روائح كيماوية بزغوى والخريطيات والخيسة

[ابن الرومي]

اكيد سكان مناطق ازغوى والخريطيات والخيسة
يشمون روائح كيماوية في بعض الايام فجراً
ولا نعرف السبب
ياريت وزارة البيئة تشوف الموضوع
لانه مزعج للاطفال وكبار السن

[بصمة قطرية]

الله يعينكم ..

[Rashid554]

اتصلهم

[bent mhmd]

اكيد سكان مناطق ازغوى والخريطيات والخيسة
يشمون روائح كيماوية في بعض الايام فجراً
ولا نعرف السبب
ياريت وزارة البيئة تشوف الموضوع
لانه مزعج للاطفال وكبار السن

أي صح كلامك أخوي أنا أمس الفجر شميت هالريحة

[باراكودا]

أي صح كلامك أخوي أنا أمس الفجر شميت هالريحة

موجودة منذ فترة وأتوقع مصدرها محرقة أم الافاعي
والبيئة معذورة تركيزها في الوقت الحالي جمع مبالغ التخييم فقط ورصد التلوث من مفاعل نتظز ..

[مستر راشد]

فعلا
دائم اشم هالرؤائح .. الله هو العالم وين مصدرها

[abo saif]

الله يرحم واليك ذي الروايح من محرقة ام الافاعي

وما تجي لنا الا لما يكون الهوا غربي مو الفجر بس
و اما اذا شمالي اللي يعني اهل بني هاجر و اذا كوس الله يعين اهل الشحانيه واذا شرقي


والله يتصدني كتمه و امرض مت هالريحه لا حياة لمن تنادي

[ابن الرومي]

والله الروائح ما تطاق
لا هذا شي جديد اعرفة انه من النفايات
حتى والله اسكر ابواب الغرف علشان الريحة ما تدخل على اليهال

[PrivateHeart]

ايه صج دايما نشم هالريحة وعيالي يقولون من محطة وقود اللي عند نادي الغرافة
لما يسوون سندويشات النقانق مالتهم



[بوحمد111]

الله يعين سكان هذه المناطق

[عيون الدوحة]

أشدعوة محرقة هذي حجمها مافيها فلاتر محترمة

[مشاكل]

هذ ريحة دخنة غاز الشمال من يسوون حق المصنع ( شت داون ) صيانه طولوا على الفلير وخذ دخنة

[وطن]

الله يعينكم على الريحة
:rolleyes2:


ايه صج دايما نشم هالريحة وعيالي يقولون من محطة وقود اللي عند نادي الغرافة
لما يسوون سندويشات النقانق مالتهم



هاهاهاهاها
الله يخليهم لكم

[almaf1a]

بالفعل من فلير مصانع الشمال واضح ان عندهم شت داون ولكن زغوى والخريطيات وحتى الخيسه بعيدة جدا
اما بالنسبه لمحرقة ام الافاعي الي اعرفه ان هناك مصنع لتكرير المخلفات والاستفادة منها رصدت الدولة ميزانيه كبيرة له
وهو في طور التنفيذ والمشروع فريد من نوعه في منطقة الشرق الاوسط وراح يعمل نقله نوعيه للدولة
أتمنى ان يرى النور ويبدأ انتاجه

[مهرة]

امبلا صدقتو الريحة لا تطاق وما تطلع الا وقت الفجر والمغرب ونا اقووول جيرانا طوول السنة ذابحينا بريحة سمادهم لأنهم مشجرين بيتهم .. بس انا اقوول ريحة درامات تحترق ..! اف

[abdo222]

صدقت,, انا كنت اقول ريحه سماد, بس ريحه غريبه

[ابداع قلم]

خوفي يطلع جيفة نمر الخريطيات !! :eek5:

[شيزكيك]

كلكم تعانون من الريحه الصراحه مزعجه وصج ما تيي الا الفجر وكل هالوقت وانا عبالي من السماد الي يحطه الزراع

[شميرام]

الحين محرقه ول المصنع شفو لنا حل

[مضارب دوسري]

اشدعوه من حقل الشمال احنا ساكنين الخور وماتجينا ريحه شلون توصلكم الخريطيات

سابقا قبل كم سنه كانت تجينا الريحه بس الحين مانشم هالروايح

[مضارب دوسري]

خوفي يطلع جيفة نمر الخريطيات !! :eek5:

يمقن اي

[خليفـة]

بل
زين قريت مشاركتك ياخوي عشان ما اروح ذاك الصوب
يزاك الله خير
يالربع الي فيه ربوا .. يتجنب هالمناطق
وربي يعافي الجميع ان شاء الله

خليفـــة

[خشوف]

اي صح انا من ام صلال محمد صوب قلعة برزان قمت الساعه 5 الفجر امس من الريحة قويه تخنق لاتتطاق شكيت انا الغاز او الخيمه صار فيها شي الكل قام من الريحة ماقدرت ارقد الا بعد مارشيت العطور

[qatara]

بيب الغاز الي من لفان لام سعيد
يمر من خلف منطقتكم
عسى ما يكون منه

[مستر راشد]

يا مصنع يا محرقه

شفولنا حل ههه

[عاهد بن علي]

الله يعينكم

[بو_حسين]

الله يعينكم ..

[نيساني]

كلام سليم ريحة حريق حتى من صوب المزارع

الله المستعان

[ابن الرومي]

لازم الجهات المختصة اتشوف الموضوع
لانه كل اسبوع يتكرر

[ابن الرومي]

اليوم شمتو الريحة الكريهة بمنطقة ازغوى والخريطيات
لليوم ما ندري شنهي الريحة الي تجي كل اسبوع

[يراعٌ فراتي]

امس تقريبا الساعة 12 بالليل قلت بتمشا صوب محطة بترول وقود اللي صوب النعيم

اعوذ بالله ريحة غريبة

قلت يمكن ريحة الكبريت لان فيه حفريات

ويمكن طلع عليهم ماي كبريتي

للاسف ما عرفت الريحة مصدرها وين

[همر]

بيب الغاز الي من لفان لام سعيد
يمر من خلف منطقتكم
عسى ما يكون منه



بااااااال خبرك عتييييييج.. شليناه من زمااااان !

[حراير قطر]

انا من سكان الناصرية وشميت هالريحة

كأنه شيء يحترق ويكتم النفس

الله يعينا ويحفظنا ...

[ابن الرومي]

البيئة ما قصرت يوم شالت الكسارات
ولكن الحين ماشفنا البيئة ودورها
في حمايتنا من هذه الروائح الكيماوية

انا قلت كيماوية مش غبار
يعني اخطر واخطر
وما في حد للحين او رد بخصوص هذه الروائح

الله يستر