حلقة الـ mbc وبثها الرعب في قلوبنا وخشيتنا من الخدم !

[Cute Mother]

السلام عليكم ورحمة الله وبركاته

أغلبنا تابع البرنامج على الام بي سي الليلة والحلقة كانت باستضافة والدة الطفلة السعودية تالا الشهري والمجرمة الخادمة الأندونيسية ..

نسأل الله الثبات والصبر لوالدينها .. ونار جهنم وبئس المصير للمجرمة اللي بكل برود تقول انها مش زعلانة على اللي سوته ..

الصراحة بدينا نخاف من هالعمالة !!!! والمصيبة انه ما يبين على بعضهم انه خبيث وحنا نخلي عيالنا عندهم .. وكلمة انتبهت لها قالها الاستشاري النفسي وهي :

ان عندي خدامة بس تمتمت !! .. وسفرتها ثاني يوم ..

يعني سفرها على طول عشانها تتمتم .. واللي عندي تطالعني بعيونها وتسكت ثم على طول ولا كأن في قلبها شي .. الحين خفت ...

والبديل ما نعرف وش هو البديل عن الخدم او وش هو الحل ؟!


أفكر أجيب لي عربية مسلمة سودانية مثلا .. بس مادري هل يصير او لا ؟!!

[CH Engineer]

عامليها معامله زينه
والشي الثاني سمعت انهم يجيبون خدم لهم سوابق في بلدانهم

[بريق الحق]

احسن عشان البنات مايطلبون خدم لم الواحد يبي يتزوج لانه من شروط الزواج عندهم خدامه
كفوو يالعربيه

[روح الاطلس]

فتحت موضوع عن الخدم وخطرهم وعارضوني عليه خاصة الرجال!!! استغربت منهم :)
المرأة تفهم المرأة وتستعشر فعلا خطورة الخدم اللي الاغلب ماخذهم برستيج ورفاهيه
تقولون مانقدر نستغني عنهم بس لو فكرتوا فيها وخططتوا ونظمتوا وقسمتوا الشغل ابصم بتستغنون عنهم لا وبيزيد وقت فراغ بعد :)
كل وحده ادرى بنظام بيتها اللي عندها بنات كبار شوي ممكن توزع الشغل عليهم
اللي ماعندها الا اطفال الحضانات متوفره
الموظفه بعد بتلقى طريقة تنظم شغلها في البيت
اما اللي ماتعودت وطول عمرها من انولدت وهي تشوف خدم في البيت هاي وضعها اصعب

[بصمة قطرية]

شرٌ لا بد منه
المقولة اللي دائماً نقولها..
نصيحة لكل أم ،،
لا تتركين طفل صغير عند الخادمة
خصوصاً الأطفال اللي ما يفطنون ..
عيالنا أمانة في ذمتنا ،،

[ms-qtr]

الحمد لله واثقة من خدمنا
اذا كانت المعاملة طيبة ان شاء الله ما بيصير شي
احنا جربنا انواع واشكال واعمار وجنسيات مختلفة من الخدم
ومع اختلاف التجارب لكن كلها عدت على خير

[خليفـة]

وليش من السودان !
كان فيه اقتراح يجيبون خدم من كازخستان
بس مادري ليش قوبل هالاقتراح
برفض وهجوم عنيف من خواتنا الحريم

اعتقد السبب ان الكازخستانيات ما يتحملون حرارة صيف قطر !
:con2:

الله اعلم

[الخزرجي قطر]

الخدم شر لابد منه ومن تواجدهم في المنازل
ولكن علينا حسن معاملتهن الدين المعامله .
الله يصبر والدي الطفله والمفروض تطبيق
العقوبه المناسبه على الخادمه وفي اسرع وقت

[الصغيره]

مساكين الاطفال والله شوف عيني الخدامه تقرص طفل لين مات من الصياح بالاند مارك قلت لامه قالت مشكوره وش مشكوره هذا وهي معج كيف بروحها ااااااه امهات اخر زمن

[فيروزه]

لا حول ولا قوة الا بالله

[راشد محمد]

لا حول ولا قوة الا بالله
الله يكفينا شرهم

[chillis]

مع ان كلام الخادمه ان الاهل وايد كانوا زينين ويعاملونها بالحسنى وساعدوها وايد ماديا بس مادري هل هو مرض نفسي ؟

[&شهد&]

فالله خير حافظا وهو ارحم الراحمين

الي علينا انسويه ... معاشاتهم نسلمها لهم على الوقت وانعاملهم معامله طيبه وانحاول انريحهم قدر الامكان ...........
والله الحافظ

[ضوى]

مع ان كلام الخادمه ان الاهل وايد كانوا زينين ويعاملونها بالحسنى وساعدوها وايد ماديا بس مادري هل هو مرض نفسي ؟

المشكلة انه هالمرض النفسي ماظهر الا بعد 3 سنوات من خدمتها؟؟؟؟

[chillis]

المشكلة انه هالمرض النفسي ماظهر الا بعد 3 سنوات من خدمتها؟؟؟؟

كلامها امس كله مدح بالعايله وانها هي تحب البنت والبنت هاديه بس في شي غامض

[ضوى]

كلامها امس كله مدح بالعايله وانها هي تحب البنت والبنت هاديه بس في شي غامض

عمى يعميها حبتها العقارب والديدان يااارب ، حسبي الله عليها حرقت قلب امها الله يحرق قلبها دنيا واخرة

[eXpert*]

وليش من السودان !
كان فيه اقتراح يجيبون خدم من كازخستان
بس مادري ليش قوبل هالاقتراح
برفض وهجوم عنيف من خواتنا الحريم

اعتقد السبب ان الكازخستانيات ما يتحملون حرارة صيف قطر !
:con2:

الله اعلم

يقولون المناخ في حالة تغيير مستمر.

لنتفائل خير لعل وعسى مع كأس العالم 2022 يتم تصدير شحنة لنا.

:nice:

[شبح الصمت]

حسبي الله ونعم الوكيل

حسبي الله ونعم الوكيل

حسبي الله ونعم الوكيل

[ام الحلوين]

حسبي الله ونعم الوكيل

ربي يثبت قلب امها
احمد الله عز وجل كل ابنائي بالمدرسه

[بومحمد المطاوعه]

الصراحه انا ماشفت البرنامج

ام العيال امس تتكلم لي وتقولي

ان صارت هالقصه في السعوديه

وخايفه من خدامه الوالده

اندونيسيه خدامه البيت وطيبه ومحترمه

باب السياره ماتعرف تفتحه مسكينه

انا عندي 3 خدامات

2 فلبينيات و1 هنديه

عاد الحين الوسواس الحين شغل ام العيال

امس تقولي اني خايفه منها خخخخخخ

قلت لها حرام عليج وين تخافين منها هالفقيره

تلفون ماتتصل حق اهلها الا كل شهرين

واحنا الحمدلله نعاملها بالعدل

ومب مقصرين عليها اي شي

بس سؤالي المهم ... ؟؟

هل كلكم تعاملون الخدم بالعدل والاحسان ؟

علشان ماينتقمون من اي شي

والله يحفظنا واياكم من كل شر

[العربية نت]

الخدامة او السائق او اي عماله يتم استقدامها لو فيها خير ما كان جت من بلادها اساساً فأغلب الخدم الي يجون بالعامية خربانين :eek5:

[مهرة]

هالجرائم ماجات من فراغ ولا منيه والطريق >>> من المعاملة ..!

خافو الله في معاملة المخدووم وان شاءالله كل شي طيب ويسير ..

وترى والله مايصير شي اذا تمينا من غيرهم انتو حاولو وجربو وحطو نيتكم الأجر وترى الدنيا ماراح توقف لأنه ماعندنا خدم؟؟

متى استعبدتم الناس وقد ولدتهم امهاتهم أحرارا ..! >> لو لا الحاجة والحالة ماجووكم ولا عرفتو شنو يعني خدم ..!

[المواطن]

" اللهّم ارحم والدي كما ربياني صغيرا "

ما سمعنا أو خبرنا مثل ما يحصل في هذه الأيام من قتل وسفك للأطفال في مجتمعاتنا الخليجية عامة والمجتمع القطري المتواضع بعدده بصفة خاصه يومَ كانت الوالده قائمة على تربية ابنائها وحافضة لبيتها والأب قائم على عمله وتوفير حاجة عائلته والأغرب ما كنا نسمع عن الضغط والسكر وامراض اخرى كما الحال اليوم.

الحل بسيط وسهل

[كازانوفا]

حسبنا الله ونعم الوكيل

[سارونه]

هالجرائم ماجات من فراغ ولا منيه والطريق >>> من المعاملة ..!

خافو الله في معاملة المخدووم وان شاءالله كل شي طيب ويسير ..

وترى والله مايصير شي اذا تمينا من غيرهم انتو حاولو وجربو وحطو نيتكم الأجر وترى الدنيا ماراح توقف لأنه ماعندنا خدم؟؟

متى استعبدتم الناس وقد ولدتهم امهاتهم أحرارا ..! >> لو لا الحاجة والحالة ماجووكم ولا عرفتو شنو يعني خدم ..!


انا أؤيد كلامج 100%

الجريمة ما تيجي الا بعد دراسة بان اصحاب البيت طلعوها من طورها ..

مثال : مره شفت وحده تكلم الخدامة تقولها ( تعالي يالخبله ) قدام الناس بالمركز الصحي
صاحبتها ماشافتها يوم راحت عنها وش تقول الخدامه عنها هههههه ( انتي مجنونه ياكريزي )

[اوف ليميت]

شفت مقطع للفيديو انا
بس انصدمت من مقابلة للاخت المراسله مع الخادمه
اعتقد الموضوع اكبر من انها اذبحتها بكيفها وخلاص
والدليل افادة الخادمه انها وصلتها مسجات تحرضها عالقتل
او التهديد بالتسفير (مزح او مش مزح) المهم وصلها ومن بنات

اذا كان صج .. ف مصيبه
واذا كان مزح .. ف مصيبه اعظم

وفي الحالتين الخادمه لا تعفى من هذا الجرم القبيح

وهذا هو المقطع عاليوتيوب
http://www.*******.com/watch?v=c0WCoVXHUKw

:]

[الخيالة]

لاتقولون المعامله الطيبة
مافي فايده

اختي كانت طيبة مع خدامتها الإندونيسية ولي كانت تضغط عليها تعطيها كل شي كانت مرتاحة وتاكل من احسن انواع الاكل وتلبس ملابس جديده اختي كانت تشتري لها كل ماتسافر تشتري لها هدايا ووووووو وآخر شي درينا بسوالفها وكانت تحط رمل في حلج عيال اخوي والله ستر وعرفنا وسفرناها أهمه اصلا كلهم نفس الشي سواء نكون طيبين وياهم او لا

[مشيرب]

ياجماعة حد عنده فكرة اذا البرنامج بيعيدونه في ال ام بي سي؟
وأي يوم ومتى؟

[intesar]

الأندونيسيات خطر.. غير انهم ساحرات.. أغلب الحوادث من تحت روسهم..

[intesar]

بس هي تقول أنهم عاملوها أحسن معاملة.. وتحبهم..
هذي تبي تستعطف الرأي العام..
يبيلها قطع رقبة وبمكان عام.. حتى تكون عبرة لكل الخدم..

[حسن]

احسن عشان البنات مايطلبون خدم لم الواحد يبي يتزوج لانه من شروط الزواج عندهم خدامه
كفوو يالعربيه

الله يهداك بس مول النسوان عندنا مفتكرين في الام بي سي قال ولا درو عنها

قط العيال على الخدامات وبس البركه من سبع البرمبه مادري وين شرقي هوا داره

الله يهدي النسوان:)

[غرِيبهـ]

ياجماعة حد عنده فكرة اذا البرنامج بيعيدونه في ال ام بي سي؟
وأي يوم ومتى؟

تقدر تشوفه على موقع الشاشة للام بي سي

او اذا عندك ايباد فيه تطبيق للشاشه تنزله وتشوف

[meeemz]

الله يرم تالا ويصبر اهلها واهل اللي توفوا في الحادث .. الخدامه هذي شكلها مسحوره وتقدم قربان او شي من هالقبيل

وبخصوص الخدم ، هم جايين من بيئه فقيره الله العالم كيف كانت حالتهم مع اهلهم وكيف تربوا

انا جربت خدامات وايد ودايما معاملتي لهم زينه بس يحبون ينبشون السوالف ويدورون لهم عن مشكله يعني عندي وحده منقهره تبي تكون الكل في الكل وتبي باي وسيله تطرد اللي معاها انا في حاله مع مشاكلهم :anger1:

يعني لازم نراعي مشاكلهم نطيب بخاطرهم ، وشي مهم هم يشوفونا نصرف فلوسنا على اشياء تافهه في نظرهم من العاب وملابس وكماليات سخيفه وهم يوفرون الريال اكيد بيموتون حره وممكن يكرهونا بس لهالسبب

[عيون Qatar]

حسبي الله ونعو الوكيل

متابعين

[بنت شرق]

لاحول الله ،الله يعين

[شبل الجزيره]

السلام عليكم ورحمة الله وبركاته

أغلبنا تابع البرنامج على الام بي سي الليلة والحلقة كانت باستضافة والدة الطفلة السعودية تالا الشهري والمجرمة الخادمة الأندونيسية ..

نسأل الله الثبات والصبر لوالدينها .. ونار جهنم وبئس المصير للمجرمة اللي بكل برود تقول انها مش زعلانة على اللي سوته ..

الصراحة بدينا نخاف من هالعمالة !!!! والمصيبة انه ما يبين على بعضهم انه خبيث وحنا نخلي عيالنا عندهم .. وكلمة انتبهت لها قالها الاستشاري النفسي وهي :

ان عندي خدامة بس تمتمت !! .. وسفرتها ثاني يوم ..

يعني سفرها على طول عشانها تتمتم .. واللي عندي تطالعني بعيونها وتسكت ثم على طول ولا كأن في قلبها شي .. الحين خفت ...

والبديل ما نعرف وش هو البديل عن الخدم او وش هو الحل ؟!


أفكر أجيب لي عربية مسلمة سودانية مثلا .. بس مادري هل يصير او لا ؟!!


انا اقولج شنو الحل.. اذا انتي من الي يشتغلون وتفضل شغلها على عيالها عشان الاستقلاليه والحريه والكلام الفاضي الي تطالب في المره ( الي ماعندها سالفه )...

قبل لاتروحين الشغل... خلي عيالج عند امج وعقب ماتردين اخذيهم منها والخدامه سفريها..

واذا انتي صج تحاتين عيالج وتراعينهم سفري الخدامه وربي عيالج من غير خدم مثل ما امج سوت وياج.

عليكم السلام

[العميد الركن]

هذا حالهم الحريم بمجتمعنا يراكضون ورى الاشغال حق الفلوس ويقطون عيالهم تربيهم الخدامه ورجال البيت ماهمه اهم شي مرته تصرف على نفسها جعله الفقر ينسى ان الدين يأمره بالصرف عليها وعلى البيت

لحول ولاقوة الا بالله ، الله يعينهم ويصبرهم على بلواهم

[حفيد الأنصار]

ان شاء الله تكون شفيعه لوالديها يوم القيامة
والله يرحم اللي متوفي بالحادث ( عبدالرحمن قنديل ) ويغفر له يارب
كان بالشرقية ونقل ينبع من سنتين علشان يكون قريب من اهله بـ ( جدة ) وقبل شهرين تقريبا استلم بيت التمليك من الشركة في ينبع
وكان يوم الاربعاء يومه ( قدر الله وماشاء فعل )
اسال الله ان يشفي ابنته ويرحمهما ويغفرلهما جميعا ..

[المدريدي]

من وجهة نظري أهم ثم أهم ثم أهم شيء المعاملة الطيبة مع الخادمة
واذا كانت المعاملة طيبة معها وفيها احترام أعتقد أن كل شي بعدي على خير
وأخطر شي ترك الطفل مع خادمة وأكبر غلط لان الخادمة شغلها التنظيف وكوي الملابس والطبخ
مع مساعدة الأم أو بدون اذا كانت الام مشغولة الا ما ندر تكون الخادمة زينة مع الطفل
وأي أم مضطرة وما عندها حد تقعد ولدها عندها على الأقل تركب كيمره في البيت للأطمئنان

وجد ما أنصح أبد ترك طفل مع خادمة لأن لن يرفق ويحن على الطفل غير قلب الأم:shy:

[NeverLand]

يازين الام ويا زين صبرها على هالابتلاء اللي محد يقدر يستحمله :(

اللي صج خرعني قسوة قلب الخدامه! حتى بعد هالبلاوي اللي صارت لها وشافتها للحين مو ندمانه انها قتلت البنت؟ بعد كل الكلام الحلو اللي قالته عن معاملة البنات الصغار لها بأدب وراتبها اللي يوصلها كل شهر وكلللل شييي .. واخرتها مو ندمانه؟ يلعن شكل هالقلب الحجر اللي عليها

واللي خرعني اكثر واكثر ان البلاوي كلها بدت من الموبايل اللي عندها .. لو ماعطوها موبايل ماكانت وصلت لها هالرسايل اللي لعبت بحسبتها وخلتها تشك وتخاف! .. الرسايل اللي وصلت لها هي اللي خوفتها وخلتها تخطط للموضوع كله خلال اسبوع ..

واحنا خداماتنا بالبيت كل وحده عندها موبايل! الله يستر :(

[بصمة قطرية]

الصراحه انا ماشفت البرنامج

ام العيال امس تتكلم لي وتقولي

ان صارت هالقصه في السعوديه

وخايفه من خدامه الوالده

اندونيسيه خدامه البيت وطيبه ومحترمه

باب السياره ماتعرف تفتحه مسكينه

انا عندي 3 خدامات

2 فلبينيات و1 هنديه

عاد الحين الوسواس الحين شغل ام العيال

امس تقولي اني خايفه منها خخخخخخ

قلت لها حرام عليج وين تخافين منها هالفقيره

تلفون ماتتصل حق اهلها الا كل شهرين

واحنا الحمدلله نعاملها بالعدل

ومب مقصرين عليها اي شي

بس سؤالي المهم ... ؟؟

هل كلكم تعاملون الخدم بالعدل والاحسان ؟

علشان ماينتقمون من اي شي

والله يحفظنا واياكم من كل شر

أخوي ولد المطاوعة
انا برد على سؤالك
بدون مبالغة معاملتي للخدامات غير
الحمدلله كل خدامة اجيبها تتم عندي سنين
وحدة تمت قريب الست سنين
قبل موعد سفرها بكم يوم
سوت لي مصيبة
وهاي اللي كنت اقول عنها مسكينه و على نياتها
ما عمري خليتها تدفع ريال من راتبها
احوله كامل كل شهرين
و ادفع لها لكل شي حتى هدايا عيالها
اتكفل بيها و التحويل بالبريد الممتاز
آخرتها قالت مدام بخيلة
و ما خلت شي ما قالته فيني
طلعتني قاسية وشريرة
دعيت عليها من حرقة قلبي على اللي سوته فيني
سوت لي مشكلة كبيرة
لكن حوبتي لحقتها الحمدلله
رب العالمين انتقم لي منها
اللهم لا شماته
قلت لهم ظلمتني و صدقوتها
وكلت امري لرب العالمين
صج انقهرت
هاي جزا الاحسان

لحد يقول واثقين من خدمنا
وما يطلعون من البيت
يا ما تحت السواهي دواهي
الحذر واجب ..
والله يكفينا شرهم
الله يعطينا خيرهم و يكفينا شرهم

[نورالهدى]

أخوي ولد المطاوعة
انا برد على سؤالك
بدون مبالغة معاملتي للخدامات غير
الحمدلله كل خدامة اجيبها تتم عندي سنين
وحدة تمت قريب الست سنين
قبل موعد سفرها بكم يوم
سوت لي مصيبة
وهاي اللي كنت اقول عنها مسكينه و على نياتها
ما عمري خليتها تدفع ريال من راتبها
احوله كامل كل شهرين
و ادفع لها لكل شي حتى هدايا عيالها
اتكفل بيها و التحويل بالبريد الممتاز
آخرتها قالت مدام بخيلة
و ما خلت شي ما قالته فيني
طلعتني قاسية وشريرة
دعيت عليها من حرقة قلبي على اللي سوته فيني
سوت لي مشكلة كبيرة
لكن حوبتي لحقتها الحمدلله
رب العالمين انتقم لي منها
اللهم لا شماته
قلت لهم ظلمتني و صدقوتها
وكلت امري لرب العالمين
صج انقهرت
هاي جزا الاحسان

لحد يقول واثقين من خدمنا
وما يطلعون من البيت
يا ما تحت السواهي دواهي
الحذر واجب ..
والله يكفينا شرهم
الله يعطينا خيرهم و يكفينا شرهم

:victory:

[صوت مواطن]

الله يكفينا شر الخدم