أعرض سيارتكفي الشارع للبيع

[جوال 11]

هل أحد الأخوة لاحظ أن شوارع الدوحة أصبحت معارض للسيارات.
اليوم رحت أدور على موقف في الشارع الممتد من تقاطع السوق المركزي الى تقاطع قطر للديكور واذا بسيارت المعارض حاجزة المواقف وعليها ملصق بالسعر ، وأيضا أكثر من شارع وتقاطع بهذا الشكل مثلا الدوار اللي بعد تقاطع المناصير وانت ذاهب للغرب وكثير من الشوارع .
يا ترى وين الرقابة على هذه الحركات التي حتما تشوه المنظر وتفتح المجال للباعة المتجولين
ولكم التعليق على الموضوع

[خالد32]

شوف الزحمه في طريق الخدمات في شارع الوعب
يسد الشارع عشان يكتب الرقم و يعصب عليك لانك قاعد تنطره يتكرم و يحرك
غير الكرفانات و العربانات الي واقفه من شهور

شكلي بانزل برنامج البلدية على التلفون و باطرش صور سيارات مهمله
لانها بصراحة لاغراض غير المرافق الي هناك

[tawareq]

وسيله سهله ابتدعوها هالاجانب لبيع سياراتهم

[Bo jassim 33]

وسيله سهله ابتدعوها هالاجانب لبيع سياراتهم


ابتدعها الاجنب ويستفيد منها القطريين

شوف اللي عند اللاند مارك كأكبر دليل

[خليفـة]

يا خوي لا تلومهم
العمولة الي ياخذها المعرض على بيع سيارة الزبون
عالية ومبالغ فيها
بدال ما ادفع له 2000 او 3000 ريال عمولة على بيع سيارتي عن طريق معرضه
بحطها في شارع عام يشوفونها الناس كلها وعليها لوحه : للبيع ورقم الجوال
وببلاش

وسع خاطرك يالغالي
وخل الناس تستفيد بارك الله فيك

خليفــة

[بومحمد المطاوعه]

اهو كمنظر حضاري لايطااق الصراحه

بس نفس ماقال اخوي خليفه

لاتلومهم الصراحه والله بعض المعارض حراميه الصراحه

ويبخسون في حلالك

طبعا من الكل

الاكثريه لا ذمه ولا ضمير قسم بالله

اول ماتدخل شارع سلوى اول معرض يسوم لك الموتر

والله ان كل المعارض يعطونك اقل من سومته علشان ترجع له لان يتصل للعصابه والشريطيه المنثرين بين المعارض

موزعين تحصلهم اول المعارض وفالنص في كم واحد واخر المعارض

يحرقون سعر الموتر حرااااق

الله يهديهم ويصلحهم

ومن ناحيه المعرض في كل مكان

محطه اللاند مارك ماله حل صار معرض سيارات ماشاءالله

بس يالله الحمدلله على كل حال والاغلبيه هل قطر وبعض المقيمين

خلهم يستفيدون ياخوي

وجزاك الله خير على الطرح

[BoFahed]

اهو كمنظر حضاري لايطااق الصراحه

بس نفس ماقال اخوي خليفه

لاتلومهم الصراحه والله بعض المعارض حراميه الصراحه

ويبخسون في حلالك

طبعا من الكل

الاكثريه لا ذمه ولا ضمير قسم بالله

اول ماتدخل شارع سلوى اول معرض يسوم لك الموتر

والله ان كل المعارض يعطونك اقل من سومته علشان ترجع له لان يتصل للعصابه والشريطيه المنثرين بين المعارض

موزعين تحصلهم اول المعارض وفالنص في كم واحد واخر المعارض

يحرقون سعر الموتر حرااااق

الله يهديهم ويصلحهم

ومن ناحيه المعرض في كل مكان

محطه اللاند مارك ماله حل صار معرض سيارات ماشاءالله

بس يالله الحمدلله على كل حال والاغلبيه هل قطر وبعض المقيمين

خلهم يستفيدون ياخوي

وجزاك الله خير على الطرح

صادق اخوي غالبية الشريطية ما فيهم اي ضمير وانا صار معاهم اكثر من تجربة يبخسون موترك وعادي يقعد شهر ولا شهرين اهم شي ياخذ المبلغ اللي يبيه بعد فترة لما تاخذ موترك يعطيك الفلوس السومة كاش ويقول بخلص الحين انا باخذها

[Bo jassim 33]

ابتدعها الاجانب ويستفيد منها القطريين

شوف اللي عند اللاند مارك كأكبر دليل



اضافه الى نصب بعض المعارض على البائع والشاري ورفع سعر السياره بدون مشورة صاحبها بحجه انه انت طالب مبلغ معين وانا بعتها بمبلغ اكبر وهذا حقي

[بورصواوي]

لو عندك سياره قديمه او ماعليها طلب بتعرف المعاناه وبتدور احسن موقف لسيارتك في الشارع

[Laffan]

السلام عليكم جميعاً

مالي خبرة كثيرة في بيع المواتر بس اذكر يوم بعت موتري احد الاخوة نصحني احطه بقطر سيل, وفعلا الموقع ماشاءالله فعال وناس وايد تتصلك عن طريقة. احسن لكم من المعرض كلها 150 ريال وهم يجون لين عندك يصورون الموتر.

نصيحة ألي يبي يبيع يجرب قبل المواقع الموثوقه

[حمد 2002]

يا خوي لا تلومهم
العمولة الي ياخذها المعرض على بيع سيارة الزبون
عالية ومبالغ فيها
بدال ما ادفع له 2000 او 3000 ريال عمولة على بيع سيارتي عن طريق معرضه
بحطها في شارع عام يشوفونها الناس كلها وعليها لوحه : للبيع ورقم الجوال
وببلاش

وسع خاطرك يالغالي
وخل الناس تستفيد بارك الله فيك

خليفــة




صدقت اخووي ، خلو الناس تستفيد كلها ارزاق بيد الله عزوجل

[جوال 11]

تشويه للشوارع وخلهم يترزقون
الحمد لله بدأت وزارة الداخلية التفاعل مع الموضوع من خلال التويتر وبث تغريدات للتنبيه على هذا الامر وعقبال البلدية .

[عزووز قطر]

أنا مع وزارة الداخلية ،،، الصراحة تشويه للمنظر العام
وأنا متفهم وضع البايع ،، بس الصراحة الوضع زاد عن حده ،،

مدخل محطة اللاند عن 7 معارض سيارات ومسويين زحمة مب طبيعية ،، هذا غير التشويه
واللي يبي يعرض موتره عنده جريدة الوسيط بـ 30 ريال وعنده موقع قطر سيل أو كار سمسار وعنده المنتديات وعنده المعارض ...

والله يوفق الجميع