سعره في الانترنت $179 وفي الصيدليه 2060 ريال !!

[قطريه أصيله]

اتصلت على احدى الصيدليات المشهوره عندنا اسأل عن جهاز قياس الاكسجين في الدم

قالي الصيدلي سعره 2060 ريال قلت له ولا عليك امر ممكن اعرف اسمه علشان بسوي عليه

سيرج فالانترنت وحصلته .. يعني في الصيدليه 2060 ريال وفي الانترنت 653 ريال

ثلاث اضعاف السعر الاصلي تقريباً

http://www.turnermedical.com/Nonin_Onyx_Vantage_9590_Finger_Pulse_Oximeter_p/nonin_9590_vantage.htm

:omg:



مساكين احنا .. :weeping:

[abdo222]

صادقه,,,

انا من فتره ادور عن جهاز "فرشاه اسنان تضخ ماي" كهربائيه,, سعرها بالصيدليات (بين 600 و 1000)

في النت ما تتعدى 250 احسن نوع,,

طبيعي انه يكون في فرق,, بس مب لهال الدرجه !!

يعني 650 مقارنه ب 2000 تقريبا 3 اضعاف السعر !!!

[اوف ليميت]

والله العظيم صدقتي
معروف
الادويه والمستلزمات الصحيه والطبيه في قطر غاليه
عانيت انا منها فتره
وبدأت في كل سفره اخملي شوي مني ومناك من الخارج وسويتلي صيدلية فالبيت

لكن من يومها وبدت اتقل الامراض..زكام ورشح واحتقان وبلاعيم وانسداد..حسيت ان المرض خاف من الادوية الاجنبيه
ف تنتهي صلاحيتهم اقطهم
عقب ازكم
هههههه
سبحان الله
:]

[مستر بن]

الله كريم :(

[قطريه أصيله]

طيب شنهو الحل .. لي متى بنتم مقصه :weeping:

[M.K.H]

ولا تمون مقصه ولا شى .. ببساطه لا تشترون منهم
اطلبوا من النت ٣ ايام وعندكم في الدوحه
انا صار لي نفس الموقف مع فريجين الي في فيلاجيو كان سعر الماك عندهم ٣ اضعاف السعر من موقع ابل ،،
طلبته من النت وافتكيت .. بس دام في ناس يشترون من المحلات الي يرفعون الاسعار ليش تبينهم ينزلون لكم السعر

الموضوع في يدنا احنا

[السكين]

احييكِ على تصرفك هذا الصح ..

ويا جماعة والله العظيم انه فيه شغلة تنباع بالمنتدى سويت عليها سيرش والله انه 15 ضعف وأكثر سعرها ..

وفيه شغلة ثانية بـ 99 سنت يعني 3 ريال تنباع هنا بـ 80 !

اتمنى من الجميع انه يبحث عن الشيء بالنت حتى من يا ينصدم بالحرامية في كل مكان ..

[النهار]

طيب شنهو الحل .. لي متى بنتم مقصه :weeping:

انا اخذ حبوب الضغط من الصيدليه 186:5 عطيت العلبه لواحد من الربع رايح الاحساء جابها 85 ريال الفرق 101:5 والعلبه فيها 28 حبه يعني الحبه تطلع علىي لوشريتها من هنى قريب 7 ريالات لوجبتها من برع 3 ريالات المواد الطبيه في السعوديه ارخص بكثير من عندنا

[فارس قطر333]

عادي انتوا في قطر

[راشد محمد]

لاحول ولاقوة الا بالله

[حمد بن سعد]

حسبي الله عليهم


ان شاريه من الصيدليه الي في المرخيه 2100


لاكن شتقول من يحمي المواطن المسكين


حسبي الله ونعم الوكيل

[بوخالد911]

حسبي الله ونعم الوكيل

[mr.hamouda]

:omg: موضوع يبقق العيون :eek5:

[bo_s3ood]

اذكر واحد من الربع سووى عمليه وقالو له الادويه بتحصلها في صيدليه المستشفى او في صيدليه ثانيه كان سعر الادويه كلها تقريبا حول 9000 ريال لو خذت من كل واحد حبتين

والله انا وياه رحنا الدمام وخذنا من كل نوع 3 وسعره ماوصل 4700 في الدوووحه نااار الادووويه

شوووفي حفاايظ كبار السن سعرها ب 95 ريال الي تجي مثل الشورت
4 حبات سعرها 380 فلست بس يوم رحت الحساء طلع سعرها 50 ريال ونفس الشركه مب شركه ثانيه 4 حبات ب 200 والله خذيت كرتونين من السعوديه

[معماري قطري]

حكومتنا المفروض تحط ضريبة مبيعات ونظام ضريبي... وتحدد نسبة معقوله من الربح لكل السلع، والحين على وفرة المعلومات وسهولة الحصول عليها كل شيء يكون سهل، والنظام الضريبي المفروض ما يرفع الأسعار بالعكس ينزلها بس بواسطته يكون فيه تحكم في الأسعار ورقابتها.

بدون نظام ضريبي التاجر يربح براحته 300% وأكثر، فهذي مثلاً سيارة اللكزس 570 الجديده معروفه في بلاد فيها ضرائب وقيود على السيارات اليابانية بسعرها اللي بصعوبة يوصل 90 الف دولار، ولأعلى المواصفات، وعندنا السيارة نفسها بسعر 400 ألف ريال تقريباً وبمواصفات أقل، و400 الف ريال = قريب من 110 الاف دولار، ومعروف إن ضرائب المبيعات في أمريكا كمعدل 8% فالسياره بعد الضرائب توصل ل 100000 دولار وهو ما يساوي 365000 ريال أي أقل منها في قطر بحدود 10%، وقس على هذا لكافة السلع وفي مختلف الدول، فالنظام الضريبي لو كان بحدود معقوله يكبح ربح التجار الفاحش ويفعل النظام الرقابي لجلب سلع ذات جودة عالية وسعر معقول وبربح معقول.

[بوسالمين]

الي يبي يشتري اشياء من الانترنت يروح يفتحله حساب في Aramex

بيعطونه ثلاث عناوين واحد في امريكا والثاني في بريطانيا والثالث في هونغ كونع ..

ولين بغيت تشتري اشياء مايوصلونها الدوحة مباشرة، اشترها وعط الشركة عنوانك في امريكا مثلا او بريطانيا او هونغ كونغ (اقرب مكان منهم للشركة) ..

ولما يستلمونها اراميكس بيجيبون الاغراض لكم الدوحة وبيجيكم مسج ان في اغراض وصلت لكم تعالوا وستلموها من مقر الشركة ... وبس!

انا من فتره وكله اشتري من الخارج .. ومع الشحن تطلع علي ارخص ..

اسم الخدمة في أرامكس Shop and Ship

[super jet]

انا حاليا موجود بامريكا وراجع بعد اسبوع باذن الله واللي يبي من هالجهاز انا حاضر باجيب له معاي

الله يجزاج خير اختي على هالموضوع وانا طلبت من هالجهاز لبنتي لأني احتاجه لها للطياره والصراحه خوش جهاز

[الخزرجي قطر]

لاتستغرب في الاسعار لانك في قطر

[غايه الطواش]

معروف اصلا سعر الدوا جدا غلالي بقطر
انا مره بغيت دكتر رولر رحت اصيدليه قالولي ٨٠٠ ريال خذته من النت ٦٥ او ٧٥ دولار ماذكر والله

[فرهود]

اتصلت على احدى الصيدليات المشهوره عندنا اسأل عن جهاز قياس الاكسجين في الدم

قالي الصيدلي سعره 2060 ريال قلت له ولا عليك امر ممكن اعرف اسمه علشان بسوي عليه

سيرج فالانترنت وحصلته .. يعني في الصيدليه 2060 ريال وفي الانترنت 653 ريال

ثلاث اضعاف السعر الاصلي تقريباً

http://www.turnermedical.com/nonin_onyx_vantage_9590_finger_pulse_oximeter_p/nonin_9590_vantage.htm

:omg:



مساكين احنا .. :weeping:


شفايدة هالجهاز ممكن فكرهه مختصره ؟

[super jet]

شفايدة هالجهاز ممكن فكرهه مختصره ؟


هذا الجهاز يقيس نسبة الاوكسيجين في الدم االي عندهم مشاكل صحيه في التنفس ويقيس بعد دقات القلب

[عاهد بن علي]

السبب غلاء ايجارات المحلات و بيوت العمال

[المستثمر1]

سيدي مثل ما قال الاخ العقار بس يرخص يرخص كل شي