إستفسار عن السيبروكس

[فروخ]

السلام عليكم ورحمة الله وبركاته..

يا إخوان أنا موقع مع مقاول جيد الحمدلله وبدأ الشغل..
في البداية كنت أفكر أحط للجدران الخارجية الطابوق الأسمنتي اللي في وسطه فلين أزرق لكن سمعت أنه يطيح إرسال التلفونات وبعض اللي جربوه قالوا أن ماحسوا بذاك الفرق في العزل وفيه الأفضل منه وهو السيبروكس..

هل متوفر السيبروكس في الدوحة؟ ووين ممكن ألقاه؟
وهل تركيبه سهل يقدر عليه أي مقاول؟
والتكلفة التقريبية للمجرب

وإذا مب موجود في الدوحة أو كان غالي هل الإسمنتي بوفلين أزرق أفضل من الأحمر من ناحية عزل الحرارة والصوت؟؟؟

وجزاكم الله خير وماتقصرون...:)

[شموخ دائم]

,

,


مرحبا

اخوي الكريم

خلك على الطابوق الاسمنتي ابو عازل ازرق
ولاتغير عنه نصيحه لله
انا مركبه من 8 سنوات في بيتي
ومركب عليه حجر بعد

ما اعرف منو الي يعطيكم هذي النصايح الغريبه

منو الي يقولك يطيح!!
:)

ركبه ونت مطمن
ولاتسمع النصايح الا من ناس فاهمه او متخصصه هندسه
ولاتخلي كلام الناس العاديه يوديك
يمين ويسار وتتوه عن الطريق
:)

العزل ممتاز جدا فيه وراح تعرف الفرق بالصيف
وكيف المكيفات ادائها افضل

اما ال siporex وهو الطابوق العازل الي تسئل عنه
فهو عازل ممتاز جدا جدا وماعليه كلام ولكنه يستخدم في المشاريع الكبيره التي لها مواصفات خاصه
وهو خفيف الوزن وومن الصعب يمسك ( البلاستر ) عليه
لذلك يوضع ادويه مثل الغراء مثبت للبلاستر والطرطشه

ونادرا ما يستخدم للبيوت
وهو موجود في قطر من التسعينيات وماعليه اقبال للبيوت الا في المشاريع الخاصه


,

,

اخوك


شموخ دائم

[معماري قطري]

هلا الغالي .. كتبنا كثير عن هالموضوع تابع على الرابط ذيه وإن شاء الله بتحصل كل شيء موضح بالكامل، وركز على إن العزل الحراري وبعد الصوتي تقدر تسميه نظام شامل مترابط، والطابوق المعزول بروحه يعتبر عازل لكن بعد التركيب تجيك المونه اللي بين الطابوق تترك مجال كبير للإنتقال الحراري بين الخارج والداخل، ودوم أشبه الوضع بشخص متلحف ببرنوص مقطع أو رجله طالعه فتحصل جزء من جسمه معزول وجزء مكشوف.

وهذا الرابط وأتمنى لك التوفيق في العزل الجيد وهذي خطوة مهمة جداً في بناء مبنى راقي

http://www.qatarshares.com/vb/showthread.php?t=512291

[ضوى]

,

,


مرحبا

اخوي الكريم

خلك على الطابوق الاسمنتي ابو عازل ازرق
ولاتغير عنه نصيحه لله
انا مركبه من 8 سنوات في بيتي
ومركب عليه حجر بعد

ما اعرف منو الي يعطيكم هذي النصايح الغريبه

منو الي يقولك يطيح!!
:)

ركبه ونت مطمن
ولاتسمع النصايح الا من ناس فاهمه او متخصصه هندسه
ولاتخلي كلام الناس العاديه يوديك
يمين ويسار وتتوه عن الطريق
:)

العزل ممتاز جدا فيه وراح تعرف الفرق بالصيف
وكيف المكيفات ادائها افضل

اما ال siporex وهو الطابوق العازل الي تسئل عنه
فهو عازل ممتاز جدا جدا وماعليه كلام ولكنه يستخدم في المشاريع الكبيره التي لها مواصفات خاصه
وهو خفيف الوزن وومن الصعب يمسك ( البلاستر ) عليه
لذلك يوضع ادويه مثل الغراء مثبت للبلاستر والطرطشه

ونادرا ما يستخدم للبيوت
وهو موجود في قطر من التسعينيات وماعليه اقبال للبيوت الا في المشاريع الخاصه


,

,

اخوك


شموخ دائم



لا فض الله فوك

نعم انا مركبته من 15 سنة وماشاء الله تبارك الله :victory:

[معماري قطري]

,

,


مرحبا

اخوي الكريم

خلك على الطابوق الاسمنتي ابو عازل ازرق
ولاتغير عنه نصيحه لله
انا مركبه من 8 سنوات في بيتي
ومركب عليه حجر بعد

ما اعرف منو الي يعطيكم هذي النصايح الغريبه

منو الي يقولك يطيح!!
:)

ركبه ونت مطمن
ولاتسمع النصايح الا من ناس فاهمه او متخصصه هندسه
ولاتخلي كلام الناس العاديه يوديك
يمين ويسار وتتوه عن الطريق
:)

العزل ممتاز جدا فيه وراح تعرف الفرق بالصيف
وكيف المكيفات ادائها افضل

اما ال siporex وهو الطابوق العازل الي تسئل عنه
فهو عازل ممتاز جدا جدا وماعليه كلام ولكنه يستخدم في المشاريع الكبيره التي لها مواصفات خاصه
وهو خفيف الوزن وومن الصعب يمسك ( البلاستر ) عليه
لذلك يوضع ادويه مثل الغراء مثبت للبلاستر والطرطشه

ونادرا ما يستخدم للبيوت
وهو موجود في قطر من التسعينيات وماعليه اقبال للبيوت الا في المشاريع الخاصه


,

,

اخوك


شموخ دائم


هلا إخوي شموخ دائم

صح كلامك في أغلب الجزئيات السيبوريكس شوي صعب تحصله لكن من سنتين أو أكثر شركة العلي للمشاريع كانت تخطط تسوي مصنع في قطر له، وشفت انا بعيوني كم مشروع خاص مستخدمين فيه هذا الطابوق من حول 12 سنة وكانوا يجيبونه من الكويت، وأذكر بيت في المرخية مبني بدون أعمدة ومحمل على طابوق السيبوريكس.

شركة العلي للمشاريع كانت تبني مجمعين أو أكثر واحد حسب علمي في المرخية يتكون من 500 منزل حوايطها من الواح السيبوريكس الكبيرة، وأسقفها من السيبوريكس المسلح بالحديد، وصحيح مشكلتهم ذاك الوقت ما ياخذون مشاريع صغيره والحين ما ادري.

مره في معرض في قطر شفت كتلة كبيرة من السيبوريكس 1 متر مكعب بسعر 700 ريال، وهذي الكتله ممكن تقطعها بمنشار عادي أو في مصنع رخام بحيث تكون ألواح كل لوح سمكه 10 سم ومساحته متر مربع، وهذي الألواح ممكن تستخدم لتغطية الحوائط الطابوقية من الخارج وتعطي عزل خيالي، ونتيجة لنظافة سطحها لا تحتاج إلى بلاستر معجون وصبغ مباشرةً على السطح.. بحسبة بسيطة المتر المكعب يسوي لنا 10 ألواح بسمك 10 سم ويطلع لنا اللوح بتكلفة 70 ريال تقريباً، ونحسب التركيب والمواد اللي في الغالب بتكون مسامير أو براغي خاصة واتوقع ما يوصل المتر المربع منه إلى 100 ريال.

مشكلتنا يا اخوي الكريم في شركاتنا الفاشلة، ولا شركة تحصلها تشتغل بالسر في هذي المادة وتروح تطلبهم بناء مشروع حكومي مهم يقولون لك اوكي ولا يمرون حتى عليك ولا يعرضون مادتهم، وما لك الا تستوي مخبر سري وتروح تشوف مواقع البناء وتعرف شيصير، وعندك شركات السعودية تورد الألواح الكبيرة وطريقة تركيبها سهلة أي مقاول يقدر يتعلمها.

معلومة أخيرة .. السيبوريكس أخف من الطابوق العادي ب 70% ... يعني طابوقة عادية وزنها عن 3 طابوقات سيبوريكس مما يخفف الهيكل الإنشائي أثناء التصميم ويوفر الكثير من تكلفة البناء، والعزل الحراري شفت طابوقة سيبوريكس تحتها موقد نار وتلمس فوقها تحصلها بارده وطابوقه عادية تحتها موقد نار مشابه تحصلها حارة جداً، وهذا كان في معرض مواد بناء.

[فروخ]

شموخ دائم وضوى ومعماري قطر...
بيض الله ويهكم وحرمها على النار