورة جني ابركلها دام نفس الشي...بتوصل لشي بهالحركه؟
واللي يقول اسم بس يكفي م حرام..ندري مش حرام..بس درء المفاسد مقدم على جلب المصالح..بتضر اهلها او زوجها او من يرتبط بها مستقبلا..وبعد مافي فايده من الاسم
والبعض صحيح يبون الشهره او الارتباط بناس مرتاحه حيل ولو بالحرام او بالتشهير بأنفسهم..عالاقل يضمنون يتعلقون بأول الخيط..مايدرون ان في ملايين الاسماك فالبحر..والصياد يوم انها تفكر تعلقت بسنارته..خلها تعيد اتفكر انه ه اللي اصلا تعمد وقطلها الخيط صوبها
;p
الكل له مايسعى اليه ويوصل لمبتغى من اي شي..حلال ام حرام

اللي يبي يحط يحط..واللي مايبي يحط لايحط
البنت اللي مش تزوجه اللي ماتحط لا اسم ولاصورة فهي ياماشيه برضاها عالعرف والتقاليد ودرءاً للشبهات .. الله يحفظها ويستر عليها ويزوجها ابن الحلال
والبنت المتزوجه وماتحط..صاينه نفسها ايضا وعارفه ان زوجها من النوعيه اللي يغار عليها من النسمه ومايعجبه هالشي..ولربما مستقبلاً فيه مساس لسمعته وشرفه لان في مرضى كل يوم يطلعون

البنت اللي مش متزوجه وتحط الصوره او الاسم .. للحين يا مارتقت بالفكر "الصحيح".. فالحفظ والمصونه من الارتقاء في الاخلاق والدين وفرض للاحترام..ويمكن تكبر شوي وتتعلم وتعرف لى صار اللي صار وحد من اهلها درى..فالبعض يغار على اهله من أقل الأمور .. وهي مش حاسه بهالشي لانها ربما دلوعة اهلها او مش متعمقه بهالامور

البنت اللي متزوجه وحااااطه اسمها كامل وصورتها..يا محثلتها..يا انه الحبيب "بارد"..ومابي ازيد الكل يدري

باستثنااااااااااااااااااااااااااء الشخصيات من الرجال والنساء..كل واحد ومركزه والحاح الضرورة له او لعمله..ولو اني ماشوف في اي ضرورة للمرأه انها تكشف نفسها او شي عنها
فهي تلقي بمعلومات عنها او بشكلها فالشارع..وتحط من قدر نفسها بنفسها ولاتصون نفسها وانما القت بها وارخصت شكلها او اسم تحمله

بس سؤال للذكور اللي ضد هالفكره
زين انتو اكثركم تشتغلون باماكن خلط
ورضيتوا بالخلط
ويمكن حد من اهاليكم يشتغل بمكان خلط
يعني لو حد يبي يعرف..بيعرف عنك او عن هلك بكل سهوله..البلد صغير ترى

وسؤال للاناث اللي مع هالفكره
كل يوم تطلعون بشي يتحلل ويصير من الدين "بالضروره" بالنسبه لكم
كيف؟ .. في مجلس ديني خاص بالنساء تتم فيه انشاء واعتماد قرارات؟
نبي تسجيل صوتي للفقرات عشان نستفيد ونعرف ايش الاعتمادات اللي انبنت عليها الفتاوى
وللا الصوت الحين صار عوره بعد؟ خخخ
اي صح الصوت عوره..الاسم ليس عوره
واشياء ثانيه بس مابي حد يسبني

:]

[دانة الطواش]

لا الاسم ولا الصورة لها داعي وش فيها لوكانت رموز وصور طبيعية ، والا أفكارهم ماتطلع الا اذا اكتبوا الاسم وحطوا الصورة ، والي تكتب باسمها وصورتها ناس تحب الشهرة وتتوقع وش الي بيصير حق صورتها بعد فترة وتأخذ السابقين لها عبرة لان في نفوس ضعيفة داخل المجتمع وخارجة والله يستر على الجميع .

[أم حمد]

وشو الانستغرام انا يادوبي عرفت تويتر وانصدمت اشكثر بنات طلعت اعرفهم موجودات فيه باساميهم الشخصية ووظيفتهم وبعضهم بالصور
لدرجة اني فكرت ان الموضوع متقبل وعادي من كثر اللي داشين باساميهم

تويتر احسه غير عن باقي المواقع من الاساس هدفه هو عمل شبكة تواصل بين الاصدقاء وفعلا لقيت صديقات قديمات عرفتهم وقدرت اوصل لهم من اساميهم بالرغم اني لقيت ارائكم اغلبها ضد

انا اشوف الصورة صح مافي داعي لها خاصة لو وحده عاديه مب مشهورة لا كاتبه ولا صحفيه ولا رئيسة تنفيذية بس الاسم ممكن اتقبله

عن نفسي لا فكرت ولا بفكر اسجل باسمي او احط صورتي

الاسم عيب
والصورة حرام

:)


الاسم عيب !
ذكرتيني بالفئه اللي تنحرج من ذكر أسم أمها أمام الرجال !

احترم رايك !

عن نفسي ضد الصورة !
لكن مع الاسم الحقيقي وضد الاسم المستعار !
المغرد يفرض احترامه!


لك خالص احترامي وتقديري

[أم حمد]

للعلم الاغلب معارض لان مايدري وش طبخة التويتر !

[خليفـة]

نظرات سلبية ومجحفه بحق المرأة ..كلاكما يبحث في النوايا ولا يرى سوى الاهداف السيئة ...
وفي الحقيقة ..الامر متعلق بالعرف الاجتماعي والديني ...هل انت ملتزم به مع اي وسيلة
من وسائل الاتصال ... رجل كنت ام انثى
ودعوا الخلق للخالق يحاسبه على العمل ويجازيه عليه ...فمن راقب الناس مات هما

اختي ام ناصر
محد يبحث في النوايا بارك الله فيج
احنا نتكلم عن الظاهر لنا .. اما الخفايا فعلمها عند الله
ولو حبيتي نتكلم عن العرف الاجتماعي والديني
ما اعتقد الي تحط صور فيها اغراء يهمها هالجانبين ولا اعتقد ان نواياها شريفة ونبيلة
وخصوصا لما تكون صور فيها اثارة لغرائز الرجل

الانسانة المحترمة والخلوقة بتمتنع عن وضع مثل تلك الصور
بغض النظر ان كان في نظرها مجرد موقع تواصل وانترنت لا اقل ولا اكثر

اضافة اخرى .. فيه حريم يحطون صورهم على البي بي
والمسنجر وهم ضايفين رجال معاهم

تعتقدين هالنوعية من النساء يهمها الوازع الديني او الاجتماعي ! او نواياها نبيلة !
وخصوصا لما تكون صور شخصية لها وهي بلباس البيت والنوم !

مسالة ان الخلق للخالق هذا امر لا جدال فيه
احنا حطينا راينا لمجرد ايصال معلومة لكل من فيها مثل تلك الصفات الرخيصة : ان المتضرر الوحيد من اللعب بالنار هو انتي وليس الرجل او من تحاولين اثارته

وفي النهاية كل انسان مسؤول عن تصرفه
ذكر او انثى

وسلامتج

:)

[مهرة]

من وجهة نظري وبعرفنا الدائم ومجتمعنا القبلي البنت بالذات في أغلب مواقع التواصل ماله داعي اتحط لا اسمها لا صورتها اذا بعض البنات بمجرد ماتفكر ادش هالمواقع اتخاف فكيف اذا فكرت اتحط اسمها وكيف اذا فكرت تتجرأ وتحط صورتها ..!!

انا بهالمنتدى واشوف الي ماينشاف سواء من فكر وتربية وصور وخاصة للبنات شاب شعر راسي وراح نص مخي فكيف اجازف وادخل هالفيس بوك ولا تويتر ..

انا ماتفقع مرارتي الا الي اتحط صورة عينها جعلها البط وهي متلثمة ولا وحدة بمكياج ومتنقبة والنقاب براء منها ويمكن مالبسته الا حق هالصورة ..! خلاااااااااااص لاعت جبدنا منهم ومن صورهم السخيفة والي تدل على مدى اسفاف عقلية اصحابها .. >>>> كله بصوووب والي اتحط صور حنة ادينها ولا ارجولها بصوووب اوووووف على أساس محد يعرف الحنا ..!

انا مانكر الدور الفعال لتويتر بالذات لبعض الشخصيات الدينية والاجتماعية والثقافية الي فعلاً اتفيد الشخص العاقل وتؤثر عليه وتسهل علية واتجيب على التساؤلات ومع ايجابياتهم وسلبياتهم ومع عدم فرض الرأي أو بناءه على هفوة او زلة او اقتناع خاص فيهم ونغير شخصياتهم على هوانا او نحكم عليهم غيابيا من منظورنا الضيق ..!

يعني بالعامي خذ وخل ..!

سلامي يالأرستقراطية أصبتي في موضوعك لهذا اليوم .. >>> وينج من زمااااااان عن المنتدى عوداً حميداً

[ضوى]

من وجهة نظري وبعرفنا الدائم ومجتمعنا القبلي البنت بالذات في أغلب مواقع التواصل ماله داعي اتحط لا اسمها لا صورتها اذا بعض البنات بمجرد ماتفكر ادش هالمواقع اتخاف فكيف اذا فكرت اتحط اسمها وكيف اذا فكرت تتجرأ وتحط صورتها ..!!

انا بهالمنتدى واشوف الي ماينشاف سواء من فكر وتربية وصور وخاصة للبنات شاب شعر راسي وراح نص مخي فكيف اجازف وادخل هالفيس بوك ولا تويتر ..

انا ماتفقع مرارتي الا الي اتحط صورة عينها جعلها البط وهي متلثمة ولا وحدة بمكياج ومتنقبة والنقاب براء منها ويمكن مالبسته الا حق هالصورة ..! خلاااااااااااص لاعت جبدنا منهم ومن صورهم السخيفة والي تدل على مدى اسفاف عقلية اصحابها .. >>>> كله بصوووب والي اتحط صور حنة ادينها ولا ارجولها بصوووب اوووووف على أساس محد يعرف الحنا ..!

انا مانكر الدور الفعال لتويتر بالذات لبعض الشخصيات الدينية والاجتماعية والثقافية الي فعلاً اتفيد الشخص العاقل وتؤثر عليه وتسهل علية واتجيب على التساؤلات ومع ايجابياتهم وسلبياتهم ومع عدم فرض الرأي وا بناءه على هفوة او زلة او اقتناع خاص فيهم ونغير شخصياتهم على هوانا او نحكم عليهم غيابيا من منظورنا الضيق ..!

يعني بالعامي خذ وخل ..!

سلامي يالأرستقراطية أصبتي في موضوعك لهذا اليوم .. >>> وينج من زمااااااان عن المنتدى عوداً حميداً

الحمد لله من سجلت بتويتر والفيس بوك ماعندي اي واحدة تتجرا تحط لي هالصور المخزية ، والله بيجيها كلام لا صار ولا استوى :anger1:

عسى ماشر اللي تحط صورة صبعها والا ظفرها ووول مال اول هالحركات

[خليفـة]

الحمد لله من سجلت بتويتر والفيس بوك ماعندي اي واحدة تتجرا تحط لي هالصور المخزية ، والله بيجيها كلام لا صار ولا استوى :anger1:

عسى ماشر اللي تحط صورة صبعها والا ظفرها ووول مال اول هالحركات

والنعم فيج اختي ضوى
لو الكل تصرف بنفس طريقتج هذي
كان اختفت ظاهرة انتشار هالحشرات بين الناس
بارك الله فيج .. وكثر الله امثالج

خليفة

[ضوى]

والنعم فيج اختي ضوى
لو الكل تصرف بنفس طريقتج هذي
كان اختفت ظاهرة انتشار هالحشرات بين الناس
بارك الله فيج .. وكثر الله امثالج

خليفة

وبارك الله فيك اخوي خليفة

والله واحدة من بنات حمواتي حاطة صورة ممثلة بنص كم في حسابها عالتويتر ، مسكتها وكلمتها وقلت لها انتي الحين تحطين ادعية النوم واذكار الصباح والمساء اشلون تخربين الاجر بالصورة البايخة الي حطتها ، والله تقولي تصدقين عمري مافكرت بهالطريقة بس صج كلامج اشلون هالتناقض والله بروحها قالت هالكلمة والحمد لله غيرتها وحطت صور ورود ، ترا بناتنا فيهم خير بس يبي لهم شوي توعية وتنبيه

[خليفـة]

وبارك الله فيك اخوي خليفة

والله واحدة من بنات حمواتي حاطة صورة ممثلة بنص كم في حسابها عالتويتر ، مسكتها وكلمتها وقلت لها انتي الحين تحطين ادعية النوم واذكار الصباح والمساء اشلون تخربين الاجر بالصورة البايخة الي حطتها ، والله تقولي تصدقين عمري مافكرت بهالطريقة بس صج كلامج اشلون هالتناقض والله بروحها قالت هالكلمة والحمد لله غيرتها وحطت صور ورود ، ترا بناتنا فيهم خير بس يبي لهم شوي توعية وتنبيه

بارك الله فيها ولها الاجر ان شاء الله
ومافيه شك اختي بناتنا فيهم خير ان شاء الله
والنسبة الاكبر منهم يخافون الله لله الحمد
بس تبقى فئة بسيطة .. الله يصلحهم ويهديهم ان شاء الله

[حبر وقرطاس]

تحط صورتها او اسمها

داخل مخ كل شاب اهي. . الله يستر علي بناتنا ويحفظهم


اذا البعض يرفض النظره الشرعيه بسبب العادات والتقاليد عيل بنت تحط صورتها او اسمها الكامل

تحط صورتها او اسمها تحسبا للعريس المنتظر كخطوه احترازيه للمستقبل المظلم
ههههههههه

[ms-qtr]

الاسم شي عادي جدا
لكن الصورة خط احمر
حتى لو بالشيلة والعباية مجتمعنا ما يتقبل
ونادر ما نجوف بنات حاطين صورهم

[The Master]

امممممم...
الاسم اشوف انه عادي...وبالنسبه لي افضله ع الاسم المستعار...لان ب الاسم الواحد يحاسب ع كلمته ويثمن كلامه...:nice:

اما عن الصوره...خل تنثبر ابرك لها :secret:

[مهرة]

الاسم شي عادي جدا
لكن الصورة خط احمر
حتى لو بالشيلة والعباية مجتمعنا ما يتقبل
ونادر ما نجوف بنات حاطين صورهم


للأسف اختي العزيزة اسمحيلي اقولج غلطانه ( نادر مايحطون البنات صورهم) :rolleyes2::rolleyes2: هاي كان زمااااان.. زماني انا وانتي وغيرنا من الطيبين الحين زمن الجريئة اكثر المتحررة اكثر الخبيثة اكثر المتسلطة خفيفة العقل وضعيفة الإيمان وهذا كله يلزمنا في زمنا الحالي .. واااا خزياه

كنت مارة بالصالة وشفت اختي ( 10 سنين) قاعدة ومنهمكة بالطقطقة عالكيبورد وبقوة جيت صوبها الا كنها صفحة الفيس بوك :eek5: ؟؟؟؟ واصيح باسمها يا ....طووووط ويا ..طووووط
انتي يالبزر عندج حساب بهالموقع :omg: ؟؟ الحين اتسكرينه تحذفينه الي هو ولا ترى بقووول حق ابوي واخوي !!! وبعدين من معلمج عليه من دلج عليه ؟؟ اتقووول رفيجتها من جنسية عربية قتلها لا عاد اترافجينها ولا بجي مدرستكم وافشلها وافشلج قدام المدرسات والبنات ..!:anger1:

ومن يومها وهي اتخاف من الكمبيوتر واتصيح الحين على ايبآآآآآآآد ؟؟ وبعدين يعني ..!:rolleyes2:

[R 7 A L]

يمكن يتشبون بالمشاهير والاعلاميين الى عندنا و يحطون صورهـــم

[غموضي محيرهم]

الله يستر علينا

[لاجل QT]

امممممم...
الاسم اشوف انه عادي...وبالنسبه لي افضله ع الاسم المستعار...لان ب الاسم الواحد يحاسب ع كلمته ويثمن كلامه...:nice:

اما عن الصوره...خل تنثبر ابرك لها :secret:

هههههههههههه حلوة تنثبر:nice:

[فيزيائية]

لا اجد حرج من وضع اسمي في تويتر لأني أضع افكاري الخاصة وغير المقتبسة ...
اما الصورة اذا كانت المرأة غير مشهورة فمجتمعنا يرفض ذلك ...ولاداعي له

[خليفـة]

لا اجد حرج من وضع اسمي في تويتر لأني أضع افكاري الخاصة وغير المقتبسة ...
اما الصورة اذا كانت المرأة غير مشهورة فمجتمعنا يرفض ذلك ...ولاداعي له


هذا الكلام الي يسر الخاطر ويشرح الصدر
وجهة نظر صادرة عن قناعة وثقة بالنفس
كفوا عليج يالفيزيائية .. كثر الله امثالج
:)

خليفـــة

[لاجل QT]

لا اجد حرج من وضع اسمي في تويتر لأني أضع افكاري الخاصة وغير المقتبسة ...
اما الصورة اذا كانت المرأة غير مشهورة فمجتمعنا يرفض ذلك ...ولاداعي له

انا بعد حاطة اسمي ...وصورة من النت ..والحمدالله الامور طيبة...بس استغربت رجاجيل حاطين صورهم وهم غير مشهوريين ..وكل واحد ماشالله يقول الزين عندى ..احس صورهم فتنة اكثر من الحريم والبنات ..:eek5:

[sweet qatar]

انا مثلج ارستقراطية استغربت ان بنات وحريم وايد حاطين صورهم..

في تويتر الاسم الصريح افضل من النك..
احس النك يعطي انطباع ان البنت تتسلى او تفتح مجال للتعارف..


اما الانستغرام.. صج بتشوفين فيه العجايب..

مع اني حبيته وادمنت عليه من دخلت فيه..

انا سجلت فيه عشان الموضة والسفر وهالسوالف
وبصراحة تحدثني نفسي أحيانا اني احط صور ستايلي.. بس ما قد سويتها.. عيب :shy:

[رهج السنابك]

؛


ايه يا ام حمد اسم البنت عيب :)

لو مب عيب ممكن زوجج او اخوج وهو بالمجلس يذكر اسمج قدام الريايل؟ ممكن يسويها ويقول مرتي حصه ولا مريم ؟

احنا البنات نشوفها عادي ونقول اسمي وافتخر فيه ومب عيب لكن لو جيتي للصج لا عيب وفيها حرج وماشفت ريال يقعد يذكر اسم هله قدام حد

الا بالعكس مايقول حتى مرتي يقول الاهل عاد افهموا ان الاهل يعني المدام :) :)

؛

[رهج السنابك]

سويت

؛

الانستغرام نزلته بس يطلب مني ادش باسم وباسوورد؟!!!! ومافي مكان اسجل منه !! لازم يكون عندي يوزر وباسوورد شلون جذي! ؛؛؛؛


انتي معارضة للتسجيل بالنك وتطلبين التسجيل بالاسم الصريح شوفي رد الشباب فوق يقولون البنت اللي تسجل باسمها الصريح يعني تدور زوج :( ياربي شنو هالتفكير بس

[sweet qatar]

شوفي رد الشباب فوق يقولون البنت اللي تسجل باسمها الصريح يعني تدور زوج :( ياربي شنو هالتفكير بس

شنوووو :eek5:

يا ويلي.. انا مسجلة باسمي بس والله العظيم مالي خص بهالكلام.. عيب عليهم يقولون جذي :weeping:

تراني مسوية فولو حق ناس متخصصين ولا مطاوعة..


يعني شدخل الله يهداهم.. صج شي يقهر ويحز في الخاطر..
احس اني صخنت.. معقولة الناس تفكر فيني جذي..!!


النك نيم فيه نوع من الاغراء لانه يداعب الخيال..
بعكس الاسم الصريح.. محد يتعرض لج..

واصلا انا ما دخلت تويتر اتعرف.. دخلت استفيد..
دين وثقافة وفاشن وشعر.. وما ادخله الا اذا تمللت..


اما الانستغرام.. عالم ثاني.. تخيلي الموضة تعرفينها اول باول بالصور..
ميك اب / شوز / هيرستايل/ شنط/ اكسسوارات / ديكور..
بنات من كل العالم الخليج / ماليزيا / امريكا/ السويد/ النرويج/ الارجنتين..
محلات الشوكلت والفلوريست والمناسبات ينزلون لج ديزاينات وافكار خيالية..
مصممات وتاجرات قطريات ومن الخليج كله..

يعني بصراحة بتستفيدين وايد وايد..

انا مانزلت الا صور طبيعه.. مع ان صج صج نفسي توسوس لي انزل صور ستايلاتي.. واغراضي الحلوة..
لكن احس اني مب متقبلة انزل صورة شي يخصني حتى لو كان جديد في كرتونه..



"حبيبتي اول ما تنزلين البرنامج تسوين register..
بعدين تدخلين باليوزر والباسورد.."

[ANONYMOUS]

طالما الاغلب يقول عادي

اسدحوا اساميكم هنا بالمره ليش الخجل

[بوخالد911]

طالما الاغلب يقول عادي

اسدحوا اساميكم هنا بالمره ليش الخجل

معاك بو خالد911

:nice::nice::nice:

[Aaziz]

عنا احنا الشباب
سبب وضع الاسم و الصوره منطقي جدا ولا يحتاج ان اكون شخص مشهور .

لنفرض ان الاسم هو عبدالله او محمد الفلان
كم شخص تعرفه بنفس الاسم ؟
فا الصوره و الاسم مهم ليعرفك اصدقائك و زملائك

[ريم 28]

الكثير بالنسبه له الاسم شي عادي

لكن انا لا اؤيد لا الصوره ولا الاسم بالنسبه لي


طبعا من يعرفني من صديقاتي يعرفون معرفي وانتهئ الموضوع


ولست كاتبه او شخص معروف لاضطر لذلك

فالبعد والحذر واجب بالنسبه لي

[(الفيصل)]

بيض الله وجهك اخوي الفيصل واتفق معاك في كل حرف كتبته
وازيدعلى كلامك اخوي بعضهم يحطون صور لاهداف رخيصة مثل :
شوفوني ناعمة وحلوة وانوثة ودلع

مرض نفسي الله يعافينا
الله يهدي الجميع
:)

آمين آمين ، ووجهك ابيض يابودعي

نظرات سلبية ومجحفه بحق المرأة ..كلاكما يبحث في النوايا ولا يرى سوى الاهداف السيئة ...
وفي الحقيقة ..الامر متعلق بالعرف الاجتماعي والديني ...هل انت ملتزم به مع اي وسيلة
من وسائل الاتصال ... رجل كنت ام انثى
ودعوا الخلق للخالق يحاسبه على العمل ويجازيه عليه ...فمن راقب الناس مات هما


اتفق مع ام ناصر في هذا الرد ، الافتراضات ما تلزم الواقع
وربك الوحيد العالم بالنوايا ومافي الصدور ..فخطأ نعمم لحكم لوجود بعض الشواذ فيه
فهذا ظلم للي يستعملونه بطريقه صحيحه وبنوايا سليمه




لسان الحال يردد هل شققت عن صدورهم !!!!

رويداً رويداً بارك الله فيكم
لاشققت على الصدور ولم أحاسب الناس!!

انا قلت لكل (انثى) أسباب وكذلك (الرجل)ايضا
وذكرت لكم (بعض) أكرر (بعض) الاسباب التي تجعل (النساء) يضعون (صور شخصية مع اسمائهن) قاب قوسين.

وكما تعلمون كل شيء له سبب ونيه لدى صاحبه عند عمل اي شيء

فهل أستطيع أن أقول شيء بشأن الداعية / عبله الكحلاوي ،عندما وضعت صورتها في تويتر وتواصلت مع الناس ؟؟!!!

http://www8.0zz0.com/2012/10/01/22/346730654.jpg (http://www.0zz0.com)

بالتأكيد لا
وهي بذلك لها سبب في وضع الصورة ووضع الاسم ، وبالتواصل بشكل عام .

أتمنى وضحت الصورة ، جزاكم الله خيرا

[اوف ليميت]

يا اخي اصلا الكفاااااااااااااااااااااار اللي مسؤولين عن تويتير قانونهم يقولون
(اللي يجب عليه يحط صورة واسم لازم يكون شخصيه vip او ذو منصب او قرار او مشهور جدا ومعروف او صاحب بزنز ... الخ)

كل البنات العرب اللي موجودين بتويتر اصحاب مطبخ ودياي عالفحم وغسيل حوش بس
وحاطين صورهم واساميهم
يعني رايج بيعرض فالشورى ويتم الموافقه عليه

حتى زوجة الوليد اللي حسابها رسمي وفيه تفاعلات بالملايين ماحطت صورتها
انجلينا جولي وللا باريس هيلتون اللي من حقها تحط صورتها..مرات تحط ومرات تشيل ;p

بعدين السالفه مب صوره
السالفه ان شي ماله معنى
عبايه
وللا شعرتين
وللا عدسات العين وللا ظفر برتقالي عليه تاتو بالانجليزي مكتوب "حبتين والحب بعدين" هههههههههههه

شدراني عنهم

:]

[شبل الجزيره]

معارض.. وانا عن نفسي لايمكن اتزوج وحده عرضت صورتها لو شنو

[حميداني]

آمين آمين ، ووجهك ابيض يابودعي






رويداً رويداً بارك الله فيكم
لاشققت على الصدور ولم أحاسب الناس!!

انا قلت لكل (انثى) أسباب وكذلك (الرجل)ايضا
وذكرت لكم (بعض) أكرر (بعض) الاسباب التي تجعل (النساء) يضعون (صور شخصية مع اسمائهن) قاب قوسين.

وكما تعلمون كل شيء له سبب ونيه لدى صاحبه عند عمل اي شيء

فهل أستطيع أن أقول شيء بشأن الداعية / عبله الكحلاوي ،عندما وضعت صورتها في تويتر وتواصلت مع الناس ؟؟!!!

http://www8.0zz0.com/2012/10/01/22/346730654.jpg (http://www.0zz0.com)

بالتأكيد لا
وهي بذلك لها سبب في وضع الصورة ووضع الاسم ، وبالتواصل بشكل عام .

أتمنى وضحت الصورة ، جزاكم الله خيرا

رد جميل يالفيصل

[اوف ليميت]

طالما الاغلب يقول عادي

اسدحوا اساميكم هنا بالمره ليش الخجل

escape

:]