موظفات بنك قطر الوطني فرع المول..ارجوكم احترمونا

[ريتويت]

من كم يوم كنت فبنك قطر الوطني فرع المول.. والصراحه الي صار وياي شي محزن وغريب لان المفروض ان الموظف يحترم العميل والعكس ولكن الي صار وياي باختصار اني خذيت الرقم وناطره الموظفه تضغط علي الرقم الي بعده مع ان محد من العملا وياها بس كانت مشغوله بالسوالف السخيفه مع موظف اخر.. والمكياج والشعر والشيله الي مالها اي داعي.. المهم حطت الرقم اخيرا بعد عشر دقايق من الانتظار وهي تسولف وكان السالفه مهمه وماتقدر تنتظر.. رحت لها وعطيتها رقمي وقلتلها بالحرف( السلام عليكم اختي بغيت اسحب كاش) قامت ردت ببرود وقالت وبكل وقاحه وهي تطالعني من فوق لتحت( انزين اسحبي !!!):eek5: قلتلها اختي ابغي اسحب كاش لو سمحتي .. قالت ( اهااااااا اوكاي كم المبلغ..؟؟) المهم تمت تكمل الموضوع المهم مع الموظف الي علي اليمين واليسار والضحك وقله الادب وكان الموضوع كالتالي.. واحد مصري سحب من عندها مليون و700 الف.. ماعجبها الظاهر ان شلون مصري يسحب هالمبلغ!!! ومن ضمن تحليلاتها الذكيه انه اكيد هذي مب فلوسه وهو اكيد اكيد شيخ معطيه المبلغ... طيب وانتي شعليج؟؟ ليش زعلانه؟؟ انا بس عندي ملاحظه بسيطه وسمعت كذا ملاحظه عن الموظفات الي علي الكاونتر والريسبشن في فرع المول بالذات.. اتمني من مدير الفرع ينتبه لهم اكثر لان الصراحه شي يفشل...وشكرا جزيلا

[خليفـة]

اختي سكر نبات
ولا تزعلين نفسج
ولا تكدرين خاطرج
هالنوعية من الناس
ما يجون الا بالعين الحمرا
وهالنوعية من البنات
الي تضحك مع هذا الموظف وذاك
بعذر انه زميل عمل وعادي مافيها شي
نوعية رخيصة
لان بعد الضحك والغشمرة هذي تطلع مستجدات
الكل يعرفها

احسنتي التصرف بهدوئج اختي سكر
ومافيه داعي انج تسوين ضجة كونج بنت
لكن لو حصل موقف مثل هذا لي
كان تصرفي كرجل بيكون مختلف

وللعلم اختي سكر
مثل هالتجاوزات من الموظفات ما تصير جدام الرجال
تصير جدام النساء فقط
لانهم عارفين ان الرجال ما يسكتون
وممكن يجيها واحد يمسح بها البلاط جدام الناس

عموما .. وسعي خاطرج
ولا تهتمي
فلكل ساقط لاقط
ارفعي نفسج عن السُقطاء واللُقطاء
وخلج عاليه وغاليه

:)

خليفــة

[][ الوحيد ][]

اتفق معاج في موضوع المصخره اللي فالمول :) !!

و نتمنى من الاداره تراجع اسلوبها في اختياار الناس اللي على الكاونتر ,,

مره سحبت مبلغ و قالت لي ليش تسحب هالكاش كله ؟ انتي شعلليييييج فلوووسي وانا حرر !

[روح الاطلس]

شتتوقعين من موظفات بنك ربوي؟؟ الله يهديهم

[king fish]

هاي لو شافت المصري الي له شركه مقاولات و مشاريعه توصل المليار كان ضحكت سنه

[.. الكاش ..]

الله المستعان

[D0ha]

المفروض ايتغيير العنوان بصيغه ثانيه.... موظفات قطر الوطني؟ احترموا حالكم
امحق بنك وطني إذا هالنوع يقدمون خدمات للعملاء

[الخـود]

الله يهديهم ان شاء الله..

ان شاء الله هالموظفات يدخلون المنتدى ويقرون الموضوع ويتعظون ان شاء الله :d

[الخزرجي قطر]

الله يهديهم ان شاءالله
المفروض عليها تقدم خدمات
وتحترم عملاء البنك وتحتلرم نفسها

[بريق الحق]

ههههه خلها تسوي جي قدام الوالد خخخخ يمكن يرش عليها بطفاية الحريق

[ولد الرياان]

كلام صحيح طلبت من عندهم بطاقة اي تي ام بدل فاقد وعطتني الموظف لي داخل البطاقة وقالت لي روح حق المكتب لي هناك يعطونك الرقم السري ورحت المكتب وهي شافتني انتظر ولاكني موجود وهي تسوالف ومسخره معا موظف في الصراف ضحك ومسخره سالت الاستقبال وينهي الموظفه لي هنيه اشرت على لي عند الصراف اتجهت لها وعلى طول حمرة العين قلت لها ماتشوفيني عند المكتب انتظر وانتي تسوالفبن لو سمحتي عطيني الرقم السري بسرعه مستعجل انا وبعدين ارجعي كملي سوالفج المهم شكله مدير الفرع مصري ولا هندي

[حمد بن سعد]

شتتوقعين من موظفات بنك ربوي؟؟ الله يهديهم

:nice::nice::nice::nice::nice::nice::nice:


آمـــيـــن

[مهرة]

الله يعينج حبيبتي هالأشكال تلقينها بكل مكان للأسف مو بس بالبنووك ..!

الله المستعان ..

[عزووز قطر]

هل قدمتي لها النصيحة ؟
في كل بنك يوجد صندوق للشكاوي والاقتراحات ،،، كتبتي شكوتج وحطيتيها في الصندوق ؟؟
هل راسلتي مدير الفرع شخصياً ؟؟


من وجهة نظري المتواضعة بأن طرح مثل هالمواضيع فيها تشهير لبنات الناس ،، ولن تعود بالفائدة على أحد ...

[عزووز قطر]

شتتوقعين من موظفات بنك ربوي؟؟ الله يهديهم

صحيح
اتفق معاك بأن العمل في البنوك الربوية حرام

بس ماتدري ايش هي ظروفهم ،،، وايش اللي حدهم على العمل هناك

[شبح الصمت]

صحيح
اتفق معاك بأن العمل في البنوك الربوية حرام

بس ماتدري ايش هي ظروفهم ،،، وايش اللي حدهم على العمل هناك




ياخوي مع احترامي لردودك

لا تناقض نفسك شنو اشتكي وما تدري شنو حادها على العمل ..

خلاص اذا اهي محتدة على العمل ومسكينه وفقيرة تحترم نفسها وتأدي واجبها فالبنك بكل احترام وتفاني ومن دون ما تعطل العالم ومن دون ما تحش . !!

وللعلم هل تعلم انه عملها سري وفي غاية السرية ولازم اي كلمة والا اي مبلغ والا اي جنسية تطلع خارج نطاق عملها ..

مصري سحب هندي سحب قطري سحب

فلان ولد فلان .. تروح تشهر به والعالم تسمع كاهي مسكينه سكر اسمعتهم ودرت انه في مصري عنده مليون و700 الف

ودامها تكلمت مع الي حواليها ترى عادي بتطلع برى وبتقول اسمه ..


نفس هالاشكال الي ما تستر على عملائها مفروض ينحطون في البلاك لست لانهم مهب وجه ثقة ومحل نفس


واشكرك على سعة صدرك ان تقبلت ردي وان ما تقبلت ردي بعد اشكرك على عدم تقبله ..

والسلام عليكم ورحمة الله وبركاته ،،

[BoFahed]

[ الوحيد ][;8486395']اتفق معاج في موضوع المصخره اللي فالمول :) !!

و نتمنى من الاداره تراجع اسلوبها في اختياار الناس اللي على الكاونتر ,,

مره سحبت مبلغ و قالت لي ليش تسحب هالكاش كله ؟ انتي شعلليييييج فلوووسي وانا حرر !

صادق اخوي المشكلة يخلون بنات صغار(موديل 88 وطالع ) وتعرف العديد(بنات+شباب ) من هاليومين هم تربية خدم = عدم احترام الكبير وطولة لسان +تضييع معاملات +عدم تقدير بظروف الناس (شسوي للك ؟؟؟؟؟؟؟؟؟)

وخصوصا اذا متوظفه بواسطة يعني الشغل عندها للتسلية والحش والعقار وعرض الازياء وامنة من العقوبة

المشكلة نعاني منها في العديد من الجهات والموسسات الحكومية والخاصة المفروض تتم مراقبه علا طول علا خدمة العملاء لانها اهم قسم في كل ادارة

انا لما كا عندي معاملة في دبي في جهتين حكوميتين ولقيت المدير واقف فوق راس العملاء وكل ساعة او ساعتين يترك مكتبه ويمر على الموظفين

[راشد محمد]

الله يهديهم ان شاءالله

[بومحمد المطاوعه]

اختي سكر نبات
ولا تزعلين نفسج
ولا تكدرين خاطرج
هالنوعية من الناس
ما يجون الا بالعين الحمرا
وهالنوعية من البنات
الي تضحك مع هذا الموظف وذاك
بعذر انه زميل عمل وعادي مافيها شي
نوعية رخيصة
لان بعد الضحك والغشمرة هذي تطلع مستجدات
الكل يعرفها

احسنتي التصرف بهدوئج اختي سكر
ومافيه داعي انج تسوين ضجة كونج بنت
لكن لو حصل موقف مثل هذا لي
كان تصرفي كرجل بيكون مختلف

وللعلم اختي سكر
مثل هالتجاوزات من الموظفات ما تصير جدام الرجال
تصير جدام النساء فقط
لانهم عارفين ان الرجال ما يسكتون
وممكن يجيها واحد يمسح بها البلاط جدام الناس

عموما .. وسعي خاطرج
ولا تهتمي
فلكل ساقط لاقط
ارفعي نفسج عن السُقطاء واللُقطاء
وخلج عاليه وغاليه

:)

خليفــة

من بعد هالكلام ماعندي غيره والله :)

الله يهديهم ويصلح حالهم

المشكله بعض الموظفات تتدخل ف امور مالها خص فيه

وسوالف وتكركر مع الموظف على الفاضي

يعني الميانه طايح وزاحفه

بعيد الشر والحمدلله والشكر

انا لو رحت راجعت وشفت مثل هالنوعيه

اجردهم ف الكلام وانصحهم ولا علي من اكبر راس

واذا تكلم موظف وبالفيت يدافع عنها ولا عن مكانه اخذه على جنب واعطيه من الكلام
الزين والرزين

وانا اضحك ومستانس واهو ميت قهر وده ينفجر

الله يهديهم :)

والله يعينج يا اختي سكر نبات

[chillis]

هل قدمتي لها النصيحة ؟
في كل بنك يوجد صندوق للشكاوي والاقتراحات ،،، كتبتي شكوتج وحطيتيها في الصندوق ؟؟
هل راسلتي مدير الفرع شخصياً ؟؟


من وجهة نظري المتواضعة بأن طرح مثل هالمواضيع فيها تشهير لبنات الناس ،، ولن تعود بالفائدة على أحد ...

:nice:

[eXpert*]

بل !! اللي أخبره في سرية للمعلومات ، وما يصير النقاش في أموال الناس . فلان سحب وفلان أودع ..

الله يخليّ لي البلاطة وتاير السيارة الأسبير :)

[عزووز قطر]

ياخوي مع احترامي لردودك

لا تناقض نفسك شنو اشتكي وما تدري شنو حادها على العمل ..

خلاص اذا اهي محتدة على العمل ومسكينه وفقيرة تحترم نفسها وتأدي واجبها فالبنك بكل احترام وتفاني ومن دون ما تعطل العالم ومن دون ما تحش . !!

وللعلم هل تعلم انه عملها سري وفي غاية السرية ولازم اي كلمة والا اي مبلغ والا اي جنسية تطلع خارج نطاق عملها ..

مصري سحب هندي سحب قطري سحب

فلان ولد فلان .. تروح تشهر به والعالم تسمع كاهي مسكينه سكر اسمعتهم ودرت انه في مصري عنده مليون و700 الف

ودامها تكلمت مع الي حواليها ترى عادي بتطلع برى وبتقول اسمه ..


نفس هالاشكال الي ما تستر على عملائها مفروض ينحطون في البلاك لست لانهم مهب وجه ثقة ومحل نفس


واشكرك على سعة صدرك ان تقبلت ردي وان ما تقبلت ردي بعد اشكرك على عدم تقبله ..

والسلام عليكم ورحمة الله وبركاته ،،


مرحبا اخوي

بخصوص الرد الاول ،،، تقدر الاخت سكر تقدم شكوى لمدير الفرع بسبب تأخيرها في الانتظار ،،، والشكوى الثانية على الموظفة بأنها تتكلم عن معاملات العملاء ،،،

والأخت سكر سحبت كاش ،،، يمكن هالموظفة نفسها تكلمت عند زميلها عن المبلغ اللي سحبته الاخت سكر بعد خروجها من الفرع ... وسوف تظل المشكلة موجودة

بس لو الاخت سكر قدمت شكوى رسمية عند مدير الفرع بإيميل او فاكس في الموظفة ،،، اتوقع هالموظفة بتتأدب وبتحافظ على سرية المعاملات والعملاء ..

وبخصوص الرد الثاني ،،، اتفق مع اخوي الاطلس بأن العمل في البنوك الربوية حرااااااام
بس ماندري ايش هي ظروف الموظفين والموظفات في البنوك ((( واتكلم بشكل عام وليس عن الموظفة المذكورة )))

وفي النهاية انا روحي رياضية واتقبل كل الآراء..

[Al-Kuwari]

بالاول اختي سكر تمنيت انج ماذكرتي الفرق، لو اكتفيتي باسم البنك كان افضل ، الحين كل بنت متوظفة هناك بتتضرر بسبب تصرف موظفة وحده من بين عشرات الموظفات

بخصوص السرية انا اتفق معاج واللي سوته هي غلط والمفروض تنهي المعاملات بدل السوالف مع زملاء العمل

بخصوص رد اختي الاطلس ترى التعميم غلط ومهب حلوة لا فحقج ولا حق موظفات البنوك الربوية

انا اشتغلت 4 سنين في بنوك ربوية والحمدلله الله هداني ورزقني وطلعت من البنوك والربا

اتفق معاج ان نسبة ليست بالقليلة اخلاقها تعبانه لكن والله يشهد علي اني شفت بنات قمة فالاحترام ، مسألة عملها في بنك ربوي ماتعني ان احنا نسي الظن في اخلاق البنات ، ترى هالشي كبير ومب بسيط ويعتبر قذف اختي الاطلس

وبنفس الوقت لو نروح الاوقاف اكيد بنلقى بنات رايحين فيها ولو قلت النسبة ، العبرة هي مانحكم على كل بنات البنوك الربوية انهم بنات مهب عدلين ولا محترمات فقط لانها تشتغل في بنك ربوي

الصالح والطالح موجودين فكل مكان وكل جهة عمل وكل وزارة فالدولة

الله يهديهم ويستر علينا وعلى اهالينا

[boamir]

ياخوي الحرام حراام
مافي شي إسمه ظروف
الله ماينسى عباده يرزق إلي يبي ومهما صار الواحد مايسوي الحرام بحجة ظروف

[Al-Kuwari]

ياخوي الحرام حراام
مافي شي إسمه ظروف
الله ماينسى عباده يرزق إلي يبي ومهما صار الواحد مايسوي الحرام بحجة ظروف

انا معاك لكن هالشي مايعطينا الحق ان نقول دام هالبنت قليلة ادب ومب محترمة اذن كل البنات العاملات فالبنوك الربوية قليلت ادب وغير محترمات ،، ونعمم هالشي على كل بنات البنوك بس لان هالبنت قليلة ادب !!

في علم النفس هالمنطق مرفوض بتاتاً لان كل حالة لها حيثيات مختلفة وكل حالة تدرس لحالها ..

ومسألة ان بنت ترتكب وحده من الكبائر مهب دليل ان هالبنت ترتكب كل الكبائر !!!!

[mr.hamouda]

الله يهديهم

[bo_hamad]

فعلاً صارت معاي مرة اودعت شيك في الحساب وجان يجيني مسج المبلغ ناقص وارجع لهم المول مرة ثانية واتصلت خدمة العملاء وما قصروا ولكن الموظفين والموظفات في المول بصراحه يبيلهم لفت نظر الله يهديهم

[سارونه]

نصيحة لبنك قطر ( فرع المول )

بان يضع فاصل بين الموظفين ( بالكاشير ) حتى لا يتم الحديث البايخ اثناء العمل
المشكلة بان الكل يشوف ويسمع لان العميل بالقرب من الكاشير تماما .

حاجة ثانية حبيت اقولها :) ياريت البنات يلتزمون بالزي ولا يفتحون عباياتهم وهم يمشون
لاني شفت هالشي وانصدمت انصدمت انصدمت :( عييييييييييييييييييييييب

[كازانوفا]

الله يهديهم وان شالله حد منهم يقرا هالموضوع ويوصل لهم يمكن يحسو

[Al-Kuwari]

جزاكم الله الف خير لجميع الاعضاء المحترمين الافاضل .. وللساده الي قالو ( تشهير ) والناس الي معاهم معاهم عليهم عليهم والاقتباس والضحك .. ماقول الا الكلاب تنبح والقافله تسير

فعلاً القافلة تسير و الكلاب تنبح :)

[وليف قطر]

بالعكس ..

انا من فتره كنت في بنك قطر الوطني اللي فنادي قطر
وكانوا البنات جداَ متعاونين

لكن اللي قهرني .. عندهم مسؤول او مدير اظن اسمه اياد < مو متأكد .. بس فلسطيني
كان اسلوبه جدا وقح و استفزازي مع الموظفات

شفت الظلم بعيونهم والقهر بنات لا حول لهم ولا قوه .. محتاجين للوظيفه ولا ما كان اسلوبه جذي ..!
وللأمانه كنت ادوّر عليه الزله وياي لكن ماصار للأسف ,


هنا المفروض نتكلم ونقول لين متى ؟

[chillis]

الي تشتغل هناك بنك ربوي نقول حرام لكن العتب على الي فتح حساب معاهم وهو يدري انه ربوي

[روح الاطلس]

اخوي الكواري انا ماغلطت ولا قذفت احد !!!!


خل الاخلاق ع جنب
الشرع شنو يقول ؟؟؟

لو شفنا بنت تشتغل بمكان نشاطه محرم بنقول معليش ترا البنت خلوقه ومؤدبه؟؟ خلوها تشتغل وتخالط وتختلط بس ترا هي خلوقه وقمة في الادب
هل فيه بنت ملتزمه بتشتغل في بنك ربوي؟ اغلب اهل العلم حرم العمل في البنوك الربويه
واغلب اللي متوظفين في قطر الوطني همهم الراتب الكبير لانه يمنح رواتب عاليه :) بس ياحسرة راتب عالي لكن كيف الواحد يرتاح ياكل ويشرب منه؟ وهو مشكوك في حلاله

وحتى لو قلنا ان البنوك الربويه البعض من اهل العلم اجاز العمل فيه بشروط مثل ان يكون ماوجد عمل غيره ويكون عمله بعيد عن الائتمان والقروض
هل اجازوا العمل المختلط؟؟:)


فهل تلومني ان انتقد بنت في بنك ربوي وبعمل مختلط والوصف كما وصفته الاخت لا حجاب شرعي ولا التزام حتى باخلاقيات العمل ونقول لا معليش البنت خلوقه

والحمدلله قطر مب قاصرها وظايف وفيه وايد بدائل عن العمل بمكان شبهه بس الراتب مغري ويسيل له اللعاب من جذي متوظفين فيه
الله يهدي الجميع

[روح الاطلس]

تشيليز
الحمدلله اننا في بلد مسلم وفيه اربع بنوك اسلاميه مب مضطر حد يفتح حسابه ببنك ربوي معاملاته وقروضه من فلوسكم اللي يفتح حساب ببنك ربوي قاعد يعين البنك على الربا

الذين يأكلون الربا لايقومون الا كما يقوم الذي يتخبطه الشيطان من المس


لعظم اثم الربا وردت عدة ايات في القران والسنه

ومن يتقي الشبهات فقد استبرأ لدينه



اتقووااا الشبهات وابتعدوا عن هالبنوك والحمدلله هناك بدائل

[chillis]

تشيليز
الحمدلله اننا في بلد مسلم وفيه اربع بنوك اسلاميه مب مضطر حد يفتح حسابه ببنك ربوي معاملاته وقروضه من فلوسكم اللي يفتح حساب ببنك ربوي قاعد يعين البنك على الربا

الذين يأكلون الربا لايقومون الا كما يقوم الذي يتخبطه الشيطان من المس


لعظم اثم الربا وردت عدة ايات في القران والسنه

ومن يتقي الشبهات فقد استبرأ لدينه



اتقووااا الشبهات وابتعدوا عن هالبنوك والحمدلله هناك بدائل

مع انه اغلب البنوك الاسلاميه تعبانه في معاملاتها ولكن صدقتي :) مهما كان الافضل الواحد يبتعد :victory:

[روح الاطلس]

صح تعبانه وخدماتهم ميته لكن بنك اسلامي افضل من بنك ربوي
والبنك الاسلامي فيه هيئة رقابة شرعيه وتدقيق شرعي على المعاملات من كبار العلماء المتخصصين ونضمن انه ماياخذ فلوسنا ويتعامل فيها بتجاره محرمة او ربا

[هبوب الكوس]

مع انه اغلب البنوك الاسلاميه تعبانه في معاملاتها ولكن صدقتي :) مهما كان الافضل الواحد يبتعد :victory:

جزاج الله خير

وانا ماتردد على البنك الا مره مرتين بالسنه خبرج :omen2:

[chillis]

جزاج الله خير

وانا ماتردد على البنك الا مره مرتين بالسنه خبرج :omen2:

حتى بالمره والمرتين يجلعون قلبك فيهم من اخطائهم :(

[سارونه]

انا فالبنك التجاري (مع الاسف) لي سنين كان ودي اروح بنك قطر (بس غيرت رايي)

اتمنى اروح مصرف قطر الاسلامي / مع اني ماعرف خدماتهم (الله يوفقني معاهم)

[بومحمد المطاوعه]

انا فالبنك التجاري (مع الاسف) لي سنين كان ودي اروح بنك قطر (بس غيرت رايي)

اتمنى اروح مصرف قطر الاسلامي / مع اني ماعرف خدماتهم (الله يوفقني معاهم)

احسن لج من الربوي

الله يعينج والله

[boamir]

تشيليز
الحمدلله اننا في بلد مسلم وفيه اربع بنوك اسلاميه مب مضطر حد يفتح حسابه ببنك ربوي معاملاته وقروضه من فلوسكم اللي يفتح حساب ببنك ربوي قاعد يعين البنك على الربا

الذين يأكلون الربا لايقومون الا كما يقوم الذي يتخبطه الشيطان من المس


لعظم اثم الربا وردت عدة ايات في القران والسنه

ومن يتقي الشبهات فقد استبرأ لدينه



اتقووااا الشبهات وابتعدوا عن هالبنوك والحمدلله هناك بدائل

الله يجزاك خير ردودك عين العقل
الإسلام ماحرم شي عالفاضي

[مهره]

بصراحه بنك قطر الي فى المول قبل كان غير خدمه والتزام والمدير بنفسه يتابع الشغل ويخدم الكل قبل ما تدخل يسألك اي خدمة الحين الله المستعان سوالف بالساعات وفسق فى اللبس الله يهدي الجميع ولا زحمة غير طبيعيه عندهم الله يعز مصرف الريان صح المكان صغير لكن تعال شوف التعامل والأدب فى الكلام ولا مديرهم بنفسه يسوي لك اي شي حتي اذا مافي مكان تقعد سحب لك كرسيه الله يساعدهم يارب

[Doha Land]

كلام صحيح ، لي تجربة سيئة في هذا الفرع بالذات ( المول )
الفرع بحاجة لتنظيم إداري وتغيير لطاقم الموظفين ، ابتداء من مدير الفرع
بنك قطر الوطني رائد البنوك في قطر وعليه ان يظل كذلك حفاظا على سمعته.

[شبح الصمت]

بصراحه بنك قطر الي فى المول قبل كان غير خدمه والتزام والمدير بنفسه يتابع الشغل ويخدم الكل قبل ما تدخل يسألك اي خدمة الحين الله المستعان سوالف بالساعات وفسق فى اللبس الله يهدي الجميع ولا زحمة غير طبيعيه عندهم الله يعز مصرف الريان صح المكان صغير لكن تعال شوف التعامل والأدب فى الكلام ولا مديرهم بنفسه يسوي لك اي شي حتي اذا مافي مكان تقعد سحب لك كرسيه الله يساعدهم يارب




قلتي الي في خاطري والله اني كتبت عنهم ومسحت قلت الحين بيقولون منحاز من صوبهم

ولي زيارة اكثر من مره لهم الشغل شغل وكلن حاشم نفسه ..

:)

ارحم الله والديج

[عبدالعزيز الهتمي]

من فتره كنت عندهم خذت الرقم وانتظر قسم بالله حذفت الرقم وظهرت من الفرع من السؤالف الماصخه

[شيوخه]

من فتره كنت عندهم خذت الرقم وانتظر قسم بالله حذفت الرقم وظهرت من الفرع من السؤالف الماصخه

وي لهدرجه يعني :secret:

[معماري قطري]

مره صار لي موقف في فرع شارع سلوى

وعصبت وهزأت بالموظفة وانا طالع والكل يسمع .. الموظفات المشكله مب مؤهلات صح وبعضهم على البركه .. وفي أغلب الكاونترات اللي بأرقام في كذا مكان خدمي ياخذون راحتهم وايد في السوالف ويذلون العميل أو العميلين اللي باقيين ويسوون نفسهم مشغولين بحسابات أو غيره، ويمكن يكونون 5 موظفات واللي ينتظرون 6 عملاء أو أقل ومحد يخلصهم.

وعلى العكس البعض منهم بشوشين ويتعاملون بطيب ويساعدون العملاء بسرعة وبمهنية ويستاهلون الشكر والتحية.. مره حصلت سالفة في بنك قطر الوطني فرع الشركات وهو نظامه مكاتب مفتوحه وكاونتر، وفجأة تصرخ وحده من الموظفات وتبكي .. تقول خلاص ما اقدر بأعلى صوتها ويركض المدير يهديها مسكينه ما ادري انفجرت مره وحده .. شرايكم؟

[بومحمد المطاوعه]

نسأل الله السلامه والعفو والعافيه

الله يهديهم
عاد بعض الموظفات يحبون السوالف

وبعضهم بس تخلص اجرائها وياك وتسكت

الحمدلله اصابع ايدنا مب سوى

لازم في الزين والشين

[كحيلآن]

السلام عليكم ورحمة الله وبركاته ..

أختي صاحبة الموضوع .. اسمحي لي اعبر عن رأيي واتمنى تتقبلينه .. عرضك هذا الموضوع على الملاء فيه تشويه لـ سمعة البنات ويمكن تسببين مشكلة لبنت مالها دخل في الموضوع ولكن مر احد من اهلها ودخل المنتدى وشاف هالموضوع وبيجيه الشيطان يلعب براسه ويبداء الشك ياكله من داخل أكل .. ويمكن تكون وحده مخطوبة ويجي خطيبها ويقراء هالموضوع ويغير رايه وتكونين قطعتي رزقها وتسببتي بـ مشاكل ...

انا ضد عمل البنت في مكان مختلط اساساً والفكرة من اساسها مهي داخلة براسي ان البنت تشتغل في مكان مختلط فما بالك تطيح سوالف وتكركر مع الموضفين ..


أتمنى من الأخت روز تحذف الموضوع نهائياً بحيث ان محد يقدر يجي ويشوف الموضوع والردود بعد اذن الاخت صاحبة الموضوع ..

واتمنى من صاحبة الموضوع اتخاذ الاجرائات القانونية الصحيحة أي انها تذهب إلى الفرع الرئيسي وتتقدم بشكوى على الفرع المعني .. وإن شاء الله ينضبطون كلهم


أعتذر على الإطالة ..

وآسف إذا ازعجتك أختي صاحبة الموضوع

[ريتويت]

وعليكم السلام ورحمه الله وبركاته اخي الكريم كحيلان... نعم اتقبل رايك اكيد لاننا مو بس بمنتدي واحد ولكن بمجتمع واحد.. اخي الكريم في كلامي لم اذكر اسم الموظفه تحديدا ولايخلو مكان عمل الا فيه نفس المثال من التبرج و الانسياق ورا الموضه مع الاسف الشديد انا ومعظم الناس ملاحظين هذا الشي منذ فتره ولابد ان توصل الرساله للفتيات الاتي مثلهن.. واجب النصح والارشاد .. اتمني احد من الاداريين في هذا البنك بالذات اعاده النظر في طلب الجمهور .. تقبل احترامي وتقديري

[طبيب قطري]

انا مع الأخت سكر، توني من كم من يوم كاتب موضوع مشابهه علي نفس هالبنك ولكن فرع الريان ، المنتدي هدفه التعبير عن الرأي والمشاركه بآراء مختلفه والتنبيه علي ظواهر سيئه ممكن تكون في المجتمع ، اتمني ان هذي الموظفه تكون شافت الموضوع في المنتديات وسبحان الله يمكن ينصلح حالها

[روح الاطلس]

اتمنى من عقب هالنقد من اكثر من عضو
ان لا يترك اي رجل غيور بناته واهله يعملون في هذا البنك
وانا شخصياً من قبل لا اقرا هالموضوع كنت اسمع الكثير عن سمعة وتصرفات اغلب بنات الوطني
كلكم راع وكلكم مسؤل عن رعيته

[qatari 111]

بل !! اللي أخبره في سرية للمعلومات ، وما يصير النقاش في أموال الناس . فلان سحب وفلان أودع ..

الله يخليّ لي البلاطة وتاير السيارة الأسبير :)

:con2: اخوي وين بيتكم ؟؟

[كحيلآن]

:con2: اخوي وين بيتكم ؟؟

لك البلاطة ولي السبير وكل مشروك مبروك هههههههههههه

[كحيلآن]

وعليكم السلام ورحمه الله وبركاته اخي الكريم كحيلان... نعم اتقبل رايك اكيد لاننا مو بس بمنتدي واحد ولكن بمجتمع واحد.. اخي الكريم في كلامي لم اذكر اسم الموظفه تحديدا ولايخلو مكان عمل الا فيه نفس المثال من التبرج و الانسياق ورا الموضه مع الاسف الشديد انا ومعظم الناس ملاحظين هذا الشي منذ فتره ولابد ان توصل الرساله للفتيات الاتي مثلهن.. واجب النصح والارشاد .. اتمني احد من الاداريين في هذا البنك بالذات اعاده النظر في طلب الجمهور .. تقبل احترامي وتقديري

شكراً على الرد الطيب :)

[اسعاف]

كنت ايام الفرع الاسلامي بقطر الوطني اتعامل مع فرع المول خاصة في ايام العطلات

لاحظت يوظفون بنات اصغار ،ويهتمون بالمكياج وغيره
سألني موظف ليش بتسكر حسابك عندنا(بعد ان ألغي الفرع الاسلامي)
قلت له بنككم اصبح ربوي والله يقول :فاذنوا بحرب من الله ورسوله)
قالي الموظف : أنا ما احب اسمع هذا الكلام ؟!!!!!!

المهم ألغيت بطاقة الفيزا ايضا ونقلت الراتب
لكنهم لم يعطوني المبلغ الذي في حساب الفيزا الا بعد 4 شهور

وانا كلمت فرعيين عن مبلغي هذا
وكلمت الكول سنتر
وكان ردهم :مالك اي ريال
وبعد 4 شهور قالوا /: اسفين حصلنا لك مبلغ 20 الف ؟؟


لكن انصح اخواني الذين يعملون بالبنوك الربوية بتقوى الله وتحري اكل الحلال
واطعام الابناء من المال الحلال وليس الذي فيه ربا او شبة الربا

فأنا ولله الحمد مستحيل اشرب ماء او شاي عند بنك ربوي او في شركة تأمين غير اسلامية

قال صلى الله عليه وسلم


(لَا يَرْبُو لَحْمٌ نَبَتَ مِنْ سُحْتٍ إِلَّا كَانَتْ النَّارُ أَوْلَى بِهِ) صححه الألباني

وقال ايضا ( أطب مطعمك تكن مستجاب الدعوة )

[جرير]

سوأل


هل كلمت مدير الفرع قبل كتابه هذا الموضوع ؟ ؟ ؟

هل شرحت له عن الموقف ؟ ؟

هل لقيت تجاوب من المدير ؟؟

ما اعتقد انك بطريقه نشرك للموضوع حليت المشكله ولا راح تساعد في حلها

مشكلتنا نحب نناقش وندردش في المشكله بس ما نحاول نحل جذور المشكله

ولا حتى نحاول نعرف الطريقه اللي نحل بها المشكله

[كحيلآن]

كنت ايام الفرع الاسلامي بقطر الوطني اتعامل مع فرع المول خاصة في ايام العطلات

لاحظت يوظفون بنات اصغار ،ويهتمون بالمكياج وغيره
سألني موظف ليش بتسكر حسابك عندنا(بعد ان ألغي الفرع الاسلامي)
قلت له بنككم اصبح ربوي والله يقول :فاذنوا بحرب من الله ورسوله)
قالي الموظف : أنا ما احب اسمع هذا الكلام ؟!!!!!!

المهم ألغيت بطاقة الفيزا ايضا ونقلت الراتب
لكنهم لم يعطوني المبلغ الذي في حساب الفيزا الا بعد 4 شهور

وانا كلمت فرعيين عن مبلغي هذا
وكلمت الكول سنتر
وكان ردهم :مالك اي ريال
وبعد 4 شهور قالوا /: اسفين حصلنا لك مبلغ 20 الف ؟؟


لكن انصح اخواني الذين يعملون بالبنوك الربوية بتقوى الله وتحري اكل الحلال
واطعام الابناء من المال الحلال وليس الذي فيه ربا او شبة الربا

فأنا ولله الحمد مستحيل اشرب ماء او شاي عند بنك ربوي او في شركة تأمين غير اسلامية

قال صلى الله عليه وسلم


(لَا يَرْبُو لَحْمٌ نَبَتَ مِنْ سُحْتٍ إِلَّا كَانَتْ النَّارُ أَوْلَى بِهِ) صححه الألباني

وقال ايضا ( أطب مطعمك تكن مستجاب الدعوة )




أعرف رجال معرفه شخصيه .. كان يشتغل في بنك ربوي .. 15 سنه ما جاه عيال .. ويوم ترك البنك وتوضف في شركة وبراتب أقل من راتبه فالبنك بكثير ولكنه حلال .. الله رزقه بـ توأم ... ثم توأم ... ثم ولد .. الله رزقه بـ 5 أولآد :) ... معرفه شخصية جداً :)

[الـخـالـدي]

الله يهديهم وصلحهم بعدين لا تستغربين هالشي من بنك ربوي