سائق العائلة وطرق اختبار الأمانة ..

[asulaiti]

أود معرفة تجارب الإخوان مع أمانة سواقين البيت ..

هل تؤمن على حلالك مع السائق ؟؟

بمعنى ..

- هل تقوم بتكليف السائق بأخذ السيارة إلى الكراجات المحلية (وليس الوكالة) لتبديل الزيت والفلتر ؟
- هل أنت متأكد من أنه لم يأخذ شيئاً من المبلغ المخصص لصيانة السيارة لجيبه الخاص ؟
- عند إرساله لمحطة الوقود لتعبئة السيارة .. هل أنت متيقين من أنه قام بتعبئة السيارة بكامل المبلغ ؟

حتى لو أخذ إيصال بالمبلغ .. لدي شعور بأن هذه الايصالات ليست لها قيمة .. لأني لاحظت من تلك الدفاتر التي بأيدي عمال محطة البترول ليس لها نسخة للمحطة ..
أي العامل يكتب المبلغ المدفوع اذا طلب السائق .. ولك أن تتخيل لو أن الاثنين من نفس الجنسية .. ومن كثر ما يتردد على المحطة تم التعارف ..
عادي هؤلاء الناس (مايعوق عندهم التعارف .. في دقيقة يصيرون كأنهم يعرفون بعض من سنين)

اللي دفعني لكتابة هذا الموضوع .. هو ماحصل لي اليوم مع عملية اختبار أمانة السائق ..
وكذلك موقف أذكره صار أمامي من كم سنة .. سأذكره لاحقاً ..

لكن أريد رأي الاخوان اللي عندهم سواقين .. كيف يتعاملون مع السواقين في مثل هذه الامور ..
يعني مع السواقين اللي يفشلون في اختبار الامانه .. انا سواقي فشل في الاختبار .. لكنه لا يعرف إلى الآن ..

طبعاً هناك من يقترح طريقة الكوبونات للبترول .. آراها ليس مجدية .. لأنه يقدر يصب بالمبلغ اللي يبغيه ويرجع الباقي نقداً ..

لذا .. ماهي الطريقة المثلى للتعامل مع مثل هؤلاء السواقين ؟

[chillis]

الي تسوي وتاخذ حذرك هم مافي فايده

[نوار قطر]

والله لو نسوي معاهم الف اختبار مافي فايده اذا على الفواتير الهنود يتفقون بينهم وبين بعض عندنا دريول هاب ريح مايخلي شي مايسويه كل مكان يدله حتى بالوصف يروح بس انه اكبر حراااامي يبقونا والمصيبه شكثر اهاوشه ومافي فايده لين قلت له قال مدام هاي بيتي لازم اخاف عليه ولا هاي سيارتي ,,,,,بالله عليكم هاي الواحد شيقول له ؟؟؟؟؟ والحياه مستمره خخخخ

[BoFahed]

البترول والزيت سهلة اخوي الواحد يعرف كم يستهللك التانكي ويتاكد من العداد والزيت قيمته معروفه

هذولا غالبيتهم شر لابد منه ما جات علا كم ريال اعرف ناس يعرفون بانه سواقهم مضبط كل خدامات الفريج بس يقولون شنسوي خله يلتعن اهم شي وساخته برا وما لنا الا شغله بس احنا مب قضاه نحاكمه :eek5:*

[حسن]

محطات التيسير عندهم بطاقه للبترول خاصه وعليها رقم السياره واذا عبي تخص من الجهاز مع وصل مايمكن التلاعب ابدا
وبعدين عادي وسع صدرك الطباخ لازم يذوق المرقه

[ام ناصر1]

حرص ولا تخون ...طرشوا حد معاه واهو يعبي البترول ويسوي الصيانة ...السواقين مالهم امان
لكن اطرشونه بروحه مايصير اللهم عند الضرورة والحاجة ...والاضطرار

[نوار قطر]

حرص ولا تخون ...طرشوا حد معاه واهو يعبي البترول ويسوي الصيانة ...السواقين مالهم امان
لكن اطرشونه بروحه مايصير اللهم عند الضرورة والحاجة ...والاضطرار

والله يا ام ناصر اني ساعات اتعنى اطلع من البيت بس عشان افول له السياره لان لو عطيته ماراح يصب فيها ثلاث ارباع المبلغ في بطنه :rolleyes2:

[asulaiti]

محطات التيسير عندهم بطاقه للبترول خاصه وعليها رقم السياره واذا عبي تخص من الجهاز مع وصل مايمكن التلاعب ابدا
هلا اخوي حسن، عارف البطاقة هذه .. وفكرتها زينة بس لازم تعبي من محطات التيسر بس ..
يعني لو المحطة قريبة من بيتك حلوه البطاقة .. خلاف ذلك ما احب اطرش السواق مسافة بعيدة علشان يعبي بترول ..



وبعدين عادي وسع صدرك الطباخ لازم يذوق المرقه
يذوق المرقة لأن هذه شغله علشان يتأكد من الطعم، لكن يذوق نصها بحجة التأكد من الطعم !!
وايد عنده ذمه هالطباخ !!

المسألة اخوي حسن مو إنه ياخذ خمس ريال في جيبه بدون علم الكفيل ..
احنا مرات نعطي خمس ريال بخشيش .. ومرات نعطي عامل النظافة عشر ومرات خمسين ..
المسألة الآمانة .. حنا جبنا السايق ونعطيه راتب على شغله .. والأكل والسكن علينا ..
يعني مكرم معزز عندنا .. لكن مرات انت تحتاج تطرش السواق للكراج أو للبقالة ..
أو يصب بترول .. فاذا ما عنده آمانه وش تسوي ؟؟
اذا في هالشغلات البسيطة ماعنده ذمة .. شلون تعتمد عليه في أمور ثانية ؟؟
شلون تتطمن على البيت أو الاهل لو إنك مسافر ؟

يعني أنا شخصياً ما أقدر أخلي السايق شغلته بس يسوق،
وباقي الوقت قاعد بدون شغله وانا اودي السيارة الكراج وانا اعبيها بترول ... الخ الخ الخ ..

قصدت من طرح هذا الموضوع لتبادل الخبرات في مثل هذه الامور ..

انا اليوم عبيت بترول للسيارة بنفس المبلغ اللي دايما اعطيه اياه ..
لما كنت اخليه يروح بروحه يعبي .. ألاقي المؤشر، حوالي 3/4 من الاجمالي ..
اليوم عبيت بنفس المبلغ وصل المؤشر للفل تقريباً .. أكثر من ثلاثة الارباع اللي دايما هو
يجي السيارة فيها بعد ما يعبي .. طبعاً مشيك على كم المؤشر قبل لا يعبي هو .. وقبل لا اعبي انا ..
وفي الاخير اتوقع انه لهف يا خمس ريال أو عشر .. والاقرب خمس ريال ..
طبعا البعض يرى المبلغ بسيطاً ،، انا اراه نفس الشيء .. لكن يحز في نفسي هذه السرقة من السايق
وكيف أنا مخليه يخدم البيت والاهل في التوصيل للمدراس وللأعمال .. الخ ..

يعني المسألة مسألة مبدأ .. انا اعطيك الخمس ريال .. بس لاتاخذها بدون علمي ..
لذلك حبيت اعرف اذا في حد لقى طريقة لايقاف هذه اللعبة من الخدم ..

[asulaiti]

والله يا ام ناصر اني ساعات اتعنى اطلع من البيت بس عشان افول له السياره لان لو عطيته ماراح يصب فيها ثلاث ارباع المبلغ في بطنه :rolleyes2:
والله ياخوي نوار قطر .. الطريقة اللي سويتها اليوم مع السايق افضل شيء ..
شيك على المؤشر وين مكانه .. وعطه مبلغ معين يعبي فيه .. وبعدين شوف المؤشر وين وصل ..
انا مصور العداد قبل وبعد ..
وبعدها قول للسايق اذا وصل المؤشر للمكان المعين قولي .. وانت بعدين عبها بنفس المبلغ ..
شوف المؤشر .. اذا كان نفس الشيء جيد .. بس كرر العملية علشان يعرف السايق انه وراه مراقبة ..
واذا لقيت المؤشر أقل .. إعرف إنه لهف له كم ريال .. وانت عاد وتصرفك معاه ..

انا السايق اليوم تفاجأ أني قلته انا راح اعبي السيارة .. ولما رجعت لاحظت عليه الارتباك ..
لكن ما قلت له اني ملاحظ تغير في المؤشر .. سويت نفسي كأني ابغي اعبي بنفسي واجرب السيارة علشان اشوف محافطته عليه ،، انا بينت له هذا الشيء بطريقة غير مباشرة ..

لكن اعتقد انه راح يكون له درس انه ما يحاول يلعب بذيله .. لأن عرف انه الكفيل في اي لحظة هو راح يعبي بنفسه ..

[asulaiti]

البترول والزيت سهلة اخوي الواحد يعرف كم يستهللك التانكي ويتاكد من العداد والزيت قيمته معروفه

هذولا غالبيتهم شر لابد منه ما جات علا كم ريال اعرف ناس يعرفون بانه سواقهم مضبط كل خدامات الفريج بس يقولون شنسوي خله يلتعن اهم شي وساخته برا وما لنا الا شغله بس احنا مب قضاه نحاكمه :eek5:*
هلا اخوي بوفهد .. البترول والزيت امره سهل .. سيارات البيت اولا كلها صيانتها على الوكالة ..
لكن عندي سيارة قديمة حق المطاريش .. وهذه حرام تسوي لها صيانة في الوكالة ..

والسواق هذا اللي مضبط علاقات .. الابرك تسفيره لانه بلوه وراح يجيب مشاكل لاهل البيت والفريج .. انا لو عندي ما خليته لحظة في بيتي ..

اذكر سواق جاري شفت مرة مو طبيعي .. لما قربت منه شميت فيه ريحة خمر الله يخزيه ..
وبلغت جاري .. وثاني يوم انا وياه ويديناه المطار .. واذكر كلامه يوم يقولي بعد ما سفره ..
انا ماهمني انه يشرب .. لكن اللي زعجني انه راقد في بيتي وهو سكران !! ما استحملت الفكرة ..

[مونتانا]

معظم السواقين يسرقون على الرقم من المعاملة الطيبة التي يلقونها من كفلائهم او خلني اقول غالبية الكفلاء وليس كلهم
انا اشوف اذا السايق كان همه وتركيزه يسرق خمسة او عشرة ريالات كل اسبوع او اسبوعين اعتقد الامر يهون عن سايق آخر يفكر يسوي شي غير اخلاقي .
ارجوكم انتبهوا على عيالكم وبناتكم ولاترمونهم على السواقين والخدامات انتم مسؤولون عنهم واذا لاحظت على السواق شي غير طبيعي او شكيت فيه او مش مرتاح له لاتعور راسك سفره وجيب غيره يمكن البديل يكون احسن وتقدر تأمن عليه. المهم لا تعطون السايق الخيط والمخيط .
والله يعينا جميعا

[بن غيث]

في شغلات لازم الواحد يتغاضى عنها .. انا متأكد ان السايق حرامي ويبوقني
بس المبالغ الي يأخذها مب ذات قيمه تذكر
أهم شي انه شايف شغله صح .. ومحافظ على السيارة والعيال
وما يسوي خرابيط .. هذه وجهة نظري ..

[نوار قطر]

والله ياخوي نوار قطر .. الطريقة اللي سويتها اليوم مع السايق افضل شيء ..
شيك على المؤشر وين مكانه .. وعطه مبلغ معين يعبي فيه .. وبعدين شوف المؤشر وين وصل ..
انا مصور العداد قبل وبعد ..
وبعدها قول للسايق اذا وصل المؤشر للمكان المعين قولي .. وانت بعدين عبها بنفس المبلغ ..
شوف المؤشر .. اذا كان نفس الشيء جيد .. بس كرر العملية علشان يعرف السايق انه وراه مراقبة ..
واذا لقيت المؤشر أقل .. إعرف إنه لهف له كم ريال .. وانت عاد وتصرفك معاه ..

انا السايق اليوم تفاجأ أني قلته انا راح اعبي السيارة .. ولما رجعت لاحظت عليه الارتباك ..
لكن ما قلت له اني ملاحظ تغير في المؤشر .. سويت نفسي كأني ابغي اعبي بنفسي واجرب السيارة علشان اشوف محافطته عليه ،، انا بينت له هذا الشيء بطريقة غير مباشرة ..

لكن اعتقد انه راح يكون له درس انه ما يحاول يلعب بذيله .. لأن عرف انه الكفيل في اي لحظة هو راح يعبي بنفسه ..

نسلم اخوي بس انا بنت ولبي اصب البترول :shy:

[asulaiti]

في شغلات لازم الواحد يتغاضى عنها .. انا متأكد ان السايق حرامي ويبوقني
بس المبالغ الي يأخذها مب ذات قيمه تذكر
أهم شي انه شايف شغله صح .. ومحافظ على السيارة والعيال
وما يسوي خرابيط .. هذه وجهة نظري ..
والله ياخوي بن غيث دام انه مستسهل يبوق هالخمس ريال ..
لا تترجى منه خير .. ولا اعتقد إنه بيحافظ على حلال الكفيل من الموجودات .. طالما إنه ما حافظ على حلاله النقدي ..

يعني امس انا مكتشف مدى اهماله هذا السايق .. يوم شغلت السيارة اشتغل المكيف على طول ..
واضح انه المكيف شغال 24 ساعة .. ما يقرب صوب الزر علشان يطفيه او يشغله !!

المشكلة اخوي بن غيث انك اذا عرفت انه له هالسوالف .. كل مرة تقوم طرشه مكان علشان يجيب غرض
أو يشوف مشكلة معينة في السيارة عند الكراج .. ما تقدر تصدقه بسهوله ..

والظاهر ان هذه المشكلة منتشرة وما لنا إلا الصبر على بلاويهم ..

[asulaiti]

نسلم اخوي بس انا بنت ولبي اصب البترول :shy:
العفو اختي .. الاسم ماكان واضح لي ..
والله يعينكم ..

[ضوى]

في شغلات لازم الواحد يتغاضى عنها .. انا متأكد ان السايق حرامي ويبوقني
بس المبالغ الي يأخذها مب ذات قيمه تذكر
أهم شي انه شايف شغله صح .. ومحافظ على السيارة والعيال
وما يسوي خرابيط .. هذه وجهة نظري ..

كلامك جدا صحيح ، واذا بندقق بكل شي بنتعب ، هم شر لا بد منه اهم شي الله يكفينا شرهم ونتابعهم بس بالمعقول ولا نخلي حياتنا كلها شك بشك

[عاهد بن علي]

انا ولله الحمد عمري ما حطيت سايق في البيت

[اوف ليميت]

أود معرفة تجارب الإخوان مع أمانة سواقين البيت ..

هل تؤمن على حلالك مع السائق ؟؟

بمعنى ..

- هل تقوم بتكليف السائق بأخذ السيارة إلى الكراجات المحلية (وليس الوكالة) لتبديل الزيت والفلتر ؟
- هل أنت متأكد من أنه لم يأخذ شيئاً من المبلغ المخصص لصيانة السيارة لجيبه الخاص ؟
- عند إرساله لمحطة الوقود لتعبئة السيارة .. هل أنت متيقين من أنه قام بتعبئة السيارة بكامل المبلغ ؟

حتى لو أخذ إيصال بالمبلغ .. لدي شعور بأن هذه الايصالات ليست لها قيمة .. لأني لاحظت من تلك الدفاتر التي بأيدي عمال محطة البترول ليس لها نسخة للمحطة ..
أي العامل يكتب المبلغ المدفوع اذا طلب السائق .. ولك أن تتخيل لو أن الاثنين من نفس الجنسية .. ومن كثر ما يتردد على المحطة تم التعارف ..
عادي هؤلاء الناس (مايعوق عندهم التعارف .. في دقيقة يصيرون كأنهم يعرفون بعض من سنين)

اللي دفعني لكتابة هذا الموضوع .. هو ماحصل لي اليوم مع عملية اختبار أمانة السائق ..
وكذلك موقف أذكره صار أمامي من كم سنة .. سأذكره لاحقاً ..

لكن أريد رأي الاخوان اللي عندهم سواقين .. كيف يتعاملون مع السواقين في مثل هذه الامور ..
يعني مع السواقين اللي يفشلون في اختبار الامانه .. انا سواقي فشل في الاختبار .. لكنه لا يعرف إلى الآن ..

طبعاً هناك من يقترح طريقة الكوبونات للبترول .. آراها ليس مجدية .. لأنه يقدر يصب بالمبلغ اللي يبغيه ويرجع الباقي نقداً ..

لذا .. ماهي الطريقة المثلى للتعامل مع مثل هؤلاء السواقين ؟

والله اكون كذبت عليك ان عطيتك تجربتي في هالشي
لاني تجربتي مع شخص قديم وابوه كان موجود..يعني تقدر تقول رابي مع العيله..امه وابوه ويانا من اكثر 45 سنه
فهو مؤتمن على كل شي..حتى لفلوس والشيكات

وباقي الهنود ممنوعين منع بات من المبيت..زيارات يوميه او اسبوعيه في ساعات محدده بس
ومبيتهم في محلق في بيت مؤجر لسكن عزاب
ولم يتم تجربة امانتهم..لان لهم شغله محدده يأتي ويذهب وبس

هذا قانون البيت عندنا "وخصوصا قانون الحريم" هم اللي يبونه..والحمدلله

:]

[خالد32]

انت وكيفك في حلالك
تبي تعطيه السايق عطه
تبي توديه بنفسك وده
ما تقدر تحكم على السايق الي عندك انه حرامي لان الي عند غيرك حرامي و العكس
و الشي راجع لتقديرك
اذا بيجيب لك فاتوره مزوره و مشت عليك الله يعينك
و اذا شكيت فيه تقد تتاكد مو المحل برنة تلفون
و الله يوفقك

[(الفيصل)]

وشالفايده ياخوك
تعلم وتأدب وتختبر
وفي الاخير يقولك قبل المدة المتفق عليها (بابا انا ماما في مريض لازم سافر)!!
أو شرده ولاتعرف له طريق !!

الله المستعان

[معماري قطري]

صج والله نبهتوني لشيء غافل عنه

عندي سواق من فترة طالبني فلوس يعبي سيارتين وبعدها أو قبلها بيوم ماخذ من زوجتي بعد حق البترول، وصحيح إن بعض الظن إثم والريال مطوع ومب مقصر معانا في شيء، وحتى استحي أواجهه وصج والله وضع صعب فيوزات مخي دخنت خلاص ما اقدر افكر باخلي الوضع على ما هو عليه.

[asulaiti]

يبدو أنها ظاهر عامة منتشرة .. الله المستعان ..
ومسألة استغلال غفلة الكفيل مع إنه مأمنه على الحلال .. تحز في النفس ..
لكن واضح من مشاركات الأعضاء هنا أنهم عانوا كثيرا مع السواقين ..

أنا عن نفسي قررت أتغاضى عن المسألة لكن بدون إهمال ..
يعني كل بين فترة وفترة اشوف العداد .. بشكل عشوائي ..
وبين فترة وأخرى اذا سمح لي الوقت انا اللي راح اعبي البترول ..

وبهالطريقة بيلاقي نفسه السايق يخاف ان مايعبي بكامل المبلغ ..
لانه ممكن في اي لحظة .. اشوف العداد ..

لاني شخصياً .. ما أحب هالنوع من الإستغلال !!
انا ما أقصر معاهم في شيء .. وهالسايق ياما أكرمته ..
لكن الظاهر باعطيه على قد اخلاصه ..