اانسولين جديد بدون ابره لمرضى السكري

[المليونير الفقير]

السلام عليكم ورحمة الله وبركاته

اخواني اخواتي نزل فالاسواق انسولين بدون ابره وهو صناعه االمانيه وموجود فالصيدليات ولادري عن مدى فعاليته وقيمته ب2000ريال فاتمنى من الجميع من لهم تجارب او معرفه لهذا النوع الجديد هل هو فعلا مجدي وهل هو بديل للابر لان الانسولين سواء القلم او الابره لها اضرارها فالجسم فاتمنى ان هذا المنتج يكون بديل ويكون فعال وخاطري اعرف وزاره الصحه شنو دورها في هذي المنتجات التجاريه هل فيه رقابه عليها ام لا؟؟

[حبر وقرطاس]

ماهو اسم المنتج وياريت صوره عشان نعرف

[زمان]

امس شفت دعاية عن جهاز يتعلق في يد الطفل

اسمه بايب

في الكويت

[حبر وقرطاس]

امس شفت دعاية عن جهاز يتعلق في يد الطفل

اسمه بايب

في الكويت

القابض على دينه كالقابض على جمر
توقيعك ذكرني بالحديث
صوره معبره

[للصبر اخر]

انا بعد شفت دعايته بالكوييت
ننتظر ونشوف

[Rashid554]

اعتقد تقصد جهاز Injex 30 ، والله مادري عن موضوع مصداقيته
ولكن من ناحيه سعره فهو غالي ، تلقاه بالت على 1200

[المليونير الفقير]

اعتقد تقصد جهاز injex 30 ، والله مادري عن موضوع مصداقيته
ولكن من ناحيه سعره فهو غالي ، تلقاه بالت على 1200

اتوقع هو هذا الاسم والسعر مب مشكلتنا المشكله هل هو فعال ويستاهل والا كلام فاضي لانه فعلا كثير محتاجينه

[PGR]

هذا جهاز يعمل مثل المضخه للانسولين ,, يقرى نسبة السكر في دمك 24 ساعه كل يوم ويخزن البيانات في موقع عالمي تقدر تدخل عليه من اي كمبيوتر ,, وعلى حسب نسبة السكر في دمك يضخلك انسولين بس طبعا لازم يتضبط على حسب جسمك يعني كل انسان في له تضبيط معين الدكتور يضبطله اياه ,, وهو ابره طبعا تكون دايما معلقه على جسمك

[7llo]

ياجماعه اتمنى يكون هل الجهاز جيد لانه الصراحه ابوي وامي ذبحهم السكر مساكين ابوي دوم سكره 400 و 450 وامي دوم سكرها 300 و350 ,,اتمنى من احد الاعضاء لو احد جرب الجهاز ومدى فعاليته يقول لنا مو مشكله في السعر حتى لوب 5000 باخذه بس ابي احد مجربه وننتظر ردودكم

[المليونير الفقير]

ياجماعه اتمنى يكون هل الجهاز جيد لانه الصراحه ابوي وامي ذبحهم السكر مساكين ابوي دوم سكره 400 و 450 وامي دوم سكرها 300 و350 ,,اتمنى من احد الاعضاء لو احد جرب الجهاز ومدى فعاليته يقول لنا مو مشكله في السعر حتى لوب 5000 باخذه بس ابي احد مجربه وننتظر ردودكم

الله يعطيهم الصحه والعافيه وربي يشفيهم من كل مرض

[حبر وقرطاس]

ياجماعه اتمنى يكون هل الجهاز جيد لانه الصراحه ابوي وامي ذبحهم السكر مساكين ابوي دوم سكره 400 و 450 وامي دوم سكرها 300 و350 ,,اتمنى من احد الاعضاء لو احد جرب الجهاز ومدى فعاليته يقول لنا مو مشكله في السعر حتى لوب 5000 باخذه بس ابي احد مجربه وننتظر ردودكم

خلهم يتابعون عند امين الجيوسي دكتور خبير وصاحب باع طويل

[مهرة]

يعطيكم العافيه اخوي المليونير وننطر الأجابة الشافية ان شاءالله .. والله يشفي مرضى المسلمين جميع ..

[النهار]

مش مهم السعر بس هل الجهاز مسموح من وزارة الصحه

[أسد الجزيرة]

اعتقد تقصد الاعلان الي في جريدة الشرق هو قلم انسولين بس بدون ابرة يتم الحقن عن طريق النفث و يدخل الانسولين عن طريق المسامات الي في الجلد

[المليونير الفقير]

يعطيكم العافيه اخوي المليونير وننطر الأجابة الشافية ان شاءالله .. والله يشفي مرضى المسلمين جميع ..

يعافيج اختي

[chillis]

سمعت عنه كانوا الكويت يسون دعايته

[ولد البدر]

الله يشفي جميع المرضى إن شاء الله

[qtr7]

اعرف واحد مركبه من 4 سنين يمكن وولده صغير 12 سنه يمكن مركبه بعد مضخه اتوقع انه افضل من الابر

[نجمة سهيل]

اتمنى أحد يفيدنا بتجربته .. والله تعبنا مع ابر الانسولين مؤلمة وتاثر على الأنسجة للأسف
هذا موقع الجهاز اللي استفسرت عنه اخوي
https://www.injex.com.au/
شكله زين وغريبه ما كلمونا عنه في عيادة السكري

[المليونير الفقير]

ياريت حد يستفسر من الاطباء ويعطينا خبر هل هو فعلا مفيد ويغني عن الابر او فقط تجاري

[بوعلي2]

ياليت حد يفيدنا

امس غزيت امي ابره واحمر مكانها اعتقد جات في العرق

مسكينه ماتم مكان بجسمها ماغزيته

الله يشفيها ويفكها من الابر ببديل افضل

بس لو صج هالمنتج مظبوط كان نزلته وزارة الصحه وفكت مرضى السكري

[قطر70]

مساك الله بالخير اخوي هذا عباره عن جهاز اسمه (برشر بامب ) يتم تركيب علبة الانسولين ويتعلق في البطن بحزام ويتم ادخال ابره في منطقة البطن ابره بلاستيكيه والجهاز هذا متوفر في مستشفى حمد ويتم تركيبه للقطريين بالمجان وسعره 15 الف وللمقيمين بـ 5000 ريال طبعاّ قبل تركيب الجهاز لازم تاخذ موعد وتقابل الدكتوره على معتقد مريم المهندي وبتشرحلك عن الجهاز وتعطيك موعد بعد اسبوع لكن في هالاسبوع لازم تقيس السكر الصباح على الرق وبعد الفطور بساعه ونص وقبل الغدا بساعه ونص وبعد الغدا بساعه ونص وقبل العشا بساعه ونص وبعد العشا بساعه ونص وراح تعطيك جدول تسجل فيه جميع تحاليل السكر وبعد يتم تركيب الجهاز وبيتم تدريب المريض عليه لكن فيه جهاز لقيته في امريكا في لوس انجلوس وقيمته 6000 دولار افضل من الجهاز اللي في مستشفى حمد ولكن بما ان المريض قطر تقدر انهم يطلبون لك احدث جهاز وبالمجان وملاحظه اذا مريض السكر ماحافظ على الاكل رح يزيد وزنه لان الاونسولين يزيد الوزن ويفتح الشهيه واسف على الأطاله واتمنى اني افدتك

[ANONYMOUS]

انشالله يطلع توضيح من مستشفى حمد او وزارة الصحه بخصوص هالموضوع

[المليونير الفقير]

ياخوان الجهاز الي اتكلم عنه عباره عن قلم لاكن بدون ابره وهو مثل ماذكر احد الاخوان انه يدخل مع نسمات الجلد لاكن انا ابصراحه ماقتنعت فيه ومادري عن فعاليته

[Aaziz]

السلام عليكم


الله يشافي الجميع ان شاءالله

اعتقد انكم تكلمون عن جهازين مختلفين .

بذكر الي اعرفه بخصوص الجهاز الي يتعلق حوالين الجسم او في الحزام (ماشفته بصراحه) الاكيد لي صديق التقيت معه في امريكا و كان توه راجع من موعده المعتاد مع دكتوره السكر (امريكيه) فكان يسولف لي عن حواره معاها الي ذكرلي فيه ان الدكتوره الشابه هذي هي مريضه سكر من الطفوله و يقولي ورتني الجهاز معلق في جسمها او حزامها .
شدتني قصه هذا الجهاز وسالته عنه .
قال لي: هذا جهاز يتعلق في الجسم و يعمل فقط على حقن جرعه الانسولين .
يتم تحديد موعد الجرعه و كميتها عن طريق الدكتور بعد متابعه مستوى السكر عند المريض و تحديد الكميه المناسبه .

يعني بالعربي الجهاز مايغنيك عن متابعه السكر او ان الجهاز راح لحاله يضخ كميه الانسولين الي تتناسب مع معدل السكر في جسم المريض في هذا اليوم.
قلت له طيب ما اشوف انه فيه فايده كبيره من هذا الجهاز .. قال بالعكس فيه ناس كثيره تنسى الجرعه او طفل يلعب برى بيتهم مثلا ماراح يرجع البيت ياخذ جرعه انسولين .

هذا بالنسبه للجهاز الي كلمني عنه صديقي و كان هذا الحوار من اشهر قليله .. و احتمال ان هذا الجهاز قديم و نزلت اجهزه جديده.

هذا الي عندي و الله يشافي كل مرضى السكر ... ابحثو عن ابره او مجموعه ابر تاخذ في مستشفى في اوكرانيا او كرواتيا قيمتها 15 الف ريال تفيد مريض السكر بانها تثبت معدل السكر في الجسم .
سمعت السالفه هذي من فتره ولا بحثت عنها او اعرف مدى فعاليتها ،، بس فيه ناس من اهل قطر راو و ظربو هذي الابره .

[المهاجر2]

اسال الله العافيه والشفاء للجميع اللهم امين انا سمعت من مستشفى حمد انه في دواء للسكر عن طريق الفم يعني قطرات يمكن هالي تتكلم عنه اخوي اما الاجهزه فهي قديمه اخر شي الان الي اسمع عنه هو قطرات عن طريق الفم دعواتكم عندي والحمدلله طفلين عندهم السكر وقاعد اشوف لهم اي طريقه اعطيهم الانسولين بدون ابر ارجو ان يكون الخبر صحيح ونشوف دوا عن طريق الفم بيريحهم اكثر والحمدلله على كل حال والله اسال ان يعافيكم ويعافي الجميع اللهم امين

[زمان]

القابض على دينه كالقابض على جمر
توقيعك ذكرني بالحديث
صوره معبره

فعلاً اخوي

وجزاك الله خير

[زمان]

الحمد لله لقيت الدعاية الي شفتها في الكويت

(اسم المقطع حملة أطفال مرض السكر Pumps 4 Kids )

http://www.************/watch?v=Eit-eBACRx8

[ام ابراهيم]

السلام عليكم ورحمه الله وبركاته
اخواني الافاضل الابره المذكوره تباع في مركز الحياه الطبي شارع الوعب
سعرها 1200 ريال
وماعندي فكره بصراحه اذا حد استخدمها او لا
لكم احترامي

[ام ابراهيم]

للافاده الابره هذي مش هي مضخه الانسولين تختلف عنها
وشكرا

[المليونير الفقير]

يعطيكم العافيه ولازلنا في انتظار التجارب

[الخليل للاعمار]

ربي يشفيهم من كل مرض

[حقيقه]

أخبر المضخه قالي الدكتور في مستشفى حمد يصرفونها للأطفال الرضع. وكبار السن

وبعدين لاتفكر تأخذ شيء من برى
أكيد إذا فيه فأيده للمرضى مستشفى حمد بينزلونه

[أسد الجزيرة]

المضخات اسعارها غالية من ١٨ الف للكورية الى ٢٦ و ٣٢ الف للامريكية
الكورية اسمها dana والامريكية في medtronic و omnipad

مريض السكري الي يستعمل الانسولين يحتاج يومياً تحليل ٧ مرات في اليوم
على الريق
وقبل الفطور و بعده
و قبل الغداء وبعده
و قبل العشاء و بعده

استعمال المضخة لا يغني عن التحليل و لكن يقلل بشكل كبير من وخز الابر اليومي

المضخة medtronic موديل minimed 722 احدث موديل مريحة تكون في الجيب او اي مكان يناسبك ، حجمها حجم البليب و يطلع منها انبوب رفيع مع ابرة تكون شابكة في الجسم و يتغير مكانها كل ٣ ايام بدال الابر كل يوم ٤ الى ٥ مرات

مضخة omnipad و هي الافضل للاطفال تستعمل مرة واحدة تتعبى بالانسولين و تكون لاصقة في الجسم في حجم البليب و تنرمي و تتركب غيرها اعتقد هي نفسها الي تنباع في الصيدليات ١٢٠٠ ريال تيجي عشر حبات في العلبة

لمعلومات اكثر ادخلوا منتدى السكري قسم مضخات الانسولين

[الخزرجي قطر]

الله يشفي مرضانا ومرضاكم ومرضى المسلمين
اجر وعافيه ان شاءالله

[المليونير الفقير]

الله يشفي مرضانا ومرضاكم ومرضى المسلمين
اجر وعافيه ان شاءالله

اللهم امين

[Bo jassim 33]

الله يشفي مرضانا ومرضى المسلمين

[التايه]

نبغي أحد من واقع التجربة