بعد ما تخدم الدولة أكثر من 20 سنة كم مليون يعطونك !!!؟

[فريج النجادة]

بعد ما تخدم الدولة أكثر من 20 سنة كم مليون يعطونك

في كثير من الدول البترولية وبعد ما يخدم الموظف عندهم

أكثر من عشرين سنة يحصل على مكافئة مالية كبيرة

تقدر بالمالييييييييييييييييييييييييين

طبعآ جميع الموظفين القطريين مساهمين في صندوق التقاعد

والتي تقدر بالمليارات والحمدلله

والتي شاركت في أستثمارات كثيرة وكبيرة في نفس الوقت

واصبح لها عوايد مجزية

هل يحقنا لنا بعد ذالك ان نحصل على مكافئة مالية

لها قيمة حقيقية مثل شركة ارامكو على سبيل المثال

موظف يخدم أكثر من عشرين سنة ولم يصل الى درجة السنير بعد

ويحصل على 2 او 3 مليون ريال وكذالك يحصل على اخر راتب حصل علية

متى تتوقعون نصل الى هذا المستوى

[chillis]

ممكن تعطينا الدول البتروليه الي تعطي ملاين علشان نكون بالصوره

[bo_hamad]

في عام 2050 أن شاء الله تتطبق اللي تتمناه

[ضوى]

اشدعوة ملايييين !!!!!

[ام ناصر1]

صعب نوصل لهالمستوى ...

[هبوب الكوس]

في عام 2050 أن شاء الله تتطبق اللي تتمناه

مافي اقل شوي عشان نلحق على كم مليون :(

[فريج النجادة]

صعب نوصل لهالمستوى ...


ليش طال عمرك ممكن نعرف الاسباب

[chillis]

ليش طال عمرك ممكن نعرف الاسباب

ما زلت تتهرب وماترد الا على الي يعجبك عطنا دوله بتروليه تصرف ملاين علشان نقدر نعرف الاسباب

[الدوحي7]

بلمشمش،، انا تعديت 15 سنه من بدايه شغلي،،خل بس يزيدون راتبي تخاقدي (تقاعدي)ههه،،

[راشد محمد]

مطالبك تعجيزية

[ام ناصر1]

ليش طال عمرك ممكن نعرف الاسباب
ميزانية الدولة محددة المصاريف والفائض بالاستثمار ....

[بوعبدالرحمن5]

هذا القانون مطبق و مفعل عندنا في الشرطه والجيش .

يتم صرف له مكافاْه ماليه على حسب الخدمه والرتبه وتصل الى المليون والمليونين .

[فريج النجادة]

هذا القانون مطبق و مفعل عندنا في الشرطه والجيش .

يتم صرف له مكافاْه ماليه على حسب الخدمه والرتبه وتصل الى المليون والمليونين .



عقبالنا يارب

[بوعبدالرحمن5]

عقبالنا يارب

هم الان في صدد تفعيل التقاعد بالنسبه للمواطنين ، وبعد التفعيل والتطبيق ابشر بالخير :)

[أسير الاسهم]

صحيح انا سمعت انه ارامكو ومو بس هي .. حتى الشركات الكبرى فالمملكه العربيه السعوديه .. عند تقاعد الشخص بعد خدمه طويله في الشركه .. يعطى مكآفآت مب مكآفئه وحده بس .. مبلغ مالي قوي جداً يصل المليون على حسب الخدمه .. وكذلك اصلاااا مع الخدمه في الشركه بيكون عطوه بيت بنظام تملك .. سنوات اقساط واخر خدمته يكون حر له اللي اعرفه .. ومميزات اخرى

نتعب ما وصلنا لأرامكوو

[عيون الدوحة]

3 أو أربع أشخاص في دولة الامارات العربية
تم تحويلهم الى منصب خبير
وصرف لهم 40 مليون ريال بالاضاعة إلى 7 عمارات لكل شخص
وأنا أعرف واحد منهم شخصياً

[PGR]

صحيح انا سمعت انه ارامكو ومو بس هي .. حتى الشركات الكبرى فالمملكه العربيه السعوديه .. عند تقاعد الشخص بعد خدمه طويله في الشركه .. يعطى مكآفآت مب مكآفئه وحده بس .. مبلغ مالي قوي جداً يصل المليون على حسب الخدمه .. وكذلك اصلاااا مع الخدمه في الشركه بيكون عطوه بيت بنظام تملك .. سنوات اقساط واخر خدمته يكون حر له اللي اعرفه .. ومميزات اخرى

نتعب ما وصلنا لأرامكوو

الشيخ ماذكرت لنا مقارنه بين معاشات ارامكوا والبترول عندنا ؟

[عيون الدوحة]

والشخصيات شخصيات عسكرية

[زمان]

خلهم يمشون الاستبدال بالأول

ههههههههههههههه

[eXpert*]

في قطر في شركات (حكومية وليست خاصة) تعطي مكافأة نهاية الخدمة راتب أساسيّ شهر عن كل سنة من السنوات الخمس الأولى ، ومن ثم راتب أساسي شهر ونصف عن كل سنة فوق الـ 5 سنوات .

بالإضافة إلى راتب التقاعد . :)

[فريج النجادة]

3 أو أربع أشخاص في دولة الامارات العربية
تم تحويلهم الى منصب خبير
وصرف لهم 40 مليون ريال بالاضاعة إلى 7 عمارات لكل شخص
وأنا أعرف واحد منهم شخصياً


:nice: :nice: :nice: :nice: :nice: :nice: :nice:

[بوحمد111]

يا ريتهم يعطونا التقاعد ويريحونا بكم مليون نستثمرهم لعيالنا

(هرمنا)

خلاص

[فريج النجادة]

يا ريتهم يعطونا التقاعد ويريحونا بكم مليون نستثمرهم لعيالنا

(هرمنا)

خلاص


:nice: :nice: :nice: :nice: :nice:

[بن موسى]

هذا القانون مطبق و مفعل عندنا في الشرطه والجيش .

يتم صرف له مكافاْه ماليه على حسب الخدمه والرتبه وتصل الى المليون والمليونين .

وين مطبق هداك الله

عندي خدمة عسكرية تقارب 25 سنة والحقوق راتب تقاعدي اساسي واجتماعية فقط

وبدون مكافئة

المكافئه ان راتبك التقاعدي يمشي لك فقط فقط فقط فقط

[اوف ليميت]

ليش تروح لبعيد ؟

عندك بعض اخوانا واخواتنا القطريين والقطريات + الاجانب
اللي يشتغلون في شركات بتروليه او بتروكيماويه امريكيه في دولة قطر
تنزل لهم سنويا "نسبة من ارباح الشركة" ك مكافأه وتقدير لهم ولمجهودهم ولنهوضهم بزيادة الدخل والعائد للشركة الاجنبيه هذه

غير السنوي ترى وغير الزياده

:]

[اوف ليميت]

هذا القانون مطبق و مفعل عندنا في الشرطه والجيش .

يتم صرف له مكافاْه ماليه على حسب الخدمه والرتبه وتصل الى المليون والمليونين .

انا ماقدر اخالف راي الاخ بوعبدالرحمن
ولا بنكره
ولا بأكد عليه لاني مش متأكد هل صحيح 100% وللكل وللا شلون ضبطيته هالقانون؟

بس الاكيد انا اعرف شخص فالبحريه بعد خدمه تقارب ال 20 سنه
استلم 800 الف ريال قطري

غير هالحادثة بأمانه ما اعرف

:]

[بوعبدالرحمن5]

وين مطبق هداك الله

عندي خدمة عسكرية تقارب 25 سنة والحقوق راتب تقاعدي اساسي واجتماعية فقط

وبدون مكافئة

المكافئه ان راتبك التقاعدي يمشي لك فقط فقط فقط فقط

انا اعرف شباب من الشرطه تم احالتهم للتقاعد ، صرف لهم راتب كامل مع التذاكر لمدة سنتين ، وبعدها راتب التقاعدي ويشيلون مبلغ بسيط وتم اعطائهم مكافئة نهاية الخدمه وواحد منهم فوق المليونين .


اخوي انت وشو رتبيتك وهل انت طلبت التقاعد ومن متى وانت متقاعد وانا بسألك ان شاء الله ؟؟

[عيون الدوحة]

انا ماقدر اخالف راي الاخ بوعبدالرحمن
ولا بنكره
ولا بأكد عليه لاني مش متأكد هل صحيح 100% وللكل وللا شلون ضبطيته هالقانون؟

بس الاكيد انا اعرف شخص فالبحريه بعد خدمه تقارب ال 20 سنه
استلم 800 الف ريال قطري

غير هالحادثة بأمانه ما اعرف

:]

هذا أكيد خذ علاوة نهاية خدمة في قانون الموارد البشرية القديم
أما القانون الجديد ما لك غير معاش التقاعد

[بن موسى]

انا اعرف شباب من الشرطه تم احالتهم للتقاعد ، صرف لهم راتب كامل مع التذاكر لمدة سنتين ، وبعدها راتب التقاعدي ويشيلون مبلغ بسيط وتم اعطائهم مكافئة نهاية الخدمه وواحد منهم فوق المليونين .


اخوي انت وشو رتبيتك وهل انت طلبت التقاعد ومن متى وانت متقاعد وانا بسألك ان شاء الله ؟؟


انا تقاعدت وكيل ضابط في 2006 من الشرطة

ولم اطلب التقاعد اصبت بمرض السرطان واحالتني اللجنة الطبية

وكتب في سبب الحالة ( للصالح العام ) والا ادري اش معنى الصالح العام

[فريج النجادة]

انا تقاعدت وكيل ضابط في 2006 من الشرطة

ولم اطلب التقاعد اصبت بمرض السرطان واحالتني اللجنة الطبية

وكتب في سبب الحالة ( للصالح العام ) والا ادري اش معنى الصالح العام

:shy: :shy: :shy:

[مخطط قطري]

اتوقع ابوظبي تعطي الملاييين

[لاجل QT]

من حقهم ..دام الدولة في خير ونعمة

[CH Engineer]

3 أو أربع أشخاص في دولة الامارات العربية
تم تحويلهم الى منصب خبير
وصرف لهم 40 مليون ريال بالاضاعة إلى 7 عمارات لكل شخص
وأنا أعرف واحد منهم شخصياً

ههههههههههههههههههههههههههههههههههههههههه
تستعبط على راعي الموضوع؟
طيب ليش 7 عماير ليش مايعطونه عماره وحده كبيره؟

نظام التقاعد عندنا راتب يعادل الراتب الاساسي الاخير في الخدمه (اعلى راتب اساسي) يصرف مدى الحياه
ومكافئه ماليه تصك المليون للي صارله فتره طويله

والجيش والشرطه اتوقع نظامهم افضل

[Rashid554]

الله يهديك يا فريج النجاده ويتوب عليك من الي قاعد تسويه وأنت مو عارف نهايته
بما انك قارنت نهايه الخدمة السعوديه بالقطريه بدعي هالدعوه الي أنت تحبها وبدعيها لك بصلاه العصر
يارب انك تعطي فريج نجاده راتب سعودي وارض سعودي وقرض سعوددي ونهايه خدمة سعوديه ووظيفه تناسب مؤهلاته بالسعوديه
اللهم امين
من قلب والله هالدعوه عسى تحس بالنعمه الي أنت فيها
وتحمد ربك لكن شنقول بني ادم مايملي عينه الا التراب

[عنيــــد]

في قطر في شركات (حكومية وليست خاصة) تعطي مكافأة نهاية الخدمة راتب أساسيّ شهر عن كل سنة من السنوات الخمس الأولى ، ومن ثم راتب أساسي شهر ونصف عن كل سنة فوق الـ 5 سنوات .

بالإضافة إلى راتب التقاعد . :)

موجود نصاً و لكن تم وقف التطبيق منذ صدور قانون التقاعد 2004

ممكن تذكر لي اي شركة او مؤسسة تطبق الكلام اللي قلته ؟

[عنيــــد]

ههههههههههههههههههههههههههههههههههههههههه
تستعبط على راعي الموضوع؟
طيب ليش 7 عماير ليش مايعطونه عماره وحده كبيره؟

نظام التقاعد عندنا راتب يعادل الراتب الاساسي الاخير في الخدمه (اعلى راتب اساسي) يصرف مدى الحياه
ومكافئه ماليه تصك المليون للي صارله فتره طويله

والجيش والشرطه اتوقع نظامهم افضل


هالكلام غير دقيق اخوي ،،

نظام التقاعد المطبق في الدولة لا ياخذ الموظف غير راتبه الاساسي الاخير بالاضافة الى العلاوة الاجتماعية ،،

اما حكاية مكافأة تصك المليون هالكلام غير دقيق ،،

بعض شركات البترول تعطي مكافأة تقاعد عبارة عن :

8 الاف عن كل سنة خدمة للجنير

10 الاف عن كل سنة خدمة للسنير

[eXpert*]

موجود نصاً و لكن تم وقف التطبيق منذ صدور قانون التقاعد 2004

ممكن تذكر لي اي شركة او مؤسسة تطبق الكلام اللي قلته ؟

عزيزي قانون العمل ينص على:

قانون العمل (رقم: 14 / 2004) >> الفصل الرابع >> المادة 56

لا يلزم صاحب العمل، الذي لديه نظام للتقاعد أو أي نظام مشابه يكفل للعامل فائدة أكبر من مكافأة نهاية الخدمة التي يستحقها بموجب أحكام المادة (54) من هذا القانون، بدفع هذه المكافأة بالإضافة إلى الميزة التي يقدمها بمقتضى النظام المشار إليه.فإذا كان صافي الميزة التي تعود على العامل يقل عن المكافأة التي يستحقها، وجب على صاحب العمل أن يدفع للعامل مكافأة نهاية الخدمة وأن يعيد إليه أي مبلغ يكون قد ساهم به في النظام المشار إليه. ويجوز للعامل أن يختار بين مكافأة نهاية الخدمة وأي معاش يستحقه وفقا لذلك النظام.

:nice:

[eXpert*]

معنى ما سبق صاحب العمل غير مجبرّ بأن يدفع مكافأة نهاية الخدمة ولكن إن فعل لا حرج :)

[عنيــــد]

معنى ما سبق صاحب العمل غير مجبرّ بأن يدفع مكافأة نهاية الخدمة ولكن إن فعل لا حرج :)

اخوي انت تقول فيه مؤسسات تعطي ،، فضلاً عطني اسم مؤسستين او حتى واحده تعطي المكافأة اللي كتبت عنها ،،

بإنتظار ردك

[بوخالد911]

يا ريت يعطووون

والله كرريم

[Ahmed25]

و الله ناس ما يعجبها شي ! بس تبي تتشكى و ترفس النعمه !!

معاشات قطاع البترول عندنا اضعاف اضعاف معاشات ارامكو يا حبيبي .. تبي نعطيك نفس معاش ارامكو و نعطيك مليون او مليونين باخر خدمتك قولنا .. بس لا تاخذ الموضوع من جهه واحده

الدوله مب مقصره مع احد فينا ! استحو شوي ياخي ! شوفو حال الدول البتروليه اللي تتكلم عنها !!

[عيون الدوحة]

ههههههههههههههههههههههههههههههههههههههههه
تستعبط على راعي الموضوع؟
طيب ليش 7 عماير ليش مايعطونه عماره وحده كبيره؟

نظام التقاعد عندنا راتب يعادل الراتب الاساسي الاخير في الخدمه (اعلى راتب اساسي) يصرف مدى الحياه
ومكافئه ماليه تصك المليون للي صارله فتره طويله

والجيش والشرطه اتوقع نظامهم افضل

لا والله ما استعبط ولا شي
روح دبي واسال الشيوخ اشمعنا 7 عمارات مب وحدة

[eXpert*]

اخوي انت تقول فيه مؤسسات تعطي ،، فضلاً عطني اسم مؤسستين او حتى واحده تعطي المكافأة اللي كتبت عنها ،،

بإنتظار ردك

عفواً أخوي ، أنا مب ملزم أصرح لك بأي أسماء .

اللي يسأل ما (يتهوش) .:nice:

[فريج النجادة]

و الله ناس ما يعجبها شي ! بس تبي تتشكى و ترفس النعمه !!

معاشات قطاع البترول عندنا اضعاف اضعاف معاشات ارامكو يا حبيبي .. تبي نعطيك نفس معاش ارامكو و نعطيك مليون او مليونين باخر خدمتك قولنا .. بس لا تاخذ الموضوع من جهه واحده

الدوله مب مقصره مع احد فينا ! استحو شوي ياخي ! شوفو حال الدول البتروليه اللي تتكلم عنها !!

بالعكس الدولة ما قصرت مع الجميع

الله يجزيهم خير على كل ما قدموة لنا ويبارك لهم ويساعدهم في الدنيا والآخرة أمين

ونحن نحب بلدنا أن تكون الأفضل في كل شئ

[عنيــــد]

عفواً أخوي ، أنا مب ملزم أصرح لك بأي أسماء .

اللي يسأل ما (يتهوش) .:nice:

للتوضيح فقط انا اعمل في الموارد البشرية و لنا اجتماعات مع هيئة التقاعد و المعاشات ،، صحيح كلامك موجود نصاً ولكن معطل من هيئة التقاعد و المعاشات ولا يوجد اي مكافأة لنهاية الخدمة حالياً و لكن بعض الشركات تعطي مكافأة تقاعد تبلغ عشر الاف للسنير و ثمان الاف للجنير عن كل سنه خدمه،،

و انشالله هالقانون يتعدل لان فيه دراسة قائمة و الكلام عنها طيب

[الدوحي7]

و الله ناس ما يعجبها شي ! بس تبي تتشكى و ترفس النعمه !!

معاشات قطاع البترول عندنا اضعاف اضعاف معاشات ارامكو يا حبيبي .. تبي نعطيك نفس معاش ارامكو و نعطيك مليون او مليونين باخر خدمتك قولنا .. بس لا تاخذ الموضوع من جهه واحده

الدوله مب مقصره مع احد فينا ! استحو شوي ياخي ! شوفو حال الدول البتروليه اللي تتكلم عنها !!

طالع المحامي بس،، هههههه

[eXpert*]

للتوضيح فقط انا اعمل في الموارد البشرية و لنا اجتماعات مع هيئة التقاعد و المعاشات ،، صحيح كلامك موجود نصاً ولكن معطل من هيئة التقاعد و المعاشات ولا يوجد اي مكافأة لنهاية الخدمة حالياً و لكن بعض الشركات تعطي مكافأة تقاعد تبلغ عشر الاف للسنير و ثمان الاف للجنير عن كل سنه خدمه،،

و انشالله هالقانون يتعدل لان فيه دراسة قائمة و الكلام عنها طيب

أخي الكريم : مكافأة نهاية الخدمة تدفع من قبل صاحب العلاقة (العمل) ، الهيئة العامة للتقاعد والتأمينات الاجتماعية (هذا الإسم الجديد) مالها علاقة لا من قريب و لا من بعيد.

المكافأة تكون بين الموظف وجهة عمله !

الـ 10،000 و 8،000 أول مرة أسمع فيها.

المكافأة تحسب على آخر راتب أساسي وهي كالتالي :-
عدد 1 راتب أساسي عن كل سنة خدمة لأول خمس سنوات .
عدد 2 راتب أساسي عن كل سنة خدمة لثاني خمس سنوات .
عدد 2.5 راتب أساسي عن كل سنة بعد ذلك .

أرجع و أقول أنا أتكلم عن بعض الشركات الحكومية وبعض الشركات المساهمة والمدرجة ولا علم لي بالوزارات .

بالنسبة للتقاعد آخر دراسة سيتم تطبيقها :

- سيتم زيادة سن التقاعد .
- راتب التقاعد بيكون محسوب على متوسط أخر 3 سنوات . وليس آخر راتب أساسي حصل عليه الموظف.

لأنه كثير من الناس يتم ترقيته و إحالته للتقاعد وهو كان يسدد إشتراكاته بالراتب الأساسي القديم.


دمت في حفظ الله. :nice:

[qatari 111]

أخي الكريم : مكافأة نهاية الخدمة تدفع من قبل صاحب العلاقة (العمل) ، الهيئة العامة للتقاعد والتأمينات الاجتماعية (هذا الإسم الجديد) مالها علاقة لا من قريب و لا من بعيد.

المكافأة تكون بين الموظف وجهة عمله !

الـ 10،000 و 8،000 أول مرة أسمع فيها.

المكافأة تحسب على آخر راتب أساسي وهي كالتالي :-
عدد 1 راتب أساسي عن كل سنة خدمة لأول خمس سنوات .
عدد 2 راتب أساسي عن كل سنة خدمة لثاني خمس سنوات .
عدد 2.5 راتب أساسي عن كل سنة بعد ذلك .

أرجع و أقول أنا أتكلم عن بعض الشركات الحكومية وبعض الشركات المساهمة والمدرجة ولا علم لي بالوزارات .

بالنسبة للتقاعد آخر دراسة سيتم تطبيقها :

- سيتم زيادة سن التقاعد :eek5:.
- راتب التقاعد بيكون محسوب على متوسط أخر 3 سنوات . وليس آخر راتب أساسي حصل عليه الموظف.

لأنه كثير من الناس يتم ترقيته و إحالته للتقاعد وهو كان يسدد إشتراكاته بالراتب الأساسي القديم.


دمت في حفظ الله. :nice:

اذا عمر ال60 سنه يادوب الناس تعيش لين توصل هالعمر وويبون يزيدن فوق ال 60 سنه من العمر .. الله يعين :(

[STAR2012]

[QUOTE=Rashid554;8488398]الله يهديك يا فريج النجاده ويتوب عليك من الي قاعد تسويه وأنت مو عارف نهايته
بما انك قارنت نهايه الخدمة السعوديه بالقطريه بدعي هالدعوه الي أنت تحبها وبدعيها لك بصلاه العصر
يارب انك تعطي فريج نجاده راتب سعودي وارض سعودي وقرض سعوددي ونهايه خدمة سعوديه ووظيفه تناسب مؤهلاته بالسعوديه
اللهم امين
من قلب والله هالدعوه عسى تحس بالنعمه الي أنت فيها
وتحمد ربك لكن شنقول بني ادم مايملي عينه الا التراب



الحين اي مقارنة لازم تدخل فيها السعودية وبما انك ادخلت السعودية بالموضوع تفضل وش فائدة راتب عالي والسكن غالي والمواد الغذائية غالية والخدمات غالية والهاتف غالي والقروض عندك اعلى فائدة تبداء من 5% حتى 14 %وكل شي تستورده عموما كميزان اقتصادي راتب 6 الاف ريال سعودي كقيمة شرائية يعادل 15 الف ريال قطري واكبر دليل ان هالطفرة المالية ماحققت المراد يعني مثلا وش الفائدة اذا راتبي 25 او 30 ومديون يعني يروح للبنك 10 الاف ومواد استهلاكية 6 الاف وهاتف وغيره 5 الاف المتبقي 5 الاف هل تتوقع فيها الكفاية
وراتب 10 الاف ريال في السعودية افضل من 25 الف في قطر عموما نرجع لموضوعنا :

لايوجد دولة في العالم قطاعها الحكومي يمنحك ملايين بعد خدمة 20 سنة تاخذ تصفية لحقوقك وراتب تقاعدي فقط ...

في القطاع الخاص :

نعم هناك شركات هنا في السعودية تمنح موظفيها بعد خدمة تعطيهم ( الشيك الذهبي ) وفيه الشيك (البلاتيني )(وفيه الماسي )...
تختلف من بعضها فيه ناس في شركات بعد 25 سنة فيهم اللي اخذ 4 مليون وفيه اللي اقل وفيه اللي اكثر ...
والشيك الذهبي ماله علاقة في البونص او مكافاة نهاية الخدمة او التقاعد وللمعلومية في مدراء تنفيذيين ياخذون الشيك الماسي مايقل عن 20 الى 30 مليون ...

*****
رواتب ارامكو
****
ارامكو او شيفرون او غيرها من الشركات البترولية والكيماويات تختلف وتتفاوت رواتبها فيه المشغلين والفنيين والامن واللوجستيات رواتبهم حسب القريدات ...
بالنسبة لموظفين الاعلى فاغلبهم رواتب سنوية بمعنى اعطية مليون ونص وسيارة ومدارس خاصة لابناءه وسكن خاص وبدل اثاث كل سنتين غير راتب رمضان وراتب العيد ووهذا النظام غير مطبق في اي شركة بترول في الخليج الا في السعودية والغريب في الامر ان اغلب الردود يعطيك رد وكانه عارف اكثر من اهل البلد نفسة ....

[الخزرجي قطر]

مااعتقد مثل هذه المعلومات صحيحه وفي مبالغه في الارقام