بنك قطر الوطني.فرع الريان.مافي موظفين

[طبيب قطري]

اليوم مريت علي بنك قطر الوطني فرع الريان الي بشارع الشافي
بصراحه اتضايقت من المنظر يعني استثمارات بالملاين وفروع منتشره بكل أنحاء العالم آخر شي مافي غير اثنين موظفين فقط علي الكونتر !! والمكان زحمه موت ومافي غير ثلاث كراسي انتظار للسيدات مساكين الحريم واقفين واحنا واقفين جنبهم لان مافي بعد كراسي وايد للرجال وحر في الفرع ومافي احد يشوفك ولا يساعدك هذا غير مواقف السيارات الي يادوب تكفي 6 سيارات فقط !!! انا أصلا رحت أسكر حسابي عندهم ومب نادم أبدا

[R 7 A L]

ماتدري
يمكن ماعندهم فلوس يستأجرون محل راقي بشارع ال شافي !
يمكن كل المحلات الى بشارع ال شافي ( خلصت ) !!
يمكن طلباتهم الموجهه لإدارة العمل للبحث عن موظفين ( قطريين او حتى مقيمين ) لم يستلمها موظفين إدارة العمل بجديه !!

[طبيب قطري]

ياخي يعني عندهم فلوس يسوون ديكورات فاخره وما عندهم فلوس يركبون مكيفات ولا يحطون كراسي حق العالم متنا من الحر !

[اوف ليميت]

ياخي يعني عندهم فلوس يسوون ديكورات فاخره وما عندهم فلوس يركبون مكيفات ولا يحطون كراسي حق العالم متنا من الحر !

حلوه اصلا رحت اتسكر حسابك
عالعموم..مبروك
حياك مع البنوك الاسلاميه وابشر بزياده فالرزق

والاخ رحال اعتقد كان معاك فالرأي بس هو بطريقته يتكلم..تقدر تقول يطنز عليهم

:]

[طبيب قطري]

حلوه اصلا رحت اتسكر حسابك
عالعموم..مبروك
حياك مع البنوك الاسلاميه وابشر بزياده فالرزق

والاخ رحال اعتقد كان معاك فالرأي بس هو بطريقته يتكلم..تقدر تقول يطنز عليهم

:]

فتحتلي حساب مع البنك الاسلامي

[حبر وقرطاس]

ياخي يعني عندهم فلوس يسوون ديكورات فاخره وما عندهم فلوس يركبون مكيفات ولا يحطون كراسي حق العالم متنا من الحر !

تعال الفرع الرئيسي ترى العجب العجاب من بهرجه وديكورات طالت النك حتى على الرصيف من اشجار واحواض زرع مميزه وبوسترات عملاقه غطت على جميع البنوك في شارع الحمد الكبير

مبروك عليكم يا الوطني خسرتوا عميل بسبب ردائه التسهيلات والخدمه

[خليدان]

مبروك عليكم يا الوطني خسرتوا عميل بسبب ردائه التسهيلات والخدمه

فكه الله من شرهم :victory: بنك ربوي :anger1:

أنا استغرب من الناس اللي فالبنوك الربويه :anger1::anger1:

شلوون عايشين ومرتاح بالهم ؟ :omen2:

[Rashid554]

انا بعد مره سكرت حسابي عندهم وحساب بعض من اهلي بسبب قسم " خدمة العملاء " في فرع الريان
ما اعتقد ان الموظفات الي هناك خذو دورة في خدمة العملاء

[خفيف الروح]

فكه الله من شرهم :victory: بنك ربوي :anger1:

أنا استغرب من الناس اللي فالبنوك الربويه :anger1::anger1:

شلوون عايشين ومرتاح بالهم ؟ :omen2:






اي واللة اخوي بنوك ربوية تمحق الحلال كلة :omg::omg::omg:

[S A A D]

انا حبيت ابارك لك انك طلعت من البنك الربوي ورحت لبنك اسلامي

عقبال باقي العملاء

عَنْ عَبْدِ اللَّهِ بْنِ مَسْعُودٍ
أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ لَعَنَ آكِلَ الرِّبَا وَمُؤْكِلَهُ وَشَاهِدِيهِ وَكَاتِبَهُ.

[Laffan]

السلام عليكم

انا ماعندي تعليق بس حبيت أبارك حق الاخوة ألي سكروا حسابهم بالبنك الربوي

وترى في هناك بدائل اسلامية ولله الحمد والبنوك الاسلامية قاعدين يطورون...

ومثل ماقال احد الاخوة ابشروا بالرزق الطيب ان شاءالله

[barod]

البنوك الاسلاميه ابرك ولو ان خدماتها تحت المستوى المطلوب

[السهم الملتهب]

يمكن عندهم بريك ساعتين وراحوا يتريقون في مشاهير

خبرك دوامهم على كيفهم .

[qews]

شارع الشافي شتبي منه اكثر تقول في السعوديه
اما بخصوص البنك مافي احسن من بنك رقم 1 من خدمه وفروع منتشره

[ميلاف]

يالله يارب ترزقني اليوم الى ناقل منه

صراحه مافي اروع من مصرف الريان

اللهم آميييييييييييين

[khalid525]

انا مستغرب ليش للحين في ناس تروح الفروع مع ان كل الخدمات متوفرة عن طريق الانترنت والصراف الالي ، غير ان الواحد ياخذ قرض او يسحب شيك ما اشوف فيه اي داعي للروحة حق الفرع

[Rashid554]

انا مستغرب ليش للحين في ناس تروح الفروع مع ان كل الخدمات متوفرة عن طريق الانترنت والصراف الالي ، غير ان الواحد ياخذ قرض او يسحب شيك ما اشوف فيه اي داعي للروحة حق الفرع

- طلب قرض
- طلب بطاقه
- بدل فاقد
- شيكات
- شهاده مديونية
- تأجيل اقساط
- جدولة المديونية
- نقل من البنك
- نقل الى البنك
- تحويلات ( بعض الصرافات تسويها )
- سحب مبالغ اكبر من اللمت المحدد
- ايداعات ( بعض الصرافات لاتوفر هذه الخدمة )
- استلام ارباح الاسهم
- فتح حسابات اضافيه
- اغلاق حسابات
- اضافة الودايع
- مشاكل visa and master card

:nice: هذا الي طرى علي

[R 7 A L]

انا مستغرب ليش للحين في ناس تروح الفروع مع ان كل الخدمات متوفرة عن طريق الانترنت والصراف الالي ، غير ان الواحد ياخذ قرض او يسحب شيك ما اشوف فيه اي داعي للروحة حق الفرع



يمكن تضبط يوم أو يومين في السنة كاملة
بس باقي الايام لابد من حضورك