إستفسار ،،، ينبني عليه حوار ...

[العلم]

الضابط أبو ٣ نجوم ، والأفراد الي معاه واقفين على بوابة البنات في جامعة قطر ،،،



ماهي مهمتهم ولماذا يرابطون على البوابة ؟؟!

[الدوحي7]

خخخخخخخخ،

[المسك1969]

أمن وأفضل من حماية في نظري... وهم موجودين من زماااان

ليش وين المشكله ربي يحفظك؟

[Dana’1]

ماهي مهمتهم ولماذا يرابطون على البوابة ؟؟!
مهمة الشرطة في كل بلد هي حفظ الأمن...مالهم غير هالمهمة
ووجودهم بالجامعه لنفس السبب...خصوصا ان بعض الشباب ما يعملون حساب لرجال الامن مث"شركة حماية او غيرها" من جنسيات اسيوية او غيرها فمايهابونهم
مثل لما يشوفون ضابط وافراد من الشرطة

هذا والله سبحانه وتعالى أعلى وأعلم

[خليفـة]

جامعة البنات اخوي تحتاج دايما لتواجد امني
وفيه سبب اخر : منع حدوث اي مخالفات اخلاقية
مثل مواعدة البنت للشاب وخروجها معه من الجامعة
مجرد تواجدهم اخوي يخلي البنت تخاف من ان ينكشف امرها
ويخلي الذكر يتحول لدجاجة ويتراجع عن فكرة ذهابة لصديقته الجامعية

الله يهدي الجميع

خليفة

[intesar]

حتى هذا مو عاجبكم..

[للصبر اخر]

ههههههههههههههههههههه
قويه صراحه
هالسنه بالذااات مالهم دوور
ما اشوفهم ابددد

[CH Engineer]

اشوف مالهم داعي ويكتفون بالسكيورتي افضل
ومجرد اتصال 5 دقايق وهم فالجامعه..

يمكن محد يقدر يتخذ اجراء سحبهم او نقلهم..
بعدين يرابطون على بوابة الجامعة افضل من المرابطه في مكاتب مغلقه لا شغل ولا مشغله

مع بقائهم ليس لضرورتهم ولكن المرابطه في هذا المكان افضل من المرابطه في اماكن مغلقه

[بوحمد111]

وجودهم مهم جدا لحفظ الامن ولو لا وجودهم لسمعتم بالدمار اللا اخلاقي والله يقدرهم ويعينهم على تحمل المسؤليه وحفظ الامن والامان لبناتنا الله يحفظهم ويستر عليهم

[العلم]

مازلت متابعكم ،،،



ولكن أنتظر قليلا في طرح التساؤل حتى يعلق عدد أكبر من الإخوة حتى لا اعتبر متسرع في نظرتي للإخوة رجال الأمن على بوابة البنات ،،،

[حبر وقرطاس]

سياحه واستجمام
او بطاله مقنعه :(

[المليونير الفقير]

انا اشوف ماله داعي مرابطتهم عند جامعة البنات اظن بان السكورتي يكفي من هذا كله ومدام لازم يرابطون عند اقسام النساء ياريت يرابطون عند مستشفى النساء بعد وعند صالات الافراح النسائيه لانهم بعد يحتاجون حمايه لاكن عند جامعه البنات فقط عليها علامة استفهام؟؟ليش الدول المجاوره ماتسوي مثلهم لايكون عندنا بلاوي لهالدرجه وباقي الخليج ماعندهم

[بوعلي2]

جامعة البنات اخوي تحتاج دايما لتواجد امني
وفيه سبب اخر : منع حدوث اي مخالفات اخلاقية
مثل مواعدة البنت للشاب وخروجها معه من الجامعة
مجرد تواجدهم اخوي يخلي البنت تخاف من ان ينكشف امرها
ويخلي الذكر يتحول لدجاجة ويتراجع عن فكرة ذهابة لصديقته الجامعية

الله يهدي الجميع

خليفة


ههههههههه

عجبني ردك :nice:

لان فعلا هاي الي حاصل

بس يطلعون بلموزين

الله كريم

[ام ناصر1]

الجامعة مثلها مثل اي مؤسسة هامة بالبلد ...تحتاج لرجال آمن عند البوابات
ما اتوقع مكان بهذا الحجم والمساحة وفيه بناتنا ونقول ايش فايدة الحراسة
الموجوده على المكان ...
هدف الحماية تأمين الحماية للمنشأت والمبنى وتنظيم طرق ارتياده من قبل
الموظفين والموظفات والطالبات واهاليهم ...
الهدف ليس الحماية الاخلاقية ولكن الحماية الامنية والتاكد انه الداخلين للمبنى
لديهم تصاريح تؤهلهم لذلك ...يعني ليس مكان لكل من هب ودب ..

[العلم]

أشكر كل من رد على سؤالي مباشرة ولم يغير مجرى الحديث ،،،،


ولقد وضعت هذا التساؤل بناء على علامة التعجب التي كانت تحوم فوق راأسي عن دور رجال الأمن هؤلاء ،،،،،



فقلت لعلهم رجال أمن للجامعة .... ثم جاوبت نفسي لماذا هم على بوابة البنات فقط .....


فوجهت سؤال مرة آخرى إلى نفسي وقلت لعلهم لمراقبة دخول الشباب من بوابة البنات بهدف المعاكسة وغيرها من السلوكيات الخاطئة ومنعهم ،،،



ثم جاوبت نفسي مرة آخرى بأنه بإمكان أي شخص الوصول لمبنى البنات من دون المرور على هذه البوابة وذلك لأن مبنى البنات والبنين لايوجد بينهما فاصل ،،،



ثم احترررت !!:rolleyes2:

ملاحظة :
كل من سألته خارج المنتدى عنهم قال وجودهم لقطع المماراسات الخاطئة أو مايسمى بلهجتنا ( التطليع)

[العلم]

وينكم ياشباب ما أشوف ردودكم بعد مابينت لكم وجهة نظري وتسأولي ،،،،،

[((ام خالد))]

انا اشوف مهم تواجدهم عند البوابة خصوصا انها البوابة الرئيسية للبنات ,,بالسابق كانت السيارت المصرحة تدخل فقط ,,لكن الحين مع زيادة عدد الطلبة صار الكل يدخل بدون اي تصريح فتواجدهم جدا مهم ,, وأحيانا يوقفون بعض السيارت ويطلبون البطاقة الشخصية للسائق سواء كان الاب او الاخ مع مطابقتها لبطاقة الطالبة والشرطية هي اللي تقوم بهالشي..
بخصوص السكيورتي ,, ماراح يخافون منهم كثر رجال الامن ,,وفي سكيورتيات داخل كل مبنى او عند باب المباني من الداخل

العام تم افتتاح باب فرعي من الجهة الخلفية للبنات وياليت يتواجدون اهناك بعد
اما البوابات الثانية فهي ليست مخصصة للبنات ويطلب تصريح عند الدخول والخروج منها

ألف شكر وتقدير لرجال الأمن ..

[الفهد1]

الشكر الي الله ثم الي ضباط وضباط صف وافراد والشرطة النسائية على جهودم وتعاملهم بحرص وحفظ الامن والتعامل مع عداد السيارات بكل احترام والي الامام دائما

[ameeer3]

الضابط أبو  نجوم ، والأفراد الي معاه واقفين على بوابة البنات في جامعة قطر ،،،



ماهي مهمتهم ولماذا يرابطون على البوابة ؟؟!

ممكن توضح اكثر وش قصدك من طرح هذا الموضوع

[فارس الامة]

في نظري مالها داعي الأمن كل يحترم نفسه... وانا طالب جامعة بتشديد فقط على بنات وأي وحدة تحط ميك اب او لابسه ملابس كانها جاية عرس تفصل... وطالب باختلاط! لان بخلي بنات يحترمون نفسهم ولبسهم..

[توشيبا]

والله من شافكم تلفون وادرون محد قال الصراحه لحد الحين

حطوهم علي شان المعكسات وتطليعات بعض البنات مع الشباب

شالوهم فتره ورجعت نفس المشكله بس ماذكر اي عام بعدين رجعوهم

رجل امن افضل من سكيورتي ١٠ ريال وتدخل

[العلم]

ممكن توضح اكثر وش قصدك من طرح هذا الموضوع



اتوقع إن قصدي واضح ،،،،


إن وجودهم ماله داعي ،، وإنه مجرد شوفونا 

[العلم]

والله من شافكم تلفون وادرون محد قال الصراحه لحد الحين

حطوهم علي شان المعكسات وتطليعات بعض البنات مع الشباب

شالوهم فتره ورجعت نفس المشكله بس ماذكر اي عام بعدين رجعوهم

رجل امن افضل من سكيورتي 10 ريال وتدخل

حلوو كلامك ،،،




بس هل عندك علم إنك بإمكانك توصل لين قدام باب مبنى البنات بدون ماتمر من عندهم ،،،،



يعني الشباب يمرون من وراء هالشرطة ويسوون كذا  وهم ماشين لأن مافي حاجز بين مبنى البنات والبنين ،،،،،

[توشيبا]

حلوو كلامك ،،،




بس هل عندك علم إنك بإمكانك توصل لين قدام باب مبنى البنات بدون ماتمر من عندهم ،،،،



يعني الشباب يمرون من وراء هالشرطة ويسوون كذا  وهم ماشين لأن مافي حاجز بين مبنى البنات والبنين ،،،،،


وعندك علم ان بعض البنات يرحون صوب كفتريا الشباب


بس مافي واحد يدخل بسيارته داخل جامعه البنات واحد يركب معه الا بتصريح للسياره ولا كان بتصير فوضى عند البعض

[غموضي محيرهم]

جزاهم الله خير والله بلاوي اشوفها ف الجامعه !!
وجودهم نعمه وتحصل سيايرهم ف الجامعه عرااوي ابيض عشان يصيدون البنات اللي يرحون مع شباب
وانا شفت حوادث واجد !
الله يهديهم ويهدينا ان شاءالله

[العلم]

اسمحلي... أنا يامحدثك ادخل بسيارتي لين قدام بوابة مبنى البنات بدون تصريح

[توشيبا]

اسمحلي... أنا يامحدثك ادخل بسيارتي لين قدام بوابة مبنى البنات بدون تصريح

اما انك دخلت وقت التسجيل او ان الدنيا صارت سايبه ووجودهم والعدم واحد

[العلم]

لا داخل امس هذا ...



ياخي بالعقل المباني في الحرم الجامعي مايوجد بينها فاصل والشوارع مفتوحه من كل صوب ،، يعني تقدر ادش من باب البنين وتروح لين مبنى البنات ،،،



فهذا الي خلاني استعجب من وجود الشرطة على بوابة البنات ،،، صرت احسهم ديزايين بس .
أما لو كان مبنى البنات لايوجد له مدخل الا البوابة الي من عند الشرطة فبيصير لوجودهم مناسبة ومبرر .




شيء مضحك ههههههههه

[R 7 A L]

زين الجامعات الاخرى مثل الاطلنطي عندهم شرطة بعد ؟

[ريم 28]

حتى لو ما لهم داعي ولا بيدهم شي اخي الكريم

وجودهم ووقوفهم قد تكون لاسباب امنيه اخرئ

احسن شي تمسك واحد فيهم واتعرف هالاسباب وتتكرم تكتبها لنا


الى الامام ههههه

[أم محمد 90]

لا الأطلنطي ماعندهم ..



(سيكيورتي)


شنو (سيكيورتي)

عفواً .. انا اتكلم من داخل الجامعة والي أشوفه يومياً

مع احترامي لهذي الجنسيات ..

"اندونيسيات وفلبينيات وسودانيات " داخل مباني جامعة البنات ..
والله مايفيدون بشي بس جابوهم ولبسوهم اليوني فورم كشكل ان انا سيكيورتي

ولا بنت تخاف منهم ولا يحسبون لهم حساب
والسيكيورتي اللي برع همهم بس لا تصف هني لا توقف هني ، هني ممنوع توقف
ولا السيكيورتي المصريين يمنعون البنات ان يدخلون عند مواقف القبول والتسجيل

يبا احنا نحتاج نروح ليش اصف بعيد وامشي كل هالمسافة وفي باركات شكبرها وشوسعها اقدر اصف وانزل عاد انا اركب رصيف واقوله تبي سجل رقم سيارتي

يعني موظفينهم عشان شنو ؟ مجرد ديزاين وشكل فقط

االسؤوال الي الجميع يطرحه ويسأله :-


ليش شرطة قطر موجودة فقط عند بوابة جامعة قطر (بنات) ومش موجودة في أي جامعة أخرى في قطر ؟؟؟؟


هذا كان سؤالهم ، والتطليعات موجودة في كل الجامعات اكبر دليل كلية الاطلنطي حدث ولا حرج البنات والي يدرس بهالكلية اكيد شايف وسامع وعارف .. والي يبي يسوي الغلط بيلاقي له الف طريقة عشان يسويه اذا دينه والخوف من الله ما امنعه راح يمنعه شرطي ولا سيكيورتي ؟

انا أؤيد وجودهم وبقوه ولكن مش بهالوقفة لان المنظر كلش مو حلو يكون لهم مكتب خاص داخل الجامعة وخلاص ماله داعي هالوقفة العسكرية اليومية الصباحية المسائية :p

[شبح الصمت]

يعطيك العافيه يالعلم :shy:. !!

هل في تشييك على التصاريح !!
هل في تشييك على الي ما عنده تصريح باسمه وفي تنسيق بين الادارة والشرطه يشيكون اذا اهله موجودين دآخل أو لا !!
وفي الأول والاخير
الي يبي يسوي شيء بيسوووووويه يا عالم يا هوى

والله يستر على الجميع

[ضوى]

سبحان الله ياخوي يمكن صايرة سالفة بذاك الوقت وشددوا المراقبة شوي كل شي يصير

[العلم]

وين نقشتوا هالموضوع القديم .. :)



زين الجامعات الاخرى مثل الاطلنطي عندهم شرطة بعد ؟

ما ادري والله ..



حتى لو ما لهم داعي ولا بيدهم شي اخي الكريم

وجودهم ووقوفهم قد تكون لاسباب امنيه اخرئ

احسن شي تمسك واحد فيهم واتعرف هالاسباب وتتكرم تكتبها لنا


الى الامام ههههه
أكيد انج عارفة إني مش معارض لوجودهم ... بس أنا قصدي إن يكون دورهم فعال مش شووو فقط ..

شناويه علي إنتي ..:waiting:




لا الأطلنطي ماعندهم ..



(سيكيورتي)


شنو (سيكيورتي)

عفواً .. انا اتكلم من داخل الجامعة والي أشوفه يومياً

مع احترامي لهذي الجنسيات ..

"اندونيسيات وفلبينيات وسودانيات " داخل مباني جامعة البنات ..
والله مايفيدون بشي بس جابوهم ولبسوهم اليوني فورم كشكل ان انا سيكيورتي

ولا بنت تخاف منهم ولا يحسبون لهم حساب
والسيكيورتي اللي برع همهم بس لا تصف هني لا توقف هني ، هني ممنوع توقف
ولا السيكيورتي المصريين يمنعون البنات ان يدخلون عند مواقف القبول والتسجيل

يبا احنا نحتاج نروح ليش اصف بعيد وامشي كل هالمسافة وفي باركات شكبرها وشوسعها اقدر اصف وانزل عاد انا اركب رصيف واقوله تبي سجل رقم سيارتي

يعني موظفينهم عشان شنو ؟ مجرد ديزاين وشكل فقط

االسؤوال الي الجميع يطرحه ويسأله :-


ليش شرطة قطر موجودة فقط عند بوابة جامعة قطر (بنات) ومش موجودة في أي جامعة أخرى في قطر ؟؟؟؟


هذا كان سؤالهم ، والتطليعات موجودة في كل الجامعات اكبر دليل كلية الاطلنطي حدث ولا حرج البنات والي يدرس بهالكلية اكيد شايف وسامع وعارف .. والي يبي يسوي الغلط بيلاقي له الف طريقة عشان يسويه اذا دينه والخوف من الله ما امنعه راح يمنعه شرطي ولا سيكيورتي ؟

انا أؤيد وجودهم وبقوه ولكن مش بهالوقفة لان المنظر كلش مو حلو يكون لهم مكتب خاص داخل الجامعة وخلاص ماله داعي هالوقفة العسكرية اليومية الصباحية المسائية :p

ايوه هذا الي ابي اوصله تفعيل دورهم بشكل حقيقي .. مش مجرد وقوف عالبيبان والناس من وراهم تسوي الي تبي ... ومش معناته يتركون البوابة .. يكونون هنا وهناك ..



يعطيك العافيه يالعلم :shy:. !!

هل في تشييك على التصاريح !!
هل في تشييك على الي ما عنده تصريح باسمه وفي تنسيق بين الادارة والشرطه يشيكون اذا اهله موجودين دآخل أو لا !!
وفي الأول والاخير
الي يبي يسوي شيء بيسوووووويه يا عالم يا هوى

والله يستر على الجميع


أنا اودي اهلي للجامعة ولاعندي تصريح ولاعمرهم قالوا وش قصتك أنت ..




سبحان الله ياخوي يمكن صايرة سالفة بذاك الوقت وشددوا المراقبة شوي كل شي يصير

لا يا ختي .. كل يوم هم على هالحال ... وأعيد وأكرر أنا مش معارض وجودهم ،، بس ملاحظ تناقض وبس ..

[ضوى]

صج ماعندك تصريح ؟

الله يرحم ايامنا لو سيارتنا خربانة وجيبنا بسيارة ثانية سين وجيم ولا نخلص وهذا مع ابوي الله يرحمه وتبهدلنا بسالفة التصاريح