استفسار عن تركيا

[Miss.m]

بغيت اسالكم شلون جو تركيا بعد العيد يعني ع نهايه 10 ؟

والي عنده خلفيه عن دوله تركيا من ناحيه السياحه والمناطق يراسلني ؟



شكرااا

[ضوى]

بغيت اسالكم شلون جو تركيا بعد العيد يعني ع نهايه 10 ؟

والي عنده خلفيه عن دوله تركيا من ناحيه السياحه والمناطق يراسلني ؟



شكرااا



رايحين بنفس الفترة خاوينا :)

تركيا عجيبة حلووووة ، كل مكان تروحينه حلو وممتع ، اسطنبول بروحها يبي لها وقت ، وطربزون والمناطق المجاورة لها رووووووووووعة ، وابانت حلوة ، وسبنجا جميلة جدا ، وكارتيبيه حلووة جدا ، شاقول وشاخلي ، دخلي على زاد المسافر بتشوفين عجب

[مـراحـب]

ضوى

مايصير أخاووك أختي ضوى

[ضوى]

ضوى

مايصير أخاووك أختي ضوى

حياج الله :)

[abdo222]

اختي ان شاءالله تفيدج هال الموضوعين ,

http://www.qatarshares.com/vb/showthread.php?t=502328

http://www.qatarshares.com/vb/showthread.php?t=502561

بالسلامه

[الدوسري قطر]

الجووو بيكون براد ومطر باذن الله
انا توني راجعه من تركيا رحتها ايام العيد ورحتها قبل رمضان

الفرق ان شهر سته كان حر الصبح وفالليل هوا بارد
وفالعيد مطرت وكان براد

اما بالنسبة للسكن والسوق ف لي رجعه بعد المغرب بكتب لج بالتفاصيل

وياليتني اخاويج يا ضوى ما شبعت من سوقها

والله يحفظ الجميع تروحون وترجعون بالسلامة

[Miss.m]

مشكووورين فديتكم

ضوى افا عليج اخاويج يلا طرشيلي جدولج حق السفره

اختي الدوسري ماقصرتي عطيتيني كل شي ابغيه ماتقصرين وربي يعطيج العافيه

لاهنتو ع الردود مشكوووورين

[طير شلوى]

تركيا كل الايام زين جوها. بالتوفيق

[bus3od]

متى يكون الجو ثلج مثل ايام مسلسل العشق الممنوع يعني ينزل ثللج

[مـراحـب]

ضوى و الدوسري قطر

ياليت تفيدونا عن تركيا

[ضوى]

متى يكون الجو ثلج مثل ايام مسلسل العشق الممنوع يعني ينزل ثللج

ممم شهر 2 و3 روووعة كارتيبه يغطيها الثلج ، وابانت كذلك ، والشمال التركي طبعا كله من 12 لين 4 والثلج يغطيها

[ضوى]

ضوى و الدوسري قطر

ياليت تفيدونا عن تركيا

اختي الغالية

شتحبين تعرفين ؟

[الخزرجي قطر]

تركيا من اجمل واحلى الدول لكل مدينه لها نكهتها الخاصه بها
توني راجع ماكملت اسبوع واخطط للعوده لها ان شاءالله.
رغم اني زرتها عدة مرات وكل مره اجلس مايقارب الشهرين

[مـراحـب]

اختي الغالية

شتحبين تعرفين ؟

هلا فديتك ، ،

الأماكن السياحية ، ، الترفيه ، ، الأسواق ، ، السايق ، ، حاله الجو ، ، الفنادق ، ، للمطاعم

ابغي جدول لمدة 9 أيام

جزاك الله خير

[ضوى]

هلا فديتك ، ،

الأماكن السياحية ، ، الترفيه ، ، الأسواق ، ، السايق ، ، حاله الجو ، ، الفنادق ، ، للمطاعم

ابغي جدول لمدة 9 أيام

جزاك الله خير

الاماكن السياحية باسطنبول وايد

الاكواريوم ، برج البنت ، جزيرة الاميرات ، ميني اتاتورك ، جولة البسفور ، اورتوكوي يعني هاي اكثر الاماكن اللي مشهورة

الترفيه فيه ملاهي وايد حلوة واعجبتنا في جواهر مول الصراحة وناسة للصغار والكبار ،

الاسواق رحنا مول الاوت ليت في طربزون وكان اروع شي دخلناه ، وفي السوق المصري والبازار الكبير هاي احلى شي رحناه ، وفيه محل من خمس طوابق ودانا المرشد له بس فضيع وقضينا فيه كم ساعة من كبره ، رحنا سوق لالالي بس كله كان بالجملة عدا كذا محل ، وفي شارع الفاتح محلات متنوعة بس مب ذاك الزود الاغ كحل بجايم كان حلو واخذنا منه ، طبعا غير محلات شارع الاستقلال اشكال والوان ، بس زحمة مب طبيعية وانا ماعرف اشتري بهالجو ابدا ، ممم وودانا المرشد كم محل للجلود للشنط والجاكيتات وكاااان روووعة واسعار خيالية بس ماعرف اي منطقة بس احتمال لرحنا اطلبه واساله عن العنوان :)

السايق الصراحة تعاملنا مع مكتب الامير وكان اوكي سائق مع مرشد 200 دولار ، ووايد ودانا اماكن خاصة باخر الايام عشان التسوق للبقلاوة والحلقوم والشاي وخلافه

الجو كان باسطنبول حار بالنهار في الظل اوكي معتدل ، بالشمال بااارد وحلو وكارتيبه حلو الجو بااارد جدا ، وابانت بعد بارد جدا بس خلال فترة سفرنا راح يكون ابرد جدا مما كان عليه في شهر 7

الفنادق باسطنبول سكنا في سنترال بالاس وكان روعة ماشاء الله ، وهالمرة بعد حجزنا فيه ان شاء الله

وفي ابانت سكنا في ابانت بالاس وكان عادي مافيه زيادة بس اوكي

المطاعم ، بجد بجد كرهت الاكل بتركيا ، وطحت في السمج بس والفلافل والفول والحمص ، ذبحتنا المشاوي بكل مكان حست باطفح مع انه اكلنا مرتين بس خلاص زهقنا من ريحة اللحم وشكله ، والدجاج زفر ماعجبني فتميت انا عالاصناف اللي قلت عنها

جدولنا لهالعشر ايام ان شاء الله اللي بنكون فيها باسطنبول كالتالي

اول خمس ايام باسطنبول وبنروح كافيهات والجزر والاورتوكوي وجولات البحر ، وتمشية في تقسيم وشارع الاستقلال ومنطقة السلطان احمد حلوة هالمنطقة وايد وفيها اسواق بعد

بعدها ابانت يومين نغير جو ونسترخي

وبعدها ثلاث ايام في اسطنبول سوق وتشري وتلفلف وتجهيز للردة ان شاء الله

ان شاء الله اكون نافعة بكلامي هذا :)

[بوخالد911]

موفقين

والله يحفظكم من النصب

واهم شي سائق امين يخاف ربه

[مـراحـب]

الاماكن السياحية باسطنبول وايد

الاكواريوم ، برج البنت ، جزيرة الاميرات ، ميني اتاتورك ، جولة البسفور ، اورتوكوي يعني هاي اكثر الاماكن اللي مشهورة

الترفيه فيه ملاهي وايد حلوة واعجبتنا في جواهر مول الصراحة وناسة للصغار والكبار ،

الاسواق رحنا مول الاوت ليت في طربزون وكان اروع شي دخلناه ، وفي السوق المصري والبازار الكبير هاي احلى شي رحناه ، وفيه محل من خمس طوابق ودانا المرشد له بس فضيع وقضينا فيه كم ساعة من كبره ، رحنا سوق لالالي بس كله كان بالجملة عدا كذا محل ، وفي شارع الفاتح محلات متنوعة بس مب ذاك الزود الاغ كحل بجايم كان حلو واخذنا منه ، طبعا غير محلات شارع الاستقلال اشكال والوان ، بس زحمة مب طبيعية وانا ماعرف اشتري بهالجو ابدا ، ممم وودانا المرشد كم محل للجلود للشنط والجاكيتات وكاااان روووعة واسعار خيالية بس ماعرف اي منطقة بس احتمال لرحنا اطلبه واساله عن العنوان :)

السايق الصراحة تعاملنا مع مكتب الامير وكان اوكي سائق مع مرشد 200 دولار ، ووايد ودانا اماكن خاصة باخر الايام عشان التسوق للبقلاوة والحلقوم والشاي وخلافه

الجو كان باسطنبول حار بالنهار في الظل اوكي معتدل ، بالشمال بااارد وحلو وكارتيبه حلو الجو بااارد جدا ، وابانت بعد بارد جدا بس خلال فترة سفرنا راح يكون ابرد جدا مما كان عليه في شهر 7

الفنادق باسطنبول سكنا في سنترال بالاس وكان روعة ماشاء الله ، وهالمرة بعد حجزنا فيه ان شاء الله

وفي ابانت سكنا في ابانت بالاس وكان عادي مافيه زيادة بس اوكي

المطاعم ، بجد بجد كرهت الاكل بتركيا ، وطحت في السمج بس والفلافل والفول والحمص ، ذبحتنا المشاوي بكل مكان حست باطفح مع انه اكلنا مرتين بس خلاص زهقنا من ريحة اللحم وشكله ، والدجاج زفر ماعجبني فتميت انا عالاصناف اللي قلت عنها

جدولنا لهالعشر ايام ان شاء الله اللي بنكون فيها باسطنبول كالتالي

اول خمس ايام باسطنبول وبنروح كافيهات والجزر والاورتوكوي وجولات البحر ، وتمشية في تقسيم وشارع الاستقلال ومنطقة السلطان احمد حلوة هالمنطقة وايد وفيها اسواق بعد

بعدها ابانت يومين نغير جو ونسترخي

وبعدها ثلاث ايام في اسطنبول سوق وتشري وتلفلف وتجهيز للردة ان شاء الله

ان شاء الله اكون نافعة بكلامي هذا :)

يعطيك ألف ألف عافية فديتك
ممكن رقم المرشد

وكم الليله بسنترال

[ضوى]

المرشد اسمه دينيس يعني بحر بالتركي :)

رقمه هو 05348654815

ماتوقع يقولج شي لو طلبت عنوان محلات الشنط والجلود او الاماكن السياحية

الليلة بسنترال اخذتها عن طريق بوكينغ ب180 يورو

امري تدللي اي شي انا حاضرة :)

[Miss.m]

يعطيكم العافيه ع الردور

وانشالله الكل استفاد

[المسعف]

راح تستانس في تركية توني راجع من فترة
تروح وترجع بالسلامة

[المسعف]

راح تستانس في تركيا توني راجع من فترة
تروح وترجع بالسلامة

[Melamode]

كفيتو و وفيتو