ضروري افضل دكتور لحساسيه الجلد ( تجاربكم )

[al wafi]

السلام عليكم ورحمه الله وبركاته

واحد من الربع يسألني

بغيت افضل دكتور لحساسيه الجسم

واتمنى حد يفيدني وخاصه الي مجربين عند الدكتور وشافو نتائج حلوه

مشكورين مقدما

[eXpert*]

الدكتور وليد أبو حلاوة ، ممتاز إذا عادة موجود

الدكتور حسن العبدالله ،، جيد لكن علاج أغلب الأمراض عنده الكرتيزون

الدكتورة عايد ، جيدة لكن المواعيد صعبة

الدكتور الطب الشعبيّ : أفضل حل لجميع أنواع الحساسية و أي شئ جلديّ (العشرج) ،، خل رفيجك يجرب يشربه مرتين في الشهر خلال الويكند . ويبّشر بالنتائج :)

أغلب المشاكل الجلدية تتكون بسبب عدم تقبل الجسم لنوع معين من الطعام .


وما عليه شر .

[شبل الجزيره]

تبي نصيحه!!! رح عند ام حمد طبيبه شعبيه في سوق واقف!

انا جتني حساسيه وماخليت عياده خاصه الا انا فيها و6 اشهر احك في هل جلد الين يطلع الدم ولا حد عرف وش سالفتي لابارك الله فيهم... وشهادات ومادري شنو من اروبا والله مايعرفون..

المهم قالولي رح عند ام حمد في شوق واقف ورحت لها وعطتني الادويه!

كله كلفني حول ال 700 ريال
بس هو شهر واحد وجلدي صار مثل الحلاوه!!

والين الحين سنتين والله العظيم ولا رجع ولا شي!

نصيحه لا تضيع فلوسك!

رح عند ام حمد في سوق اقف وادعيلي

[آنــه]

انا تعبت وانا ادور الاحسن وطلع الموضوع كله توافيق
يعني مدحوا بهيج الحلته .. ما نفع معاي
مدحو سعاد لطفي ما نفعت معاي
مدحو العبدالله ما نفع معاي
في النهايه الدكتور وليد ابو حلاوه هو اللي كان اوكي
وبعده الدكتوره الخلوقه بدريه المحمود

وهذول مدحتهم لناس ما نفعوا وياهم سبحان الله توفيق من رب العالمين

[بوعلي2]

مساء الخير يالذيب :shy:

[al wafi]

الف شكررررر لكم جميعا ماقصرتو ارحم الله والديكم ان شاء الله





مساء الخير يالذيب :shy:



مساء النور والسرور :shy:
الذيب ابوك وانت ولده

شكلك عرفتني هههههههههههههههههههههه :secret::shy:

[mE mYself & i]

مع أحترامي للجميع بس ما في عندنا دكتور جلد يعرف شي بس يجربون

[بصمة قطرية]

كل دكتور شاطر في شي
الحساسية الجلدية انواع
مريت على كل دكاترة الجلد في فترة من الفترات
لين قالوا لي حساسيتج ما لها علاج ..!!!

بعدها بفترة رحت لدكتور بهيج
و ارتحت على علاجه
و رد وقال لي نفس الكلام اللي قاله لي في السابق
انتي تحتاجين وقاية لأن العلاج ما يفيد
و فعلاً صرت اتجنب الاشياء اللي ممكن تهيج الحساسية
و فترة الصيف متعبة لمرضى الحساسية ..

دكتور حسن العبدالله و فهد الباكر ندمت اني رحت لهم ..
دكتور وليد شاطر و قال لي نفس كلام الدكتور بهيج ..



شنو نوع الحساسية ..؟

[qatara]

خذها نصيحه مني

شوف قبل لا تولع الحساسيه بيوم وش اكل خل يدقق
على الاكله او الشرب الي كله قبلها بيوم بيصيد السبب ويتجنبه

وعليه بالبحر ولا العيادات حتى لو مافي الانسان شي وصفو له علاج

والله يشفيه

[بوعلي2]

الف شكررررر لكم جميعا ماقصرتو ارحم الله والديكم ان شاء الله








مساء النور والسرور :shy:
الذيب ابوك وانت ولده

شكلك عرفتني هههههههههههههههههههههه :secret::shy:

اه منك ياحبي ومستقبل غيري وهل يخفى القمر :shy:

[al wafi]

ماقصرتو جميعا ارحم الله والديكم

اختي بصمه هو راح امس وقالو له احتمال من الاكل وعطوه مرهم ونننتظر النتائج

اخوي كتارا كلامك صحيح احتمال من الاكل وهالومين بنعرف ان شاء الله


انت خطير بوعلووووووووش هههههههههههههه

[doha2012]

،






تنشط اللحين في فصل الخريف ولا فيه اسباب معروفه الا بعض انواع الفواكه

ممكن انها تهيجها




الحمد لله من قبل ومن بعد..،












،

[الوسيط العقاري]

عيادة الدكتور غازي .. بفريج كليب

روح هناك ونت مغمض عينك

[ام احمد87]

احمد غازي

[الأصيلة]

عيادة الدكتور غازي .. بفريج كليب

روح هناك ونت مغمض عينك

:nice:

والدكتور فهد عبدالله

[القطو السمين]

روح لدكتور محمد محي الدين رئيس الجلدية اللي بالرميلة بيصيد لك نوع الحساسية هل هي من اكل او نقص في الجهاز المناعي واتبع كلامه من تجربة