وطني الحبيب صباح الخير .. لقد احزنتني ..!!

[qatarman8008]

.
.
السلام عليكم ورحمة الله وبركاته ..
لست من المستمعين بانتظام الى اذاعة قطر عموما .. والى برنامج وطني الحبيب صباح الخبر خصوصا ... بسبب ضروف العمل ... لكن كانت لي مناسبة طيبة اليوم في زحمة شوارع الدوحة ان ادير المذياع واستمع الى البرنامج ...
معظم الحوارات والشكاوى بالاخص دارت حول ثلاث محاور رئيسية ..
التعليم .. المجلس الاعلى للتعليم .. وجامعة قطر ..
مطالبة بعض ابناء هذا البلد الطيب في الحصول على الجنسية القطرية ..
التوظيف للقطريين .. وما ادراك ما التوظيف ...

لقد حزنت كثيرا على الاوضاع التي يعيشها بعض المواطنين القطريين .. خصوصا في التعليم وطلبات التوظيف .. وان كنت شخصيا لم اتعرض الى اي موقف مماثل ...
اترك التعليق لمن هو اكفئ مني من الذين تابعوا حلقة هذا الصباح من برنامج وطني الحبيب صباح الخير ...
وشكرا ...

[اوف ليميت]

عجبني يوم بديت (لست من المستمعين بانتظام ..)
مهدتلي الدرب عشان اقول (من 4 ايام كانت اول مره لي في حياتي اسمع شي في وطني الحبيب صباح الخير)
وكانت المره الوحيده والأخيره

ماحبه
اللي يتشكون ماتنحل مشاكلهم
بس ينفضحون واللي ماينفضح..يتعقد اكثر او تحز بخاطره اكثر لانه معلق الامل عليه ويشوف مافي نتيجه ويفقد ثقته بالناس وبالقوانين
شف شبيسبب عقب

واللي قال انحلت مشكلته
انطر..ترى متحلفين فيك بس خل الامور تستتب

خلوا أملكم بالله
برب العباد
مش فالعباد

من ترك شيئا لله عوضه الله خيرا منه

:]

[حميداني]

وايد يعجبني هالبرنامج , هالنوعيه من البرامج هي اللي تسلط الاضواء على الادارات المقصره
فبهالطريقه كل مقصر بيحاول يحافظ على ماء وجهه لانه ان سمعته راحت في الحضيض بيتدربح من كرسيه
واسمه بيتلطخ باهماله ولا مبالاته او تقصيره وملاعباته

البرنامج قوي وواضح وصريح وتعجبني الردود اللي ما تتسرع في اتخاذ الاحكام من الاستماع لطرف واحد
اهم شي اسمك لا يطلع اكثر من مره على لايحة المقصرين لانه ان المسؤولين او الشيخ حمد الله يحفظه
مر على مثل هالمحطات في اي وقت وتكررت الشكاوي على هذا الشخص وثبت ما اتهم فيه , فابشرو بعزكم .. العله طار

[pure]

وايد يعجبني هالبرنامج , هالنوعيه من البرامج هي اللي تسلط الاضواء على الادارات المقصره
فبهالطريقه كل مقصر بيحاول يحافظ على ماء وجهه لانه ان سمعته راحت في الحضيض بيتدربح من كرسيه
واسمه بيتلطخ باهماله ولا مبالاته او تقصيره وملاعباته

البرنامج قوي وواضح وصريح وتعجبني الردود اللي ما تتسرع في اتخاذ الاحكام من الاستماع لطرف واحد
اهم شي اسمك لا يطلع اكثر من مره على لايحة المقصرين لانه ان المسؤولين او الشيخ حمد الله يحفظه
مر على مثل هالمحطات في اي وقت وتكررت الشكاوي على هذا الشخص وثبت ما اتهم فيه , فابشرو بعزكم .. العله طار


اممممممم غريبه مع انه صار لهم سنييييييييييين وهم يتشكون من مستشفى حمد ومن التعليم وما جفنا شي :rolleyes2:

[حسن]

برنامج انتهت صلاحيته بعد استبعاد القطرين مثل الهام بدر وحسن الساعي

[توشيبا]

برنامج انتهت صلاحيته بعد استبعاد القطرين مثل الهام بدر وحسن الساعي

اي والله صدقت :nice:

[alsoq]

ما قالوا الى صدق قطرين يدورون وظائف تناسب مؤهلاتهم يعطونه اقل من مؤله والاجنبي يحصل على كل شي واغلبهم شهادات مزوره ومن المستحيل احد يكشفها لان الجامعه اللي فيها فاسدين وهم اللي يصدقون الشهادة

صدقني لو فيه اختبار على كل اجنبي يقدم على وظيفه كان شفت العجب بس لا اختبار ولا شي والقطري يبلط البحر
مهمش حتى في ابسط حقوقه

[الخزرجي قطر]

برنامج انتهت صلاحيته بعد استبعاد القطرين مثل الهام بدر وحسن الساعي

لاننسى الاذاعي المعروف عبدالعزيز محمد من اوائل مقدمي هذا البرنامج ؟؟؟؟؟

[جفى الجوارح]

حق عوار القلب

الله يعين الجميع ان شاء الله

[طبيب قطري]

اي والله صدقت :nice:


استبعدوا حسن الساعي ؟ مستحيل ليش ؟؟؟

[Ahmed25]

عندي اقتراح بسيط ! ليش ينتظرون انه المجلس الاعلى مثلا يتصل فيهم ؟ المفروض البرنامج يكون له خط مباششر مع مسؤول العلاقات العامه مثلا فالمجلس الاعلى للرد على اي شكوى

[بريق الحق]

البرنامج كله شو ونص ساعة موسيقى

[GENIUS]

ياريت يكون البرنامج اكثر قوة وواقعية مثلا خط مباشر مع اصحاب الشأن كما في البرنامج المماثل له في ابوظبي لكن نغمة جائنا الرد التالي من ادارة العلاقات العامة بعد الشكوى بأسبوع وليس بخط ساخن للحلول الفورية

[مضارب جديد]

اذاعة قطر لين الحين فاتحه؟؟

صار لي خمس سنين ما سمعتها ، بس ان شاء الله ان مستواها تحسن

[خفيف الروح]

راحو الطيبين

[BoAof]

عجبني يوم بديت (لست من المستمعين بانتظام ..)
مهدتلي الدرب عشان اقول (من 4 ايام كانت اول مره لي في حياتي اسمع شي في وطني الحبيب صباح الخير)
وكانت المره الوحيده والأخيره

ماحبه
اللي يتشكون ماتنحل مشاكلهم
بس ينفضحون واللي ماينفضح..يتعقد اكثر او تحز بخاطره اكثر لانه معلق الامل عليه ويشوف مافي نتيجه ويفقد ثقته بالناس وبالقوانين
شف شبيسبب عقب

واللي قال انحلت مشكلته
انطر..ترى متحلفين فيك بس خل الامور تستتب

خلوا أملكم بالله
برب العباد
مش فالعباد

من ترك شيئا لله عوضه الله خيرا منه

:]

والله انك صادق
وطني الحبيب قبل كان يحل المشاكل
الحين اصبح اسلوب لنهب الحق والشكوى بدون حل
وعشان الواحد ينسى حقه في الشكوى في المحكمه بطريقه رسميه
تتكلم ولا حياه لمن تنادي
عن تجربه شخصيه

[همر]

برنامج انتهت صلاحيته بعد استبعاد القطرين مثل الهام بدر وحسن الساعي


ليش؟!! الموجودين الحين لعيبه محترفين ؟!! :eek5:

:nice:




البرنامج كله شو ونص ساعة موسيقى


ونص ساعه اخبار !!!

مادري ليش الاخبار في نص البرنامج ؟!!

صج صج يعني ودي ابعث هذي الحاله لقناة ناشيونال جيوجرافيك !

يا تبدي قبل البرنامج ولا بعده !! حبكت يعني ؟!!



راحو الطيبين


ابشرك.. اذاعة قطر الوحيده اللي مب راضيه تروح :nice:



اذاعة قطر لين الحين فاتحه؟؟

صار لي خمس سنين ما سمعتها ، بس ان شاء الله ان مستواها تحسن


بوووو يقولك بيتعاقدون مع غوارديولا قريب..

[chillis]

والله الاذاعه والتلفزيون ووطني الحبيب بالذات يبيلهم نفضه من قلب

[كازانوفا]

الله المستعااان

[اوف ليميت]

ياريت يكون البرنامج اكثر قوة وواقعية مثلا خط مباشر مع اصحاب الشأن كما في البرنامج المماثل له في ابوظبي لكن نغمة جائنا الرد التالي من ادارة العلاقات العامة بعد الشكوى بأسبوع وليس بخط ساخن للحلول الفورية

ذكرتني ببرناج اماراتي
يبث من اذاعة عجمان
مايحتاج اذكر اسم المقدم..أكيد معروف

هالمقدم غير حياة ناس بيده للاحسن

كان كل محد يتصل وتوصله شكوى يقوله عطني رقم المسؤول او اللي تتواصل معاهم
ويتصل عالهواء مباشرة
اذا ردوا..يتناقشون ويطلب منه يشوف مشكلته ايشفيها وبيقولك روحلهم وراجعهم وجذي
واذا ماردوا عليه..يكلم المخرج والمنتج يدورون له رقم ثاني للجهه..ويرد يتصل
واذا اتصل فيهم على مدار البرنامج ومافي استجابات..اليوم الثاني اول مايبدا البرنامج يقول.. يا ناس ياللي تسمعوني..امس اتصلنا طول اليوم على الجهه الفلانيه (يقول اسمها ويقول اسم الشخص المسؤول) .. ومايردون علينا وسافهين ولامعبرينا
وهالشي لا يرضي لا رب العباد ولا عيال زايد الله يرحمه
ف اطلب من الكل يسجل رقم المسؤول (ويذكر الرقم) .. ومرات يكون رقم جوال..قمه فالاحراج .. ويقولهم اتصلوا عليه وخلوه يدوخ من الاتصالات..واذا حد كلمكم او هاوشكم..بس خبروني وصلولي الخبر وبراويكم فيهم

بس هالمذيع كان وراه ظهر

قمممه فالروعه..كنت استمتع بسماعه مرات

:]

[BoAzozz]

ذكرتني ببرناج اماراتي
يبث من اذاعة عجمان
مايحتاج اذكر اسم المقدم..أكيد معروف

هالمقدم غير حياة ناس بيده للاحسن

كان كل محد يتصل وتوصله شكوى يقوله عطني رقم المسؤول او اللي تتواصل معاهم
ويتصل عالهواء مباشرة
اذا ردوا..يتناقشون ويطلب منه يشوف مشكلته ايشفيها وبيقولك روحلهم وراجعهم وجذي
واذا ماردوا عليه..يكلم المخرج والمنتج يدورون له رقم ثاني للجهه..ويرد يتصل
واذا اتصل فيهم على مدار البرنامج ومافي استجابات..اليوم الثاني اول مايبدا البرنامج يقول.. يا ناس ياللي تسمعوني..امس اتصلنا طول اليوم على الجهه الفلانيه (يقول اسمها ويقول اسم الشخص المسؤول) .. ومايردون علينا وسافهين ولامعبرينا
وهالشي لا يرضي لا رب العباد ولا عيال زايد الله يرحمه
ف اطلب من الكل يسجل رقم المسؤول (ويذكر الرقم) .. ومرات يكون رقم جوال..قمه فالاحراج .. ويقولهم اتصلوا عليه وخلوه يدوخ من الاتصالات..واذا حد كلمكم او هاوشكم..بس خبروني وصلولي الخبر وبراويكم فيهم

بس هالمذيع كان وراه ظهر

قمممه فالروعه..كنت استمتع بسماعه مرات

:]

الله يذكره بالخير .. انشالله نشوف نسمع امثاله على وطني الحبيب

[الـقـاسـي]

برنامج وطني الحبيب من بعده مامسكه المذيع المتالق محمد العمري والبرنامج صار من احسن لين احسن ..

يعني هالانسان ابدا مايجامل أحد ,, ابدا مايدافع عن الوزارات الحكوميه ..

انحلت كثير من القضايا العالقه بكلمته السحريه منا الى الجهات المعنيه ..

رجل ماشالله عليه من كثر ماهو وطني تحس بحرقه دمه على المواطنين لما يتكلمون ويشتكون ..

وترى لعلمكم هو زاد عدد المستمعين للاذاعه وللبرنامج بشكل كبير جدا حتى الاخوان الخليجيين يتابعون البرنامج ويحسدونا على هالمذيع الوطني ..

ترى حتى جابر عبيد اللي في برنامج استوديو 1 مال الامارات سحب نفسه من البرنامج لانه ماقدر يقدم نفس الخدمات الجليله اللي يقدمونها في وطني الحبيب ..


الى الامام يالمبدع المتالق الاعلامي الكبير اللي غير مفهوم الاعلام والاعلاميين في الوطن العربي محمد العمري ..

[مضارب دوسري]

استبعدوا حسن الساعي ؟ مستحيل ليش ؟؟؟

لانه يحاول قدر الامكان يحل المشاكل :)
يبون مذيع قوي الشخصيه على الناس الصغار مثل مدير اداره او وزير التعليم او الصحه او مدير بلدية منطقه معينه
مايبون واحد يتكلم عن الناس الكبار مثل وزير البلديه والتخطيط ومدير الاراضي وغيره من الكبار والمؤسسات الكبيره
يبون واحد يمدح فيهم ويسب فالصغار :)

[مضارب دوسري]

الاعلانات والموسيقى والاغاني خلت البرنامج ولا شي
البرنامج يبدا بتلقي الاتصالات الساعه 8 الى 8 و 20 دقيقه
وبعدها اعلانات ونشرة اخبار
ويرجع يتلقى الاتصالات من 9 الى 9 و 20 دقيقه وبعدها اعلانات مطوله
لين9 و 35 تقريبا

وبعدها من 9 و 35 دقيقه الى 9 و 50 دقيقه وبعدها اغنية النهايه

بذمتكم هذا برنامج يستحق المتابعه
وكل يوم من 8 الى 8 وربع مع متصله وحده كل يوم تتصل وتمدح في فلان وفلان وتشكر فلان وفلان وتسب كم مسؤول على تقصيرهم بالرغم انها سابقا على ايام الهام بدر كانت سيف مسلط على كل مقصر

[فرهود]

نفس الشي المذيعين الي قبل والمذيعين الحين , المذيع لايهش ولاينش , يعني يافرحتي بمذيع يتكلم ويدافع وفي الاخير المردود صفر ,شفرقت ايام الساعي ولا الحين ايام العمري غير كلام في كلام, تذكرت المسلسلات السوريه مرايا وغوار الي ينتقدون فيها الحكومه والوزارات والوزرا وفي الاخير مجرد كلام مامنه فايده.

[Riku3]

برنامج وطني الحبيب من بعده مامسكه المذيع المتالق محمد العمري والبرنامج صار من احسن لين احسن ..

يعني هالانسان ابدا مايجامل أحد ,, ابدا مايدافع عن الوزارات الحكوميه ..

انحلت كثير من القضايا العالقه بكلمته السحريه منا الى الجهات المعنيه ..

رجل ماشالله عليه من كثر ماهو وطني تحس بحرقه دمه على المواطنين لما يتكلمون ويشتكون ..

وترى لعلمكم هو زاد عدد المستمعين للاذاعه وللبرنامج بشكل كبير جدا حتى الاخوان الخليجيين يتابعون البرنامج ويحسدونا على هالمذيع الوطني ..

ترى حتى جابر عبيد اللي في برنامج استوديو 1 مال الامارات سحب نفسه من البرنامج لانه ماقدر يقدم نفس الخدمات الجليله اللي يقدمونها في وطني الحبيب ..


الى الامام يالمبدع المتالق الاعلامي الكبير اللي غير مفهوم الاعلام والاعلاميين في الوطن العربي محمد العمري ..
هههه .. رد طيب :] .

[مضارب دوسري]

برنامج وطني الحبيب من بعده مامسكه المذيع المتالق محمد العمري والبرنامج صار من احسن لين احسن ..

يعني هالانسان ابدا مايجامل أحد ,, ابدا مايدافع عن الوزارات الحكوميه ..

انحلت كثير من القضايا العالقه بكلمته السحريه منا الى الجهات المعنيه ..

رجل ماشالله عليه من كثر ماهو وطني تحس بحرقه دمه على المواطنين لما يتكلمون ويشتكون ..

وترى لعلمكم هو زاد عدد المستمعين للاذاعه وللبرنامج بشكل كبير جدا حتى الاخوان الخليجيين يتابعون البرنامج ويحسدونا على هالمذيع الوطني ..

ترى حتى جابر عبيد اللي في برنامج استوديو 1 مال الامارات سحب نفسه من البرنامج لانه ماقدر يقدم نفس الخدمات الجليله اللي يقدمونها في وطني الحبيب ..


الى الامام يالمبدع المتالق الاعلامي الكبير اللي غير مفهوم الاعلام والاعلاميين في الوطن العربي محمد العمري ..

عندك خبر ان يسمعون البرنامج ويحسدونا عليه الشعب الامريكي بسبب المذيع الكبير محمد العمري :tease:
عندك خبر ان ميت رومني قال في برنامجه الانتخابي انه بيحاول قدر الاستطاعه يجيب شخص فيه مواصفات المذيع الكبير محمد العمري

ياليت يقدم استقالته في اقرب وقت لانه خلى العالم كله يطالب بمذيع بنفس مواصفاته
منا الى الجهات المعنيه :)

[بونووف]

قبل فترة اتصلت وحده وتتشكى بخصوص علاج بنتها وحالتها حاله وبعدها بكم يوم جاء رد وقالوا كلام انه الوزاره على حق والام غلطانه وسكروا موضوع المره واشكروا الوزاره على الرد السريع

يعني المواطن ماراح يشتكي الا لما تضيق فيه الوسيعه والمذيع يقول منه للجهات المعنيه ...!! وبعدين يوم يجي يرد من الجهه المعنيه بعكس كلام المواطن وانتهى الموضوع ...؟؟؟ ولا فوق هاي يشكرون الوزاره على ردهم السريع غريبه


لو يسسون نفس برنامج الاماراتي اللي تكلم عنه اخونا اوف ليميت بيكون احسن

وبخصوص الاعلانات والاخبار وسعر الطماط والهامور ماله داعي كلش

[بريق الحق]

والله تكفوون صكرو القناة مامنها فايده استغفر الله احس بعض الاحيان يحطوون الاخبار قبل اذان العصر والمشكلة مايقطون الاخبار يكملوون من اخبارهم الحين

[متفائل وايد]

وجهة نظري المتواضعه
انا اشوفه انه برنامج جيد بس يحتاج لبعض التعديلات مثلا :
1/ وقت البرنامج يكون اكثر من 4 ساعات وتقل الاعلانات والاخباراللي فيه لان هالبرنامج لحل المشاكل موب للاعلانات .
2/ تكون فيه صلاحيات لمقدمين البرنامج اكثر من الصلاحيات الموجوده بدون اي تجريح او اساءه للمسئول او الموظف .
3/ يكون فيه تجاوب من جميع الوزارات الحكوميه وغير الحكومية للرد على الشكاوي .
4/ الا تكون فيه مجاملات لاي متصل
ودامت ديار بو مشعل عامره

[مهره]

نسمع شكاوي ولكن للأسف اين الحلول

[متفائل وايد]

للرفـــــــــــــــــــــع

[qatarman8008]

متابع جميع الردود .. لكن للاسف ما شفت الجملة اللي كنت انتظر اشوفها .وهي القصد من طرحي لهذا الموضوع .. كل المشاركات كانت منتقدة للبرنامج والمذيع والاذاعة .. فقط ...
كنت ابي اشوف ... اقرا .. عبارة .. فيها احساس بالتلاحم بين افراد المجتمع الواحد .. جملة مصدرها مبدأ .. حب لاخيك ما تحب لنفسك .. او حتى مجرد التعبير عن الحزن والاسى لما يعانيه اخوان لنا في هذا البلد الطيب . .
نحن ناكل ونشرب ونسافر ونتفخفخ ونلبس افخم الماركات ونركب افخم السيارات .. وليس عندنا اي احساس بالمسؤولية تجاه بعض المواطنين الذين لا يكاد راتبهم الشهري ان يغطي نصف تكاليف واعباء الحياة الى نص الشهر .. والباقي .. سلف .. ويسحب سلف ثاني عشان يسد السلف الاول. .. لا حول ولا قوة الا بالله ..