&& من القائل ولمن قيلت : شاورهم الراي .. وخالفهم &&

[خليفـة]

http://im25.gulfup.com/4oeq1.bmp (http://www.gulfup.com/?1MjYvE)

السلام عليكم ورحمة الله وبركاته

للأسف ان قائل هذه العبارة : شاورهم الراي .. وخالفهم هو : الزوج .. وهو هنا لا يقصد والدته
او اخته او ابنته .. او حتى زميلته بالعمل

وانما يقصد شريكة حياته : زوجته !

الزوجه قد تكون على قدر عالي جداً من الثقافة .. وقد تكون حاصلة على مؤهل دراسي
أعلى من مؤهل الزوج نفسه .. وقد تكون خبرتها بالحياة كبيرة ومع ذلك
يؤمن الكثير من الأزواج بتلك المقوله .

من جهة اخرى .. قد يبرر الكثيرين من الأزواج سبب تلك المقولة ان المرأة بطبيعتها
عاطفية .. وقد تُعطي رأيها بشكل عاطفي بعيداً عن الواقع .


سؤالي لكل من يطبق تلك المقوله مع شريكة حياته :

طالما انك لن تأخذ برأي زوجتك في ما شاورتها فيه .. لماذا تستشيرها إذاً ؟

وسؤالي لأخواني الأعضاء الرجال :

هل تُطبق هذه المقوله في حياتك الزوجية ! ام انك لا تعترف بها !

خليفـــة

[فارس الكلمة]

يقصد أن الكلمة الأولى للزوج ..

شاورها و عصها .. كما يقولون ..

[خليفـة]

يقصد أن الكلمة الأولى للزوج ..

شاورها و عصها .. كما يقولون ..

اخوي فارس خلك واقعي بارك الله فيك
الكل متفق ان الكلمة الأولى للزوج
بس الي محيرني .. طالما ان الزوج لن يأخذ براي زوجته
وطالما انه سيخالفها الرأي .. ليش يستشيرها من الأساس !!

شكرا للمرور اخوي
:)

[chillis]

مجرد انه يحسسها بمكانتها وانها شخص قريب ومهم له مهب لازم ياخذ برايها كفايه انه شاورها

[ريم 28]

مجرد انه يحسسها بمكانتها وانها شخص قريب ومهم له مهب لازم ياخذ برايها كفايه انه شاورها

لا الاخ خليفه يقصد الامعه اللي يمشي وراء كلام الناس

ان لازم يخلافها في الراي وان هذا هو الصواب


اتعرفين انتي في مجتمعنا الاقوال السلبيه الغبيه اشلون منتشره

[حسن]

صبحك الله بالخير يابودعي

هذه اعتقد كلمه تنقال لكن مش في كل الاوقات ماعتقد ان اي انسان (طبيعي ) مايشاور مرته صديقه اخوه اخته ابوه
امه الى هذا الشخص مفلس ومرو علي الكثير منهم اللي مايسمع الشور

بالنسبه لي انا اذا شريت طرد ماشاور المره فيها لانها ماتفهم في هذه المواضيع

لكن اذا ابي اشتري سياره اقولها:)بس اخالفها في لونها:omg:

عادي نشاور لانستغني عن الشور وافيها شي

وهذه المقوله طبعا خطاء ميمه في الميه

بس ابي اشاورك شرايك في التعدد تنصحني فيه ولا لا بيني وبينك لحد يسمع:)

[خليفـة]

مجرد انه يحسسها بمكانتها وانها شخص قريب ومهم له مهب لازم ياخذ برايها كفايه انه شاورها

نورتي الموضوع اختي شيليز
انا مستغرب انج متفقه مع هذا الاسلوب !
عموما .. انا احترم وجهة نظرج
وشاكر لج مرورج الطيب
:)




لا الاخ خليفه يقصد الامعه اللي يمشي وراء كلام الناس

ان لازم يخلافها في الراي وان هذا هو الصواب


اتعرفين انتي في مجتمعنا الاقوال السلبيه الغبيه اشلون منتشره

شكرا للتوضيح اختي ريم
وسعيد بمشاركتج الرقيقة ومرورج الطيب
:)

[chillis]

لا الاخ خليفه يقصد الامعه اللي يمشي وراء كلام الناس

ان لازم يخلافها في الراي وان هذا هو الصواب


اتعرفين انتي في مجتمعنا الاقوال السلبيه الغبيه اشلون منتشره

ههههههه ادري والله

[بوحمد111]

لا اعترف بهذه المقوله

الله يخلي لنا حريمنا ولهم الحق في مشورتهم والاعتراف في رايهم وهم الاساس الله لا يحرمنا منهم

[ريم 28]

موضوعك رائع وان شاء الله ما اخطيت باللي تبي اتوصله


بكتب عن تجربه
الجمله سمعتها من زوجي بداية زواجي وتضايقت منها ولو يقولها بمزح كان

لكن ما الومه المجتمع الرائع هو السبب وهو من نفسه وعقله يعرف ان هذا خطا ليست كل زوجه افكارها خاطئه

مع العشره لله الحمد ناخذ راي بعض ونشاور بعض ونطبق افكار بعض كل مره ما شاء الله

هذه الحياه الصحيحه وليست تطبيق قول فاشل من اشخاص فاشلين

[خليفـة]

صبحك الله بالخير يابودعي

هذه اعتقد كلمه تنقال لكن مش في كل الاوقات ماعتقد ان اي انسان (طبيعي ) مايشاور مرته صديقه اخوه اخته ابوه
امه الى هذا الشخص مفلس ومرو علي الكثير منهم اللي مايسمع الشور

بالنسبه لي انا اذا شريت طرد ماشاور المره فيها لانها ماتفهم في هذه المواضيع

لكن اذا ابي اشتري سياره اقولها:)بس اخالفها في لونها:omg:

عادي نشاور لانستغني عن الشور وافيها شي

وهذه المقوله طبعا خطاء ميمه في الميه

بس ابي اشاورك شرايك في التعدد تنصحني فيه ولا لا بيني وبينك لحد يسمع:)

هههههههههه
معاك حق يا بوعلي ما تشاور الاهل ربي يحفظهم في الطراريد
ولون السيارة لازم يكون على ذوق الي بيسوقها وانا اخوك

اما عن طلبك لشوري .. انا اعتقد بحكم انك انسان مزيون
والعيون عليك كثيرة .. ولتجنب الفتن .. وحتى محد يستغل جمالك وبرائتك
اوصيك وبشدة ان تعدد .. ولا مانع انك تاخذ راي الأهل بعد ليطمئن قلبك
هههههههه
مشكور على المرور الجميل بوعلي
:nice:

[chillis]

المقصد يا اخ خليفه مهب لازم دائما يمشي على رايها يكفي مشورتها والرجال الي يشاور مرته اكيد ببعض الامور يمشي على رايها بس لايقول لربعه ان ماشي على رأي الزوجه لانه بيضيع مسكين

[خليفـة]

لا اعترف بهذه المقوله

الله يخلي لنا حريمنا ولهم الحق في مشورتهم والاعتراف في رايهم وهم الاساس الله لا يحرمنا منهم

كفوا عليك اخوي بوحمد
والله يحفظ حريمنا
فيهم الخير والبركة ان شاء الله
:)
شكرا للمشاركة اخوي


موضوعك رائع وان شاء الله ما اخطيت باللي تبي اتوصله


بكتب عن تجربه
الجمله سمعتها من زوجي بداية زواجي وتضايقت منها ولو يقولها بمزح كان

لكن ما الومه المجتمع الرائع هو السبب وهو من نفسه وعقله يعرف ان هذا خطا ليست كل زوجه افكارها خاطئه

مع العشره لله الحمد ناخذ راي بعض ونشاور بعض ونطبق افكار بعض كل مره ما شاء الله

هذه الحياه الصحيحه وليست تطبيق قول فاشل من اشخاص فاشلين

بكل تأكيد ما ذكرتيه اختي ريم هو ما قصدته
فيه ناس .. للأسف يعتبرون الي ياخذ براي زوجته ماله شخصية
مع العلم ان قد يكون راي زوجته هو الأقرب لكبد الحقيقة
( حلوه كبد الحقيقة صح ! :nice: )

كل الشكر والتقدير لج اختي ريم لمشاركتنا تجربتج
وربي يوفقج ان شاء الله
:)


المقصد يا اخ خليفه مهب لازم دائما يمشي على رايها يكفي مشورتها والرجال الي يشاور مرته اكيد ببعض الامور يمشي على رايها بس لايقول لربعه ان ماشي على رأي الزوجه لانه بيضيع مسكين

هذا انتي قلتيها اختي شيليز
بيضيع المسكين !
على كل حال .. المفروض الزوج يحتفظ بما يدور بينه وبين زوجته لنفسه
ويرمي ورى ظهره كلام الناس
صدقوني .. الي يقول هالمقولة .. تلاقونه في بيته ما يدش الله يعزكم الحمام
الا بعد ما يشاور زوجته وتقول له :
روح بسرعه
وجدام الناس .. مسوي روحه هو الأسد البطل .. الي كله مخالفهم وما يعطيهم اعتبار
فقط لمجرد انه يحس ان هالشي مهم عند الي حوله

شكرا للمشاركة شيليز
:)

[شبل الجزيره]

خليفه... ياخوي بخصوص الريال الي في الصوره!!

هاي حنجه ولا مركب لحية لكسز؟ ههههههههههههههههه

[خليفـة]

خليفه... ياخوي بخصوص الريال الي في الصوره!!

هاي حنجه ولا مركب لحية رنج؟ ههههههههههههههههه

كتات لكزس وانت صاج
ههههه
جاوب ولا تطلع خارج الموضوع
:anger1:

[حبر وقرطاس]

المره الذكيه اللي تطيع زوجها
واذا سألها تجاوب قد السؤال
اكيد بسألها الامور اللي لها اطلاع وخبره فيه
عدى ذلك ما استشيرها بس اعطيها خبر

[رآعي موآجيب]

ثلاث ارباعنا مايدخل خيط في أبره إلا بشورها :funny:

لاتحسسني ان مالهم شور وكلمه :tease:

اليوم الخميس ياخليفه وشعلوم قهوتك escape

[خليفـة]

المره الذكيه اللي تطيع زوجها
واذا سألها تجاوب قد السؤال
اكيد بسألها الامور اللي لها اطلاع وخبره فيه
عدى ذلك ما استشيرها بس اعطيها خبر
صدقت والله
ونعم الراي اخوي
شكرا للمشاركة
:)



ثلاث ارباعنا مايدخل خيط في أبره إلا بشورها :funny:

لاتحسسني ان مالهم شور وكلمه :tease:

اليوم الخميس ياخليفه وشعلوم قهوتك escape

كلام في الصميم
هههههه
القهوه مستويه وتحتري جيتك يالغالي
:nice:

[حميداني]

البعض عندهم عقد نفسيه , ما يبي يحس انه زوجته أحسن منه في اي شيء حتى لو الموضوع مجرد راي
ما يعترف بها الا ضعيف الشخصيه المهزوز الغير واثق من نفسه

لا أعترف بها

[خليفـة]

البعض عندهم عقد نفسيه , ما يبي يحس انه زوجته أحسن منه في اي شيء حتى لو الموضوع مجرد راي
ما يعترف بها الا ضعيف الشخصيه المهزوز الغير واثق من نفسه

لا أعترف بها

تعجبني اخوي حميداني
وبالفعل .. شخصية الزوج لها دور كبير هنا
شاكر لك المشاركة اخوي
:)