مشروع استراحه

[العميد الركن]

السلام عليكم

شرايكم بمشروع استراحة

وشهي المناطق الي تصلح لاقامة استراحه طبعا تكون بعيده عن الدوحه وهاديه

ام عبيريه قامت فيها فلل وصارت سكنيه

غيرها من المناطق تشفونه يصلح لاقامة استراحه

موضوع لاقتراحات ونقاش

[معماري قطري]

والله انا مثلك كنت أفكر في مشروع إستراحة غريبة ومتميزه

الحين قلبوا أكثر الزروع والمناطق الزينة النظيفة في السابق إلى سكن عمال ومخازن وكراجات .. ما ادري وين البيئه عنهم ولا يركزون على شوية كشره في مخيم وينسون مزارع كلها ديزل مصبوب على الأرض وملوثات من كل ما تتخيل، وعدد عمال خيالي ولا تصريف صحي ولا يحزنون دمار شامل لما فوق وما تحت الأرض.

[العميد الركن]

صادق يامعماري الزروع تلوثت من معدات الشركات ولحين يدللون على الزروع المهجوره

عندك اقتراح لمناطق تنفع لااقامة استراحة

[بن غيث]

المناطق الجنوبية للبلاد
افضل مكان ..

[اداري]

شوف ام قرن

[العميد الركن]

بن غيث : وشهي المناطق سمها لاهنت


اداري : اراضي ام قرن مقسمه وصغيره انا ابغي اسوي شي مرتب

[بن غيث]

من عقب السيلية الين عريج

[معماري قطري]

صادق يامعماري الزروع تلوثت من معدات الشركات ولحين يدللون على الزروع المهجوره

عندك اقتراح لمناطق تنفع لااقامة استراحة


شكل ما قالوا الإخوان جنوب بس لو كانت قريبه من الشارع العام تكون أفضل .. ما ادري ليش ما تكون فيه خطة حق تشجير طريق سلوى كله من الصوبين وتكون مزارع بمساحات معقولة للقطرين حسب قوانين واشتراطات محددة من الحكومة، وحسب رقابة من البيئة وبحيث يتم إستغلال المياه المعالجة جيداً للزراعة الغير منتجة إن كان فيه ضرر.

[طيف عابر]

السلام عليكم

شرايكم بمشروع استراحة

وشهي المناطق الي تصلح لاقامة استراحه طبعا تكون بعيده عن الدوحه وهاديه

ام عبيريه قامت فيها فلل وصارت سكنيه

غيرها من المناطق تشفونه يصلح لاقامة استراحه

موضوع لاقتراحات ونقاش

صباح الخير اخوي بالنسبة لموضوع الاستراحة فكرة جيدة وممتازة وبعطيك نصائح وارجوا انك تقبلها بسعة صدر
الموقع يمثل 99 % من فكرة وقيام المشروع وسبب من اسباب النجاح
المواقع المقترحة

http://im15.gulfup.com/mwBm1.jpg (http://www.gulfup.com/?inSHcJ)

1 - سيلين لكن اعتقد محتاج و علشان تمشي امورك لكن منطقة سياحية قوية ومشروعك بيمشي هناك باذن الله بسبب شهرة المنطقة والصغط الا على الشاليهات الا هناك
2 - ام باب
3 - دخان
4 - الذخيرة
5 - وغيرها
والصراحة يبيلها دراسة ميدانية للمناطق الجعرافية بقطر واستبيان من الجمهور ونشوف الاقتراحات من الجمهور العام وهذا افضل وسيلة استخدام الراي العام

لازم تسوي دراسة اقتصادية فنية مالية علشان تكون على بينه وطرح افكار جديدة لتسويق المشروع

اخوك طيف عابر

[لمت اب]

اخي العميد الركن

يعتمد على نيتك وخطتك
اذا كنت ناوي تبين بناء فلا بد ان يكون من ضمن الحدود العمرانيه
اما اذا كان ناوي اقامة عزبه مؤقته فالحمدلله الاماكن كثيره
اقربها خلف المزروعه الى الخريب والشحانيه
واذا تريد شمال من بعد عذبه
واذا جنوب عندك سيلين والعديد

مع تمنياتينا لك بالتوفيق ولا تنسى تعزمنا
:)

[الدبلوماسي]

اعتقد منطقه بوظلوف والرويس والعريش من اروع وانظف المناطق واهداها وخاصه الاراضي الي صوب البحر جووو رووعه

[mr.hamouda]

نصيحه اخويه فكر في المشروع للأخره .....يعني مافي شيشه وهالسوالف
لأنه اي حركه ممكن تكون في مصير حسناتك او سيئاتك

{ وليحملن أثقالهم وأثقالاً مع أثقالهم}

انا ما اعرف نيتك في المشروع بس نفس ما قلت نصيحه اخويه
احسن مكان ...............اظن صوب الخور

[خوخه وحلو]

موفق ان شالله