&& الذبح بالسكين .. للرجال فقط .. الدخول فقط لمن هم +18 &&

[خليفـة]

http://im15.gulfup.com/u7VQ1.jpg (http://www.gulfup.com/?hiuitq)

مساكم الله بالخير

بما ان عيد الأضحى المبارك قريب .. ومن المعروف ان هذي من المناسبات الدينية الي
يقوم فيها المسلم المقتدر بذبح الأضحية .. حبيت أطرح هالموضوع على اخواني
الأعضاء الكرام .. اتذكر وانا صغير .. كنت انتظر عودتي من صلاة العيد
لمساعدة والدي الله يطول بعمره في ذبح الأضحية .. وكنت أستمتع
بذلك ههههه ولما وصلت عمر 17 عام تقريباً .. مسكت السكين
ونحرت الخروف بنفسي بمساعدة والدي .. وكانت لحظة لم
انساها .. ذبح الأضحية في البيت يعطي للعيد طعم أخر
يختلف عن الذبح في المقصب الآلي .. بغض النظر
عن ان كان هذا الأمر مسموح او ممنوع من
البلدية .. عموما .. أحب اسأل الاخوان :
هل لديك القدر على ذبح الخروف ؟
هل تشعر انه أمر طبيعي !
ام أن قلبك ومشاعرك
يمنعونك من ذلك ؟
خليفـــة

[اللوز]

اذا بيخلوني نفس فخامة الملك محمد السادس ملك المغرب
انا أولهم
ههههههههههه

http://im21.gulfup.com/KQnh1.jpeg (http://www.gulfup.com/?Cqb0hm)

[حسن]

الله يبلغننا ونذبح ضحايانا

[Rashid554]

انا اعتقد ان انتهى زمن الذبح في المنازل .

[خليفـة]

اذا بيخلوني نفس فخامة الملك محمد السادس ملك المغرب
انا أولهم
ههههههههههه

http://im21.gulfup.com/kqnh1.jpeg (http://www.gulfup.com/?cqb0hm)

هههههههه
قلتها بنفسك اخوي
فخامة الملك

شكرا للمرور اخوي


الله يبلغننا ونذبح ضحايانا
اللهم امين اخوي بوعلي
شكرا لمرورك وما يحتاي اسألك
لاني واثق ان يدك ملطخة بدم خرفان وليس خروف واحد
هههههه


انا اعتقد ان انتهى زمن الذبح في المنازل .

صدقت اخوي .. اغلب الناس الحين تذبح في المقصب

[@north_star@]

أحلى شي تذبح بنفسك أو على الأقل فالبيت .....
وبالعكس القلب والمشاعر يشجعونك على هالشي لانه ربنا سبحانه وتعالى حلل لنا هالشي مما يدخل السرور على قلب المضحي

[نوار قطر]

http://im15.gulfup.com/u7VQ1.jpg (http://www.gulfup.com/?hiuitq)

مساكم الله بالخير

بما ان عيد الأضحى المبارك قريب .. ومن المعروف ان هذي من المناسبات الدينية الي
يقوم فيها المسلم المقتدر بذبح الأضحية .. حبيت أطرح هالموضوع على اخواني
الأعضاء الكرام .. اتذكر وانا صغير .. كنت انتظر عودتي من صلاة العيد
لمساعدة والدي الله يطول بعمره في ذبح الأضحية .. وكنت أستمتع
بذلك ههههه ولما وصلت عمر 17 عام تقريباً .. مسكت السكين
ونحرت الخروف بنفسي بمساعدة والدي .. وكانت لحظة لم
انساها .. ذبح الأضحية في البيت يعطي للعيد طعم أخر
يختلف عن الذبح في المقصب الآلي .. بغض النظر
عن ان كان هذا الأمر مسموح او ممنوع من
البلدية .. عموما .. أحب اسأل الاخوان :
هل لديك القدر على ذبح الخروف ؟
هل تشعر انه أمر طبيعي !
ام أن قلبك ومشاعرك
يمنعونك من ذلك ؟
خليفـــة

:eek5::rolleyes2: ًداشه عرض في الموضوع :rolleyes2:

[خليفـة]

أحلى شي تذبح بنفسك أو على الأقل فالبيت .....
وبالعكس القلب والمشاعر يشجعونك على هالشي لانه ربنا سبحانه وتعالى حلل لنا هالشي مما يدخل السرور على قلب المضحي

كلامك سليم اخوي
واتفق معاك اخوي ان النفسية تكون طيبة طالما ان الله سبحانه حلل لنا هالشي
شكرا للمشاركة اخوي
:)


:eek5::rolleyes2: ًداشه عرض في الموضوع :rolleyes2:

المكان مكانج اختي نوار
ونورتينا بتواجدج
:)

[عاهد بن علي]

الله يبلغنا ان شاء الله
بس عندي ملاحضه على الصوره ( كيف يذبح وراس الذبيحه على يمينه ) من المفروض ان يكون الراس على يساره

[حسن]

الله يبلغنا ان شاء الله
بس عندي ملاحضه على الصوره ( كيف يذبح وراس الذبيحه على يمينه ) من المفروض ان يكون الراس على يساره

ابوي عاهد الصوره خليفه حطها
مقلوبه يعني مثل المنظره تعكسك شفت شلون حليت اللغز

:victory:

[خليفـة]

الله يبلغنا ان شاء الله
بس عندي ملاحضه على الصوره ( كيف يذبح وراس الذبيحه على يمينه ) من المفروض ان يكون الراس على يساره




ابوي عاهد الصوره خليفه حطها
مقلوبه يعني مثل المنظره تعكسك شفت شلون حليت اللغز

:victory:

معلم معلم يا بوعلي
يعطيك العافية على الإجابة يالغالي

[ahmaaaddd]

مازلت والحمدلله أذبح في البيت
اللهم بلغنا العيد ووفقنا لذبح ضحايانا
اللهم آمين

[نوار قطر]

الموضوع منور بوجودك اخوي (:

[بن موسى]

معلم معلم يا بوعلي
يعطيك العافية على الإجابة يالغالي

طيب عندي سوال هل يجوز للاعسم الذبح

[خليفـة]

مازلت والحمدلله أذبح في البيت
اللهم بلغنا العيد ووفقنا لذبح ضحايانا
اللهم آمين
كفوا عليك اخوي
حافظ على هالعادة الطيبة
خصوصا لعيد الأضحي بارك الله فيك


الموضوع منور بوجودك اخوي (:
تسلمين يا ذوق
:)




طيب عندي سوال هل يجوز للاعسم الذبح

والله سؤالك محير اخوي
ولكن من مبدأ الآية الكريمة : لا يكلف الله نفساً الا وسعها
ان شاء الله انه يجوز
وياليت لو فيه حد أدرى مني يجاوب على تساؤلك الكريم بشكل مفصل اكثر
اكون شاكر له

[التميمي 3]

مستحييييييل أذبح والله لو مابقى في الدنيا أنا ماذبحت
بس شوفت الدم خلاص تجيني أم الركب

[خليفـة]

مستحييييييل أذبح والله لو مابقى في الدنيا أنا ماذبحت
بس شوفت الدم خلاص تجيني أم الركب

هههههههههه
هي أول مرة يا التميمي
وبعدها خلاااااص .. يصير الموضوع عندك مثل لهطة الإشطة
:nice:

[التميمي 3]

مافي أمل
إمبغينا ماتعيدنا على حساب خوفي
إي هين أذبح ( النحشه ) هههههههه

[خليفـة]

مافي أمل
إمبغينا ماتعيدنا على حساب خوفي
إي هين أذبح ( النحشه ) هههههههه

هههههههه
خلك ذيب .. بأقرب فرصة بتواصل وياك
وبخليك تحضر عملية ذبح live على يدي

قو قلبك انت بس

[التميمي 3]

لا وبعد تبيني أحضر معك وعملية ذبح مباشر وقدامي هذا اللي ناقص بعد
أقول خليفه ياخوفي تقلب علي وتذبحني من الحماس
الله يوفقك ويسعدك بعيدكم أجل

[المسك1969]

صدقت يا خليفك حفظك الله... فالعيد له مذاق خاص إن ذُبحت الذبائح في البيت

والدي حفظه الله لا زال يذبح بس أخواني يكملون السلخ وخلافه...

وللعيد طمع خااااص لمن يذبح بالبيت غير أنك تأكل لحم على الريوق:eek5: :rolleyes2: :)

[qatarshark]

مب شرط هو يذبح
احنا دايما نجيب القصاب بالبيت والوالد يمسك الذبيحة معاه
مب شرط انه يذبحه بنفسة
اما بخصوص الصورة اعتقد والله اعلم انه بالمغرب والمفروض انه يكون باتجاه القبلة يعني عكسنا تماما
وشكرا لك ياصاحب الظل الطويل قصدي الموضوع

[naklan]

هلا الغالي خليفة ومبروووك الترقية :nice:
اول ما شفت +18 روست ههههههه اخوي اول مرة ذبحت خروف
كان عمري 7 سنين كان الذبح اجباري جونا ضيوف والولد مش موجود
بس كانت القصة عجيبة اول ما رحت للخروف ابغي اذبحة صارت بيننا
نظرات انا خايف منه وهو خايف مني وكاسرته بالعيون واستسلم
وذبحته ومن بعدها صارت السالفه عادية بس ياخوك مع الكبر
هالايام ذبحت لي فروجة ونسيت لاسمي :secret: وما سميت
الى في نص الذبح الله لا يعاقبنا مادري هي حلال والا
حرام نبي الفتوى ياكبير وبعدين متى العيد
ياريس :tease: تحياتي يالغالي

[ابداع قلم]

الذبح امره هين
هو بس سدحة ذبيحة ودحسة سكين
بس الشغل صح عقب بالسلخ و والتنظيف وتقطيع الذبيحة

[النهار]

مستحييييييل أذبح والله لو مابقى في الدنيا أنا ماذبحت
بس شوفت الدم خلاص تجيني أم الركب:anger1:

:victory::victory::victory:


معقول تعال عندي خذ لك دورة صاعقه عندنا كل شهر الذباح في البيت انا وعيالي ذبح سلخ تقطيع
بعد صلاة العيد نذبح في البيت الاضحيه المذبوحه في البيت فيها ابركه

[البحار00]

للحين الاضحيه ماتنذبح الا في بيتنا كل سنه

ويازين الريوق الصبح حمسه كبده مع خبز ايراني

[بودحوم]

رجيتنا بالعنوان ياخليفة

أول شئ مبروووك عضوية التأسيس يالغالي

أما عن الذبح

بالنسبة لي الآمر عادي وياما روس طاحت على يدي:secret:

[النهار]

احب اذبح الدياي مش الخرفان


:eek5: ام ناصر تذبح عيل حريمنا بس يشوفون خاروف العيد في البيت تصيدهم ام الركب تقول حد طالب منهم الذبح:nice:

[المسك1969]

أنا أخلي أهلي يذبحون خروفي وأطرش برع بعد بس سؤال للناس اللي ما تذبح في بيتها وتطرش كله برع:

شتاكلون يوم العيد؟؟؟ لحم وإلا دجاج:confused:

[ام ناصر1]

احنا من عاداتنا نذبح بالبيت بس ايجيبون قصاب للبيت ...بس انا ما آكل لحم بتاتا ...بس دياي وسمج
فلازم نص ديايه مشويه تنحط لي على الغدا ...يوم العيد

[الصغيره]

كل عام وانتوا بخير

والله كنا صغار وكنا نشهد الاضحيه وصرنا كبار وبعدنا نشهد ذبح الاضحيه وبالبيت وعلى يد شبابنا لله يحفظهم


شكرا للموضوع ولكاتبه

[ضوى]

للحين بيت ابوي الله يرحمه يذبحون بالبيت يجيبون قصاب ، اتذكر ابوي يذبح قبل ويوم قلت عافيته جاب قصاب بس ماتذكر حد من خواني ذبح يمكن يساعدون بس مايذبحون ، ياحلو ذبح الاضحية في البيت بس انا ولا عمري ذبحت في البيت ولا طلعنا اضحية كله برع

[يراعٌ فراتي]

احلى شي
تذبح وتشوفه يرافس
تحس انك صج ارهابي هههههههههههه

اقصد ان الذبح فالبيت له طابع وكارزما خاصة وخصوصا في عيد الاضحى
ان شاء الله هالعيد نضحي ونزل لكم الصور

[(الفيصل)]

انا قلبي يعورني ماقدر (أنحره)
(أطيح فيه تفرص تفرص) لين يموت!!
:shy:

الله يبلغنا وإياكم - يوم النحر- بس

[حياة]

احنا لازم نذبح في البيت وبيت ابوي بعد
مايصلح العيد الا بذبح الاضحيه

[Dana’1]

انا قلبي يعورني ماقدر (أنحره)
(أطيح فيه تفرص تفرص) لين يموت!!


الله يبلغنا وإياكم - يوم النحر- بس



من جد وإلا؟!!

[الأصيلة]

عندما تستحضر النية وتتذكر سيدنا إبراهيم
وتحتسب أجر هذه الشعيرة العظيمة
تستطيع أن تذبح وحتى لو كنت صغير السن المهم
يكون بالغ وعاقل....
وإني لأحب رؤيــة دم الإضحية وهو يسيل على الأرض وأستشعر أحاسيس
غريبة عندما أتذكر الأجر العظيم لكل قطرة دم منها...
اللهم تقبل منـــا...

[captin]

الله يبلغنا وياك والجميع يوم النحر
ويكتب للجميع أجر هذه الشعيرة العظيمة.

أنا كنت ما أنحر بنفسي لأني عسم أستخدم يدي اليسرى
إلى فترة متاخرة وكنت أجيب قصاب للأضحية
بعدها عرفت أنه يجوز للاعسر الذبح باليسار
وقمت أنحر بنفسي واخلي السواقين في البيت يكملون
باقي الشغل من سلخ وتقطيع.

منظر الدم وهو يسيل في حوش البيت واليهال متجمعين
ونية الإنسان التقرب إلى الله بهذه الأضحية وإهداء ثوابها للوالدين
الأحياء منهم والأموات شعور عظيم وكبير وتجلب البركة في البيت.

[غايه الطواش]

[QUOTE=(الفيصل);8479407]
انا قلبي يعورني ماقدر (أنحره)
(أطيح فيه تفرص تفرص) لين يموت!!
:shy:

الله يبلغنا وإياكم - يوم النحر- بس
[/QUOTE



هههههههههههههههههههههه


بصراحه ماحب اشوف النحر تصيبني ام الركب. .... بس عادي عندي اقطع الذبيحه مع الوالده
]

[العلم]

أحلى شيء الذبح :nice:


بس إحنا نذبح فالعزبة ،،، وكان الوالد يسوي بينا تنافس بالتوقيت لكل واحد من يبتدي فالذبيحة لين يحطها كامله فالقدر 

[خليفـة]

لا وبعد تبيني أحضر معك وعملية ذبح مباشر وقدامي هذا اللي ناقص بعد
أقول خليفه ياخوفي تقلب علي وتذبحني من الحماس
الله يوفقك ويسعدك بعيدكم أجل

هههههه
لا الغالي .. ابيك تطالع بس
:nice:


صدقت يا خليفك حفظك الله... فالعيد له مذاق خاص إن ذُبحت الذبائح في البيت

والدي حفظه الله لا زال يذبح بس أخواني يكملون السلخ وخلافه...

وللعيد طمع خااااص لمن يذبح بالبيت غير أنك تأكل لحم على الريوق:eek5: :rolleyes2: :)

صدقتي اختي
وخصوصا سالفة الاكل الصبح
شي مولع
شكرا للمرور اختي


مب شرط هو يذبح
احنا دايما نجيب القصاب بالبيت والوالد يمسك الذبيحة معاه
مب شرط انه يذبحه بنفسة
اما بخصوص الصورة اعتقد والله اعلم انه بالمغرب والمفروض انه يكون باتجاه القبلة يعني عكسنا تماما
وشكرا لك ياصاحب الظل الطويل قصدي الموضوع

هههههه
صاحب الظل الطويل يسلم على صاحب السن الكبير يا شارك
:nice:
شكرا لمرورك يالغالي


هلا الغالي خليفة ومبروووك الترقية :nice:
اول ما شفت +18 روست ههههههه اخوي اول مرة ذبحت خروف
كان عمري 7 سنين كان الذبح اجباري جونا ضيوف والولد مش موجود
بس كانت القصة عجيبة اول ما رحت للخروف ابغي اذبحة صارت بيننا
نظرات انا خايف منه وهو خايف مني وكاسرته بالعيون واستسلم
وذبحته ومن بعدها صارت السالفه عادية بس ياخوك مع الكبر
هالايام ذبحت لي فروجة ونسيت لاسمي :secret: وما سميت
الى في نص الذبح الله لا يعاقبنا مادري هي حلال والا
حرام نبي الفتوى ياكبير وبعدين متى العيد
ياريس :tease: تحياتي يالغالي

حي الله اخوي نكلان وربي يبارك فيك يالغالي
عاد الله يهداك من سبع سنوات تذبح ؟؟
ارهابي
ههههههه
ماشاء الله عليك

بالنسبة للفروجه الي ذبحتها .. ان شاء الله ماعليك شي يالغالي
طالما انك ناسي ولم تقصد
شكرا لمرورك العطر


الذبح امره هين
هو بس سدحة ذبيحة ودحسة سكين
بس الشغل صح عقب بالسلخ و والتنظيف وتقطيع الذبيحة
صدقت يالغالي
الفن والشغل العدل في السلخ والتقطيع
ولا سالقة الذبح مقدور عليها
على قولتهم كلها دحسة سكين وانتهت السالفة
ههههه
شكرا للمشئاركة اخوي


للحين الاضحيه ماتنذبح الا في بيتنا كل سنه

ويازين الريوق الصبح حمسه كبده مع خبز ايراني

ههههههه
مشاركة شهية
شكرا لك اخوي
:nice:


رجيتنا بالعنوان ياخليفة

أول شئ مبروووك عضوية التأسيس يالغالي

أما عن الذبح

بالنسبة لي الآمر عادي وياما روس طاحت على يدي:secret:

ههههه
الله يبارك فيك اخوي
دام روس طاحت على يدك بيقولون عنك ارهابي
ههههه
الحين الدور عليك انك تعلم العيال الله يحفظهم لك
شاكر لك مرورك اخوي


أنا أخلي أهلي يذبحون خروفي وأطرش برع بعد بس سؤال للناس اللي ما تذبح في بيتها وتطرش كله برع:

شتاكلون يوم العيد؟؟؟ لحم وإلا دجاج:confused:

شي طيب اختي المسك
وعادة طيبة حلو انج لا زلتي محافظة عليها
قواج الله على المرور الطيب


كل عام وانتوا بخير

والله كنا صغار وكنا نشهد الاضحيه وصرنا كبار وبعدنا نشهد ذبح الاضحيه وبالبيت وعلى يد شبابنا لله يحفظهم


شكرا للموضوع ولكاتبه

وانتي بخير اختي الصغيرة
الله يحفظ شبابكم ان شاء الله
شاكر لج المرور الجميل


للحين بيت ابوي الله يرحمه يذبحون بالبيت يجيبون قصاب ، اتذكر ابوي يذبح قبل ويوم قلت عافيته جاب قصاب بس ماتذكر حد من خواني ذبح يمكن يساعدون بس مايذبحون ، ياحلو ذبح الاضحية في البيت بس انا ولا عمري ذبحت في البيت ولا طلعنا اضحية كله برع

رحمة الله عليه
جميل ان الاخوان مازالوا محافظين على هالعادة الطيبة
والله يتقبل منج اختي ضوى


احلى شي
تذبح وتشوفه يرافس
تحس انك صج ارهابي هههههههههههه

اقصد ان الذبح فالبيت له طابع وكارزما خاصة وخصوصا في عيد الاضحى
ان شاء الله هالعيد نضحي ونزل لكم الصور

ههههههه
شكرا للمرور الارهابي



انا قلبي يعورني ماقدر (أنحره)
(أطيح فيه تفرص تفرص) لين يموت!!
:shy:

الله يبلغنا وإياكم - يوم النحر- بس


هههههه
اللهم امين
الفيصل .. احس انك من النوع الي يذبح وهو يطرش مسجت التهاني بالعيد
متعود يعني
ههههههه
لا تقول قلبي يعورني هههههه
شكرا لمرورك الطيب



احنا لازم نذبح في البيت وبيت ابوي بعد
مايصلح العيد الا بذبح الاضحيه

كفوا عليك اخوي
شكرا للمرور الطيب


عندما تستحضر النية وتتذكر سيدنا إبراهيم
وتحتسب أجر هذه الشعيرة العظيمة
تستطيع أن تذبح وحتى لو كنت صغير السن المهم
يكون بالغ وعاقل....
وإني لأحب رؤيــة دم الإضحية وهو يسيل على الأرض وأستشعر أحاسيس
غريبة عندما أتذكر الأجر العظيم لكل قطرة دم منها...
اللهم تقبل منـــا...
اللهم امين
كلام جميل اختي الاصيلة
جزاج الله خير



الله يبلغنا وياك والجميع يوم النحر
ويكتب للجميع أجر هذه الشعيرة العظيمة.

أنا كنت ما أنحر بنفسي لأني عسم أستخدم يدي اليسرى
إلى فترة متاخرة وكنت أجيب قصاب للأضحية
بعدها عرفت أنه يجوز للاعسر الذبح باليسار
وقمت أنحر بنفسي واخلي السواقين في البيت يكملون
باقي الشغل من سلخ وتقطيع.

منظر الدم وهو يسيل في حوش البيت واليهال متجمعين
ونية الإنسان التقرب إلى الله بهذه الأضحية وإهداء ثوابها للوالدين
الأحياء منهم والأموات شعور عظيم وكبير وتجلب البركة في البيت.
اللهم امين
لك مني كل الشكر على هذا المرور الطيب والراقي


[QUOTE=(الفيصل);8479407]
انا قلبي يعورني ماقدر (أنحره)
(أطيح فيه تفرص تفرص) لين يموت!!
:shy:

الله يبلغنا وإياكم - يوم النحر- بس
[/QUOTE


هههههههههههههههههههههه


بصراحه ماحب اشوف النحر تصيبني ام الركب. .... بس عادي عندي اقطع الذبيحه مع الوالده
]

ههههههه
شكرا للمشاركة الخوافة
:nice:


أحلى شيء الذبح :nice:


بس إحنا نذبح فالعزبة ،،، وكان الوالد يسوي بينا تنافس بالتوقيت لكل واحد من يبتدي فالذبيحة لين يحطها كامله فالقدر 

قواكم الله اخوي
وحلوا ان الجميع في البيت يكون عندهم خبرة بطرقة الذبح
في حال تغيب واحد البقية يقومون بالواجب
قواك الله اخوي

[أسير الاسهم]

الحين كله عند المقاصب .. مو لانه ما يعرفون او صعبه .. لكن انه الواحد يبي الفكه من الذبح والصلخ سالفه نهار العيد .

بس لو تكلمنا عن الذبح وهالأمور ترى الدعوى سهالات عادي كشتاتنا فالبر والعنه احيانا نذبح من العزبه على طول طلعه وأذبح مب رايح ادور لي مقصب ..

[خليفـة]

الحين كله عند المقاصب .. مو لانه ما يعرفون او صعبه .. لكن انه الواحد يبي الفكه من الذبح والصلخ سالفه نهار العيد .

بس لو تكلمنا عن الذبح وهالأمور ترى الدعوى سهالات عادي كشتاتنا فالبر والعنه احيانا نذبح من العزبه على طول طلعه وأذبح مب رايح ادور لي مقصب ..

صادق ياخوي والله
هي فيها تعب صادق
ولكن لو فكرنا فيها .. هي مرة في السنة
وباقي المرات نقدر نعتمد على المقاصب
يعطيك العافية اخوي

[روح الاطلس]

يا متوحش :(

[خليفـة]

يا متوحش :(

:spider:

[حميداني]

ايه والله ودي اجرب
اخر ذبحه لنا.كانت في بيتنا على ايام جدي الله يرحمه ، من بعده كله مقاصب

الله يحفظك خليفه مواضيعك اعطت لهالقسم شي من التغيير
جزاك الله خير

[بصمة قطرية]

مجرمين :(
كل سنه اشوف الخروف ورا الحوش و قلبي يعورني :(
أقول له يحليلك ما تدري اش ناطرك :weeping:
بوالعيال لازم ينحر الخروف في البيت
و العيال الله يحفظهم يكونون موجودين
يبون يتعلمون للمستقبل ان شاء الله
يقولون لي يمه ليش ما تجين تشوفين تتعلمين :eek5:
طبعاً مستحيل أشوف بس أودع الخروف قبلها بليلة :(
مالي قلب بصراحة مستحيييييل أشوووووف
كل مرة أقول لبوالعيال
شلون قدرت و طاوعك قلبك :(

[خليفـة]

ايه والله ودي اجرب
اخر ذبحه لنا.كانت في بيتنا على ايام جدي الله يرحمه ، من بعده كله مقاصب

الله يحفظك خليفه مواضيعك اعطت لهالقسم شي من التغيير
جزاك الله خير

وجزاك الله بمثله اخوي حميداني
مروركم ومتابعاتكم الطيبة هي الي تضيف للموضوع نكهة جميلة
شاكر لك مرورك يالغالي


مجرمين :(
كل سنه اشوف الخروف ورا الحوش و قلبي يعورني :(
أقول له يحليلك ما تدري اش ناطرك :weeping:
بوالعيال لازم ينحر الخروف في البيت
و العيال الله يحفظهم يكونون موجودين
يبون يتعلمون للمستقبل ان شاء الله
يقولون لي يمه ليش ما تجين تشوفين تتعلمين :eek5:
طبعاً مستحيل أشوف بس أودع الخروف قبلها بليلة :(
مالي قلب بصراحة مستحيييييل أشوووووف
كل مرة أقول لبوالعيال
شلون قدرت و طاوعك قلبك :(

ههههههه
انا ما الومج اختي بصمة
معروف عنكم يالحريم قلوبكم رقيقة
وما تتحملون شوفة الدم
ولكن هذي شعيرة الله سبحانه وتعالى اجازها لكل المسلمين
وبعدين يا بصمة اشلون تبين تاكلين لحم وماتبين نذبح
ههههه
اذا تبين ندخل الخروف الفرن حي عاد هذي مشكبة
ههههه

شكرا للمرور الرقيق
:nice:

[سهم سهم]

الحمد والشكر على كل هذي النعم

احنا والحمد لله علمنا صبيانا الذبح والصلاخ وترتيب الذبيحه

وصار الذيح في العزبه ومسوين مكان للذبح سيراميك وحركات

والحمد لله العيد الي فات ذبحنا 6 خرفان والعيد الجاي باذن الله يمكن 6 بعد

واشكرك اخوي خليفه على طرح هالموضوع الشيق

[خليفـة]

الحمد والشكر على كل هذي النعم

احنا والحمد لله علمنا صبيانا الذبح والصلاخ وترتيب الذبيحه

وصار الذيح في العزبه ومسوين مكان للذبح سيراميك وحركات

والحمد لله العيد الي فات ذبحنا 6 خرفان والعيد الجاي باذن الله يمكن 6 بعد

واشكرك اخوي خليفه على طرح هالموضوع الشيق

قواك الله اخوي سهم
وانت طرحت نقطة في في غاية الاهمية
وهي نقطة تجهيز المكان المناسب في البيت للذبح
جميل ان يكون مفصل له علاق تتعلق فيه الذبيحة ومكان ملبس بسراميك
وتنظيفه اول باول لضمان التخلص من البكتيريا والمايكروبات

شاكر لك مرورك اخوي

[حبر وقرطاس]

الذبح زين فالبيت وشغل اليد مافي احسن منه
انا عن نفسي حسب الانشغالات مع الاهل وخاصه كبار السن يبي لهم حد يداريهم ويقوم بواجبهم يوم العيد
اغلب الاحوال المقصب
وعشان الفحص البيطري لابد منه

سلامي

[بوحمد111]

انا من زمان خاطري اذبح الذبيحة ولكن اتوقع لو تجرأت وذبحت في البيت اتوقع الدم بيوصل الى الركب مع اني اعرف قانون الذبح ولكن مستحيل اذبح بيدي واجيب لي قصاب واعطيه المبلغ اللي يبيه ولا العوز روحي

ذبح مميز قصدي موضوع مميز

تحياتي

[غموضي محيرهم]

عادي فيه حريم نفسي جياااد نذبح القعوود حتى ههههه سوري ع اللقافه بس الموضوع شدني

[خليفـة]

الذبح زين فالبيت وشغل اليد مافي احسن منه
انا عن نفسي حسب الانشغالات مع الاهل وخاصه كبار السن يبي لهم حد يداريهم ويقوم بواجبهم يوم العيد
اغلب الاحوال المقصب
وعشان الفحص البيطري لابد منه

سلامي

صدقت اخوي
الفحص البيطري ضروري والله لسلامتنا
فيه امراض محد يقدر يعرفها غير الطبيب المختص
بارك الله فيك على هالإضافة المفيدة
:)


انا من زمان خاطري اذبح الذبيحة ولكن اتوقع لو تجرأت وذبحت في البيت اتوقع الدم بيوصل الى الركب مع اني اعرف قانون الذبح ولكن مستحيل اذبح بيدي واجيب لي قصاب واعطيه المبلغ اللي يبيه ولا العوز روحي

ذبح مميز قصدي موضوع مميز

تحياتي
ههههههه
حياك الله بوحمد
دامك تعرف القانون .. طبقه ولا في اذنك ماي
على الأقل مرة وحده بس
:nice:


عادي فيه حريم نفسي جياااد نذبح القعوود حتى ههههه سوري ع اللقافه بس الموضوع شدني

خفي علينا يا غموضي
هههههههههه
:nice:
خوفي تشوفين الدم يغمى عليج من الخرعه
هههههههههه

عموما .. شوفي الأخت سارة من الرياض شتسوي
وحاولي تسوين مثلها .. ماشاء الله عليها
:nice:

http://im26.gulfup.com/IcMh1.jpg (http://www.gulfup.com/?MaOVmh)

[eXpert*]

(سوفاج) ، وين حقوق الحيوان عنكم !!

[بصمة قطرية]

(سوفاج) ، وين حقوق الحيوان عنكم !!

:secret:

[خليفـة]

(سوفاج) ، وين حقوق الحيوان عنكم !!

هههههههه
خلهم يروحون للمطاعم المشهورة مثل كنتاكي في امريكا
يذبحون الدياي بضربة كهرباء حسبي الله عليهم
ومطاعم ثانية .. تدخل الجاموس بشحمه ولحمه وعظمه داخل الفرامة
وتطلعه لحم
وتطرش الهامبرغر لنا .. والربع ياكلون .. ويقولون : يم يم
هههههههه


:secret:

لا تصيرين خوافة يا بصمة
هههههه

خلج مثل الأخت سارة الي تذبح كل عيد
:victory:

[Locale]

يازين خروف العيد ومخه لوول
سبحان الله احس ان جو الذباح غير
اخواني ماقد اذبحوا
وابوي الله يطول فعمره قبل 12 سنه كان يذبح
واحنا حوله ملتمين واتذكر كان قلبي يعورني عالخروف وهم يجرونه
حتى صوته يتغير احس انه عارف بيذبحونه لوول
ألحين ابوي ف عيد الاضحى يكون فالحج وماصرنا انشوف اضحيه جدامنا

[بصمة قطرية]

لا تصيرين خوافة يا بصمة
هههههه

خلج مثل الأخت سارة الي تذبح كل عيد
:victory:

من خاف سلم يا خليفه :secret:
ما آحب آكل لحم خروف شفته حي :secret:
إذا شفته مستحيل أقرب اللحم :secret:
حالتي صعبة آدري :rolleyes2:

[بصمة قطرية]

يازين خروف العيد ومخه لوول
سبحان الله احس ان جو الذباح غير
اخواني ماقد اذبحوا
وابوي الله يطول فعمره قبل 12 سنه كان يذبح
واحنا حوله ملتمين واتذكر كان قلبي يعورني عالخروف وهم يجرونه
حتى صوته يتغير احس انه عارف بيذبحونه لوول
ألحين ابوي ف عيد الاضحى يكون فالحج وماصرنا انشوف اضحيه جدامنا
عيالي ما يفارقون الخروف
طول الوقت يأكلونه
يقولون عشان يصير دب :secret:

[خليفـة]

يازين خروف العيد ومخه لوول
سبحان الله احس ان جو الذباح غير
اخواني ماقد اذبحوا
وابوي الله يطول فعمره قبل 12 سنه كان يذبح
واحنا حوله ملتمين واتذكر كان قلبي يعورني عالخروف وهم يجرونه
حتى صوته يتغير احس انه عارف بيذبحونه لوول
ألحين ابوي ف عيد الاضحى يكون فالحج وماصرنا انشوف اضحيه جدامنا

الله يطول بعمره ان شاء الله
والله يتقبل منه
شكرا للمشاركة الطيبة
:)


من خاف سلم يا خليفه :secret:
ما آحب آكل لحم خروف شفته حي :secret:
إذا شفته مستحيل أقرب اللحم :secret:
حالتي صعبة آدري :rolleyes2:

ههههههه
بسيطة اختي بصمة
انتي بس خلي عندج مبدأ ان هذي شعيرة من شعائر الله
وصدقيني .. ماراح توعين الا انتي ماسكة الخروف وناحرته بيدج
:nice:

[السعدي999]

الحمد لله اذبح اضحيتي بيدي

[بصمة قطرية]

ههههههه
بسيطة اختي بصمة
انتي بس خلي عندج مبدأ ان هذي شعيرة من شعائر الله
وصدقيني .. ماراح توعين الا انتي ماسكة الخروف وناحرته بيدج
:nice:

مستحيييييييييل :weeping:
مسكت ( الفري ) اغسلهم و اتبلهم قعدت اصيح تخيلتهم
يهال أجنه :weeping:
تبيني أذبح خروف ..! :secret:

[خليفـة]

الحمد لله اذبح اضحيتي بيدي

كفوا عليك اخوي
وتقبل الله منكم ان شاء الله
:)


مستحيييييييييل :weeping:
مسكت ( الفري ) اغسلهم و اتبلهم قعدت اصيح تخيلتهم
يهال أجنه :weeping:
تبيني أذبح خروف ..! :secret:

ماتنلامين يا بصمة
هههههه
هذا حال أغلب الحريم
خلوا الذبح والسلخ للرجال .. وانتوا كفايه عليكم الطبخ العدل
عاد انتي يا بصمة .. تشهد لج الأستراحة باحترافيتج العالية في الطبخ
ماشاء الله .. تبارك الله

:)

[بصمة قطرية]

ماتنلامين يا بصمة
هههههه
هذا حال أغلب الحريم
خلوا الذبح والسلخ للرجال .. وانتوا كفايه عليكم الطبخ العدل
عاد انتي يا بصمة .. تشهد لج الأستراحة باحترافيتج العالية في الطبخ
ماشاء الله .. تبارك الله

:)
الله يجزاك خير اخوي خليفه ..:)

[بوخالد911]

يا قوووووووووي


الله يحفظك

للحيين ما جربت



اخوي يمكن ابيك حق عيد الاضحى الجااي
اوك؟

[توشيبا]

والله بعض الاحيان في العزبه اذا الاهل كلهم موجدين ويوم اجازه اطلع تيس ولا خروف ادق نحره واعلقه واصلخه والحمدالله قبلي ابوي والحين انا واخواني كل عيد نذبح في البيت ونصلخه

[خليفـة]

يا قوووووووووي


الله يحفظك

للحيين ما جربت



اخوي يمكن ابيك حق عيد الاضحى الجااي
اوك؟

هههههه
مقبولة منك مسيو بوخالد
:)


والله بعض الاحيان في العزبه اذا الاهل كلهم موجدين ويوم اجازه اطلع تيس ولا خروف ادق نحره واعلقه واصلخه والحمدالله قبلي ابوي والحين انا واخواني كل عيد نذبح في البيت ونصلخه

ماشاء الله اخوي
دامك خبرة ما ينخاف عليك
الله يطول بعمر الوالد ويحفظه لكم
شكراً لمرورك اخوي
:)

[غموضي محيرهم]

صدقت اخوي
الفحص البيطري ضروري والله لسلامتنا
فيه امراض محد يقدر يعرفها غير الطبيب المختص
بارك الله فيك على هالإضافة المفيدة
:)


ههههههه
حياك الله بوحمد
دامك تعرف القانون .. طبقه ولا في اذنك ماي
على الأقل مرة وحده بس
:nice:



خفي علينا يا غموضي
هههههههههه
:nice:
خوفي تشوفين الدم يغمى عليج من الخرعه
هههههههههه

عموما .. شوفي الأخت سارة من الرياض شتسوي
وحاولي تسوين مثلها .. ماشاء الله عليها
:nice:

http://im26.gulfup.com/icmh1.jpg (http://www.gulfup.com/?maovmh)



يوووووووومه خلاص والله هونت لاني اخاااف هههههه