بغيت حد يركب حجر ميكانيكي

[king999]

السلام عليكم
اخواني ادور حد يركب لي تركيب ميكانيكي من فترة وكل اللي يجون يقولون ننصحك ماتركب مياكانيكي لان الاسمنت احسن رايكم ولو حد عنده علم عن سعر الحجر السعودي مع التركيب يفيدنا افاده اللة


والسلام عليكم

[ميلاف]

مرحبا الكنق اخبارك مع الحجر : ) ههههههههه

تركيب مكانيكي افضل من الاسمنت ولا فيه وجه مقارنه

التركيب في قطر سعر المكيانيك بدون عازل قار اسود لايقل عن 250 للمتر مع التوريد

وبالاسمنت لايقل عن 150 للمتر مع التوريد

الاسعار نفسها بالسعوديه لكن السعوديه مايمشي عندهم التركيب بالاسمنت كله تركيب مياكانيكي وقبل التركيب بيضرب عازل (قار اسود )

لكن حسب خبرتي والى سمعته وعرفته كل ماكان الحجر صغير الحجم مثال الحجر الصيني او الحجر الاردني الىي هو 20* 40 يكون التركيب بالاسمنت افضل
وذا الحجر مقاسات كبيره نفس الحجر السعودي 30* 60 او 40*60 يفضل مكيانيك

واذا تبي ناس من السعوديه الشركات الى بتشري منهم الحجر اطلب ارقاهمم واتفق معاهم والله يوفقك

[king999]

اخوي ميلاف واللة دخت من سالفه هالحجر تخبر حد تركيبة ممتاز اهم شي عندي الفنش ؟
وبعدين شرايك السعودي ولا الاردني لاني اببي اللون الابيض بس لان قرميط البيت ازرق
فيه واحد قال لي الاردني رويشد مع التركيب 200 ريال تركيب اسمنت

[sepasteyn]

مرحبا - انا اقدر اساعدك في التويد والتركيب ولكن الحجر السوري
لو حاب على الخاص لطفا

[ميلاف]

اخوي ميلاف واللة دخت من سالفه هالحجر تخبر حد تركيبة ممتاز اهم شي عندي الفنش ؟
وبعدين شرايك السعودي ولا الاردني لاني اببي اللون الابيض بس لان قرميط البيت ازرق
فيه واحد قال لي الاردني رويشد مع التركيب 200 ريال تركيب اسمنت


200 واسمنت وحجر اردني !!!!

لايبه ركب سعودي ترا الاردني مابه زود مسويين له سمعه على الفاضي

من ناحيه تركيب والله يالغالي اعرف شكثر لكن ماضمنهم لك لااشتغلت معاهم عشان افيدك

واذا بتركب سعودي عليك بالمنحوت ابيض منحوت قياس 30 في 60 او 20 في 80

وان شاء الله الاعضاء يساعدونك يكون حد جرب راعي حجر يركب

[بودحوم]

مرحبا يالكنج

إذا سويت البلاستر الداخلي

أنصحك ماتركب الحجر بالطريقة الميكانيكية
لأن بيسوي كراك في الجدار الداخلي بعد التركيب .

وهذا الشئ حصل في بيت أخوي

أما إذا للحين ماسويت البلاستر . توكل على الله وبالتوفيق أن شاء الله .

[king999]

مرحبا يالكنج

إذا سويت البلاستر الداخلي

أنصحك ماتركب الحجر بالطريقة الميكانيكية
لأن بيسوي كراك في الجدار الداخلي بعد التركيب .

وهذا الشئ حصل في بيت أخوي

أما إذا للحين ماسويت البلاستر . توكل على الله وبالتوفيق أن شاء الله .

لا واللة سويت وخلصت البلاستر الداخلي

[king999]

سبحان اللة

[قطري قديم]

موجود لدينا تركيب الحجر ميكانيكي مع توريد الحجر السعودي اخوي .

[المنسى]

شيك الخاص اخوى