سرقات البيوت في عين خالد

[tawareq]

من اسبوعين تقريبا اتم سرقات البيوت في عين خالد بس ايش يسرقون تتوقعون

سلندرات الغاز

من 10 ايام الخدامة حاطة سلندر غاز فاضي عند باب الصالة علشان تجي سيارة الغاز ويتم استبداله

لكن السلندر اختفى من البيت بعد كم يوم وللاسف كنت دايم اخلي الباب الرئيسي للبيت مقفول بس ذاك اليوم في المسا كان مفتوح واختفى السلندر وشكيت في الخدامة لكنها اكدت لي انها مالها ذنب

بس امس اختفى سلندرين من بيت اخوي وبيته لاصق في بيتي وكان هو موجود في البيت بس ما توقع ان احد يدخل الحوش ويبوق السلندرات قيمة السلندرين 700 ريال النوع الشفاف

معناه انه في عصابه تدور بين البيوت واتمنى الكل يحاسب على بيته واهل بيته واغراضه اللي في الحوش

والصراحة انا شاك في الشركة او السيارة اللي يدور في الفريج وويوزعون السلندرات لانهم عارفين وين ينحط هالسلندرات

للعلم اني اليوم ( الجمعه ) اتصلت في الشرطة ( الصناعية ) وقلتلهم باللي حصل وفهمته انه اليوم سلندرات غاز وبكرة بيكسر السيارات ويبوق اللي في السيارة وممكن يدخلون داخل البيوت في الليل
رد على واحد قال اذا صدنا حد بنبلغك او تعال قدم شكوى .

المهم حبيت انبه كل واحد وكل رب عائلة ان يحذر من هالعصابة ويحاول كل فترة واخرى يطل حوالين البيت والحوش

الله يستر على المسلمين

[MAZEN37]

باب مفتوح ممكن يصير كل شيئ
الله يرحم ايام لول البيبان مشرعه والنفوس طيبه

[ANONYMOUS]

الله يعينكم

عين خالد صارت منطقة عزاب

[معماري قطري]

مره في حوش بيتنا سيكل وجا رجال معاه واحد ثاني حسب ما عرفت من الخدامه ومن ولدي الصغير، نزل واحد عينك عينك في النهار وشال السيكل من داخل وقطه في بدي السيارة وشرد حتى رقمه ما عرفوه، ويقولون اثنينهم لابسين غتره وعقال والله أعلم شجنسيتهم.

جانا وقت كثير ما يهمهم الحلال وللسرقة أشكال كثيرة ولا يلتزمون بالوعد، وحكومتنا ما قصرت في إصدار القوانين والرقابة على المناطق السكنية، وبشوفة عيني مرة رجل الأمن المتخفي شهد واقعة دخول شخص لبيتي وبلغ عنها لكن ما لحقوا عليه الشرطة الا مضروب لين قال بس، وطلع الرجال قطري وسكران ومتهاوش وشارد وداخل البيت يبي يغير اللوك، فسرق نظارة شمسية نسائية ولبس ثوبي اللي طلع طويل عليه، وحظنا إن الشرطة كانت قريبة وان ما فيه سلاح في بيتي ولا عنده هو سلاح.

[بوحمد111]

لا تخرعوني ترى انا من سكان عين خالد ولله الحمد ما حصل هذا الشي عندي ويمكن عندهم خبر ان بيتي مطوق بكاميرات تصوير وتسجيل على مدار الساعه وعلى جميع الزوايا

الله يحفظنا ويحفظ جميع المسلمين

تحياتي

[الخزرجي قطر]

لاحول ولا قوة الا بالله العلي العظيم

[معماري قطري]

لا تخرعوني ترى انا من سكان عين خالد ولله الحمد ما حصل هذا الشي عندي ويمكن عندهم خبر ان بيتي مطوق بكاميرات تصوير وتسجيل على مدار الساعه وعلى جميع الزوايا

الله يحفظنا ويحفظ جميع المسلمين

تحياتي


يبي لي والله كاميرات اتوقع بتكون حل مجدي

[غروب الشمس]

ﺍﻧﺎ ﺑﻴﺘﻲ ﻭﺭﻯ ﻣﺸﺮﻭﻉ ﺑﺮﻭﻩ ﻳﻌﻨﻲ ﺗﺎﺑﻌﻪ ﻟﻌﻴﻦ ﺧﺎﻟﺪ ﺍﻧﺒﻘﻨﺎ ﻣﺮﺗﻴﻦ ﺑﺎﻟﻤﺮﻩ ﺍﻟﺎﻭﻟﻰ ﺍﺳﻠﺎﻙ ﺍﻟﻜﻴﺒﻞ ﻛﻠﻪ ﺍﻟﺪﺍﺧﻠﻲ ﺑﻌﺪﻫﺎ ﺣﻂﻴﻨﺎ ﻧﺎﻃﻮﺭ ﻭﻟﺎ ﺳﻠﻤﻨﺎ ﺑﺎﻗﻮﺍ ﺳﻠﻚ ﺍﻟﻜﻴﺒﻞ ﺍﻟﻠﻲ ﺑﺎﻟﺸﺎﺭﻉ